(1)

Ir-Regolament (UE) Nru 1380/2013 għandu l-għan li jelimina b'mod progressiv il-qbid skartat fis-sajd kollu tal-Unjoni bl-introduzzjoni tal-obbligu tal-ħatt l-art għall-qabdiet ta' speċijiet li huma soġġetti għal-limiti ta' qbid.

(2)

L-Artikolu 15(6) ta' dak ir-Regolament jagħti s-setgħa lill-Kummissjoni li tadotta pjanijiet ta' skartar b'atti delegati għal perjodu ta' mhux aktar minn tliet snin abbażi tar-rakkomandazzjonijiet konġunti żviluppati mill-Istati Membri b'konsultazzjoni mal-Kunsilli Konsultattivi rilevanti.

(3)

Il-Belġju, id-Danimarka, il-Ġermanja, Franza, in-Netherlands, l-Iżvezja u r-Renju Unit għandhom interess dirett fil-ġestjoni tas-sajd fil-Baħar tat-Tramuntana. Fit-3 ta' Ġunju 2016, wara konsultazzjoni mal-Kunsill Konsultattiv tal-Baħar tat-Tramuntana, dawk l-Istati Membri ppreżentaw rakkomandazzjoni konġunta lill-Kummissjoni dwar pjan ta' skartar ġdid għal ċertu sajd demersali fil-Baħar tat-Tramuntana. Il-korpi xjentifiċi rilevanti taw kontribuzzjonijiet xjentifiċi li ġew eżaminati mill-Kumitat Xjentifiku, Tekniku u Ekonomiku għas-Sajd (STECF). Fl-14 ta' Lulju saret laqgħa tal-grupp ta' esperti magħmul mit-28 Stat Membru, mill-Kummissjoni, kif ukoll mill-Parlament Ewropew bħala osservatur fejn ġew diskussi l-miżuri kkonċernati.

(4)

Il-miżuri inklużi fir-rakkomandazzjoni konġunta jikkonformaw mal-Artikolu 18(3) tar-Regolament (UE) Nru 1380/2013.

(5)

Għall-finijiet ta' dak ir-Regolament, il-Baħar tat-Tramuntana jinkludi ż-żoni IIIa u IV tal-ICES. Peress li xi stokkijiet demersali rilevanti għall-pjan ta' skartar jinsabu wkoll fl-ilmijiet tal-Unjoni tad-Diviżjoni IIa tal-ICES, l-Istati Membri kkonċernati jirrakkomandaw li d-Diviżjoni IIa tal-ICES tkun koperta wkoll mill-pjan ta' skartar.

(6)

Fir-rigward tal-Baħar tat-Tramuntana, skont l-Artikolu 15(1)(c) tar-Regolament (UE) Nru 1380/2013, l-obbligu tal-ħatt l-art japplika sa mhux aktar tard mill-1 ta' Jannar 2016:

Skont l-Artikolu 15(5) tar-Regolament (UE) Nru 1380/2013, ir-Regolament Delegat tal-Kummissjoni (UE) 2015/2440 (3) jidentifika l-ispeċijiet li mill-1 ta' Jannar 2016 iridu jinħattu l-art. Dawk l-ispeċijiet huma l-pollakkju iswed, il-merluzz tal-linja sewda, l-iskampu, il-lingwata komuni, il-barbun tat-tbajja', il-merluzz u l-gamblu tat-Tramuntana. Ir-Regolament Delegat (UE) 2015/2440 jistabbilixxi wkoll l-obbligu tal-ħatt l-art għall-qabdiet aċċessorji tal-gamblu tat-Tramuntana. Dan ir-Regolament għandu jdaħħal mill-ġdid id-dispożizzjonijiet tar-Regolament Delegat (UE) 2015/2440 dwar l-ispeċijiet li jridu jinħattu l-art u jispeċifika l-ispeċijiet u s-sajd l-oħra li għalihom japplika l-obbligu tal-ħatt l-art fl-2017 u fl-2018.

(7)

L-Istati Membri kkonċernati jsostnu li r-regoli dwar l-isforzi tas-sajd stabbiliti fil-Kapitolu III tar-Regolament tal-Kunsill (KE) Nru 1342/2008 (4) huma ta' ostakolu għall-implimentazzjoni b'suċċess tal-obbligu tal-ħatt l-art għall-bakkaljaw minħabba li r-reġim tal-isforz tas-sajd stabbilit f'dak il-Kapitolu kieku jfixkel il-flessibbiltà meħtieġa biex jiġu adattati x-xejriet tas-sajd, bħall-għażla taż-żona u tal-irkaptu, ladarba jiġi introdott l-obbligu tal-ħatt l-art. Bħalissa r-Regolament (KE) Nru 1342/2008 għaddej minn proċess ta' reviżjoni mill-koleġiżlaturi. Biex tiġi evitata l-applikazzjoni simultanja tar-reġim tal-isforz tas-sajd u tal-obbligu tal-ħatt l-art għall-bakkaljaw, jixraq li l-obbligu tal-ħatt l-art għall-bakkaljaw jibda japplika biss ladarba r-reġim tal-isforz tas-sajd ma jibqax japplika.

(8)

Ir-Regolament Delegat (UE) 2015/2440 daħħal eżenzjoni mill-obbligu tal-ħatt l-art għall-qabdiet kollha tal-ispeċijiet li għalihom l-evidenza xjentifika turi rati għoljin ta' sopravivenza (“eżenzjoni ta' sopravivenza għolja”) għall-qabdiet tal-iskampu fid-Diviżjoni IIIa tal-ICES dment li jintużaw ċerti nases jew xbieki tat-tkarkir tal-qiegħ. Dak ir-Regolament Delegat jeħtieġ li l-Istati Membri li jkollhom interess dirett fil-ġestjoni fil-Baħar tat-Tramuntana jippreżentaw informazzjoni xjentifika addizzjonali lill-Kummissjoni bħala appoġġ għall-eżenzjonijiet speċifikati għax-xbieki tat-tkarkir tal-qiegħ. Dik l-informazzjoni ġiet ippreżentata u s-STECF ikkonkluda li l-informazzjoni hija biżżejjed. Għaldaqstant, dik l-eżenzjoni għandha tiġi inkluża fil-pjan ta' skartar il-ġdid.

(9)

Ir-rakkomandazzjoni konġunta tinkludi eżenzjoni ta' sopravivenza għolja għall-qabdiet tal-iskampu fis-subżona IV tal-ICES għal ċertu rkaptu dment li jintuża apparat ta' selettività (Netgrid).

(10)

Ir-rakkomandazzjoni konġunta tinkludi eżenzjoni ta' sopravivenza għolja għall-qabdiet tal-lingwata komuni fis-subżona IV tal-ICES għal ċertu rkaptu u skont ċerti kundizzjonijiet li jiffavorixxu s-sopravivenza tal-lingwata.

(11)

Skont l-evidenza xjentifika pprovduta fir-rakkomandazzjoni konġunta u eżaminata mis-STECF u filwaqt li jitqiesu l-karatteristiċi tal-irkaptu, tal-prattiki tas-sajd u tal-ekosistema, dawn l-eżenzjonijiet għandhom jiġu inklużi f'dan ir-Regolament għas-sena 2017. L-Istati Membri għandhom jippreżentaw dejta addizzjonali sabiex is-STECF ikun jista' jivvaluta aktar ir-rati ta' sopravivenza tal-iskampu u tal-lingwata komuni li jinqabdu fis-subżona IV tal-ICES bix-xbieki tat-tkarkir ikkonċernati u biex il-Kummissjoni tkun tista' teżamina l-eżenzjoni rilevanti.

(12)

Ir-Regolament Delegat (UE) 2015/2440 daħħal eżenzjoni de minimis għal

Ir-rakkomandazzjoni konġunta tissuġġerixxi li dawn l-eżenzjonijiet jibqgħu jiġu applikati. Għaldaqstant, dawn għandhom jiġu inklużi fil-pjan ta' skartar il-ġdid.

(13)

Ir-rakkomandazzjoni konġunta tinkludi eżenzjoni de minimis għal-lingwata komuni, il-merluzz tal-linja sewda u l-merlangu kkombinati għall-qabdiet b'ċerti xbieki tat-tkarkir tal-qiegħ fid-Diviżjoni IIIa tal-ICES, eżenzjoni de minimis għal-lingwata, il-merluzz tal-linja sewda u l-merlangu kkombinati għall-qabdiet bil-kavetti fid-Diviżjoni IIIa tal-ICES u għall-2018, eżenzjoni de minimis għall-merlangu maqbud bix-xbieki tat-tkarkir tal-qiegħ fid-Diviżjoni IVc tal-ICES.

(14)

Abbażi tal-evidenza konvinċenti provduta mill-Istati Membri għal dawk l-eżenzjonijiet, kif riveduti mis-STECF, li kkonkludiet li dawk l-eżenzjonijiet huma bbażati fuq argumenti raġunati fir-rigward tad-diffikultajiet li jinkiseb aktar titjib tas-selettività u/jew tal-ispejjeż spoporzjonati fil-ġestjoni tal-qabdiet inċidentali, il-Kummissjoni tqis xieraq li tistabbilixxi eżenzjonijiet de minimis skont il-livell perċentwali propost fir-rakkomandazzjoni konġunta, li għandhom ikunu fil-limiti stabbiliti fl-Artikolu 15(5)(c) tar-Regolament (UE) Nru 1380/2013.

(15)

L-Artikolu 18a tar-Regolament (KE) Nru 850/98 jagħti s-setgħa lill-Kummissjoni biex tistabbilixxi, għall-finijiet li jiġu adottati l-pjanijiet ta' skartar u għall-ispeċijiet soġġetti għall-obbligu tal-ħatt l-art, daqs minimu ta' referenza għall-konservazzjoni (MCRS) bil-għan li jiżgura li jitħarsu ż-żgħar tal-organiżmi marittimi. Meta jkun xieraq, id-daqsijiet minimi ta' referenza għall-konservazzjoni jistgħu jidderogaw mid-daqsijiet stabbiliti fl-Anness XII tar-Regolament (KE) Nru 850/98. Għall-iskampu fid-Diviżjoni IIIa tal-ICES jixraq li jinżammu d-daqsijiet minimi ta' referenza għall-konservazzjoni stabbiliti fir-Regolament Delegat (UE) 2015/2440, jiġifieri tul totali ta' 105 mm u tul tal-qoxra ta' 32 mm. Għandu jiżdied tul tad-denb minimu ta' 59 mm, skont ir-Rakkomandazzjoni Konġunta u l-valutazzjoni tas-STECF li tiddikjara li dan it-tul tad-denb jikkorrispondi għall-valuri eżistenti għat-tul totali u t-tul tal-qoxra.

(16)

Il-pjanijiet ta' skartar jistgħu jinkludu wkoll miżuri tekniċi għas-sajd jew għall-ispeċijiet koperti mill-obbligu tal-ħatt l-art. Biex tiżdied is-selettività tal-irkaptu u jitnaqqsu l-qabdiet inċidentali fi Skagerrak, jixraq li jinżammu għadd ta' miżuri tekniċi, li ġew maqbula bejn l-Unjoni u n-Norveġja fl-2011 (5) u fl-2012 (6).

(17)

Biex jiġi żgurat kontroll xieraq, għandhom jiġu stabbiliti rekwiżiti speċifiċi għall-Istati Membri biex jistabbilixxu l-listi tal-bastimenti li huma koperti b'dan ir-Regolament.

(18)

Billi l-miżuri previsti f'dan ir-Regolament għandhom impatt dirett fuq l-attivitajiet ekonomiċi marbuta mal-istaġun tas-sajd tal-bastimenti tal-Unjoni u fuq l-ippjanar ta' dan l-istaġun tas-sajd, dan ir-Regolament għandu jidħol fis-seħħ immedjatament wara l-pubblikazzjoni tiegħu. Dan għandu japplika mill-1 ta' Jannar 2017 sal-31 ta' Diċembru 2018 biex jikkonforma mal-iskeda taż-żmien stabbilita fl-Artikolu 15 tar-Regolament (UE) Nru 1380/2013,

(1)

“Panew Seltra” tfisser apparat ta' għażla magħmul minn panew ta' fuq b'daqs tal-malji ta' mill-inqas 270 mm (malja maqrut) imqiegħed f'sezzjoni b'erba' panewiet u immuntat bi proporzjon ta' tliet malji ta' 90 mm għal kull malja ta' 270 mm, jew b'panew ta' fuq b'daqs tal-malji ta' mill-inqas 140 mm (malja kwadra). Il-panew huwa twil mill-inqas 3 metri, ma jinsabx aktar minn 4 metri 'l bogħod mis-siegla tal-għeluq u għandi l-wisa' kollu tal-folja ta' fuq tax-xibka tat-tkarkir (jiġifieri minn ċmusa sa ċmusa).

(2)

“Apparat ta' selettività Netgrid” tfisser apparat ta' selettività magħmul minn sezzjoni b'erba' panewiet imdaħħla f'xibka tat-tkarkir b'żewġ panewiet b'biċċa xibka inklinata ta' malja maqrut b'daqs tal-malji ta' mill-inqas 200 mm, li twassal għal toqba minn fejn jaħarbu fil-parti ta' fuq tax-xibka.

(a)

għal-lingwata komuni, sa massimu ta' 3 % tal-qabdiet annwali totali ta' din l-ispeċi minn bastimenti li jużaw ix-xbieki tal-parit u tal-għażel (GN, GNS, GND, GNC, GTN, GTR, GEN, GNF) fid-Diviżjoni IIIa tal-ICES, fis-Subżona IV tal-ICES u fl-ilmijiet tal-Unjoni tad-Diviżjoni IIa tal-ICES;

(b)

għal-lingwata komuni inqas mid-daqs minimu ta' referenza għall-konservazzjoni, sa massimu ta' 7 % fl-2017 u, fl-2018, 6 % tal-qabdiet annwali totali ta' din l-ispeċi minn bastimenti li jużaw ix-xbieki tat-tkarkir bi travu (TBB) bid-daqs tal-malji ta' bejn 80 u 119-il mm b'daqs akbar tal-malji fl-estensjoni tax-xibka tat-tkarkir bi travu fis-Subżona IV tal-ICES;

(c)

għall-iskampu inqas mid-daqs minimu ta' referenza għall-konservazzjoni, sa massimu ta' 6 % tal-qabdiet annwali totali ta' din l-ispeċi minn bastimenti li jużaw ix-xbieki tat-tkarkir bi travu (OTB, TBN, OTT, TB) bid-daqs tal-malji ta' bejn 80 u 99 mm fis-Subżona IV tal-ICES u fl-ilmijiet tal-Unjoni tad-Diviżjoni IIa tal-ICES;

(d)

fl-2017, għal-lingwata komuni u għall-merluzz tal-linja sewda kkombinati, inqas mid-daqs minimu ta' referenza għall-konservazzjoni, sa massimu ta' 2 % tal-qabdiet annwali totali tal-iskampu, tal-lingwata komuni, tal-merluzz tal-linja sewda u tal-gamblu tat-Tramuntana fis-sajd għall-iskampu minn bastimenti li jużaw ix-xbieki tat-tkarkir tal-qiegħ (OTB, TBN) bid-daqs tal-malji li jkun daqs jew akbar minn 70 mm u mgħammra bi gradilja tat-tgħarbil tal-ispeċijiet bi spazju ta' bejn il-vireg ta' mhux aktar minn 35 mm fid-Diviżjoni IIIa tal-ICES;

(e)

fl-2018, għal-lingwata komuni, għall-merluzz tal-linja sewda u għall-merlangu kkombinati, inqas mid-daqs minimu ta' referenza għall-konservazzjoni, sa massimu ta' 4 % tal-qabdiet annwali totali tal-iskampu, tal-lingwata komuni, tal-merluzz tal-linja sewda, tal-merlangu u tal-gamblu tat-Tramuntana fis-sajd għall-iskampu minn bastimenti li jużaw ix-xbieki tat-tkarkir tal-qiegħ (OTB, TBN) bid-daqs tal-malji li jkun daqs jew akbar minn 70 mm u mgħammra bi gradilja tat-tgħarbil tal-ispeċijiet bi spazju ta' bejn il-vireg ta' mhux aktar minn 35 mm fid-Diviżjoni IIIa tal-ICES;

(f)

għal-lingwata komuni, għall-merluzz tal-linja sewda u għall-merlangu kkombinati, sa massimu ta' 1 % tal-qabdiet annwali totali tal-iskampu, tal-lingwata komuni, tal-merluzz tal-linja sewda fis-sajd, tal-merlanguu tal-gamblu tat-Tramuntana fis-sajd għall-gambu tat-Tramuntana minn bastimenti li jużaw ix-xbieki tat-tkarkir tal-qiegħ (OTB) bid-daqs tal-malji li jkun daqs jew akbar minn 35 mm u mgħammra bi gradilja tat-tgħarbil tal-ispeċijiet bi spazju ta' bejn il-vireg ta' mhux aktar minn 19 mm, bil-ħruġ mhux iblukkat għall-ħut, fid-Diviżjoni IIIa tal-ICES.

(g)

għal-lingwata komuni, għall-merluzz tal-linja sewda u għall-merlangu kkombinati, sa massimu ta' 0,5 % tal-qabdiet annwali totali tal-iskampu, tal-lingwata komuni, tal-merluzz tal-linja sewda, tal-merlangu u tal-gamblu tat-Tramuntana fis-sajd għall-iskampu bil-kavetti (FPO), fid-Diviżjoni IIIa tal-ICES.

(h)

fl-2018, għall-merlangu, sa massimu ta' 7 % tal-qabdiet annwali totali tal-iskampu, tal-merluzz tal-linja sewda, tal-lingwata, tal-gamblu tat-Tramuntana, tal-merlangu, tal-barbun tat-tbajja', tal-pollakkju iswed u tal-bakkaljaw fis-sajd imħallaT għal-lingwata, il-merlangu u l-ispeċijiet mingħajr limitu ta' qbid minn bastimenti li jużaw ix-xbieki tat-tkarkir tal-qiegħ (OTB, OTT) bid-daqs tal-malji ta' bejn 70 u 99 mm fid-Diviżjoni IVc tal-ICES.

(a)

tul totali ta' 105 mm;

(b)

tul tad-denb ta' 59 mm;

(c)

tul tal-qoxra ta' 32 mm.