|
13.12.2017 |
MT |
Il-Ġurnal Uffiċjali tal-Unjoni Ewropea |
L 329/1 |
REGOLAMENT DELEGAT TAL-KUMMISSJONI (UE) 2017/2293
tat-3 ta' Awwissu 2017
dwar il-kundizzjonijiet għall-klassifikazzjoni, mingħajr ittestjar, ta' prodotti tal-injam kontrolaminat koperti bl-istandard armonizzat EN 16351 u prodotti tal-injam laminat b'fuljetta fina koperti bl-istandard armonizzat EN 14374, fir-rigward tar-reazzjoni tagħhom għan-nar
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta' Marzu 2011 li jistabbilixxi kundizzjonijiet armonizzati għall-kummerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b'mod partikolari l-Artikolu 27(5) tiegħu,
Billi:
|
(1) |
Bir-Regolament Delegat tal-Kummissjoni (UE) 2016/364 (2) ġiet adottata sistema għall-klassifikazzjoni tal-prestazzjoni tal-prodotti għall-bini rigward ir-reazzjoni tagħhom għan-nar. Il-prodotti tal-injam kontrolaminat u l-prodotti tal-injam laminat b'fuljetta fina huma prodotti għall-bini li għalihom japplika dak ir-Regolament Delegat. |
|
(2) |
It-testijiet urew li l-prodotti tal-injam kontolaminat koperti bl-istandard armonizzat EN 16351 u l-prodotti tal-injam maqtugħ laminat b'fuljetta fina koperti bl-istandard armonizzat EN 14374 għandhom prestazzjoni stabbli u prevedibbli rigward ir-reazzjoni tagħhom għan-nar diment li jissodisfaw ċerti kundizzjonijiet dwar il-forma tal-prodott kif ukoll l-installazzjoni tiegħu u d-densità u l-ħxuna medja tiegħu. |
|
(3) |
Għalhekk jenħtieġ li l-prodotti tal-injam kontrolaminat koperti bl-istandard armonizzat EN 16351 u l-prodotti tal-injam maqtugħ laminat b'fuljetta fina koperti bl-istandard armonizzat EN 14374 jitqiesu li jissodisfaw ċerta klassi ta' prestazzjoni tar-reazzjoni għan-nar stabbilita bir-Regolament Delegat (UE) 2016/364 meta jissodisfaw dawk il-kundizzjonijiet, mingħajr ma jenħtieġ aktar ittestjar, |
ADOTTAT DAN IR-REGOLAMENT:
Artikolu 1
Il-prodotti tal-injam kontrolaminat koperti bl-istandard armonizzat EN 16351 u l-prodotti tal-injam maqtugħ laminat b'fuljetta fina koperti bl-istandard armonizzat EN 14374 li jissodisfaw il-kundizzjonijiet stabbiliti fl-Anness, għandhom jitqiesu li jissodisfaw il-klassijiet ta' prestazzjoni indikati fl-Anness, mingħajr ittestjar.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Awwissu 2017.
Għall-Kummissjoni
Il-President
Jean-Claude JUNCKER
(2) Ir-Regolament Delegat tal-Kummissjoni (UE) 2016/364 tal-1 ta' Lulju 2015 dwar il-klassifikazzjoni tal-prestazzjoni tar-reazzjoni għan-nar tal-prodotti għall-bini skont ir-Regolament (UE) Nru 305/2011 tal-Parlament Ewropew u tal-Kunsill (ĠU L 68, 15.3.2016, p. 4).
ANNESS
Tabella 1
Il-klassijiet tal-prestazzjoni tar-reazzjoni għan-nar għall-prodotti tal-injam kontrolaminat u prodotti tal-injam maqtugħ laminat b'fuljetta fina għall-ħitan u s-soqfa
|
Prodott (1) |
Dettalji tal-prodott |
Densità medja minima (2) (kg/m3) |
Ħxuna globali minima (mm) |
Klassi (3) |
|
Prodotti tal-injam kontrolaminat koperti bl-istandard armonizzat EN 16351 |
Ħxuna minima tal-folja ta' 18 mm |
350 |
54 |
D-s2, d0 (4) |
|
Prodotti tal-injam maqtugħ laminat b'fuljetta fina koperti bl-istandard armonizzat EN 14374 |
Ħxuna minima tal-fuljetta fina ta' 3 mm |
400 |
18 |
D-s2, d0 (4) |
Tabella 2
Il-klassijiet tal-prestazzjoni tar-reazzjoni għan-nar għall-prodotti tal-injam kontrolaminat u prodotti tal-injam maqtugħ laminat b'fuljetta fina għall-pavimenti
|
Prodott (5) |
Dettalji tal-prodott |
Densità medja minima (6) (kg/m3) |
Ħxuna globali minima (mm) |
Klassi għall-pavimenti (7) |
|
Prodotti tal-injam kontrolaminat koperti bl-istandard armonizzat EN 16351 |
b'ħxuna minima tal-folja ta' 18 mm u b'wiċċ magħmul mill-arżnu |
430 |
54 |
DFL-s1 (8) |
|
Prodotti tal-injam kontrolaminat koperti bl-istandard armonizzat EN 16351 |
b'ħxuna minima tal-folja ta' 18 mm u b'wiċċ magħmul mill-abit |
400 |
54 |
DFL-s1 (8) |
|
Prodotti tal-injam maqtugħ laminat b'fuljetta fina koperti bl-istandard armonizzat EN 14374 |
b'ħxuna minima tal-fuljetta fina ta' 3 mm u b'wiċċ magħmul mill-arżnu |
480 |
15 |
DFL-s1 (8) |
|
Prodotti tal-injam maqtugħ laminat b'fuljetta fina koperti bl-istandard armonizzat EN 14374 |
b'ħxuna minima tal-fuljetta fina ta' 3 mm u b'wiċċ magħmul mill-arżnu |
430 |
20 |
DFL-s1 (8) |
|
Prodotti tal-injam maqtugħ laminat b'fuljetta fina koperti bl-istandard armonizzat EN 14374 |
b'ħxuna minima tal-fuljetta fina ta' 3 mm u b'wiċċ magħmul mill-abit |
400 |
15 |
DFL-s1 (8) |
(1) Japplika għall-ispeċijiet kollha u t-tipi kollha ta' kolla koperti bl-istandards tal-prodott.
(2) Ikkundizzjonat f'konformità mal-istandard EN 13238.
(3) Il-klassi kif stipulata fit-Tabella 1 tal-Anness tar-Regolament Delegat (UE) 2016/364.
(4) Il-klassi hi valida għal kull sottostrat jew għal spazju għall-arja wara.
(5) Japplika wkoll għat-turġien tat-taraġ.
(6) Ikkundizzjonat f'konformità mal-istandard EN 13238.
(7) Il-klassi kif stipulata fit-Tabella 2 tal-Anness tar-Regolament Delegat (UE) 2016/364.
(8) Il-klassi hi valida għal kull sottostrat jew għal spazju għall-arja wara.