|
16.6.2017 |
MT |
Il-Ġurnal Uffiċjali tal-Unjoni Ewropea |
C 191/12 |
DEĊIŻJONI TAL-KUNSILL
tat-12 ta’ Ġunju 2017
li taħtar il-Viċi President tal-Uffiċċju Komunitarju tal-Varjetajiet tal-Pjanti
(2017/C 191/02)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 2100/94 tas-27 ta’ Lulju 1994 dwar drittijiet ta’ varjetajiet ta’ pjanti fil-Komunità (1), u b’mod partikolari l-Artikolu 43(3) tiegħu,
Billi:
|
(1) |
Bid-Deċiżjoni tad-19 ta’ Marzu 2012 (2), il-Kunsill ġedded il-mandat tas-Sur Carlos PEREIRA GODINHO bħala Viċi President tal-Uffiċċju Komunitarju tal-Varjetajiet tal-Pjanti (“l-Uffiċċju”). |
|
(2) |
Il-mandat tas-Sur Carlos PEREIRA GODINHO skada fil-31 ta’ Marzu 2017. |
|
(3) |
Fit-12 ta’ April 2017, wara li ngħatat l-opinjoni tal-Kunsill Amministrattiv tal-Uffiċċju, il-Kummissjoni pproponiet lis-Sur Francesco MATTINA bħala kandidat waħdieni għall-post ta’ Viċi President tal-Uffiċċju, |
ADOTTA DIN ID-DEĊIŻJONI:
Artikolu 1
1. Is-Sur Francesco MATTINA huwa b’dan maħtur Viċi President tal-Uffiċċju Komunitarju tal-Varjetajiet tal-Pjanti (“l-Uffiċċju”) għal perjodu ta’ ħames snin.
2. Il-mandat tas-Sur Francesco MATTINA għandu jiddekorri mid-data li fiha huwa jassumi d-doveri tiegħu. Din id-data għandha tiġi maqbula bejn il-President u l-Kunsill Amministrattiv tal-Uffiċċju.
Artikolu 2
Il-President tal-Kunsill Amministrattiv tal-Uffiċċju huwa mogħti s-setgħa li jiffirma l-kuntratt ta’ impjieg mas-Sur Francesco MATTINA.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, it-12 ta' Ġunju 2017.
Għall-Kunsill
Il-President
C. CAMILLERI
(2) Id-Deċiżjoni tal-Kunsill tad-19 ta’ Marzu 2012 li ġġedded il-mandat tal-Viċi President tal-Uffiċċju Komunitarju tal-Varjetajiet tal-Pjanti (ĠU C 82, 21.3.2012, p. 6).