29.4.2016   

MT

Il-Ġurnal Uffiċjali tal-Unjoni Ewropea

L 115/37

(1)

Skont l-Artikolu 10 tar-Regolament (UE) 2015/478, sorveljanza minn qabel tal-Unjoni tista' tkun introdotta fejn ix-xejra fl-importazzjonijiet ta' prodott thedded li tikkawża dannu lill-produtturi tal-Unjoni, u fejn l-interessi tal-Unjoni hekk jeħtieġu. L-Artikolu 7 tar-Regolament (UE) 2015/755 jipprevedi wkoll il-possibbiltà li jintroduċi sorveljanza minn qabel fejn l-interessi tal-Unjoni jirrikjedu dan.

(2)

Il-Kummissjoni Ewropea ppubblikat komunikazzjoni fis-16 ta' Marzu 2016 li tistabbilixxi l-possibbiltajiet kif jistgħu jingħelbu sfidi reċenti li jiffaċċjaw il-produtturi Ewropej tal-azzar (3).

(3)

L-importazzjonijiet fl-Unjoni ta' prodotti tal-ħadid u tal-azzar b'mod ġenerali żdiedu bi 32 % bejn l-2012 u l-2015, minn 41,8 miljun tunnellata għal 55,0 miljun tunnellata. Matul l-istess perjodu, il-prezzijiet tal-importazzjoni tal-azzar globali naqsu bi 17 %. Min-naħa l-oħra, l-esportazzjonijiet tal-Unjoni ta' prodotti tal-azzar naqsu bi kważi medja ta' 20 %, minn 62,3 fl-2012 għal 50,7 miljun tunnellata fl-2015 (4).

(4)

Ix-xejriet huma saħansitra aktar evidenti għal prodotti tal-azzar li qabel kienu soġġetti għal sorveljanza minn qabel tal-Unjoni sal-2012 (5). Għal dawn il-prodotti, l-importazzjonijiet żdiedu bi 53 % matul l-istess perjodu, minn 13,3 miljun tunnellata fl-2012 għal 20,2 miljun tunnellata fl-2015, u l-prezzijiet tal-importazzjoni naqsu b'medja ta' 22 % (6).

(5)

Sa mill-bidu tas-snin 2000, il-kapaċità għall-produzzjoni tal-azzar fil-livell globali żdiedet rapidament b'ħafna tal-kapaċità l-ġdida maħluqa fir-Repubblika Popolari taċ-Ċina (“iċ-Ċina”). Kapaċità nominali tax-xogħol tal-azzar tad-Dinja kienet stmata li tlaħħaq it-2 243 miljun tunnellata fl-2014, skont l-Organizzazzjoni għall-Kooperazzjoni u l-Iżvilupp Ekonomiċi (“OECD”), livell li huwa aktar mid-doppju tal-livell ta' kapaċità ta' 1 060 miljun tunnellata osservati fl-2000.

(6)

B'mod parallel, l-esportazzjonijiet kumplessivi prinċipalment miċ-Ċina żdiedu b'mod drammatiku, minħabba r-riċessjoni ekonomika kumplessiva u t-tnaqqis fid-domanda domestika. Din naqqset il-prezzijiet tal-azzar madwar id-dinja. Iċ-Ċina llum hija l-ewwel produttur tal-azzar fid-dinja bi 822,7 miljun tunnellata ta' azzar mhux maħdum, fl-2014 (7), li huwa kważi nofs il-produzzjoni globali tal-azzar. Il-kapaċità eċċessiva Ċiniża hija stmata li hi madwar 350 miljun tunnellata (8). Dan jirrappreżenta madwar 40 % tal-produzzjoni taċ-Ċina u kważi d-doppju tat-total annwali tal-Unjoni fil-produzzjoni tal-azzar.

(7)

Diġà fl-2015 10 % tal-esportazzjonijiet Ċiniżi laħqu l-Unjoni, li jammontaw għal aktar minn 30 % tal-importazzjonijiet totali tal-Unjoni. B'konsegwenza ta' dan, żieda modesta ta' domanda domestika tal-Unjoni ttieħdet bis-sħiħ mill-importazzjonijiet. Minħabba li l-Unjoni hija suq importanti għall-azzar f'dak li għandu x'jaqsam ma' daqs u ma' prezz, huwa probabbli ħafna li kwalunkwe kapaċità tal-azzar żejda se terġa' tiġi diretta lejn l-Unjoni.

(8)

Fl-istess ħin, l-aċċess għas-swieq ta' pajjiżi terzi naqas b'mod sinifikanti riċentement. Il-gvernijiet qegħdin dejjem aktar jirrikorru għal azzjonijiet ta' politika kummerċjali b'reazzjoni għall-kriżi globali li qed tiffaċċja l-industrija tal-azzar u ħafna ekonomiji li preċedentement ma kinux jużaw dawn il-miżuri issa qed jadottawhom. Dawn il-miżuri ħadu forom differenti ta' ostakli kummerċjali, inklużi żidiet fit-tariffi, il-miżuri tal-antidumping u ta' kontra s-sussidji, u jikkonċernaw swieq b'sehem sinifikanti tal-konsum globali (9). Dan ikompli jżid il-possibbiltajiet ta' devjazzjoni tal-kummerċ tal-azzar fl-Unjoni.

(9)

L-industrija tal-azzar tal-Unjoni tibqa' fuq quddiem fid-dinja fil-qasam speċjalizzat tat-teknoloġija avvanzata tal-prodotti. Madankollu, il-pożizzjoni kompettitiva ta' dawk li jagħmlu l-azzar tal-Unjoni fuq is-suq globali tal-azzar iddeterjora fl-aħħar snin. Il-prestazzjoni finanzjarja tal-industrija tal-azzar tal-Unjoni ilha sejra lura b'rata mgħaġġla f'dawn l-aħħar snin. Medja tal-profittabbiltà operattiva hija taħt il-livelli sostenibbli, l-investimenti kienu qegħdin jonqsu, il-livelli tal-impjieg naqsu u ftit li xejn hemm lok għall-espansjoni. L-industrija tal-Unjoni trid tiffaċċja spejjeż għolja tal-enerġija u d-dipendenza fuq materja prima importata.

(10)

Barra minn hekk, anki jekk il-produzzjoni tal-azzar mhux maħdum fl-Unjoni baqa' relattivament stabbli fil-perjodu 2013–2015 għal madwar 166 sa 169 miljun tunnellata fis-sena, matul it-tieni semestru tal-2015 kien hemm tnaqqis sinifikanti ta' madwar 10 % meta mqabbel mal-ewwel semestru.

(11)

Fuq il-bażi ta' xejriet reċenti fl-importazzjonijiet tal-prodotti tal-azzar, tal-qagħda vulnerabbli attwali tal-industrija tal-Unjoni, id-domanda dgħajfa kontinwa fis-suq tal-Unjoni u l-probabbiltà li l-kapaċità attwali u futuri żejda se jerġgħu jiġu diretti lejn l-Unjoni jekk id-domanda tirkupra, theddida ta' ħsara għall-produtturi tal-Unjoni hija għalhekk meqjusa li teżisti.

(12)

Għalhekk, l-interess tal-Unjoni jeħtieġ li l-importazzjonijiet ta' ċerti prodotti tal-azzar għandhom ikunu soġġetti għal sorveljanza minn qabel tal-Unjoni biex tkun ipprovduta informazzjoni avvanzata dwar l-istatistika li tippermetti analiżi rapida tax-xejriet fl-importazzjonijiet minn pajjiżi kollha li mhumiex membri fl-UE. Dejta kummerċjali rapida u antiċipata hija meħtieġa biex tittratta mal-vulnerabbiltà tas-suq tal-UE tal-azzar meta dan jiffaċċja bidliet għall-għarrieda fis-swieq dinjija tal-azzar. Dan huwa b'mod partikolari importanti fil-qagħda tal-kriżi preżenti mmarkata b'inċertezzi fir-rigward ta' jekk id-domanda terġax tirkupra strutturalment u jekk l-industrija tal-UE tistax tibbenefika minn dan.

(13)

Fid-dawl tal-iżviluppi fis-suq ta' ċerti prodotti tal-azzar, huwa xieraq li l-ambitu tas-sorveljanza minn qabel jinkludi l-prodotti mniżżla fl-Anness I għal dan ir-Regolament.

(14)

It-tlestija tas-suq intern jeħtieġ li l-formalitajiet li għandhom jitwettqu minn kwalunkwe importatur lejn l-Unjoni għandhom ikunu identiċi kull fejn il-prodotti jistgħu jiġu maħruġa mid-dwana.

(15)

Sabiex jitħaffef il-ġbir tad-dejta, ir-rilaxx għal ċirkolazzjoni libera tal-prodotti koperti minn dan ir-Regolament għandu jkun soġġett għal wirja ta' dokument ta' sorveljanza li jilħaq kriterji uniformi. Dan ir-rekwiżit jibda japplika wara wieħed u għoxrin (21) jum tax-xogħol wara d-dħul fis-seħħ ta' dan ir-Regolament sabiex ma jipprevenix ir-rilaxx għaċ-ċirkolazzjoni libera tal-prodotti li jkunu fi triqthom lejn l-Unjoni u biex jingħata żmien biżżejjed lill-importaturi li jitolbu d-dokumenti neċessarji.

(16)

Dan id-dokument għandu, fuq sempliċi applikazzjoni mill-importatur, jiġi approvat mill-awtoritajiet tal-Istati Membri sa ċertu perjodu iżda mingħajr ma l-importatur jikseb id-dritt li jimporta. Id-dokument għandu għalhekk ikun validu sakemm ir-regoli tal-importazzjoni jibqgħu ma jinbidlux.

(17)

Id-dokumenti tas-sorveljanza maħruġa bil-għanijiet tas-sorveljanza minn qabel tal-Unjoni għandhom ikunu validi madwar l-Unjoni, irrespettivament minn liema Stat Membru jkun ħareġ.

(18)

L-Istati Membri u l-Kummissjoni għandhom jaqsmu bejniethom it-tagħrif li jirriżulta mis-sorveljanza minn qabel tal-Unjoni bl-aktar mod komplet possibbli.

(19)

Il-ħruġ tad-dokumenti tas-sorveljanza, filwaqt li jibqgħu soġġetti għal kundizzjonijiet standard fil-livell tal-Unjoni, hija tar-responsabilità tal-awtoritajiet nazzjonali.

(20)

Sabiex jitnaqqas ir-restrizzjonijiet żejda u ma jitħarbtux l-attivitajiet tal-kumpaniji qrib il-fruntieri, importazzjonijiet li l-piż nett tagħhom ma jaqbiżx l-2 500 kilogramma għandhom ikunu esklużi mill-applikazzjoni ta' dan ir-Regolament,

(21)

L-Unjoni għandha integrazzjoni ekonomika mill-qrib ħafna man-Norveġja, l-Iżlanda u l-Liechtenstein fiż-Żona Ekonomika Ewropea (“ŻEE”). Barra minn hekk, skont il-Ftehim taż-ŻEE l-membri taż-ŻEE, fil-prinċipju, ma japplikawx miżuri ta' difiża kummerċjali fir-relazzjonijiet reċiproċi tagħhom. Għal dawn ir-raġunijiet, prodotti li joriġinaw fin-Norveġja, l-Iżlanda u l-Liechtenstein għandhom jiġu esklużi mill-applikazzjoni ta' dan ir-Regolament.

(a)

l-isem sħiħ u l-indirizz tal-applikant (inklużi n-numru tat-telefown u l-e-mail jew in-numru tal-fax u kull numru ieħor li jidentifika l-applikant mal-awtorità nazzjonali kompetenti), kif ukoll in-numru tar-reġistrazzjoni tal-VAT tal-applikant jekk hu obbligat li jħallas il-VAT;

(b)

fejn hu xieraq, l-isem sħiħ u l-indirizz ta' min jagħmel id-dikjarazzjoni jew ta' xi rappreżentant maħtur mill-applikant (inklużi n-numru tat-telefown u l-e-mail jew in-numru tal-fax);

(c)

deskrizzjoni tal-merkanzija li tagħti:

(d)

il-kwantità ddikjarata, f'kilogrammi u, fejn xieraq, kull unità addizzjonali oħra (pari, oġġetti, eċċ.);

(e)

il-valur tal-merkanzija, CIF mal-fruntiera tal-Unjoni, f'euro;

(f)

id-dikjarazzjoni li ġejja, datata u ffirmata mill-applikant, bl-isem tal-applikant imniżżel b'ittri kbar: “Jiena, is-sottoskritt, niċċertifika li l-informazzjoni mogħtija f'din l-applikazzjoni hija vera u mogħtija in bona fide, u li jiena stabbilit fl-Unjoni.”

(a)

il-perjodu ta' validità tad-dokument ta' sorveljanza huwa hawnhekk stabbilit għal erba' xhur,

(b)

dokumenti ta' sorveljanza mhux użati jew użati parzjalment jistgħu jiġġeddu għal perjodu ugwali.