4.6.2016   

MT

Il-Ġurnal Uffiċjali tal-Unjoni Ewropea

C 199/8

(1)

Skont l-Artikolu 14(2) tad-Direttiva 2014/17/UE l-informazzjoni prekuntrattwali personalizzata li għandha tingħata lill-konsumaturi qabel ma jkunu vinkolati b’xi ftehim jew offerta ta’ kreditu għandha tingħata permezz tal-Fuljett Ewropew ta’ Informazzjoni Standardizzata (“FEIS”), kif stabbilit fl-Anness II tagħha.

(2)

Skont il-paragrafu 2, is-Sezzjoni 4, u l-paragrafu 4, is-Sezzjoni 6, tal-Parti B tal-Anness II għad-Direttiva 2014/17/UE, fejn ir-rata tas-self tkun varjabbli, l-FEIS għandu jinkludi eżempju illustrattiv tar-rata perċentwali annwali tal-imposti u eżempju illustrattiv tal-ammont massimu ta’ pagament akkont. Fejn ma jkunx hemm limitu fuq ir-rata ta’ self u l-kreditur ma jużax rata ta’ referenza esterna, il-kalkolu ta’ dawn iż-żewġ eżempji illustrattivi għandu jkun ibbażat fuq rata ta’ referenza speċifikata minn awtorità kompetenti jew mill-EBA (ir-“rata ta’ referenza tal-EBA”).

(3)

Ir-rata ta’ referenza tal-EBA għandha tkun sempliċi, faċli biex tintuża u tkun rappreżentattiva. L-ispeċifikazzjoni tar-rata permezz ta’ formola għandha tiżgura li r-rata tibqa’ rappreżentattiva maż-żmien u għandha tippermetti li jittieħdu inkunsiderazzjoni ċ-ċirkostanzi nazzjonali. Il-formula għandha tkun limitata għal għadd ta’ data pubblikament disponibbli sabiex jiġi żgurat li tkun faċli biex tintuża u sempliċi.

(4)

Il-perjodi ta’ żmien għar-rata sottostanti għandhom isegwu l-perjodi ta’ żmien stabbiliti fl-Anness II għad-Direttiva 2014/17/UE għal dawk ix-xenarji fejn tintuża rata ta’ referenza esterna għall-kalkolu tar-rata tas-self. Għalhekk, ir-rata ta’ referenza tal-EBA għandha tkun ibbażata fuq rata sottostanti għall-20 sena ta’ qabel il-kreditur jagħti l-FEIS lill-konsumatur.

(5)

Biex tkun rappreżentattiva, il-formola għandha tiddependi minn rata sottostanti rilevanti għall-Istat Membru li fih l-FEIS jingħata lill-konsumatur. Ir-rata sottostanti għandha tkun ir-rata ewlenija ta’ rifinanzjament tal-Bank Ċentrali Ewropew (“BĊE”) għall-Istati Membri li għandhom il-Euro bħala l-munita tagħhom, u r-rata ta’ rifinanzjament tal-bank ċentrali nazzjonali (jew rata ċentrali nazzjonali ekwivalenti) għall-Istati Membri l-oħra. Dawn ir-rati għandhom jipproduċu rata ta’ referenza li hija rappreżentattiva tas-suq ipotekarju lokali; u data storika kompleta dwar dawk ir-rati hija disponibbli għall-Istati Membri kollha. Madankollu, peress li d-data storika dwar ir-rata ewlenija ta’ rifinanzjament tal-BĊE hija disponibbli biss mill-1 ta’ Jannar 1999, id-data l-aktar bikrija tal-bidu tal-perjodu storiku għandha tiġi stabbilita fl-1 ta’ Jannar 1999. Id-data l-aktar bikrija tal-bidu għandha tapplika għall-FEISs li jiġu pprovduti fl-Istati Membri kollha sabiex jiġi żgurat li jintuża l-istess perjodu ta’ żmien storiku fl-Unjoni Ewropea kollha.

(6)

Il-formula għandha tirrikonoxxi li r-rata tas-self sejra tirrifletti parzjalment l-ispejjeż ta’ finanzjament, li għaliha l-informazzjoni dwar ir-rata ta’ rifinanzjament hija indikatur, billi titqies ukoll ir-rata l-aktar sottostanti baxxa matul l-20 sena preċedenti.

(7)

Peress li l-formula tagħmel parti minn eżempju illustrattiv, huwa biżżejjed li l-kredituri jaġġornaw ir-rata sottostanti fuq bażi annwali.

(8)

Sabiex jiġi żgurat li, f’kull Stat Membru, il-kredituri jużaw l-istess differenza bejn l-ogħla u l-aktar valuri baxxi tar-rata sottostanti, il-kalkolu tar-rata ta’ referenza tal-EBA għandu jsir billi tintuża l-istess data ta’ referenza li għandha tkun l-ewwel jum ta’ xogħol ta’ kull sena.

(9)

Sabiex jiġi żgurat li l-eżempji illustrattivi jirriflettu ċ-ċirkostanzi lokali, m’għandhiex tintuża r-rata ta’ referenza tal-EBA, fejn awtorità kompetenti tkun speċifikat rata ta’ referenza, ir-rata ta’ referenza speċifikata f’din id-deċiżjoni ma għandhiex tapplika.

(10)

L-EBA wettqet konsultazzjoni pubblika miftuħa dwar l-abbozz tad-deċiżjoni dwar rata ta’ referenza tal-EBA, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont Artikolu 37 tar-Regolament (UE) Nru 1093/2010.