|
7.12.2016 |
MT |
Il-Ġurnal Uffiċjali tal-Unjoni Ewropea |
L 332/13 |
REGOLAMENT TA' IMPLIMENTAZZJONI TAL-KUMMISSJONI (UE) 2016/2141
tas-6 ta' Diċembru 2016
li jemenda r-Regolament (KE) Nru 1238/95 fir-rigward tal-livell tat-tariffa annwali u tat-tariffi tal-eżamijiet pagabbli lill-Uffiċċju Komunitarju tal-Varjetajiet tal-Pjanti
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 2100/94 tas-27 ta' Lulju 1994 dwar drittijiet ta' varjetajiet ta' pjanti fil-Komunità (1), u b'mod partikolari l-Artikolu 113 tiegħu,
Wara li kkonsultat il-Kunsill Amministrattiv tal-Uffiċċju Komunitarju tal-Varjetajiet tal-Pjanti,
Billi:
|
(1) |
L-Artikolu 9(1) tar-Regolament tal-Kummissjoni (KE) Nru 1238/95 (2) jistipula l-livell tat-tariffa pagabbli lill-Uffiċċju Komunitarju tal-Varjetajiet tal-Pjanti (“l-Uffiċċju”) għal kull sena tad-durata tad-dritt fuq varjetà ta' pjanta fil-Komunità. |
|
(2) |
Peress li r-riżerva finanzjarja tal-Uffiċċju waqgħet taħt il-livell meħtieġ biex jinżamm baġit ibbilanċjat u biex tiġi salvagwardata l-kontinwità tal-operazzjonijiet tiegħu, dik it-tariffa annwali għandha tiżdied. |
|
(3) |
L-Artikolu 8(1) tar-Regolament (KE) Nru 1238/95 u l-Anness I tiegħu jistabbilixxu l-livell tat-tariffi għall-preparamenti u t-twettiq tal-eżami tekniku ta' varjetà li tkun is-suġġett ta' applikazzjoni għal dritt fuq Varjetà ta' Pjanta fil-Komunità pagabbli lill-Uffiċċju, “it-tariffa tal-eżamijiet”. |
|
(4) |
L-esperjenza miġbura mill-eżami tekniku turi li t-tariffi tal-eżamijiet jistgħu jimbdlu fuq medda ta' żmien għal ċerti gruppi ta' spiża. It-tariffi mitluba mill-Uffiċċju għandhom jirriflettu l-ammont totali tat-tariffi għall-gruppi ta' spiża rispettivi li għandhom jitħallsu mill-Uffiċċju lill-Uffiċċji tal-Eżamijiet. It-tariffi stabbiliti fl-Anness I tar-Regolament (KE) Nru 1238/95 għandhom għalhekk jiġu modifikati għall-gruppi ta' spiża kkonċernati. |
|
(5) |
Għaldaqstant ir-Regolament (KE) Nru 1238/95 għandu jiġi emendat. |
|
(6) |
Ikun xieraq li l-emendi proposti jibdew japplikaw mill-1 ta' Jannar 2017, sabiex ikunu sinkronizzati mal-bidu tas-sena finanzjarja għall-baġit tal-Uffiċċju. |
|
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar id-Drittijiet fuq Varjetà ta' Pjanta fil-Komunità, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1238/95 huwa emendat kif ġej:
|
(1) |
Fl-Artikolu 9, il-paragrafu 1 jinbidel b'dan li ġej: “1. L-Uffiċċju se jitlob tariffa ta' EUR 330 lid-detentur ta' dritt fuq varjetà ta' pjanta fil-Komunità (“id-detentur”) għal kull sena tad-durata ta' dritt fuq varjetà ta' pjanta fil-Komunità (“tariffa annwali”), kif imsemmi fl-Artikolu 113(2)(d) tar-Regolament Bażiku.” |
|
(2) |
L-Anness I huwa emendat skont l-Anness ta' dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Jannar 2017.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta' Diċembru 2016.
Għall-Kummissjoni
Il-President
Jean-Claude JUNCKER
(2) Ir-Regolament tal-Kummissjoni (KE) Nru 1238/95 tal-31 ta' Mejju 1995 li jistabbilixxi r-regoli tal-implimentazzjoni sabiex jiġi applikat ir-Regolament tal-Kunsill (KE) Nru 2100/94 rigward il-piżijiet pagabbli lill-Uffiċċju Komunitarju tal-Varjetajiet tal-Pjanti (ĠU L 121, 1.6.1995, p. 31).
ANNESS
“ANNESS I
It-tariffi marbuta mal-eżami tekniku kif imsemmija fl-Artikolu 8
It-tariffa li trid titħallas għall-eżami tekniku ta' varjetà skont l-Artikolu 8 għandha tiġi determinata skont it-tabella:
|
(f'EUR) |
||
|
|
Grupp ta' spiża |
Tariffa |
|
Grupp agrikolu |
||
|
1 |
Patata |
1 760 |
|
2 |
Kolza |
1 860 |
|
3 |
Ħaxix |
2 430 |
|
4 |
Speċijiet agrikoli oħrajn |
1 530 |
|
Grupp tal-frott |
||
|
5 |
Tuffieħ |
3 050 |
|
6 |
Frawli |
2 920 |
|
7 |
Speċijiet ta' frott oħrajn |
2 810 |
|
Grupp ornamentali |
||
|
8 |
Pjanti ornamentali b'kollezzjoni ta' referenza ħajja, test fis-serra |
2 020 |
|
9 |
Pjanti ornamentali b'kollezzjoni ta' referenza ħajja, test fil-beraħ |
1 960 |
|
10 |
Pjanti ornamentali mingħajr kollezzjoni ta' referenza ħajja, test fis-serra |
1 940 |
|
11 |
Pjanti ornamentali mingħajr kollezzjoni ta' referenza ħajja, test fil-beraħ |
1 730 |
|
12 |
Pjanti ornamentali, kundizzjonijiet fitosanitarji speċjali |
3 350 |
|
Grupp tal-ħxejjex agrikoli |
||
|
13 |
Ħxejjex agrikoli, test fis-serra |
2 360 |
|
14 |
Ħxejjex agrikoli, test fil-beraħ |
2 150 ” |