|
30.6.2017 |
MT |
Il-Ġurnal Uffiċjali tal-Unjoni Ewropea |
L 167/16 |
REGOLAMENT TA' IMPLIMENTAZZJONI TAL-KUMMISSJONI (UE) 2017/1156
tas-27 ta' Ġunju 2017
li jemenda r-Regolament tal-Kummissjoni (KE) Nru 1385/2007 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 774/94 f'dak li jirrigwarda l-ftuħ u l-ġestjoni ta' ċerti kwoti tariffarji tal-Komunità fis-settur tal-laħam tat-tjur
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikulari il-punt (a) tal-Artikolu 187 tiegħu,
Billi:
|
(1) |
Il-Ftehim fil-forma ta' Skambju ta' Ittri bejn l-Unjoni Ewropea u r-Repubblika Federattiva tal-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 fir-rigward tal-modifika ta' konċessjonijiet fl-Iskeda tar-Repubblika tal-Kroazja fil-kuntest tal-adeżjoni tagħha mal-Unjoni Ewropea (2), (“il-Ftehim”) ġie ffirmat fil-25 ta' Novembru 2016. L-iffirmar f'isem l-Unjoni u l-Istati Membri tagħha ġie awtorizzat permezz tad-Deċiżjoni tal-Kunsill (UE) 2016/1995 (3) u l-konklużjoni tiegħu permezz tad-Deċiżjoni tal-Kunsill (UE) 2017/730 (4). |
|
(2) |
Skont it-termini tal-Ftehim, l-Unjoni Ewropea għandha talloka ammont addizzjonali ta' 4 766 tunnellata lill-allokazzjoni attwali għall-Brażil skont il-kwota tariffarja tal-UE “Qatgħat ta' tjur tal-ispeċi gallus domesticus, iffriżati”, il-linji tariffarji tal-oġġett 0207.14.10, 0207.14.50 u 0207.14.70, filwaqt li tinżamm ir-rata preżenti ta' 0 %, u għandha talloka ammont addizzjonali ta' 610 000 tunnellata lill-allokazzjoni attwali għall-Brażil skont il-kwota tariffarja tal-UE “Qatgħat tad-dundjan, iffriżati”, il-linji tariffarji tal-oġġett 0207.27.10, 0207.27.20 u 0207.27.80, filwaqt li tinżamm ir-rata preżenti fil-kwota ta' 0 %. |
|
(3) |
Ir-Regolament tal-Kummissjoni (KE) Nru 1385/2007 (5) jipprovdi għall-ftuħ u l-amministrazzjoni ta' ċerti kwoti tariffarji tal-importazzjoni tal-UE għal-laħam tat-tjur, inklużi mill-Brażil. Huwa xieraq li dan ir-regolament jiġi emendat biex jitqiesu l-kwantitajiet addizzjonali allokati skont il-Ftehim. |
|
(4) |
Għall-2017, il-kwantitajiet addizzjonali ta' laħam tat-tjur għandhom jiġu kkalkolati fuq bażi pro rata, abbażi tal-kwantità annwali addizzjonali skont il-Ftehim u li jittieħed kont tad-data tad-dħul fis-seħħ ta' dan il-Ftehim. |
|
(5) |
Il-Ftehim jibda' jseħħ fit-30 ta' Ġunju 2017. Fid-dawl tal-fatt li l-kwoti tal-laħam tat-tjur kkonċernati minn dan il-Ftehim huma amministrati fuq bażi trimestrali u li l-applikazzjoni li tibda mill-1 ta' Lulju 2017 għal perjodu ta' tliet xhur kienet tkun skadiet fil-mument tad-dħul fis-seħħ ta' dan il-Ftehim, jenħtieġ li l-kwantitajiet addizzjonali skont il-Ftehim għas-sena 2017 jsiru disponibbli għall-applikazzjoni subperjodu li jibda fl-1 ta' Ottubru 2017. |
|
(6) |
Mill-perjodu tal-kwota li jibda mill-1 ta' Jannar 2018, jenħtieġ li l-kwantitajiet addizzjonali annwali sħaħ tal-laħam tat-tjur skont il-Ftehim jkunu disponibbli. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Anness I tar-Regolament (KE) Nru 1385/2007 jinbidel bit-test stipulat fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Ġunju 2017.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Il-Ftehim fil-forma ta' Skambju ta' Ittri bejn l-Unjoni Ewropea u r-Repubblika Federattiva tal-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 fir-rigward tal-modifika ta' konċessjonijiet fl-iskeda tar-Repubblika tal-Kroazja fil-kuntest tal-adeżjoni tagħha mal-Unjoni Ewropea (ĠU L 108. 26.4.2017, p. 3).
(3) Id-Deċiżjoni tal-Kunsill (UE) 2016/1995 tal-11 ta' Novembru 2016 dwar l-iffirmar, f'isem l-Unjoni Ewropea, tal-Ftehim fil-forma ta' Skambju ta' Ittri bejn l-Unjoni Ewropea u r-Repubblika Federattiva tal-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 fir-rigward tal-modifika ta' konċessjonijiet fl-iskeda tar-Repubblika tal-Kroazja fil-kuntest tal-adeżjoni tagħha mal-Unjoni Ewropea (ĠU L 308, 16.11.2016, p. 1).
(4) Id-Deċiżjoni tal-Kunsill (UE) 2017/730 tal-25 ta' April 2017 dwar il-konklużjoni tal-Ftehim fil-forma ta' Skambju ta' Ittri bejn l-Unjoni Ewropea u r-Repubblika Federattiva tal-Brażil skont l-Artikolu XXIV: 6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 fir-rigward tal-modifika tal-konċessjonijiet fl-iskeda tar-Repubblika tal-Kroazja matul l-adeżjoni tagħha mal-Unjoni Ewropea (ĠU L 108, 26.4.2017, p. 1).
(5) Ir-Regolament tal-Kummissjoni (KE) Nru 1385/2007 tas-26 ta' Novembru 2007 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 774/94 f'dak li jirrigwarda l-ftuħ u l-ġestjoni ta' ċerti kwoti tariffarji tal-Komunità fis-settur tal-laħam tat-tjur (ĠU L 309, 27.11.2007, p. 47).
ANNESS
ANNESS I
Għall-perjodu tal-kwota mill-1 ta' Jannar 2017 sal-31 ta' Diċembru 2017:
IR-RATA TA' TNAQQIS TAD-DAZJU FFISSAT FIL-LIVELL TA' 100 %
Tiġieġ
|
(tunnellati) |
|||||
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali għall-2017 |
Il-kwantità addizzjonali disponibbli għar-raba' subperjodu tal-kwota fl-2017 (*1) |
|
il-Brażil |
1 |
09.4410 |
0207 14 10 0207 14 50 0207 14 70 |
11 932 |
2 396 |
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali għall-2017 |
|
it-Tajlandja |
2 |
09.4411 |
0207 14 10 0207 14 50 0207 14 70 |
5 100 |
|
Oħrajn |
3 |
09.4412 |
0207 14 10 0207 14 50 0207 14 70 |
3 300 |
Dundjan
|
(tunnellati) |
|||||
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali għall-2017 |
Il-kwantità addizzjonali disponibbli għar-raba' subperjodu tal-kwota fl-2017 (*2) |
|
il-Brażil |
4 |
09.4420 |
0207 27 10 0207 27 20 0207 27 80 |
4 300 |
307 |
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali għall-2017 |
|
Oħrajn |
5 |
09.4421 |
0207 27 10 0207 27 20 0207 27 80 |
700 |
|
Erga omnes |
6 |
09.4422 |
0207 27 10 0207 27 20 0207 27 80 |
2 485 |
Għall-perjodu tal-kwota li jibda mill-1 ta' Jannar 2018:
IR-RATA TA' TNAQQIS TAD-DAZJU STABBILIT FIL-LIVELL TA' 100 %
Tiġieġ
|
(tunnellati) |
||||
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali |
|
il-Brażil |
1 |
09.4410 |
0207 14 10 0207 14 50 0207 14 70 |
16 698 |
|
it-Tajlandja |
2 |
09.4411 |
0207 14 10 0207 14 50 0207 14 70 |
5 100 |
|
Oħrajn |
3 |
09.4412 |
0207 14 10 0207 14 50 0207 14 70 |
3 300 |
Dundjan
|
(tunnellati) |
||||
|
Il-pajjiż |
In-numru tal-grupp |
In-numru tal-ordni |
Il-kodiċi NM |
Il-kwantitajiet annwali |
|
il-Brażil |
4 |
09.4420 |
0207 27 10 0207 27 20 0207 27 80 |
4 910 |
|
Oħrajn |
5 |
09.4421 |
0207 27 10 0207 27 20 0207 27 80 |
700 |
|
Erga omnes |
6 |
09.4422 |
0207 27 10 0207 27 20 0207 27 80 |
2 485 |
(*1) Il-kwantità addizzjonali ssir disponibbli f'konformità mal-Ftehim bejn l-Unjoni Ewropea u l-Brażil li daħal fis-seħħ fit-30 ta' Ġunju 2017. Din il-kwantità addizzjonali tiġi kkalkulata fuq bażi pro rata għall-perjodu mit-30 ta' Ġunju 2017 sal-31 ta' Diċembru 2017 u hija disponibbli għall-applikazzjonijiet tal-liċenzja għas-subperjodu tal-kwota li jibda fl-1 ta' Ottubru 2017.
(*2) Il-kwantità addizzjonali ssir disponibbli f'konformità mal-Ftehim bejn l-Unjoni Ewropea u l-Brażil li daħal fis-seħħ fit-30 ta' Ġunju 2017. Din il-kwantità addizzjonali tiġi kkalkulata fuq bażi pro rata għall-perjodu mit-30 ta' Ġunju 2017 sal-31 ta' Diċembru 2017 u hija disponibbli għall-applikazzjonijiet tal-liċenzja għas-subperjodu tal-kwota li jibda fl-1 ta' Ottubru 2017.