|
19.12.2017 |
MT |
Il-Ġurnal Uffiċjali tal-Unjoni Ewropea |
L 337/56 |
DEĊIŻJONI TA' IMPLIMENTAZZJONI TAL-KUMMISSJONI (UE) 2017/2373
tal-14 ta' Diċembru 2017
li tawtorizza t-tqegħid fis-suq tal-idrossitirosol bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2017) 8423)
(It-test bl-Ispanjol biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (1), u b'mod partikolari l-Artikolu 7 tiegħu,
Billi:
|
(1) |
Fit-12 ta' Ġunju 2014, il-kumpanija Seprox Biotech għamlet talba lill-awtoritajiet kompetenti ta' Spanja biex tqiegħed l-idrossitirosol (“idrossitirosol”) fis-suq tal-Unjoni bħala ingredjent tal-ikel ġdid skont it-tifsira tal-punt (c) tal-Artikolu 1(2) tar-Regolament (KE) Nru 258/97. Il-popolazzjoni fil-mira hija l-popolazzjoni ġenerali minbarra t-tfal ta' taħt l-età ta' tliet snin, in-nisa tqal u n-nisa li qed ireddgħu. |
|
(2) |
Fit-2 ta' Marzu 2015, l-awtorità kompetenti ta' Spanja ħarġet ir-rapport ta' valutazzjoni inizjali tagħha. F'dak ir-rapport waslet għall-konklużjoni li l-idrossitirosol jissodisfa l-kriterji għal ingredjent tal-ikel ġdid kif stabbilit fl-Artikolu 3(1) tar-Regolament (KE) Nru 258/97. |
|
(3) |
Fl-10 ta' April 2015, il-Kummissjoni għaddiet ir-rapport ta' valutazzjoni inizjali lill-Istati Membri l-oħra. |
|
(4) |
Tqajmu oġġezzjonijiet motivati minn Stati Membri oħra fi żmien il-perjodu ta' 60 jum stipulat fl-ewwel subparagrafu tal-Artikolu 6(4) tar-Regolament (KE) Nru 258/97. |
|
(5) |
Fid-19 ta' Novembru 2015, il-Kummissjoni kkonsultat lill-Awtorità Ewropea dwar is-Sigurtà fl-Ikel (“EFSA”) fejn talbitha twettaq valutazzjoni oħra għall-idrossitirosol bħala ingredjent tal-ikel ġdid skont ir-Regolament (KE) Nru 258/97. |
|
(6) |
Fil-31 ta' Jannar 2017, l-EFSA fl-opinjoni tagħha “Scientific Opinion on the safety of hydroxytyrosol as a novel food pursuant to Regulation (KE) Nru 258/97” (2) ikkonkludiet li l-idrossitirosol huwa sikur għall-użi u għal-livelli ta' użu proposti. |
|
(7) |
Dik l-opinjoni tagħti raġunijiet suffiċjenti biex jiġi stabbilit li l-idrossitirosol fl-użi u fil-livelli tal-użu proposti jikkonforma mal-kriterji stabbiliti fl-Artikolu 3(1) tar-Regolament (KE) Nru 258/97. |
|
(8) |
Meta jitqies li t-talba għal awtorizzazzjoni teskludi ċerti gruppi ta' popolazzjoni u timponi ċerti kundizzjonijiet għall-prestazzjoni teknika ta' ikel li jkun fih l-idrossitirosol meta jissaħħan, jenħtieġ li l-prodotti tal-ikel li jkun fihom l-idrossitirosol jkunu ttikkettati b'mod xieraq. |
|
(9) |
Ir-Regolament (KE) Nru 1925/2006 tal-Parlament Ewropew u tal-Kunsill (3) jistabbilixxi r-rekwiżiti dwar iż-żieda ta' vitamini u minerali u ta' ċerti sustanzi oħra mal-ikel. L-użu tal-idrossitirosol għandu jiġi awtorizzat mingħajr preġudizzju għal dak ir-Regolament. |
|
(10) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Mingħajr preġudizzju għar-Regolament (KE) Nru 1925/2006, l-idrossitirosol kif speċifikat fl-Anness I ta' din id-Deċiżjoni jista' jitqiegħed fis-suq tal-Unjoni bħala ingredjent ġdid tal-ikel maħsub għall-popolazzjoni ġenerali, minbarra t-tfal ta' taħt l-età ta' tliet snin, nisa tqal u nisa li qed ireddgħu, għall-użi definiti u fil-livelli massimi stabbiliti fl-Anness II ta' din id-Deċiżjoni.
Artikolu 2
1. L-isem tal-idrossitirosol awtorizzat b'din id-Deċiżjoni dwar it-tikkettar tal-oġġetti tal-ikel għandu jkun “idrossitirosol”.
2. It-tikkettar ta' prodotti tal-ikel li fihom l-idrossitirosol għandu jkollu fuqu d-dikjarazzjonijiet li ġejjin:
|
(a) |
“Dan il-prodott tal-ikel m'għandux jiġi kkunsmat minn tfal ta' taħt l-età ta' tliet snin, minn nisa tqal u minn nisa li qed ireddgħu; |
|
(b) |
Dan il-prodott tal-ikel m'għandhux jiġi użat għat-tisjir, għall-ħami jew għall-qali”. |
Artikolu 3
Din id-Deċiżjoni hija indirizzata lil Seprox Biotech, Centro Empresarial Ingenia N-8, Parque Tecnológico Fuente Álamo, 30320 Fuente Álamo, Murcia, Spanja.
Magħmul fi Brussell, l-14 ta' Diċembru 2017.
Għall-Kummissjoni
Vytenis ANDRIUKAITIS
Membru tal-Kummissjoni
(2) EFSA Journal 2017; 15(3):4728.
(3) Ir-Regolament (KE) Nru 1925/2006 tal-Parlament Ewropew u tal-Kunsill tal-20 ta' Diċembru 2006 dwar iż-żieda ta' vitamini u minerali u ta' ċerti sustanzi oħra mal-ikel (ĠU L 404, 30.12.2006, p. 26).
ANNESS I
SPEĊIFIKAZZJONIJIET TAL-IDROSSITIROSOL
Definizzjoni:
|
Isem kimiku |
Ismijiet IUPAC: 4-(2-idrossietil)-benżen-1,2-diol Sinonimi: 3-idrossitirosol 3,4-diidrossifeniletanol diidrossifeniletanol 2-(3,4-di-diidrossifenil)-etanol |
|
Formula kimika |
C8H10O3 |
|
Massa molekolari |
154,16 Da |
|
Nru tal-CAS |
10597-60-1 |
Deskrizzjoni: L-idrossitirosol huwa likwidu viskuż isfar ċar.
Speċifikazzjonijiet:
|
Parametru |
Speċifikazzjonijiet |
|
Deskrizzjoni |
Likwidu viskuż kemxejn isfar ċar |
|
Indewwa |
≤ 4,0 % |
|
Riħa |
Karatteristiku |
|
Togħma |
Kemxejn morr |
|
Solubilità (ilma) |
Jitħallat mal-ilma |
|
pH |
3,5–4,5 |
|
Indiċi Rifrattiv (25 °C) |
1,571–1,575 |
|
L-idrossitirosol u l-prodotti sekondarji tas-sinteżi kimika |
|
|
Idrossitirosol |
≥ 99,0 % |
|
Aċidu aċetiku |
≤ 0,4 % |
|
Aċetat tal-idrossitirosol |
≤ 0,3 % |
|
Is-somma tal-alkoħol omovanilliku, tal-alkoħol isoomovanilliku, u tat-3-metossi-4-idrossifeniglikol |
≤ 0,3 % |
|
Metalli tqal |
|
|
Ċomb |
≤ 0,03 mg/kg |
|
Kadmju |
≤ 0,01 mg/kg |
|
Merkurju |
≤ 0,01 mg/kg |
|
Solventi residwi |
|
|
Aċetat tal-etil |
≤ 25,0 mg/kg |
|
Isopropanol |
≤ 2,50 mg/kg |
|
Metanol |
≤ 2,00 mg/kg |
|
Tetraidrossifuran |
≤ 0,01 mg/kg |
ANNESS II
Użi awtorizzati tal-idrossitirosol
|
Kategorija tal-ikel |
Livell massimu |
|
Żjut tal-ħut u żjut veġetali (minbarra żjut taż-żebbuġ u żjut mir-residwi taż-żebbuġ kif iddefiniti fil-Parti VIII tal-Anness VII tar-Regolament (UE) Nru 1308/2013 (1)), imqiegħda fis-suq |
0,215 g/kg |
|
Xaħmijiet li jistgħu jiddellku kif iddefiniti fil-Parti VII tal-Anness VII tar-Regolament (UE) Nru 1308/2013, imqiegħda fis-suq |
0,175 g/kg |
(1) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).