2.12.2016   

MT

Il-Ġurnal Uffiċjali tal-Unjoni Ewropea

L 327/44

REGOLAMENT TA' IMPLIMENTAZZJONI TAL-KUMMISSJONI (UE) 2016/2106

tal-1 ta' Diċembru 2016

li jemenda r-Regolament ta' Implimentazzjoni (UE) Nru 884/2014 li jimponi kundizzjonijiet speċjali għar-regolamentazzjoni tal-importazzjoni ta' ħwawar mill-Etjopja, tal-karawett mill-Arġentina u tal-ġellewż mill-Ażerbajġan u li jemenda l-kundizzjonijiet speċjali għar-regolamentazzjoni tal-importazzjoni tat-tin imnixxef u tal-ġellewż mit-Turkija u tal-karawett mill-Indja

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 178/2002 tal-Parlament Ewropew u tal-Kunsill tat-28 ta' Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u li jistabbilixxi l-proċeduri fi kwistjonijiet ta' sigurtà tal-ikel (1), u b'mod partikolari l-Artikolu 53(1)(b)(ii) tiegħu,

Billi:

(1)

Ir-Regolament ta' Implimentazzjoni tal-Kummissjoni (UE) Nru 884/2014 (2) jimponi kundizzjonijiet speċjali fuq l-importazzjoni ta' ċertu għalf u ikel minn ċerti pajjiżi terzi minħabba r-riskju ta' kontaminazzjoni bl-aflatossini.

(2)

Mill-2015 kien hemm bosta notifiki fis-Sistema tat-Twissija Rapida għall-ikel u l-għalf (Rapid Alert System for Food and Feed — RASFF) fejn ġew irrappurtati livelli għoljin ta' aflatossini u okratossina A f'(taħlitiet ta') ħwawar mill-Etjopja. Biex titħares is-saħħa tal-bniedem u tal-annimali fl-Unjoni, jeħtieġ li jiġu stipulati garanziji addizzjonali fir-rigward tal-ħwawar mill-Etjopja.

(3)

Dan l-aħħar l-RASFF irrappurtat żieda fis-sejbiet ta' nuqqas ta' konformità mal-leġiżlazzjoni tal-Unjoni rigward l-aflatossini fil-karawett mill-Arġentina u fil-ġellewż mill-Ażerbajġan. Fil-passat dawn iż-żewġ prodotti kienu elenkati biex isiru aktar kontrolli fuq l-importazzjonijiet tagħhom fil-qafas tar-Regolament tal-Kummissjoni (KE) Nru 669/2009 (3), u mbagħad tneħħew mil-lista wara li kellhom riżultati favorevoli mill-kontrolli uffiċjali. Minħabba ż-żieda ta' sejbiet ta' nuqqas ta' konformità, jeħtieġ li jiġu stipulati garanziji addizzjonali biex ikun żgurat li l-awtorità kompetenti tal-pajjiż tal-oriġini jwettaq il-kontrolli meħtieġa qabel ma dawn jiġu esportati lejn l-Unjoni. Għaldaqstant, biex titħares is-saħħa tal-bnedmin u tal-annimali fl-Unjoni, huwa meħtieġ ir-rekwiżit li kull konsenja ta' karawett mill-Arġentina u ta' ġellewż mill-Ażerbajġan li tkun maħsuba għall-importazzjoni fl-Unjoni għandu jkollha magħha ċertifikat tas-saħħa.

(4)

Ta' min wieħed jinnota li l-għalf u l-ikel komposti li jkun fihom xi għalf jew ikel kopert mill-kundizzjonijiet speċjali stipulati f'dan ir-Regolament fi kwantità ta' iktar minn 20 % huma wkoll koperti mill-kundizzjonijiet speċjali stipulati f'dan ir-Regolament. Ta' min wieħed jinnota wkoll li l-20 % jirreferi għat-total tal-prodotti koperti mill-kundizzjonijiet speċjali stipulati f'dan ir-Regolament.

(5)

Billi f'ċerti sitwazzjonijiet il-konsenji waslu fil-punt magħżul għall-importazzjoni (PMI) mingħajr ma mtlew l-entrati meħtieġa fid-Dokument Komuni tad-Dħul għall-kontroll tad-dokumenti, jixraq li jkun previst espliċitament li t-trasferiment tal-konsenja fil-punt magħżul għall-importazzjoni jista' jiġi awtorizzat biss wara li jiġi ppreżentat Dokument Komuni tad-Dħul mimli kif suppost għall-kontroll tad-dokumenti.

(6)

Abbażi tar-riżultati tal-kontroll uffiċjali, jixraq li jsiru l-bidliet li ġejjin għall-prodotti li huma soġġetti għall-kundizzjonijiet speċifiċi u/jew bidliet fil-frekwenza tal-kontrolli: titnaqqas il-frekwenza tat-teħid tal-kampjuni ta' tin imnixxef mit-Turkija, billi r-riżultati tat-testijiet huma favorevoli; titnaqqas il-frekwenza tat-teħid tal-kampjuni ta' karawett mill-Indja, billi r-riżultati tat-testijiet huma favorevoli; tiżdied il-frekwenza tat-teħid tal-kampjuni tal-ġellewż mit-Turkija, billi żdiedu s-sejbiet ta' nuqqas ta' konformità permezz tal-RASFF.

(7)

Barra minn hekk, il-kodiċi tan-NM tal-frott imnixxef tal-ġeneru Capsicum, sħiħ, minbarra l-bżar ħelu (Capsicum annuum) jeħtieġ li jiġi aġġornat biex il-kamp ta' applikazzjoni jiġi jaqbel mal-entrata Capsicum annuum, imfarrak jew mitħun, jiġifieri li ma jinkludix il-ġeneru Pimenta.

(8)

Għaldaqstant, ir-Regolament ta' Implimentazzjoni (UE) Nru 884/2014 għandu jiġi emendat skont dan.

(9)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Ir-Regolament ta' Implimentazzjoni (UE) Nru 884/2014 huwa emendat kif ġej:

(1)

L-Artikolu 1 huwa emendat kif ġej:

(a)

fil-paragrafu 1, għandhom jinżiedu l-punti (m) u (n) li ġejjin:

“(l)

il-ħwawar li joriġinaw jew li jintbagħtu mill-Etjopja;

(m)

il-karawett bil-qoxra u bla qoxra, il-butir tal-karawett, il-karawett ippreparat mod ieħor jew ippreservat (għalf u ikel) li joriġinaw jew li jintbagħtu mill-Arġentina;

(n)

il-ġellewż fil-qoxra u bla qoxra, taħlitiet ta' ġwież jew ta' frott imnixxef li jkun fih il-ġellewż, il-pejst tal-ġellewż, il-ġellewż ippreparat jew ippreservat, anki taħlitiet, dqiq, ġellewż mitħun jew trab, il-ġellewż imqatta', imfettet, u mkisser, u ż-żejt tal-ġellewż li joriġinaw jew jintbagħtu mill-Ażerbajġan;”

(b)

il-paragrafu 2 huwa sostitwit b'dan li ġej:

“2.   Dan ir-Regolament għandu japplika wkoll għall-għalf u l-ikel ipproċessat mill-għalf u l-ikel imsemmija fil-paragrafu 1 u għall-għalf u l-ikel kompost, li fihom kwalunkwe għalf jew ikel imsemmi fil-paragrafu 1 fi kwantità ta' 'l fuq minn 20 % ta' prodott wieħed jew tat-total tal-prodotti msemmija fil-paragrafu 1.”

(2)

Fl-Artikolu 5(2), jiżiedu l-punti (j), (k) u (l) li ġejjin:

“(j)

il-Ministeru tal-Agrikultura u l-Iżvilupp Rurali għall-ikel mill-Etjopja;

(k)

is-Servizz Nazzjonali Agroalimentari għas-Sikurezza u l-Kwalità tal-Ikel u tal-għalf (SENASA) mill-Arġentina;

(l)

iċ-Ċentru tal-Għarfien Espert għall-Prodotti tal-Konsumaturi (Consumer Commodity Expertise Centre — CCEC) tas-Servizz Statali għall-Politika Kontra l-Monopolju u għall-Ħarsien tad-Drittijiet tal-Konsumaturi (State Service for Antimonopoly Policy and Protection of Consumer Rights — SSAPPCR) li jiddependi mill-Ministeru tal-Iżvilupp Ekonomiku (MED) għall-ikel mill-Ażerbajġan.”

(3)

Fl-Artikolu 9(4), l-ewwel sentenza hija sostitwita b'dan li ġej:

“L-awtoritajiet tad-dwana għandhom jawtorizzaw it-trasferiment tal-konsenja lejn punt magħżul għall-importazzjoni wara li jitlestew il-kontrolli b'riżultat favorevoli kif imsemmi fil-paragrafu 2, u jimtlew l-entrati rilevanti tal-parti II tad-Dokument Komuni tad-Dħul (II.3, II.5, II.8 u II.9), u soġġett għall-preżentazzjoni lill-awtoritajiet doganali, jew b'mod fiżiku jew b'mod elettroniku, tad-Dokument Komuni tad-Dħul mimli mill-operatur tan-negozju tal-għalf u tal-ikel jew mir-rappreżentant tiegħu.”

(4)

L-Anness I huwa emendat skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Il-konsenji tal-għalf u l-ikel imsemmija fil-punti (l), (m), u (n) tal-Artikolu 1(1) li ntbagħtu mill-pajjiż ta' oriġini qabel id-dħul fis-seħħ ta' dan ir-Regolament jistgħu jiġu importati fl-UE mingħajr ma jkunu akkumpanjati minn ċertifikat tas-saħħa u r-riżultati tat-teħid tal-kampjuni u tal-analiżi.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-1 ta' Diċembru 2016.

Għall-Kummissjoni

Il-President

Jean-Claude JUNCKER

(1)  ĠU L 31, 1.2.2002, p. 1

(2)  Ir-Regolament ta' Implimentazzjoni tal-Kummissjoni (UE) Nru 884/2014 tat-13 ta' Awwissu 2014 li jimponi kundizzjonijiet speċjali għar-regolamentazzjoni tal-importazzjoni ta' ċertu għalf u ikel minn ċertu pajjiżi terzi minħabba r-riskju ta' kontaminazzjoni bl-aflatossini u li jħassar ir-Regolament (KE) Nru 1152/2009 (ĠU L 242, 14.8.2014, p. 4).

(3)  Ir-Regolament tal-Kummissojni (KE) Nru 669/2009 tal-24 ta' Lulju 2009 li jimplimenta r-Regolament (KE) Nru 882/2004 tal-Parlament Ewropew u tal-Kunsill dwar iż-żieda fil-livell tal-kontrolli uffiċjali mwettqa fuq l-importazzjoni ta' ċertu għalf u ikel ta' oriġini mhux mill-annimali u li jemenda d-Deċiżjoni 2006/504/KE (ĠU L 194, 25.7.2009, p. 11).

ANNESS

L-Anness I tar-Regolament ta' Implimentazzjoni (UE) Nru 884/2014 huwa emendat kif ġej:

(1)

Jinżiedu l-entrati li ġejjin:

Għalf u ikel

(użu maħsub)

Kodiċi tan-NM (1)

TARIC sottodiviżjoni

Pajjiż tal-oriġini jew pajjiż tal-konsenja

Frekwenza tal-kontrolli fiżiċi u tal-identità (%) waqt l-importazzjoni

“—

Bżar tal-ġeneru Piper; frott imnixxef jew imfarrak tal-ġeneru Capsicum jew tal-ġeneru Pimenta

—

 0904

 

L-Etjopja

50

—

Ġinġer, żagħfran, żagħfran tal-Indja (turmeric, kurkuma), sagħtar, weraq tar-rand, kàri u ħwawar oħrajn

—

 0910

(Ikel — ħwawar imnixxfin)

 

—

Karawett bil-qoxra

—

 1202 41 00

 

L-Arġentina (AR)

5

—

Karawett, bla qoxra

—

 1202 42 00

—

Butir tal-karawett

—

 2008 11 10

—

Karawett, ippreparat jew ippreservat b'xi mod ieħor

—

2008 11 91 ;

2008 11 96 ;

2008 11 98

(Għalf u Ikel)

 

—

Ġellewż (Corylus sp.) bil-qoxra

—

 0802 21 00

 

L-Ażerbajġan (AZ)

20”

—

Ġellewż (Corylus sp.) bla qoxra

—

 0802 22 00

—

Taħlitiet ta' ġwież jew ta' frott imnixxef li fihom il-ġellewż

—

 ex 0813 50

—

Pejst tal-ġellewż

—

ex 2007 10 jew 2007 99

—

Ġellewż, ippreparat jew ippreservat mod ieħor, anki t-taħlitiet

—

 ex 2008 19

—

Ġellewż fil-forma ta' dqiq, jew mitħun, jew trab

—

 ex 1106 30 90

—

Ġellewż imqatta', imfettet jew imkisser

—

 ex 0802 22 00

—

Ġellewż imqatta', imfettet jew imkisser, ippreparat jew ippriżervat b'xi mod ieħor

—

 ex 2008 19

—

Żejt tal-ġellewż

—

 ex 1515 90 99

(Ikel)

 

(2)

Il-ħames entrata rigward it-tin imnixxef, it-taħlitiet ta' gwież jew ta' frott imnixxef li jkun fihom it-tin, il-pejst tat-tin, ippreparat jew ippriżervat, li jinkludu taħlitiet mit-Turkija, huwa sostitwit b'dan li ġej:

“—

Tin imnixxef

—

 0804 20 90

 

It-Turkija (TR)

10”

—

Taħlitiet ta' ġwież jew ta' frott imnixxef li fihom it-tin

—

 ex 0813 50

—

Pejst tat-tin

—

ex 2007 10 jew 2007 99

—

Tin, ippreparat jew ippreservat, inklużi t-taħlitiet

—

ex 2008 99 jew ex 2008 97

(Ikel)

 

(3)

Is-sitt entrata rigward il-ġellewż, it-taħlitiet ta' ġwież jew ta' frott imnixxef li jkun fihom il-ġellewż, il-ġellewż ippreparat jew ippriżervat, anki taħlitiet, dqiq, ġellewż mitħun jew trab, il-ġellewż imqatta', imfettet, u mkisser, u ż-żejt tal-ġellewż mit-Turkija hija sostitwita b'dan li ġej:

“—

Ġellewż (Corylus sp.) bil-qoxra

—

 0802 21 00

 

It-Turkija (TR)

5”

—

Ġellewż (Corylus sp.) bla qoxra

—

 0802 22 00

—

Taħlitiet ta' ġwież jew ta' frott imnixxef li fihom il-ġellewż

—

 ex 0813 50

—

Pejst tal-ġellewż

—

ex 2007 10 jew 2007 99

—

Ġellewż, ippreparat jew ippreservat mod ieħor, anki t-taħlitiet

—

 ex 2008 19

—

Ġellewż fil-forma ta' dqiq, jew mitħun, jew trab

—

 ex 1106 30 90

—

Ġellewż imqatta', imfettet jew imkisser

—

 ex 0802 22 00

—

Ġellewż imqatta', imfettet jew imkisser, ippreparat jew ippriżervat b'xi mod ieħor

—

 ex 2008 19

—

Żejt tal-ġellewż

—

 ex 1515 90 99

(Ikel)

 

(4)

Id-disa' entrata rigward il-karawett bil-qoxra u bla qoxra, il-butir tal-karawett, il-karawett ippreparat jew ippriżervat b'xi mod ieħor li jkun ġej mill-Indja hija sostitwita b'dan li ġej:

“—

Karawett bil-qoxra

—

 1202 41 00

 

L-Indja (IN)

10”

—

Karawett, bla qoxra

—

 1202 42 00

—

Butir tal-karawett

—

 2008 11 10

—

Karawett, ippreparat jew ippreservat b'xi mod ieħor

—

2008 11 91 ;

2008 11 96 ;

2008 11 98

(Għalf u ikel)

 

(5)

It-tnax-il entrata rigward il-Capsicum annuum, sħiħ, imfarrak jew mitħun, frott imnixxef tal-ġeneru Capsicum, sħiħ, minbarra l-bżar ħelu (Capsicum annuum) u n-noċemuskata (Myristica fragrans) mill-Indja hija sostitwita b'dan li ġej:

“—

Capsicum annuum, sħiħ

—

 0904 21 10

 

L-Indja (IN)

20”

—

Capsicum annuum, imfarrak jew mitħun

—

 ex 0904 22 00

10

—

Frott imnixxef tal-ġeneru Capsicum, sħiħ, minbarra l-bżar ħelu (Capsicum annuum)

—

 ex 0904 21 90

 

—

Noċemuskata (Myristica fragrans)

—

0908 11 00 ;

0908 12 00

 

(Ikel — ħwawar imnixxfin)