(a)

jwettaq il-karatterizzazzjoni ġenomika, jagħmel analiżi filoġenetika (ir-relazzjoni ma' razez oħrajn tal-istess virus) u jaħżen razez tal-viruses tal-capripox sabiex jiffaċilita s-servizzi djanjostiċi fl-Unjoni u, fejn hu xieraq u meħtieġ, pereżempju sabiex isiru segwiti epidemjoloġiċi jew verifika ta' djanjożi;

(b)

jibni u jżomm kollezzjoni aġġornata ta' razez u iżolati tal-viruses tal-capripox u sjeri speċifiċi u reaġenti oħra meħtieġa għad-dijanjosi tal-mard meta u jekk ikunu disponibbli;

(c)

jarmonizza d-djanożi u l-iżgurar tal-profiċjenza tal-ittestjar fl-Unjoni billi jorganizza u jħaddem provi komparattivi bejn il-laboratorji perjodiċi u eżerċizzji assikurattivi esterni ta' kwalità dwar id-djanjożi ta' dak il-mard fil-livell tal-Unjoni u permezz ta' trażmissjoni perjodika tar-riżultati ta' provi bħal dawn lill-Kummissjoni, l-Istati Membri u l-laboratorji nazzjonali nominati għad-djanjożi ta' dawk il-mardiet;

(d)

iżomm l-għarfien espert dwar dak il-mard biex jippermetti djanjożi differenzjali rapida, b'mod partikolari, viżavì mardiet virali rilevanti oħrajn;

(e)

iwettaq studji ta' riċerka bl-għan li jiżviluppa metodi aħjar ta' kontroll tal-marda b'kollaborazzjoni mal-Laboratorji Nazzjonali nnominati għad-djanjożi ta' dak il-mard kif miftiehem mal-Kummissjoni;

(f)

jagħti pariri lill-Kummissjoni dwar aspetti xjentifiċi relatati mal-viruses tal-capripox u, b'mod partikolari, dwar l-għażla u l-użu ta' varjetajiet tat-tilqim bil-viruses tal-capripox.

(a)

jaħżen, u jipprovdi sjeri standard u reaġenti oħra ta' referenza, bħal viruses, antiġeni inattivati jew linji taċ-ċelloli, lil dawk il-laboratorji djanjostiċi sabiex jiġu standardizzati t-testijiet u r-riaġenti użati f'kull Stat Membru, meta l-identifikazzjoni tal-aġent u/jew l-użu ta' testijiet seroloġiċi huma meħtieġa;

(b)

jassisti b'mod attiv fid-dijanjożi tal-mard b'rabta ma' suspett u konferma ta' tifqigħat fi Stati Membri billi jirċievi iżolati tal-viruses tal-capripox għall-finijiet ta' djanjożi konfermatorja, karatterizzazzjoni tal-virus, filwaqt li jikkontribwixxi għal investigazzjonijiet u studji epidemjoloġiċi. jikkomunika r-riżultati ta' dawn l-attivitajiet mingħajr dewmien lill-Kummissjoni, l-Istati Membri u l-laboratorji nazzjonali nnominati għad-djanjożi ta' dak il-mard ikkonċernat.

(a)

jiffaċilita l-provvista ta' taħriġ u korsijiet ta' aġġornament u gruppi ta' ħidma għall-benefiċċju tal-laboratorji nazzjonali nnominati għad-djanjożi ta' mard ikkawżat mill-viruses tal-capripox u ta' esperti fid-djanjożi tal-laboratorju bil-ħsieb li jiġu armonizzati t-tekniki djanjostiċi għal dak il-mard fl-Unjoni kollha;

(b)

jieħu sehem f'fora internazzjonali li jikkonċernaw b'mod partikolari l-istandardizzazzjoni ta' metodi analitiċi għal dak il-mard u l-implimentazzjoni tagħhom;

(c)

jikkollabora ma' laboratorji kompetenti rilevanti f'pajjiżi terzi fejn dawn il-mardiet huma prevalenti fir-rigward ta' metodi djanjostiċi għal mard ikkawżat mill-viruses tal-capripox;

(d)

jirrevedi fil-laqgħa annwali tal-laboratorji nazzjonali nnominati għad-djanjożi ta' mard ikkawżat mill-viruses tal-capripox ir-rekwiżiti rilevanti għall-ittestjar stabbiliti fil-Kodiċi tas-Saħħa tal-Annimali Terrestri u l-Manwal tat-Testijiet Djanjostiċi u t-Tilqim għall-Annimali Terrestri tal-Organizzazzjoni Dinjija għas-Saħħa tal-Annimali (OIE);

(e)

jgħin lill-Kummissjoni fir-reviżjoni tar-rakkomandazzjonijiet tal-OIE stabbiliti fil-Kodiċi tas-Saħħa tal-Annimali Terrestri u l-Manwal tat-Testijiet Djanjostiċi u t-Tilqim tal-Annimali Terrestri;

(f)

iżomm ruħu aġġornat dwar l-iżviluppi fl-epidemjoloġija tal-mard ikkawżat mill-viruses tal-capripox.