|
2.3.2018 |
MT |
Il-Ġurnal Uffiċjali tal-Unjoni Ewropea |
L 60/40 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/313
tat-28 ta' Frar 2018
li temenda d-Deċiżjoni 2009/821/KE fir-rigward tal-lista ta' postijiet ta' spezzjoni fuq il-fruntiera u l-unitajiet veterinarji fi Traces
(notifikata bid-dokument C(2018) 1149)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u zootekniku applikabbli għall-kummerċ intra-Kommunitarju ta' ċertu annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 20(1) u (3) tagħha,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b'mod partikolari t-tieni sentenza tat-tieni sottoparagrafu tal-Artikolu 6(4) u l-Artikolu 6(5) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u b'mod partikolari l-Artikolu 6(2) tagħha,
Billi:
|
(1) |
Id-Deċiżjoni tal-Kummissjoni 2009/821/KE (4) tistabbilixxi lista ta' postijiet ta' spezzjoni fil-fruntiera approvati skont id-Direttivi 91/496/KEE u 97/78/KE. Dik il-lista hija stabbilita fl-Anness I ta' dik id-Deċiżjoni. |
|
(2) |
Il-Belġju informa lill-Kummissjoni li l-approvazzjoni taċ-ċentri ta' spezzjoni, Avia Partner u WFS, fl-ajruport ta' Brussel-Zaventem jenħtieġ li tiġi ristretta għal prodotti taħt ċerti temperaturi kkontrollati. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(3) |
Wara l-proposta mid-Danimarka, l-approvazzjoni għall-post ta' spezzjoni fil-fruntiera fil-port ta' København jenħtieġ li tiġi restritta għal prodotti ppakkjati biss. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(4) |
Il-Ġermanja infurmat lill-Kummissjoni li rtirat l-approvazzjoni għal prodotti għall-post ta' spezzjoni fil-fruntiera fl-ajruport ta' Hannover-Langenhagen. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(5) |
L-Irlanda infurmat lill-Kummissjoni li rtirat l-approvazzjoni għall-annimali ungulati ħajjin fil-post ta' spezzjoni fil-fruntiera fl-ajruport ta' Shannon. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(6) |
Spanja infurmat lill-Kummissjoni li ssospendiet l-approvazzjoni ta' post ta' spezzjoni fil-fruntiera fl-ajruport ta' Alicante fir-rigward ta' annimali ħajjin u ta' prodotti mhux maħsuba għall-konsum uman. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(7) |
Wara l-proposta minn Spanja, jenħtieġ li tiżdied l-approvazzjoni ta' ċentru ta' spezzjoni ġdid imsejjaħ Alaire fil-post ta' spezzjoni fil-fruntiera fl-ajruport ta' Madrid u jenħtieġ li terġa' tiddaħħal l-approvazzjoni għaċ-ċentru ta' spezzjoni imsejjaħ Frigalsa fil-post ta' spezzjoni fil-fruntiera fil-port ta' Vigo. Għalhekk, l-Anness I tad-Deċiżjoni 2009/821/KE jenħtieġ li jiġi emendat skont dan. |
|
(8) |
L-Anness II tad-Deċiżjoni 2009/821/KE jistabbilixxi l-lista tal-unitajiet ċentrali, reġjonali u lokali fis-sistema veterinarja kompjuterizzata integrata (Traces). |
|
(9) |
Wara li rċeviet informazzjoni mill-Kroazja, jenħtieġ li jsiru ċerti bidliet fil-lista ta' unitajiet lokali fit-Traces għal dak l-Istat Membru. Għalhekk id-Deċiżjoni 2009/821/KE jenħtieġ li tiġi emendata skont dan. |
|
(10) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Annessi I u II tad-Deċiżjoni 2009/821/KE huma emendati skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-28 ta' Frar 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 224, 18.8.1990, p. 29.
(2) ĠU L 268, 24.9.1991, p. 56.
(4) Id-Deċiżjoni tal-Kummissjoni 2009/821/KE tat-28 ta' Settembru 2009 dwar it-tfassil ta' lista approvata ta' postijiet ta' spezzjoni fuq il-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (ĠU L 296, 12.11.2009, p. 1).
ANNESS
L-Annessi I u II tad-Deċiżjoni 2009/821/KE huma emendati kif ġej:
|
(1) |
L-Anness I huwa emendat kif ġej:
|
|
(2) |
Fl-Anness II, fil-parti li tikkonċerna lill-Kroazja, dawn l-entrati jinbidlu b'dan li ġej:
|