25.1.2018   

MT

Il-Ġurnal Uffiċjali tal-Unjoni Ewropea

C 27/3

(1)

Ir-Regolament (KE) Nru 713/2009 jipprevedi li l-Kunsill jaħtar ħames membri u s-supplenti tagħhom fil-Bord Amministrattiv tal-Aġenzija għall-Kooperazzjoni tar-Regolaturi tal-Enerġija (“il-Bord Amministrattiv”).

(2)

Skont ir-Regolament (KE) Nru 713/2009, membru tal-Bord Amministrattiv ma jistax ikun membru tal-Bord tar-Regolaturi u l-membri tal-Bord Amministrattiv għandhom jaġixxu b’mod indipendenti u objettiv fl-interess pubbliku.

(3)

Bid-Deċiżjoni tat-22 ta’ Diċembru 2009 (2), il-Kunsill ħatar tliet membri u tliet membri supplenti fil-Bord Amministrattiv għal sitt snin, u żewġ membri u żewġ membri supplenti għal erba’ snin mid-data tal-pubblikazzjoni ta’ dik id-Deċiżjoni. Bid-Deċiżjoni tal-15 ta’ Novembru 2013 (3), il-Kunsill ħatar żewġ membri u tliet membri supplenti fil-Bord Amministrattiv għal perijodu ta’ erba’ snin mit-28 ta’ Jannar 2014. Bid-Deċiżjoni tal-15 ta’ Jannar 2016 (4), il-Kunsill ħatar tliet membri u żewġ membri supplenti fil-Bord Amministrattiv għal perijodu ta’ erba’ snin mit-28 ta’ Jannar 2016. Barra minn hekk, il-Kunsill ħatar membru supplenti fil-Bord Amministrattiv għal perijodu ta’ sentejn mit-28 ta’ Jannar 2016.

(4)

Fid-dawl tal-iskadenza tal-mandati ta’ erba’ snin ta’ żewġ membri u żewġ membri supplenti, l-iskadenza tal-mandat ta’ sentejn ta’ membru supplenti kif ukoll ir-riżenja ta’ membru supplenti mill-mandat tiegħu ta’ erba’ snin, jenħtieġ li jinħatru tliet membri u tliet membri supplenti biex jissostitwixxuhom. Barra minn hekk, fid-dawl tal-fatt li kandidat li bħalissa jaġixxi fuq mandat bħala membru supplenti għandu jinħatar bħala membru għal perijodu ta’ erba’ snin, jenħtieġ li jinħatar membru supplenti ieħor biex iwettaq dak il-mandat għall-bqija tat-terminu.

(5)

Barra minn hekk, minħabba r-riżenja tas-Sur Georgios SHAMMAS minn Ċipru u s-Sur Martin HANSEN mid-Danimarka mill-mandati tagħhom ta’ erba’ snin bħala membru u membru supplenti rispettivament, f’konformità mad-Dikjarazzjoni Konġunta magħmula minn Ċipru u d-Danimarka fil-Coreper fit-2 ta’ Diċembru 2015, jenħtieġ li s-Sur Martin HANSEN jinħatar bħala membru tal-Bord Amministrattiv għal perijodu ta’ sentejn mit-28 ta’ Jannar 2018 u li s-Sur Georgios SHAMMAS jinħatar bħala membru supplenti tal-Bord Amministrattiv għal perijodu ta’ sentejn mit-28 ta’ Jannar 2018,

—

Is-Sur Jochen PENKER, Awstrija

—

Is-Sur Jurijs SPIRIDONOVS, Latvja

—

Is-Sur Michel THIOLLIÈRE, Franza

—

Is-Sur Martin HANSEN, Danimarka

—

Is-Sur Pál KOVÁCS, Ungerija

—

Is-Sur Paweł PIKUS, Polonja

—

Is-Sur Diego VÁZQUEZ TEIJEIRA, Spanja

—

Is-Sur Ľubomír KUCHTA, Slovakkja

—

Is-Sur Georgios SHAMMAS, Ċipru