li jistabbilixxi, skont ir-Regolament (UE) Nru 517/2014 tal-Parlament Ewropew u tal-Kunsill, l-arranġamenti ddettaljati marbutin mad-dikjarazzjoni ta' konformità meta t-tagħmir tar-refriġerazzjoni, tal-arja kondizzjonata u tal-pompi tas-sħana ċċarġjat bl-idrofluworokarburi jitqiegħed fis-suq u mal-verifika ta' din id-dikjarazzjoni minn awditur indipendenti

Wara li kkunsidrat ir-Regolament (UE) Nru 517/2014 tal-Parlament Ewropew u tal-Kunsill tas-16 ta' April 2014 dwar gassijiet fluworurati b'effett ta' serra u li jħassar ir-Regolament (KE) Nru 842/2006 (1), u b'mod partikulari l-Artikolu 14(4) tiegħu,

1. L-importaturi u l-manifatturi tat-tagħmir tar-refriġerazzjoni, tal-arja kondizzjonata u tal-pompi tas-sħana ċċarġjat bl-idrofluworokarburi (minn hawn 'il quddiem imsejjaħ “it-tagħmir”) għandhom ifasslu d-dikjarazzjoni ta' konformità msemmija fl-Artikolu 14 tar-Regolament (UE) Nru 517/2014 billi jużaw il-mudell stabbilit fl-Anness I ta' dan ir-Regolament. Id-dikjarazzjoni tal-konformità għandha tiġi ffirmata minn rappreżentant legali tal-manifattur jew tal-importatur tat-tagħmir.

2. F'każ ta' importazzjoni ta' tagħmir imsemmi fl-Artikolu 1, l-importatur għandu jiżgura li l-awtoritajiet tad-dwana jkollhom għad-dispożizzjoni tagħhom kopja tad-dikjarazzjoni tal-konformità meta tintbagħat id-dikjarazzjoni doganali marbuta mar-rilaxx għaċ-ċirkolazzjoni libera fl-Unjoni.

3. Dikjarazzjoni tal-konformità tista' tirreferi biss għal awtorizzazzjoni msemmija fl-Artikolu 18 tar-Regolament (UE) Nru 517/2014 jekk l-awtorizzazzjoni tkun irreġistrata kif xieraq fir-reġistru stabbilit skont l-Artikolu 17 ta' dak ir-Regolament.

1. Għal kull tqegħid fis-suq, il-manifatturi ta' tagħmir iċċarġjat bl-idrofluworokarburi fl-Unjoni għandhom iżommu d-dokumentazzjoni li ġejja msemmija fl-Artikolu 14 tar-Regolament (UE) Nru 517/2014:

2. L-importaturi tat-tagħmir għandhom iżommu d-dokumentazzjoni li ġejja msemmija fl-Artikolu 14 tar-Regolament (UE) Nru 517/2014 għal kull tagħmir kopert b'dikjarazzjoni doganali waħda għar-rilaxx għaċ-ċirkolazzjoni libera fl-Unjoni:

1. L-awditur indipendenti msemmi fit-tieni subparagrafu tal-Artikolu 14(2) tar-Regolament (UE) Nru 517/2014 għandu jivverifika d-dokumentazzjoni li ġejja u d-dikjarazzjonijiet tal-konformità tal-importatur tat-tagħmir:

2. L-awditur indipendenti għandu joħroġ dokument ta' verifika bis-sejbiet tiegħu wara li jagħmel il-verifika skont il-paragrafu 1. Dan għandu jinkludi stqarrija dwar il-livell ta' preċiżjoni tad-dokumentazzjoni u tad-dikjarazzjonijiet rilevanti.

L-importatur tat-tagħmir għandu jippreżenta d-dokument ta' verifika msemmi fl-Artikolu 3(2) ta' dan ir-Regolament billi juża l-għodda tar-rappurtar imqiegħda għad-dispożizzjoni skont l-Artikolu 1 tar-Regolament ta' Implimentazzjoni tal-Kummissjoni (UE) Nru 1191/2014 sal-31 ta' Marzu ta' kull sena għas-sena kalendarja ta' qabel u għandu jindika fl-għodda s-sejbiet tal-awditur dwar il-livell ta' preċiżjoni tad-dokumentazzjoni u tad-dikjarazzjonijiet rilevanti.

Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Madankollu, l-Artikoli 1 u 2 tiegħu japplikaw mill-1 ta' Jannar 2017 u l-Artikoli 3 u 4 tiegħu japplikaw mill-1 ta' Jannar 2018.

(2) Ir-Regolament ta' Implimentazzjoni tal-Kummissjoni (UE) Nru 1191/2014 tat-30 ta' Ottubru 2014 li jiddetermina l-format u l-mezzi għall-preżentazzjoni tar-rapport imsemmi fl-Artikolu 19 tar-Regolament (UE) Nru 517/2014 tal-Parlament Ewropew u tal-Kunsill dwar gassijiet fluworurati b'effett ta' serra (ĠU L 318, 5.11.2014, p. 5).

ANNESS

Dikjarazzjoni ta' konformità mal-Artikolu 14 tar-Regolament (UE) Nru 517/2014 tal-Parlament Ewropew u tal-Kunsill (1)

Aħna [daħħal isem il-kumpanija, in-numru ta' identifikazzjoni tal-VAT u l-identifikazzjoni tar-reġistrazzjoni fil-portal tal-gassijiet fluworurati b'effett ta' serra] niddikjaraw, u responsabbli għal dan aħna biss, li meta nqiegħdu fis-suq tagħmir iċċarġjat minn qabel li nkunu impurtajna fl-Unjoni jew immanifatturajna fiha, l-idrofluworokarburi li jkunu jinsabu f'dak it-tagħmir ikunu meqjusin fis-sistema ta' kwoti msemmija fil-Kapitolu IV tar-Regolament (UE) Nru 517/2014:

[jekk jogħġbok immarka l-għażla jew l-għażliet rilevanti; għażla waħda jew iktar minn dawn t'hawn taħt jagħtuk kopertura taħt is-sistema tal-kwoti]

☐ A.

fiż-żmien tar-rilaxx għaċ-ċirkolazzjoni ħielsa, kellna awtorizzazzjonijiet maħruġin skont l-Artikolu 18(2) tar-Regolament (UE) Nru 517/2014 u rreġistrati fir-reġistru msemmi fl-Artikolu 17 ta' dak ir-Regolament, biex nużaw il-kwota ta' produttur jew importatur tal-idrofluworokarburi li huwa suġġett għall-Artikolu 15 tar-Regolament (UE) Nru 517/2014 li jkopru l-kwantità ta' idrofluworokarburi li jinsabu fit-tagħmir.

☐ B.

[għall-importaturi tat-tagħmir biss] l-idrofluworokarburi li jinsabu fit-tagħmir tqiegħdu fis-suq fl-Unjoni u wara ġew esportati u ċċarġjati fit-tagħmir barra l-Unjoni, u l-impriża li qiegħdet l-idrofluworokarburi fis-suq għamlet dikjarazzjoni li tiddikjara li l-kwantità ta' idrofluworokarburi ġiet irrappurtata jew se tiġi rrappurtata bħala kwantità mqiegħda fis-suq fl-Unjoni u li din ma kinitx u mhix se tkun irrappurtata bħala kwantità fornuta direttament għall-esportazzjoni fis-sens tal-Artikolu 15(2)(c) tar-Regolament (UE) Nru 517/2014 skont l-Artikolu 19 tar-Regolament (UE) Nru 517/2014 u t-Taqsima 5C tal-Anness tar-Regolament ta' Implimentazzjoni tal-Kummissjoni (UE) Nru 1191/2014 (2).

☐ C.	[għal tagħmir immanifatturat fl-Unjoni biss] l-idrofluworokarburi ċċarġjati fit-tagħmir tqiegħdu fis-suq minn produttur jew importatur tal-idrofluworokarburi li huwa suġġett għall-Artikolu 15 tar-Regolament (UE) Nru 517/2014.

[isem ir-rappreżentant legali u l-kariga tiegħu]

[firma tar-rappreżentant legali]

[data]

(1) Ir-Regolament (UE) Nru 517/2014 tal-Parlament Ewropew u tal-Kunsill tas-16 ta' April 2014 dwar gassijiet fluworurati b'effett ta' serra u li jħassar ir-Regolament (KE) Nru 842/2006 (ĠU L 150, 20.5.2014, p. 195).