30.6.2016   

MT

Il-Ġurnal Uffiċjali tal-Unjoni Ewropea

L 175/1

(1)

Ir-Regolament (UE) Nru 600/2014 tal-Parlament Ewropew u tal-Kunsill (4) u d-Direttiva 2014/65/UE tal-Parlament Ewropew u tal-Kunsill (5) (flimkien, “il-qafas legali ġdid”) huma atti leġiżlattivi finanzjarji ewlenin adottati wara l-kriżi finanzjarja rigward is-swieq tat-titoli, l-intermedjarji tal-investiment u ċ-ċentri tan-negozjar. Il-qafas legali ġdid isaħħaħ u jissostitwixxi d-Direttiva 2004/39/KE tal-Parlament Ewropew u tal-Kunsill (6).

(2)

Il-qafas legali ġdid jirregola r-rekwiżiti applikabbli għad-ditti ta' investiment, is-swieq regolati, il-fornituri ta' servizzi ta' rappurtar tad-data u d-ditti minn pajjiżi terzi li jipprovdu servizzi jew attivitajiet ta' investiment fl-Unjoni. Huwa jarmonizza s-sistema ta' limiti ta' pożizzjoni għal derivattivi ta' komoditajiet biex titjieb it-trasparenza, biex jingħata sostenn għall-ipprezzar b'mod ordnat u biex jiġi evitat l-abbuż tas-suq. Huwa jintroduċi wkoll regoli dwar il-kummerċ algoritmiku ta' frekwenza għolja u jtejjeb is-superviżjoni tas-swieq finanzjarji billi jarmonizza sanzjonijiet amministrattivi. Filwaqt li jibni fuq ir-regoli diġà fis-seħħ, il-qafas legali ġdid isaħħaħ ukoll il-protezzjoni tal-investituri billi jintroduċi rekwiżiti robusti organizzattivi u ta' imġiba. Ir-regoli l-ġodda għandhom jibdew japplikaw mit-3 ta' Jannar 2017.

(3)

Il-qafas legali ġdid jeħtieġ li ċentri tan-negozjar u lill-internalizzaturi sistematiċi jipprovdu lill-awtoritajiet kompetenti data ta' referenza tal-istrumenti finanzjarji li tiddeskrivi b'mod uniformi l-karatteristiċi ta' kull strument finanzjarju li hu soġġett għad-Direttiva 2014/65/UE. Dik id-data hija użata wkoll għal skopijiet oħra, pereżempju għall-kalkolu tal-livelli ta' trasparenza u likwidità, kif ukoll għar-rappurtar tal-pożizzjoni ta' derivattivi ta' komoditajiet.

(4)

Sabiex id-data tinġabar b'mod effiċjenti u armonizzat, qiegħda tiġi żviluppata infrastruttura ġdida ta' ġbir tad-data, is-Sistema ta' Data ta' Referenza tal-Istrumenti Finanzjarji (“FIRDS”) mill-Awtorità Ewropea tat-Titoli u s-Swieq (“ESMA”) flimkien mal-awtoritajiet nazzjonali kompetenti (“NCAs”). Il-FIRDS ser tkopri firxa wiesgħa ta' strumenti finanzjarji li jaqgħu fl-ambitu tar-Regolament (UE) Nru 600/2014 u ser jgħaqqad id-data li tkun għaddejja bejn l-ESMA, l-NCAs u ċ-ċentri tan-negozjar madwar l-Unjoni. Il-maġġoranza l-kbira tas-sistemi tal-IT ġodda li jirfdu lill-FIRDS ser jeħtieġu li jinbnew mill-bidu nett, abbażi ta' parametri ġodda.

(5)

Minħabba l-kumplessità tal-qafas legali ġdid u l-ħtieġa ta' għadd kbir ħafna ta' atti delegati u ta' implimentazzjoni, id-data tal-applikabilità tar-Regolament (UE) Nru 600/2014 ġiet posposta bi 30 xahar mid-data tad-dħul fis-seħħ. Minkejja dan il-perijodu twil aktar mis-soltu, il-partijiet ikkonċernati, bħal ma huma l-pjattaformi ta' negozjar, l-NCAs u l-ESMA mhumiex f'pożizzjoni li jiżguraw li l-infrastrutturi meħtieġa għall-ġbir tad-data jkunu f'posthom u operattivi sat-3 ta' Jannar 2017. Dan huwa dovut għad-daqs u l-kumplessità tad-data li hemm il-ħtieġa li tinġabar u tiġi pproċessata sabiex il-qafas legali ġdid isir operattiv, b'mod partikolari għar-rappurtar tat-tranżazzjonijiet, il-kalkolu tat-trasparenza u r-rappurtar ta' pożizzjoni f'derivattivi ta' komoditajiet.

(6)

In-nuqqas tal-infrastrutturi meħtieġa għall-ġbir tad-data jkollu implikazzjonijiet fuq l-ambitu sħiħ tal-qafas legali ġdid. Mingħajr data, ma jkunx fattibbli li tiġi stabbilita delineazzjoni preċiża ta' strumenti finanzjarji li jaqgħu fl-ambitu tal-qafas legali ġdid. Barra minn hekk, ma jkunx possibbli li jiġu adattati r-regoli ta' trasparenza ta' qabel u ta' wara n-negozju, sabiex jiġi determinat liema strumenti huma likwidi u meta għandhom jingħataw konċessjonijiet għal eżenzjonijiet jew pubblikazzjoni differita.

(7)

Fin-nuqqas ta' infrastrutturi meħtieġa għall-ġbir tad-data, iċ-ċentri tan-negozjar u d-ditti tal-investiment ma jkunux kapaċi jirrapportaw it-tranżazzjonijiet eżegwiti lill-awtoritajiet kompetenti. Fin-nuqqas ta' rappurtar tal-pożizzjonijiet ta' derivattivi ta' komoditajiet, ikun diffiċli li jiġu infurzati limiti ta' pożizzjoni fuq taliderivattivi ta' komoditajiet. Jekk ma jkun hemm l-ebda rapportar tal-pożizzjoni, ikun hemm kapaċità limitata biex ejiġu identifikati b'mod effettiv ksur tal-limiti tal-pożizzjoni. Bosta mir-rekwiżiti fir-rigward tan-negozjar algoritmiku huma wkoll dipendenti fuq id-data.

(8)

In-nuqqas ta' infrastrutturi meħtieġa għall-ġbir tad-data jagħmilha wkoll diffiċli biex ditti tal-investiment japplikaw l-aħjar regoli ta' eżekuzzjoni. Iċ-ċentri tan-negozjar u l-internalizzaturi sistematiċi ma jkunux jistgħu jippubblikaw data relatata mal-kwalità ta' eżekuzzjoni tat-tranżazzjonijiet f'dawk iċ-ċentri. Id-ditti tal-investiment ma jiġux ipprovduti b'data importanti ta' eżekuzzjoni biex tgħinhom jiddeterminaw l-aħjar mod biex jeżegwixxu ordnijiet tal-klijenti.

(9)

Sabiex tiġi żgurata ċ-ċertezza legali u jiġi evitat tfixkil potenzjali tas-suq, huwa meħtieġ u ġġustifikat li tittieħed azzjoni urġenti biex jiġi pospost il-bidu tal-applikazzjoni tal-qafas legali ġdid fl-intier tiegħu, inklużi l-atti delegati u ta' implimentazzjoni kollha adottati taħthom.

(10)

Il-proċess ta' implimentazzjoni għal infrastrutturi tal-ġbir tad-data jinvolvi ħames passi: rekwiżiti ta' negozju, speċifikazzjonijiet, żvilupp, ittestjar u tnedija. L-ESMA tistima li dawk il-passi ser jitlestew sa Jannar 2018, sakemm ikun hemm ċertezza legali dwar ir-rekwiżiti finali skont l-istandards tekniċi regolatorji rilevanti sa Ġunju 2016.

(11)

Fid-dawl taċ-ċirkostanzi eċċezzjonali u sabiex l-ESMA, l-NCAs u l-partijiet ikkonċernati jkunu jistgħu jtemmu l-implimentazzjoni operattiva, ikun adatt li tiġi diferita d-data tal-applikazzjoni tar-Regolament (UE) Nru 600/2014 bi 12-il xahar sat-3 ta' Jannar 2018. Ir-rapporti u l-analiżi għandhom jiġu diferiti skont dan.

(12)

Id-ditti tal-investiment sikwit jeżegwixxu, fuq inizjattiva tagħhom stess jew f'isem il-klijenti, tranżazzjonijiet ta' derivattivi u strumenti finanzjarji jew assi oħra li jinkludu għadd ta' tranżazzjonijiet interkonnessi u kontinġenti. Tali transazzjonijiet f'pakkett jippermettu lid-ditti tal-investiment u lill-klijenti tagħhom jimmaniġġjaw aħjar ir-riskji tagħhom, peress li l-prezz ta' kull komponent tat-tranżazzjoni f'pakkett jirrifletti l-profil tar-riskju ġenerali tal-pakkett minflok il-prezz prevalenti tas-suq ta' kull komponent. It-transazzjonijiet f'pakkett jistgħu jieħdu diversi forom, bħal skambju ma' prodotti bażiċi, strateġiji tan-negozjar eżegwiti f'ċentri tan-negozjar, jew transazzjonijiet f'pakkett personalizzati, u huwa importanti li dawn il-karatteristiċi jitqiesu fil-kalibru tar-reġim ta' trasparenza applikabbli. Għaldaqstant huwa adatt li għall-finijiet tar-Regolament (UE) Nru 600/2014 jiġu speċifikati ċ-ċirkostanzi speċifiċi li fihom ir-rekwiżiti ta' trasparenza ta' qabel in-negozjar m'għandhomx japplikaw għall-ordnijiet b'rabta ma' tali transazzjonijiet f'pakkett, u lanqas għal xi komponent individwali ta' tali ordnijiet.

(13)

Bħala korp b'kompetenzi speċjalizzati ferm, ikun effiċjenti u adatt li l-ESMA tiġi fdata bl-elaborazzjoni ta' abbozz ta' standards tekniċi regolatorji li ma jinvolvux għażliet ta' politika għall-preżentazzjoni lill-Kummissjoni rigward metodoloġija biex jiġu determinati dawk l-ordnijiet f'pakkett li għalihom hemm suq likwidu. Il-Kummissjoni għandha tadotta dawk l-abbozz ta' standards tekniċi regolatorji permezz ta' atti delegati skont l-Artikolu 290 tat-Trattat dwar il-Funzjonament tal-Unjoni Ewropea u f'konformità mal-Artikoli 10 sa 14 tar-Regolament (UE) Nru 1095/2010 tal-Parlament Ewropew u tal-Kunsill (7).

(14)

Hu kkunsidrat li t-transazzjonijiet ta' finanzjament tat-titoli, kif definiti fir-Regolament (UE) 2015/2365 tal-Parlament Ewropew u tal-Kunsill (8), ma jikkontribwixxux għall-proċess ta' identifikazzjoni tal-prezz u li jkun adatt li t-Titolu II u t-Titolu III tar-Regolament (UE) Nru 600/2014 ma japplikawx għal dawk it-transazzjonijiet.

(15)

Ir-Regolament (UE) Nru 596/2014 tal-Parlament Ewropew u tal-Kunsill (9) jistabbilixxi rekwiżiti rigward il-ġbir ta' data ta' referenza tal-istrumenti finanzjarji. Dik id-data, li tinġabar permezz tal-FIRDS, tintuża biex jiġu determinati l-istrumenti finanzjarji li jaqgħu fl-ambitu tar-Regolament (UE) Nru 596/2014. Ir-Regolament (UE) Nru 596/2014 japplika mit-3 ta' Lulju 2016. Madankollu, il-FIRDS mhux ser tkun kompletament operazzjonali qabel Jannar 2018. Għalhekk ikun xieraq li d-data tal-applikazzjoni tal-Artikolu 4(2) u (3) tar-Regolament (UE) Nru 596/2014 tiġi differita sat-3 ta' Jannar 2018.

(16)

Ir-Regolament (UE) Nru 596/2014 jirreferi għad-data tal-applikazzjoni tal-qafas legali ġdid. Sabiex jiġi żgurat li r-referenzi fir-Regolament (UE) Nru 596/2014 għal faċilitajiet organizzati tan-negozjar, swieq ta' tkabbir tal-impriżi żgħar u ta' daqs medju (“SME”), kwoti tal-emissjonijiet jew prodotti rkantati bbażati fuqhom ma jkunux japplikaw sad-data tal-applikazzjoni tar-Regolament (UE) Nru 600/2014 u d-Direttiva 2014/65/UE, l-Artikolu 39(4) tar-Regolament (UE) Nru 596/2014 li jiddikjara li r-referenzi għalihom għandhom jinqraw bħala referenzi għad-Direttiva 2004/39/KE għandu jiġu aġġustat billi jiġi kkunsidrat il-posponiment tad-data tal-applikazzjoni ta' dawk l-atti.

(17)

Is-saldu ta' tranżazzjonijiet tat-titoli huwa marbut mill-qrib man-negozjar tat-titoli. Bħala tali, ir-Regolament (UE) Nru 909/2014 tal-Parlament Ewropew u tal-Kunsill (10) jirreferi għad-data tal-applikazzjoni tal-qafas legali ġdid. Qabel dik id-data, ir-referenzi għar-Regolament (UE) Nru 600/2014 u d-Direttiva 2014/65/UE għandhom jinqraw bħala referenzi għad-Direttiva 2004/39/KE. Ir-Regolament (UE) Nru 909/2014 ikompli joħloq sistema ta' tranżizzjoni għall-applikazzjoni tar-regoli dwar id-dixxiplina tas-saldu għal faċilitajiet multilaterali tan-negozjar (“MTFs”) li japplikaw għar-reġistrazzjoni bħala swieq ta' tkabbir tal-SMEs skont id-Direttiva 2014/65/UE.

(18)

Sabiex jiġi żgurat li d-Direttiva 2004/39/KE tiġi msemmija fir-Regolament (UE) Nru 909/2014 sad-data posposta ta' applikazzjoni tal-qafas legali ġdid u li d-dispożizzjonijiet tranżitorji għall-MTFs li japplikaw għar-reġistrazzjoni bħala swieq ta' tkabbir tal-SMEs skont ir-Regolament (UE) Nru 909/2014 jinżammu sabiex ikun hemm biżżejjed żmien biex l-MTFs japplikaw għal din ir-reġistrazzjoni skont id-Direttiva 2014/65/UE, ir-Regolament (UE) Nru 909/2014 għandu jiġi emendat.

(19)

Għaldaqstant, ir-Regolamenti (KE) Nru 600/2014, (UE) Nru 596/2014 u (UE) Nru 909/2014 għandhom jiġu emendati skont dan,

(1)

Fl-Artikolu 1, jiddaħħal il-paragrafu li ġej:

“5a.   It-Titolu II u t-Titolu III ta' dan ir-Regolament m'għandhomx japplikaw għat-tranżazzjonijiet ta' finanzjament tat-titoli kif definit fil-punt (11) tal-Artikolu 3 tar-Regolament (UE) 2015/2365 tal-Parlament Ewropew u tal-Kunsill (*).

(*)  Regolament (UE) 2015/2365 tal-Parlament Ewropew u tal-Kunsill tal-25 ta' Novembru 2015 dwar it-trasparenza ta' transazzjonijiet ta' finanzjament tat-titoli u l-użu mill-ġdid u li jemenda r- Regolament (UE) Nru 648/2012 (ĠU L 337, 23.12.2015, p. 1).”."

(2)

Fl-Artikolu 2(1), jiżdiedu l-punti li ġejjin:

(3)

Fl-Artikolu 4(7), id-data t-“3 ta' Jannar 2017” tiġi ssostitwita bid-data t-“3 ta' Jannar 2018” u id-data “3 ta' Jannar 2019” tiġi ssostitwita bit-“3 ta' Jannar 2020”;

(4)

Fl-Artikolu 5(8), id-data t-“3 ta' Jannar 2016” tiġi ssostitwita bit-“3 ta' Jannar 2017”.

(5)

Fl-Artikolu 8(1), l-ewwel sentenza tinbidel b'dan li ġej:

“L-operaturi tas-suq u d-ditti tal-investiment li joperaw ċentru tan-negozjar għandhom jippubblikaw il-prezzijiet attwali tad-domanda u l-offerta u l-intensità tal-interessi ta' negozjar ta' dawk il-prezzijiet li huma reklamati permezz tas-sistemi tagħhom għall-bonds, u prodotti finanzjarji strutturati, kwoti ta' emissjonijiet, derivattivi negozjati f'ċentru tan-negozjar u ordnijiet f'pakkett.”.

(6)

L-Artikolu 9 huwa emendat kif ġej:

(7)

Fl-Artikolu 18, jiżdied il-paragrafu li ġej:

“11.   Rigward ordni f'pakkett u mingħajr preġudizzju għall-paragrafu 2, l-obbligi f'dan l-Artikolu għandhom japplikaw biss għall-ordni f'pakkett kollha kemm hi u mhux għal xi komponent tal-ordni f'pakkett separatament.”.

(8)

Fl-Artikolu 19(1), id-data t-“3 ta' Jannar 2019” tiġi ssostitwita bit-“3 ta' Jannar 2020”.

(9)

Fl-Artikolu 26(10), id-data t-“3 ta' Jannar 2019” tiġi ssostitwita bit-“3 ta' Jannar 2020”.

(10)

Fl-Artikolu 35(5), id-data t-“3 ta' Jannar 2017” tiġi ssostitwita bit-“3 ta' Jannar 2018” u d-data t-“3 ta' Lulju 2019” tiġi ssostitwita bit-“3 ta' Lulju 2020”.

(11)

Fl-Artikolu 37(2), id-data t-“3 ta' Jannar 2017” tiġi ssostitwita bit-“3 ta' Jannar 2018”.

(12)

L-Artikolu 52 huwa emendat kif ġej:

(13)

Fl-ewwel subparagrafu tal-Artikolu 54(2), id-data t-“3 ta' Lulju 2019” tiġi ssostitwita bit-“3 ta' Lulju 2020”.

(14)

L-Artikolu 55 huwa emendat kif ġej:

(a)

il-paragrafu 2 huwa sostitwit b'dan li ġej:

“2.   Għandu japplika mit-3 ta' Lulju 2016 ħlief għal:

(b)

fl-ewwel subparagrafu tal-paragrafu 394, id-data t-“3 ta' Jannar 2017” tiġi ssostitwita bit-“3 ta' Jannar 2018”;

(c)

fit-tieni subparagrafu tal-paragrafu 394, id-data t-“3 ta' Jannar 2017” tiġi ssostitwita bit-“3 ta' Jannar 2018”.

(a)

fil-punt (b) tat-tieni subparagrafu tal-paragrafu 5, id-data t-“13 ta' Ġunju 2017” tiġi sostitwita bit-“13 ta' Ġunju 2018”;

(b)

fil-paragrafu 7, id-data t-“3 ta' Jannar 2017” tiġi ssostitwita bit-“3 ta' Jannar 2018”.