REGOLAMENT TA' IMPLIMENTAZZJONI TAL-KUMMISSJONI (UE) 2017/788

tat-8 ta' Mejju 2017

li jemenda r-Regolament ta' Implimentazzjoni tal-Kummissjoni (UE) Nru 1243/2014 li jistabbilixxi regoli skont ir-Regolament (UE) Nru 508/2014 tal-Parlament Ewropew u tal-Kunsill dwar il-Fond Ewropew għall-Affarijiet Marittimi u s-Sajd fir-rigward tal-informazzjoni li għandha tintbagħat mill-Istati Membri, kif ukoll dwar ir-rekwiżiti tad-data (dejta) u s-sinerġiji bejn sorsi potenzjali tad-dejta

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 508/2014 tal-Parlament Ewropew u tal-Kunsill tal-15 ta' Mejju 2014 dwar il-Fond Ewropew għall-Affarijiet Marittimi u s-Sajd u li jħassar ir-Regolamenti tal-Kunsill (KE) Nru 2328/2003, (KE) Nru 861/2006, (KE) Nru 1198/2006 u (KE) Nru 791/2007 (UE) u r-Regolament (UE) Nru 1255/2011 tal-Parlament Ewropew u tal-Kunsill (1), u b'mod partikolari l-Artikolu 107(3) tiegħu,

Billi:

(1)

Ir-Regolament ta' Implimentazzjoni tal-Kummissjoni (UE) Nru 1243/2014 (2) jistabbilixxi d-dejta li jridu jirreġistraw u jipprovdu lill-Kummissjoni l-Istati Membri biex ikun jista' jsir il-monitoraġġ u l-evalwazzjoni ta' operazzjonijiet sostnuti b'ġestjoni kondiviża mill-Fond Ewropew għall-Affarijiet Marittimi u s-Sajd (FEMS).

(2)

Skont l-Artikolu 3 tar-Regolament ta' Implimentazzjoni (UE) Nru 1243/2014, dik id-dejta għandha tiġi aġġornata fil-ħin tal-approvazzjoni ta' kull operazzjoni u fil-ħin meta din tintemm. B'kuntrast ma' dan, ir-rapport dwar il-progress tal-implimentazzjoni tal-programm operazzjonali, meħtieġ skont l-Artikolu 50 tar-Regolament (UE) Nru 1303/2013 tal-Parlament Ewropew u tal-Kunsill (3), irid jintbagħat kull sena mill-Istati Membri, bid-dejta aġġornata kull sena sat-tmiem tas-sena ta' qabel. Barra minn hekk, hemm ukoll id-disparitajiet fil-kontenut tad-dejta taż-żewġ rapporti u dan jimponi piż amministrattiv żejjed fuq l-Istati Membri li jkunu qegħdin iħejju r-rapporti.

(3)

Biex tiżdied il-konsistenza bejn ir-rapporti differenti u b'hekk tkun aktar sempliċi biex wieħed jissodisfa l-obbligi tar-rappurtar, jeħtieġ li d-dejta meħtieġa skont ir-Regolament ta' Implimentazzjoni (UE) Nru 1243/2014 tiġi aġġornata kull sena wkoll, u jeħtieġ li tkun dwar l-istess sett ta' operazzjonijiet u ta' dejta koperti mir-rapport dwar l-implimentazzjoni msemmi fl-Artikolu 50 tar-Regolament (UE) Nru 1303/2013.

(4)

Ir-Regolament ta' Implimentazzjoni (UE) Nru 1243/2014 jistabbilixxi l-informazzjoni li għandha tintbagħat mill-Istati Membri. Ir-Regolament ta' Implimentazzjoni tal-Kummissjoni (UE) Nru 1242/2014 (4) jistabbilixxi r-regoli dwar il-preżentazzjoni tad-dejta kumulattiva rilevanti dwar l-operazzjonijiet. Biex jiġi ċċarat li dawn ir-Regolamenti jirreferu għall-istess obbligi tar-rappurtar mill-Istati Membri, għandha tiġi stabbilita rabta ċara bejn iż-żewġ Regolamenti u l-obbligi tar-rappurtar imposti minnhom.

(5)	Għaldaqstant jeħtieġ li r-Regolament ta' Implimentazzjoni (UE) Nru 1243/2014 jiġi emendat skont dan.

(6)	Il-miżuri previsti f'dan ir-Regolament huma bi qbil mal-opinjoni tal-Kumitat għall-Fond Ewropew għall-Affarijiet Marittimi u s-Sajd,

ADOTTAT DAN IR-REGOLAMENT:

Artikolu 1

Ir-Regolament ta' Implimentazzjoni (UE) Nru 1243/2014 huwa emendat kif ġej:

(1)

Fl-Artikolu 2, il-paragrafu 2 huwa sostitwit b'dan li ġej:

“2. Il-lista tad-dejta għandha tiġi rreġistrata u tintbagħat lill-Kummissjoni sal-31 ta' Marzu kull sena, skont il-mudelli stabbiliti fl-Annessi tar-Regolament ta' Implimentazzjoni tal-Kummissjoni (UE) Nru 1242.2014 (*1), għal kull operazzjoni li tintgħażel għall-finanzjament skont il-programm operazzjonali msostni mill-Fond Ewropew għall-Affarijiet Marittimi u s-Sajd.

(*1) ir-Regolament ta' Implimentazzjoni tal-Kummissjoni (UE) Nru 1242/2014 tal-20 ta' Novembru 2014 li jistabbilixxi regoli skont ir-Regolament (UE) Nru 508/2014 tal-Parlament Ewropew u tal-Kunsill dwar il-Fond Ewropew Marittimu u s-Sajd rigward il-preżentazzjoni ta' data (dejta) kumulattiva rilevanti dwar l-operazzjonijiet. (ĠU L 334, 21.11.2014, p. 11).”;"

(2)	jitħassar l-Artikolu 3;

(3)	it-tabella fil-Parti A tal-Anness I hija mibdula bit-tabella elenkata fl-Anness I ta' dan ir-Regolament.

(4)	it-tabella fil-Parti B tal-Anness I hija mibdula bit-tabella fl-Anness II ta' dan ir-Regolament.

(5)	it-tabella fil-Parti C tal-Anness I hija mibdula bit-tabella fl-Anness III ta' dan ir-Regolament.

(6)	it-tabella fil-Parti D tal-Anness I hija mibdula bit-tabella fl-Anness IV ta' dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-8 ta' Mejju 2017.

Għall-Kummissjoni

Il-President

Jean-Claude JUNCKER

(1) ĠU L 149, 20.5.2014, p. 1.

(2) Ir-Regolament ta' Implimentazzjoni tal-Kummissjoni (UE) Nru 1243/2014 tal-20 ta' Novembru 2014 li jistabbilixxi regoli skont ir-Regolament (UE) Nru 508/2014 tal-Parlament Ewropew u tal-Kunsill dwar il-Fond Ewropew għall-Affarijiet Marittimi u s-Sajd fir-rigward tal-informazzjoni li għandha tintbagħat mill-Istati Membri, kif ukoll dwar ir-rekwiżiti tad-data (dejta) u s-sinerġiji bejn sorsi potenzjali tad-dejta (ĠU L 334, 21.11.2014, p. 39).

(3) Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, p. 320.)

(4) Ir-Regolament ta' Implimentazzjoni tal-Kummissjoni (UE) Nru 1242/2014 tal-20 ta' Novembru 2014 li jistabbilixxi regoli skont ir-Regolament (UE) Nru 508/2014 tal-Parlament Ewropew u tal-Kunsill dwar il-Fond Ewropew Marittimu u s-Sajd rigward il-preżentazzjoni ta' data (dejta) kumulattiva rilevanti dwar l-operazzjonijiet (ĠU L 334, 21.11.2014, p. 11).

ANNESS I

“IL-PARTI A

Informazzjoni amministrativa

Entrata	Il-kontenut tal-entrata	Deskrizzjoni	Ħtiġijiet u sinerġiji tad-dejta
1	CCI	Kodiċi Komuni ta' Identifikazzjoni tal-programm operazzjonali	L-entrata tad-dejta 19 tal-Anness III tar-Regolament Delegat tal- Kummissjoni (UE) Nru 480/2014 (1)
2	L-identifikatur Uniku tal-Operazzjoni (ID)	Meħtieġ għall-operazzjonijiet kollha appoġġati mill-Fond	L-entrata tad-dejta 5 tal-Anness III tar-Regolament Delegat (UE) Nru 480/2014.
3	Isem l-operazzjoni	Jekk dan huwa disponibbli u jekk l-entrata 2 hija numru	L-entrata tad-dejta 5 tal-Anness III tar-Regolament Delegat (UE) Nru 480/2014.
4	In-numru tal-bastiment “In-numru tar-Reġistru tal-Flotta tal-Komunità” (CFR (2))	Fejn hu rilevanti	Speċifiku għall-FEMS
5	Il-kodiċi NUT (3)	Daħħal l-aktar livell tan-NUTS rilevanti (awtomatikament = il-livell III)	Speċifiku għall-FEMS
6	Benefiċjarju	Isem il-benefiċjarju (entitajiet legali u persuni fiżiċi biss skont il-liġi nazzjonali)	L-entrata tad-dejta 1 tal-Anness III tar-Regolament Delegat (UE) Nru 480/2014
7	Is-sess tal-benefiċjarju	Fejn hu rilevanti (il-valur possibbli: 1: raġel, 2: mara, 3: ieħor)	Speċifiku għall-FEMS
8	Id-daqs tal-intrapriża	Fejn hu rilevanti (4) (il-valuri possibbli: 1: mikro, 2: żgħira, 3: medja, 4: kbira)	Speċifiku għall-FEMS
9	L-istat ta' progress tal-operazzjoni	numru wieħed: il-kodiċi 0= operazzjoni koperta b'deċiżjoni li tagħti l-għajnuna iżda li ma ġiet iddikjarata l-ebda nefqa għaliha lill-Awtorità ta' Ġestjoni mill-benefiċjarju il-kodiċi 1= operazzjoni interrotta wara implimentazzjoni parzjali (li ġiet iddikjarata xi nefqa għaliha mill-benefiċjarju lill-Awtorità ta' Ġestjoni) il-kodiċi 2= operazzjoni abbandunata wara implimentazzjoni parzjali (li ġiet iddikjarata xi nefqa għaliha lill-Awtorità ta' Ġestjoni mill-benefiċjarju) il-kodiċi 3= operazzjoni kompluta (li għaliha n-nefqiet kollha tħallsu lill-benefiċjarju) il-kodiċi 4= operazzjoni li qed tiġi implimentata (li għaliha ġiet iddikjarata xi nefqa lill-Awtorità ta' Ġestjoni mill-benefiċjarju) il-kodiċi 5= operazzjoni implimentata bis-sħiħ (iżda li mhux bilfors tħallsu lill-benefiċjarju n-nefqiet kollha għaliha)	Speċifiku għall-FEMS

(1) Ir-Regolament ta' Delega tal-Kummissjoni (UE) Nru 480/2014 tat-3 ta' Marzu 2014 li jissupplimenta r-Regolament (UE) Nru 1303/2013 tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta'Koeżjoni u l-Fond Ewropew għall-Affarijiet Marittimi u s-Sajd (ĠU L 138, 13.5.2014, p. 5).

(2) L-Anness I tar-Regolament tal-Kummissjoni (KE) Nru 26/2004 tat-30 ta' Diċembru 2003 dwar ir-reġistru tal-flotta tas-sajd tal-Komunità (ĠU L 5, 9.1.2004, p. 25).

(3) Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta' Mejju 2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS) (ĠU L 154, 21.6.2003, p. 1).

(4) Skont l-Artikolu 2(28) tar-Regolament (UE) Nru 1303/2013 tas-17 ta' Diċembru 2013 (ĠU L 347, 20.12.2013, p. 320) għall-SMEs.”

ANNESS II

“IL-PARTI B

Tbassir tan-nefqa (Bil-munita applikabbli għall-operazzjoni)

Entrata	Il-kontenut tal-entrata	Deskrizzjoni	Ħtiġijiet u sinerġiji tad-dejta
10	L-ispiża totali eliġibbli	L-ammont tal-ispiża totali eliġibbli tal-operazzjoni approvata fid-dokument li jistabbilixxi l-kundizzjonijiet għall-appoġġ	L-entrata tad-dejta 41 tal-Anness III tar-Regolament Delegat (UE) Nru 480/2014
11	L-ispiża pubblika eliġibbli totali	L-ammont totali tal-ispejjeż eliġibbli li jikkostitwixxu nefqa pubblika kif iddefinita fl-Artikolu 2(15) tar-Regolament (UE) Nru 1303/2013	L-entrata tad-dejta 42 tal-Anness III tar-Regolament Delegat (UE) Nru 480/2014
12	L-appoġġ mill-FEMS	L-ammont ta' appoġġ mill-FEMS, kif indikat fid-dokument li jistabbilixxi l-kundizzjonijiet għall-appoġġ	Speċifiku għall-FEMS
13	Id-data tal-approvazzjoni	Id-data tal-ħruġ tad-dokument li jistabbilixxi l-kundizzjonijiet għall-appoġġ	L-entrata tad-dejta 12 tal-Anness III tar-Regolament Delegat (UE) Nru 480/2014”

ANNESS III

“IL-PARTI C

Implimentazzjoni finanzjarja tal-operazzjoni (f'EUR)

Entrata	Il-kontenut tal-entrata	Deskrizzjoni	Ħtiġijiet u sinerġiji tad-dejta
14	In-nefqa eliġibbli totali	In-nefqa eliġibbli totali ddikjarata mill-benefiċjarju lill-Awtorità ta' Ġestjoni bħala talba/talbiet għall-ħlas	L-entrata tad-dejta 46 tal-Anness III tar-Regolament Delegat (UE) Nru 480/2014
15	In-nefqa pubblika eliġibbli totali	L-infiq pubbliku kif iddefinit fl-Artikolu 2(15) tar-Regolament (UE) Nru 1303/2013, li jikkorrispondi man-nefqa eliġibbli ddikjarata mill-benefiċjarju lill-Awtorità ta' Ġestjoni bħala talba/talbiet għall-ħlas	L-entrata tad-dejta 47 tal-Anness III tar-Regolament Delegat (UE) Nru 480/2014
16	In-nefqa eliġibbli tal-FEMS	In-nefqa tal-FEMS li tikkorrispondi man-nefqa eleġibbli ddikjarata mill-benefiċjarju lill-Awtorità ta' Ġestjoni bħala talba/talbiet għall-ħlas	Speċifiku għall-FEMS
17	Id-data tal-aħħar pagament lill-benefiċjarju		L-entrata tad-dejta 45 tal-Anness III tar-Regolament Delegat (UE) Nru 480/2014 (id-data tal-pagament finali biss lill-benefiċjarju)”

ANNESS IV

“IL-PARTI D

Id-dejta dwar l-implimentazzjoni tal-operazzjoni

Entrata	Il-kontenut tal-entrata	Kumment	Ħtiġijiet u sinerġiji tad-dejta
18	Il-miżura kkonċernata	Il-kodiċi tal-miżura (ara l-Anness II)	Speċifiku għall-FEMS
19	Indikatur tal-output	Valur numeriku	Speċifiku għall-FEMS
20	Id-dejta dwar l-implimentazzjoni tal-operazzjoni	Ara l-Anness II	Speċifiku għall-FEMS
21	Il-valur tad-dejta dwar l-implimentazzjoni	Valur numeriku	Speċifiku għall-FEMS (għandu jiġi aġġornat darbtejn biss, meta l-entrata 9 tkun l-istess bħall-kodiċi 0 u l-kodiċi 5)”