REGOLAMENT TA' IMPLIMENTAZZJONI TAL-KUMMISSJONI (UE) 2018/247

tal-15 ta' Frar 2018

li jikkonċerna l-awtorizzazzjoni tas-sustanzi 2,4,5-trimetiltijażol, 2-isobutiltijażol, 5-(2-idrossietil)-4-metiltijażol, 2-aċetiltijażol, 2-etil-4-metiltijażol, 5,6-diidro-2,4,6,tris(2-metilpropil)4H-1,3,5-ditijażina u kloridrat tat-tijamina bħala addittivi fl-għalf għall-ispeċijiet kollha ta' annimali

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u jipprevedi r-raġunijiet u l-proċeduri għall-għoti ta' din l-awtorizzazzjoni. L-Artikolu 10 ta' dak ir-Regolament jipprevedi l-evalwazzjoni mill-ġdid ta' addittivi awtorizzati skont id-Direttiva tal-Kunsill 70/524/KEE (2).

(2)

Is-sustanzi 2,4,5-trimetiltijażol, 2-isobutiltijażol, 5-(2-idrossietil)-4-metiltijażol, 2-aċetiltijażol, 2-etil-4-metiltijażol, 5,6-diidro-2,4,6,tris(2-metilpropil)4H-1,3,5-ditijażina u kloridrat tat-tijamina (“sustanzi kkonċernati”) ġew awtorizzati mingħajr limitu ta' żmien bid-Direttiva 70/524/KEE bħala addittivi fl-għalf għall-ispeċijiet kollha ta' annimali. Sussegwentement, dawk il-prodotti ddaħħlu fir-Reġistru tal-addittivi fl-għalf bħala prodotti eżistenti, skont l-Artikolu 10(1) tar-Regolament (KE) Nru 1831/2003.

(3)

Ġiet ippreżentata applikazzjoni għall-evalwazzjoni mill-ġdid tas-sustanzi kkonċernati bħala addittivi fl-għalf għall-ispeċijiet kollha ta' annimali, skont l-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu. L-applikant talab li dawk l-addittivi jiġu kklassifikati fil-kategorija tal-addittivi “addittivi sensorji”. Mal-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

Fl-opinjoni tagħha tat-13 ta' April 2016 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet proposti tal-użu, is-sustanzi kkonċernati ma għandhomx effetti avversi fuq is-saħħa tal-annimali, fuq is-saħħa tal-bniedem jew fuq l-ambjent. L-Awtorità kkonkludiet li peress li s-sustanzi kkonċernati jintużaw fl-ikel biex jagħtu t-togħma, u li l-funzjoni tagħhom fl-għalf hija essenzjalment l-istess bħal dik fl-ikel, ma hemmx bżonn li jkun hemm iktar provi tal-effikaċja tagħhom. Għalhekk, dik il-konklużjoni tista' tiġi estrapolata għall-għalf. L-applikant irtira l-applikazzjoni għall-użu tas-sustanzi kkonċernati fl-ilma tax-xorb.

(5)

L-Awtorità nnutat ukoll li għas-sustanzi kkonċernati, ġew rikonoxxuti xi perikli għall-ġilda, mill-kuntatt mal-għajnejn u mill-esponiment respiratorju. Il-biċċa l-kbira tas-sustanzi huma kklassifikati bħala irritanti għas-sistema respiratorja. Għaldaqstant, jenħtieġ li jittieħdu miżuri protettivi xierqa. L-Awtorità mhijiex tal-fehma li huma meħtieġa rekwiżiti speċifiċi għas-sorveljanza ta' wara t-tqegħid fis-suq. Hija vverifikat ukoll ir-rapport dwar il-metodu ta' analiżi tal-addittivi fl-għalf ippreżentat mil-Laboratorju ta' Referenza stabbilit permezz tar-Regolament (KE) Nru 1831/2003.

(6)	Il-valutazzjoni tas-sustanzi kkonċernati turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li jiġi awtorizzat l-użu ta' dawk is-sustanzi kif speċifikat fl-Anness ta' dan ir-Regolament.

(7)

L-applikant ippropona livelli ta' użu għas-sustanzi kkonċernati lill-Awtorità. Wara li kkunsidrat dik il-proposta, l-Awtorità kienet tal-fehma li ċerti livelli ta' użu huma sikuri (“livelli kkunsidrati mill-Awtorità”). Għall-fini tal-kontrolli uffiċjali tul il-katina tal-ikel, jenħtieġ li jiġu previsti ċerti rekwiżiti tat-tikkettar. B'mod partikolari, meta l-livelli ta' użu jaqbżu l-livelli kkunsidrati mill-Awtorità, huwa xieraq li jkun meħtieġ li t-tikketta ta' taħlitiet lesti minn qabel u t-tikkettar tal-materjali tal-għalf u tal-għalf kompost li jkun fihom is-sustanzi kkonċernati, jinkludu ċertu tagħrif inkluż referenza għal-livelli kkunsidrati mill-Awtorità.

(8)	Il-fatt li l-użu tas-sustanza kkonċernata fl-ilma tax-xorb mhuwiex awtorizzat ma jipprekludix l-użu tagħha fl-għalf kompost li jiġi mitmugħ mal-ilma.

(9)

Billi l-applikazzjoni immedjata tal-modifiki fil-kundizzjonijiet tal-awtorizzazzjoni għas-sustanzi kkonċernati mhijiex meħtieġa minħabba raġunijiet ta' sikurezza, jixraq li jingħata perjodu tranżizzjonali biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni.

(10)	Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Awtorizzazzjoni

Is-sustanzi speċifikati fl-Anness, li huma parti mill-kategorija tal-addittivi “addittivi sensorji” u mill-grupp funzjonali “komposti li jagħtu t-togħma”, huma awtorizzati bħala addittivi fl-għalf tal-annimali, soġġett għall-kundizzjonijiet stabbiliti f'dak l-Anness.

Artikolu 2

Miżuri tranżizzjonali

1. Is-sustanzi speċifikati fl-Anness u t-taħlitiet lesti minn qabel li jkun fihom dawk is-sustanzi, li huma parti mill-kategorija tal-addittivi “addittivi sensorji” u mill-grupp funzjonali “komposti li jagħtu t-togħma”, li jiġu prodotti u ttikkettati qabel il-15 ta' Settembru 2018 skont ir-regoli applikabbli qabel il-15 ta' Marzu 2018 jistgħu jibqgħu jitqiegħdu fis-suq u jintużaw sakemm jispiċċaw l-istokkijiet eżistenti.

2. Il-materjali tal-għalf u l-għalf kompost li jkun fihom is-sustanzi, li huma parti mill-kategorija tal-addittivi “addittivi sensorji” u mill-grupp funzjonali “komposti li jagħtu t-togħma” kif speċifikat fl-Anness, li jiġu prodotti u ttikkettati qabel il-15 ta' Marzu 2019 skont ir-regoli applikabbli qabel il-15 ta' Marzu 2018 jistgħu jibqgħu jitqiegħdu fis-suq u jintużaw sakemm jispiċċaw l-istokkijiet eżistenti jekk dawn ikunu maħsuba għall-annimali li jipproduċu l-ikel.

3. Il-materjali tal-għalf u l-għalf kompost li jkun fihom is-sustanzi, li huma parti mill-kategorija tal-addittivi “addittivi sensorji” u mill-grupp funzjonali “komposti li jagħtu t-togħma” kif speċifikat fl-Anness, li jiġu prodotti u ttikkettati qabel il-15 ta' Marzu 2020 skont ir-regoli applikabbli qabel il-15 ta' Marzu 2018 jistgħu jibqgħu jitqiegħdu fis-suq u jintużaw sakemm jispiċċaw l-istokkijiet eżistenti jekk dawn ikunu maħsuba għall-annimali li ma jipproduċux l-ikel.

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta' Frar 2018.

Għall-Kummissjoni

Il-President

Jean-Claude JUNCKER

(1) ĠU L 268, 18.10.2003, p. 29.

(2) Id-Direttiva tal-Kunsill 70/524/KEE tat-23 ta' Novembru 1970 li tirrigwarda addittivi f'għalf għall-bhejjem (ĠU L 270, 14.12.1970, p. 1).

(3) EFSA Journal 2016;14(4):4441.

ANNESS

Numru ta' identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija ta' annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu tal-awtorizzazzjoni

mg tas-sustanza attiva għal kull kg ta' għalf komplet b'kontenut ta' ndewwa ta' 12 %

Kategorija: Addittivi sensorji. Grupp funzjonali: Komposti li jagħtu t-togħma

2b15019

—

2,4,5-Trimetiltijażol

Kompożizzjoni tal-addittiv

2,4,5-Trimetiltijażol

Karatterizzazzjoni tas-sustanza attiva

Prodott bis-sinteżi kimika

Purità: assaġġ minimu ta' 97 %

Formula kimika: C6H9NS

Numru CAS: 13623-11-5

Numru FLAVIS: 15.019

Metodu ta' analiżi (1)

Għad-determinazzjoni ta' 2,4,5-trimetiltijażol fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

Għall-utenti tal-addittiv u tat-taħlitiet lesti minn qabel, l-operaturi tan-negozju tal-għalf għandhom jistabbilixxu proċeduri operattivi u miżuri organizzattivi biex jindirizzaw ir-riskji potenzjali mill-inalazzjoni, mill-kuntatt mal-ġilda jew mill-kuntatt mal-għajnejn. Meta dawk ir-riskji ma jkunux jistgħu jiġu eliminati jew imnaqqsa kemm jista' jkun bi proċeduri u b'miżuri bħal dawn, għandu jintuża tagħmir protettiv personali, inkluż il-protezzjoni għan-nifs kif ukoll in-nuċċalijiet u l-ingwanti tas-sikurezza, meta jintużaw l-addittiv u t-taħlitiet lesti minn qabel.

15.3.2028

2b15013

—

2-Isobutiltijażol

Kompożizzjoni tal-addittiv

2-Isobutiltijażol

Karatterizzazzjoni tas-sustanza attiva

2-Isobutiltijażol

Prodott bis-sinteżi kimika

Purità: assaġġ minimu ta' 96 %

Formula kimika: C7H11NS

Numru CAS: 18640-74-9

Numru FLAVIS: 15.013

Metodu ta' analiżi (1)

Għad-determinazzjoni ta' 2-isobutiltijażol fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

2b15014

—

5-(2-Idrossietil)-4-metiltijażol

Kompożizzjoni tal-addittiv

5-(2-Idrossietil)-4-metiltijażol

Karatterizzazzjoni tas-sustanza attiva

5-(2-Idrossietil)-4-metiltijażol

Prodott bis-sinteżi kimika

Purità: assaġġ minimu ta' 96 %

Formula kimika: C6H9ONS

Numru CAS: 137-00-8

Numru FLAVIS: 15.014

Metodu ta' analiżi (1)

Għad-determinazzjoni ta' 5-(2-idrossietil)-4-metiltijażol fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

2b15020

—

2-Aċetiltijażol

Kompożizzjoni tal-addittiv

2-Aċetiltijażol

Karatterizzazzjoni tas-sustanza attiva

2-Aċetiltijażol

Prodott bis-sinteżi kimika

Purità: assaġġ minimu ta' 97 %

Formula kimika: C5H5ONS

Numru CAS: 24295-03-2

Numru FLAVIS: 15.020

Metodu ta' analiżi (1)

Għad-determinazzjoni ta' 2-aċetiltijażol fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

2b15033

—

2-Etil-4-metiltijażol

Kompożizzjoni tal-addittiv

2-Etil-4-metiltijażol

Karatterizzazzjoni tas-sustanza attiva

2-Etil-4-metiltijażol

Prodott bis-sinteżi kimika

Purità: assaġġ minimu ta' 97 %

Formula kimika: C6H9NS

Numru CAS:15679-12-6

Numru FLAVIS: 15.033

Metodu ta' analiżi (1)

Għad-determinazzjoni ta' 2-etil-4-metiltijażol fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

2b15113

—

5,6-Diidro-2,4,6,tris(2-metilpropil)4H-1,3,5-ditijażina

Kompożizzjoni tal-addittiv

5,6-Diidro-2,4,6,tris(2-metilpropil)4H-1,3,5-ditijażina

Karatterizzazzjoni tas-sustanza attiva

5,6-Diidro-2,4,6,tris(2-metilpropil)4H-1,3,5-ditijażina

Prodott bis-sinteżi kimika

Purità: assaġġ minimu ta' 87 %

Formula kimika: C15H31NS2

Numru CAS: 74595-94-1

Numru FLAVIS: 15.113

Metodu ta' analiżi (1)

Għad-determinazzjoni ta' 5,6-diidro-2,4,6,tris(2-metilpropil)4H-1,3,5-ditijażina fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija b'fażi gassuża/spettrometrija ta' massa b'illokkjar tal-ħin ta' żamma GC-MS-RTL.

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

2b16027

—

Kloridrat tat-tijamina

Kompożizzjoni tal-addittiv

Kloridrat tat-tijamina

Karatterizzazzjoni tas-sustanza attiva

Kloridrat tat-tijamina

Prodott bis-sinteżi kimika

Purità: assaġġ minimu ta' 98 %

Formula kimika: C12H17ClN4OS · HCl

Numru CAS: 67-03-8

Numru FLAVIS: 16.027

Metodu ta' analiżi (1)

Għad-determinazzjoni tal-kloridrat tat-tijamina fl-addittiv fl-għalf u fit-taħlitiet lesti minn qabel li jagħtu t-togħma fl-għalf:

Kromatografija Likwida bi Prestazzjoni Għolja (HPLC) Farmakopea Ewropea (Ph. Eur. 6.0, metodu 01/2008:0303)

L-ispeċijiet kollha ta' annimali

—

1.	L-addittiv għandu jiġi inkorporat fl-għalf fil-forma ta' taħlita lesta minn qabel.

2.	Fl-istruzzjonijiet għall-użu tal-addittiv u tat-taħlitiet lesti minn qabel għandhom jiġu indikati l-kundizzjonijiet tal-ħżin u tal-istabbiltà.

3.	Fuq it-tikketta tal-addittiv għandu jiġi indikat dan li ġej: “Il-kontenut massimu rrakkomandat tas-sustanza attiva fl-għalf komplet b'kontenut ta' ndewwa ta' 12 %: 0,05 mg/kg.”

4.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikketta tat-taħlita lesta minn qabel meta l-livell ta' użu ssuġġerit fuq it-tikketta tat-taħlita minn qabel ikun iwassal biex jinqabeż il-livell imsemmi fil-punt 3.

5.	Il-grupp funzjonali, in-numru ta' identifikazzjoni, l-isem u l-ammont miżjud tas-sustanza attiva għandhom jiġu indikati fuq it-tikkettar tal-materjali tal-għalf u tal-għalf kompost, meta l-kontenut tas-sustanza attiva fl-għalf komplet b'kontenut ta' ndewwa ta' 12 % jaqbeż: 0,05 mg/kg.

15.3.2028

(1) Id-dettalji tal-metodi analitiċi huma disponibbli fl-indirizz tal-Laboratorju ta' Referenza li ġej: https://ec.europa.eu/jrc/en/eurl/feed-additives/evaluation-reports