31.8.2016   

MT

Il-Ġurnal Uffiċjali tal-Unjoni Ewropea

L 234/1

(1)

Sabiex tiżgura aċċess rapidu għal informazzjoni regolata fuq bażi nondiskriminatorja u tagħmel dik l-informazzjoni disponibbli għall-utenti, l-Awtorità Ewropea tat-Titoli u s-Swieq (ESMA) għandha l-obbligu li tiżviluppa u topera Punt ta' Aċċess Elettroniku Ewropew (PAEE). Il-PAEE għandu jkun maħsub bħala portal web li jkun aċessibbli mis-sit web tal-ESMA, u li, minħabba r-rwol ċentralizzanti tiegħu, ma għandux jieħu fuqu l-funzjonijiet tal-mekkaniżmi maħtura uffiċjalment (MMU) fir-rigward tal-ħażna ta' informazzjoni regolata. Il-PAEE għandu jagħti aċċess għall-informazzjoni regolata maħżuna mill-MMU kollha, jevita li jkun hemm ħażna doppja tad-dejta, u jimminimizza r-riskji għas-sigurtà tal-iskambju tad-dejta.

(2)

Sabiex jiffaċilita t-tiftix għall-informazzjoni regolata u biex jiżgura aċċess rapidu għal dik l-informazzjoni, il-PAEE għandu joffri lill-utenti l-possibiltà li jfittxu skont ir-referenza għall-identità ta' emittent, l-Istat Membru tad-domiċilju jew it-tip ta' informazzjoni regolata. Fl-istess ħin, il-PAEE għandu jagħmilha possibbli li l-utenti jaċċessaw l-informazzjoni regolata li jkunu talbu permezz ta' hyperlinks għas-siti web tal-MMU fejn l-informazzjoni tkun maħżuna.

(3)

It-tħaddim tajjeb tal-PAEE u l-konnessjoni tagħha mal-MMU jiddependu fuq is-sigurtà, l-effettività, l-effiċjenza u l-adattabilità tat-teknoloġiji tal-komunikazzjoni li jirfduha. Għall-konnessjoni bejn il-PAEE u l-MMU għandu jintuża s-Secure Hypertext Transfer Protocol. Madankollu, minħabba l-iżviluppi kontinwi fit-teknoloġiji tal-komunikazzjoni u l-bżonn li jiġu żgurati l-integrità u s-sigurtà tal-iskambju tal-metadejta dwar l-informazzjoni regolata, l-ESMA u l-MMU għandhom jikkooperaw biex jidentifikaw u jimplimentaw teknoloġiji tal-komunikazzjoni alternattivi fil-ġejjieni. Barra minn hekk, meta l-ESMA tqis, skont kriterji tekniċi oġġettivi, li l-kooperazzjoni meħtieġa għal dak il-għan tkun ineffettiva, l-ESMA għandha tkun tista' tindika liem teknoloġiji tal-komunikazzjoni alternattivi għandhom jintużaw mill-PAEE u l-MMU.

(4)

Sabiex ikunu jistgħu jsiru tiftixiet transfruntieri u jkun hemm riżultati tat-tiftix preċiżi, MMU għandu juża identifikatur uniku għal kull emittent tat-titoli elenkati. L-armonizzazzjoni tal-identifikaturi uniċi użati mill-MMU għandha tippermetti lill-utenti finali tal-PAEE jidentifikaw b'mod iktar pront l-emittenti li dwarhom ikunu qegħdin ifittxu l-informazzjoni. Barra minn hekk, minħabba l-integrazzjoni tas-swieq finanzjarji fil-livell internazzjonali, l-identifikaturi uniċi għandhom ikunu aċċettati internazzjonalment, ikunu adattati biex jiġu assenjati lil kwalunkwe emittent, ikollhom impatt finanzjarju limitat fuq l-emittenti u l-MMU, u jqisu żviluppi futuri f'dan il-qasam. Għaldaqstant, l-MMU għandhom jużaw l-identifikaturi ta' entità ġuridika bħala l-identifikatur uniku tal-emittenti tat-titoli elenkati.

(5)

L-armonizzazzjoni tal-format użat biex tiġi skambjata l-informazzjoni bejn il-PAEE u l-MMU hija meħtieġa biex tiġi żgurata l-ħidma effettiva tal-PAEE. Għaldaqstant, meta jkun qed jiġi identifikat il-format xieraq għall-iskambju tal-informazzjoni għandhom jitqiesu l-attributi tal-iskambju tat-titoli u tal-validazzjoni tal-iktar formati standard komuni li jintużaw fis-suq. Minħabba li l-PAEE ma għandux jieħu fuqu l-funzjonijiet tal-MMU fir-rigward tal-ħżin ta' informazzjoni regolata, il-format għall-iskambju tal-informazzjoni regolata għandu jiddetermina liema metadejta dwar l-informazzjoni regolata għandha tkun attivata mill-MMU biex ikun żgurat it-tiftix iffukat u l-aċċess rapidu għall-informazzjoni regolata mill-utenti.

(6)

L-istipulazzjoni ta' lista komuni ta' tipi ta' informazzjoni regolata għandha tippermetti lill-investituri jkollhom fehim aħjar tal-informazzjoni li hija soġġetta għar-rekwiżiti tal-akkuratezza, komprensività u t-tixrid fil-waqt mill-emittenti skont id-Direttiva 2004/109/KE. It-tikkettar u l-klassifikazzjoni komuni tal-informazzjoni regolata mill-MMU għall-iskop ta' utenti finali li jkunu qegħdin ifitxxu li jaċċessaw l-informazzjoni regolata permezz tal-PAEE għandhom jippermettu lill-utenti jiffukaw ir-rikjesti tat-tiftix tagħhom fuq it-tipi ta' informazzjoni li huma ta' interess għalihom, u għandha twassal għal effiċjenzi għall-investituri fil-proċess tat-teħid ta' deċiżjonijiet tagħhom.

(7)

Il-viżwalizzazzjoni jew it-tniżżil minn utenti aħħarin ta' dokumenti li jkun fihom informazzjoni regolata huma soġġetti għall-politiki tal-ipprezzar tal-MMU skont il-liġijiet nazzjonali ta' kull Stat Membru. Madankollu, l-MMU ma għandhomx iżommu flus lill-PAEE għat-twassil tal-metadejta dwar informazzjoni regolata.

(8)

Huwa neċessarju li l-MMU u l-emittenti jingħataw biżżejjed ħin biex jimplimentaw il-bidliet leġiżlattivi u teknoloġiċi meħtieġa biex jiġi żgurat l-użu tal-identifikaturi ta' entità ġuridika bħala l-identifikatur uniku għall-emittenti ta' titoli ammessi għan-negozjar fuq suq regolat. Huwa neċessarju wkoll li l-MMU u l-emittenti jingħataw biżżejjed ħin biex jimplimentaw il-bidliet leġiżlattivi u teknoloġiċi li huma meħtieġa għall-ħżin u l-ittegjar tal-informazzjoni għall-finijiet tal-klassifikazzjoni tal-informazzjoni regolata.

(9)

Dan ir-Regolament huwa bbażat fuq l-abbozz tal-istandards tekniċi regolatorji sottomess mill-ESMA lill-Kummissjoni.

(10)

B'konformità mal-Artikolu 10 tar-Regolament (UE) Nru 1095/2010 tal-Parlament Ewropew u tal-Kunsill (2), waqt li kienet qed tiżviluppa l-abbozz tal-istandards tekniċi regolatorji li fuqu dan ir-regolament huwa bbażat, l-ESMA wettqet konsultazzjonijiet pubbliċi miftuħa, analizzat il-kosti u l-benefiċċji relatati potenzjali u talbet l-opinjoni tal-Grupp tal-Partijiet Interessati tat-Titoli u s-Swieq stabbilit mill-Artikolu 37 ta' dak ir-Regolament. Fil-istess ħin, l-ESMA qieset ir-rekwiżiti tekniċi għas-sistema tal-interkonnessjoni bejn ir-reġistri ċentrali, kummerċjali u tal-kumpaniji stabbilita mid-Direttiva 2012/17/UE tal-Parlament Ewropew u tal-Kunsill (3),

(a)

isem l-emittenti li minnhom oriġinat l-informazzjoni regolata;

(b)

l-identifikatur uniku tal-emittenti kif stipulat fl-Artikolu 7;

(c)

l-Istati Membri tad-domiċilju tal-emittent kif definit fl-Artikolu 2(1)(i) tad-Direttiva 2004/109/KE;

(d)

il-klassifikazzjoni tal-informazzjoni regolata kif stabbilit fl-Artikolu 9(2).

(a)

rapporti finanzjarji u tal-awditu annwali li jinkludu l-informazzjoni kollha li huwa meħtieġ li tiġi divulgata skont l-Artikolu 4 tad-Direttiva 2004/109/KE;

(b)

ir-rapporti jew eżamijiet limitati finanzjarji u tal-awditu ta' nofs is-sena li jinkludu l-informazzjoni kollha li huwa meħtieġ li tiġi divulgata skont l-Artikolu 5 tad-Direttiva 2004/109/KE;

(c)

ħlasijiet lil gvernijiet li jinkludu l-informazzjoni kollha li huwa meħtieġ li tiġi divulgata skont l-Artikolu 6 tad-Direttiva 2004/109/KE;

(d)

l-għażla tal-Istat Membru tad-domiċilju, li tinkludi l-informazzjoni kollha li huwa meħtieġ li tiġi divulgata skont l-Artikolu 2(1)(i) tad-Direttiva 2004/109/KE;

(e)

informazzjoni privileġġjata li huwa meħtieġ li tiġi divulgata skont l-Artikolu 6 tad-Direttiva 2003/6/KE tal-Parlament Ewropew u tal-Kunsill (4);

(f)

notifiki rigward drittijiet tal-vot li jinkludu l-informazzjoni kollha li huwa meħtieġ li tiġi divulgata skont l-Artikolu 12 tad-Direttiva 2004/109/KE;

(g)

l-akkwiżizzjoni jew iċ-ċessjoni tal-ishma proprji tal-emittent li jinkludu l-informazzjoni kollha li huwa meħtieġ li tiġi divulgata skont l-Artikolu 14 tad-Direttiva 2004/109/KE;

(h)

l-għadd totali tad-drittijiet tal-vot u l-kapital li jinkludu l-informazzjoni kollha li huwa meħtieġ li tiġi divulgata skont l-Artikolu 15 tad-Direttiva 2004/109/KE;

(i)

bidliet fid-drittijiet marbutin mal-klassijiet tal-ishma jew titoli li jinkludu l-informazzjoni kollha li huwa meħtieġ li tiġi divulgata skont l-Artikolu 16 tad-Direttiva 2004/109/KE;

(j)

kull informazzjoni li ma taqax taħt il-punti (a) sa (i) iżda li l-emittent, jew kwalunkwe persuna oħra li tkun applikat għall-ammissjoni ta' titoli għan-negozjar f'suq regolat mingħajr il-kunsens tal-emittent, għandu jiddivulga skont il-liġijiet, regolamenti jew dispożizzjonijiet amministrattivi ta' Stat Membru adottati skont l-Artikolu 3(1) tad-Direttiva 2004/109/KE.