ANNESS I
Formola għal talba għal assistenza
Talba għal assistenza
Numru ta’ referenza:
Data:
Annessi: [Speċifika n-numru ta’ dokumenti/dokumenti ta’ sostenn mehmuża]
Informazzjoni ġenerali
MINGĦAND:
Stat Membru:
Awtorità rikjedenti:
Indirizz ġuridiku:
[Daħħal id-dettalji ta’ kuntatt tal-punt ta’ kuntatt maħtur kif imsemmi fl-Artikolu 2 tar-Regolament ta’ Implimentazzjoni tal-Kummissjoni (UE) 2018/292, jew tal-persuna maħtura bħala l-punt ta’ kuntatt sabiex tittratta din it-talba u identifikata hawn taħt]
Isem:
Telefon:
Posta elettronika:
LIL:
Stat Membru:
Awtorità li ssirilha t-talba:
Indirizz ġuridiku:
[Daħħal id-dettalji ta’ kuntatt tal-punt ta’ kuntatt maħtur kif imsemmi fl-Artikolu 2 tar-Regolament ta’ Implimentazzjoni tal-Kummissjoni (UE) 2018/292]
Isem:
Telefon:
Posta elettronika:
Għażiż(a) [Daħħal l-isem ix-xieraq]
F’konformità mal-Artikolu 3 tar-Regolament ta’ Implimentazzjoni tal-Kummissjoni (UE) 2018/292, l-assistenza tiegħek qed tintalab fir-rigward tal-kwistjoni(jiet) spjegati f’iktar dettall hawn taħt.
Inkun grat jekk nirċievi tweġiba għat-talba għal assistenza msemmija hawn fuq sa [daħħal data indikattiva ta’ tweġiba u f’każ ta’ talba urġenti daħħal data sa meta tkun tista’ tiġi pprovduta l-informazzjoni] jew, jekk dan mhuwiex possibbli, indikazzjoni dwar meta taħseb li tkun f’pożizzjoni li tipprovdi l-assistenza mitluba.
Tip ta’ talba għal assistenza
Jekk jogħġbok immarka l-kaxxa/i adattata/i
1. Għoti ta’ informazzjoni
2. Teħid ta’ dikjarazzjoni
3. Ftuħ ta’ investigazzjoni
4. Spezzjonijiet fuq il-post
5. Dwar l-irkupru ta’ sanzjonijiet
6. Tip ieħor ta’ assistenza
(eż. l-iffriżar jew is-sekwestru tal-assi, awtorizzazzjoni għal użu ieħor jew l-iżvelar suċċessiv…)
Raġunijiet għat-talba għal assistenza
[Daħħal id-dispożizzjoni(jiet) tal-leġiżlazzjoni settorjali li taħtha l-awtorità rikjedenti hija kompetenti biex tittratta l-kwistjoni]
It-talba tikkonċerna assistenza fi
[Daħħal deskrizzjoni tas-suġġett tat-talba, l-għan li għalih qed tintalab l-assistenza, il-fatti relatati mal-investigazzjoni bħala informazzjoni kuntestwali għat-talba u spjegazzjoni ta’ għalfejn din hija ta’ għajnuna biex twettaq id-doveri tagħha]
Sussegwentament għal
[Jekk applikabbli, daħħal id-dettalji tat-talba preċedenti sabiex tkun tista’ tiġi identifikata]
1. Għoti ta’ informazzjoni
(a) Jekk jogħġbok ipprovdi deskrizzjoni dettaljata tal-informazzjoni speċifika mitluba bir-raġunijiet l-għala dik l-informazzjoni se tkun ta’ assistenza u, jekk magħruf, lista tal-persuni meqjusa li għandhom l-informazzjoni mitluba jew tal-postijiet minn fejn tista’ tinkiseb din l-informazzjoni.
(b) Jekk it-talba tikkonċerna informazzjoni dwar tranżazzjoni jew ordni f’xi strument finanzjarju speċifiku, jekk jogħġbok ipprovdi l-informazzjoni li ġejja.
ID tal-prodott:
[Daħħal deskrizzjoni preċiża tal-istrument finanzjarju, inkluż il-kodiċi standard ta’ identifikazzjoni applikabbli bħalma huma l-kodiċi ISIN jew AII]
ID tal-persuna:
[Daħħal l-identità ta’ kwalunkwe persuna marbuta ma’ din it-tranżazzjoni jew l-ordni, inkluża persuna li tinnegozja fl-istrument finanzjarju jew il-persuna li jitqies li n-negozjar ikun sar f’isimha, u kwalunkwe kodiċi ta’ identifikazzjoni, bħall-kodiċi LEI jew il-kodiċi ID tal-klijent taħt ir-Regolament (UE) Nru 600/2014 tal-Parlament Ewropew u tal-Kunsill tal-15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012]
Dati:
[Daħħal id-dati li bejniethom ikunu saru tranżazzjonijiet jew ordnijiet f’dawk l-istrumenti finanzjarji inkluż, fil-każ ta’ perjodu ta’ żmien sinifikanti, ir-raġunijiet għalfejn huwa meħtieġ dan il-perjodu ta’ żmien kollu]
(c) Jekk it-talba tikkonċerna informazzjoni relatata man-negozju jew mal-attivitajiet ta’ persuna, jekk jogħġbok ipprovdi informazzjoni kemm jista’ jkun preċiża sabiex dik il-persuna tkun tista’ tiġi identifikata.
(d) Jekk ikun hemm konsiderazzjonijiet speċjali dwar is-sensittività tal-informazzjoni mitluba, jekk jogħġbok agħti indikazzjoni tas-sensittività tal-informazzjoni li tinsab fit-talba u ta’ kwalunkwe prekawzjoni speċjali li trid tittieħed fil-ġbir tal-informazzjoni minħabba kunsiderazzjonijiet investigattivi.
(e) Jekk jogħġbok agħti kwalunkwe informazzjoni addizzjonali.
[Jekk l-awtorità rikjedenti tkunx ġiet jew hix se tiġi f’kuntatt ma’ kwalunkwe awtorità jew aġenzija tal-infurzar tal-liġi oħra fl-Istat Membru tal-awtorità li ssirilha t-talba f’rabta mas-suġġett tat-talba jew kwalunkwe awtorità oħra li l-awtorità rikjedenti tkun taf li jkollha interess attiv fil-materja tas-suġġett tat-talba]
(f) F’każ ta’ talba urġenti u tal-iffissar ta’ xi skadenza, jekk jogħġbok agħti spjegazzjoni sħiħa dwar l-urġenza tat-talba u spjegazzjoni ta’ kwalunkwe skadenza li l-awtorità rikjedenti tkun talbet għall-informazzjoni li trid tiġi provduta.
2. Teħid ta’ dikjarazzjoni
Indika:
(a) In-natura tad-dikjarazzjoni mfittxija:
[Daħħal indikazzjoni ta’ preferenza, jekk hemm, dwar in-natura tad-dikjarazzjoni mitluba, eż. affermazzjoni jew struzzjonijiet legali oħra; fuq bażi volontarja jew imġiegħla, jekk applikabbli]
(b) Ħtieġa u għan tat-teħid ta’ dikjarazzjoni:
(c) Isem tal-persuna/i mingħand min trid tittieħed id-dikjarazzjoni:
[Daħħal id-dettalji tal-persuni mingħand min se tittieħed id-dikjarazzjoni, inkluż, fejn rilevanti, il-pożizzjoni tal-persuna u l-kumpanija, biex tippermetti li l-awtorità li ssirilha t-talba tibda torganizza it-teħid tad-dikjarazzjoni, inkluż l-proċess tat-tħarrik fejn applikabbli]
(d) Deskrizzjoni ddettaljata tal-informazzjoni mitluba, inkluż lista preliminari ta’ mistoqsijiet (jekk disponibbli fiż-żmien tat-talba).
(e) Kwalunkwe informazzjoni oħra li tista’ tkun utli:
[jekk il-persunal tal-awtorità rikjedenti huwiex jitlob li jipparteċipa fit-teħid tad-dikjarazzjoni, id-dettalji tal-uffiċjali tal-awtorità rikjedenti li se jipparteċipaw, fejn ikun xieraq, deskrizzjoni ta’ kwalunkwe rekwiżit legali u proċedurali li jrid jiġi rispettat sabiex tkun żgurata l-ammissibbiltà tad-dikjarazzjonijiet li jsiru waqt l-intervista fil-ġurisdizzjoni tal-awtorità rikjedenti]
3. Il-ftuħ ta’ investigazzjoni jew investigazzjoni konġunta
Jekk it-talba tikkonċerna l-ftuħ ta’ investigazzjoni f’isem l-awtorità rikjedenti, jekk jogħġbok ipprovdi informazzjoni biex l-awtorità li ssirilha t-talba tkun tista’ tivvaluta jekk jistax ikollha interess li tidħol f’investigazzjoni konġunta, inkluż il-proposta tal-awtorità rikjedenti għall-investigazzjoni, ir-raġunament tagħha u l-benefiċċji perċepiti għall-awtorità li ssirilha t-talba.
[Inkluż kull informazzjoni rilevanti meħtieġa mill-awtorità li ssirilha t-talba sabiex tkun tista’ tipprovdi l-assistenza meħtieġa billi tiftaħ investigazzjoni jew investigazzjoni konġunta, kif xieraq]
4. Il-ftuħ ta’ spezzjoni fuq il-post jew spezzjoni konġunta
Jekk it-talba tikkonċerna l-ftuħ ta’ spezzjoni fuq il-post f’isem l-awtorità rikjedenti, jekk jogħġbok ipprovdi informazzjoni biex l-awtorità li ssirilha t-talba tkun tista’ tivvaluta jekk jistax ikollha interess tidħol f’ispezzjoni konġunta fuq il-post, inkluż il-proposta tal-awtorità rikjedenti għal spezzjoni, ir-raġunament tagħha u l-benefiċċji perċepiti għall-awtorità li ssirilha t-talba.
[Inkluż kull informazzjoni rilevanti meħtieġa mill-awtorità li ssirilha t-talba sabiex tkun tista’ tipprovdi l-assistenza meħtieġa billi tiftaħ spezzjoni fuq il-post jew spezzjoni konġunta, kif xieraq]
L-Informazzjoni inkluża f’din it-talba għandha tinżamm kunfidenzjali skont l-Artikolu 11 tar-Regolament ta’ Implimentazzjoni tal-Kummissjoni (UE) 2018/292 u l-Artikolu 27 tar-Regolament (UE) Nru 596/2014. Ir-rekwiżiti tal-Artikolu 28 tar-Regolament (UE) Nru 596/2014 għandhom jiġu osservati fir-rigward ta’ kwalunkwe dejta persunali inkluża f’din it-talba.
Il-persuna ta’ kuntatt tiegħek għal kwalunkwe mistoqsija li jista’ jkollok fir-rigward ta’ kwalunkwe aspett ta’ din it-talba hija [Daħħal l-isem u d-dettalji ta’ kuntatt rilevanti: telefon, posta elettronika]
Dejjem tiegħek,
[Isem u firma]
