|
17.2.2016 |
MT |
Il-Ġurnal Uffiċjali tal-Unjoni Ewropea |
L 40/5 |
REGOLAMENT TAL-KUMMISSJONI (UE) 2016/217
tas-16 ta' Frar 2016
li jemenda l-Anness XVII tar-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH) fir-rigward tal-kadmju
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (1), u b'mod partikulari l-Artikolu 68(1) tiegħu,
Billi:
|
(1) |
L-annotazzjoni 23 tal-Anness XVII tar-Regolament (KE) Nru 1907/2006 tipprojbixxi l-użu tal-kadmju u tal-komposti tal-kadmju fiż-żebgħa bil-kodiċijiet [3208] u [3209], b'deroga għaż-żebgħa bbażata fuq iż-żingu. Madankollu, din ir-restrizzjoni ma tapplikax għat-tqegħid fis-suq ta' żebgħa li fiha l-kadmju. |
|
(2) |
F'Novembru tal-2012, il-Kummissjoni talbet lill-Aġenzija Ewropea għas-Sustanzi Kimiċi (“l-Aġenzija”) biex tħejji dossier skont l-Anness XV bil-għan li testendi r-restrizzjoni eżistenti għat-tqegħid fis-suq tat-tali żebgħa li jkun fiha l-kadmju f'konċentrazzjoni li tkun taqbeż ċertu ammont. |
|
(3) |
Fid-9 ta' Settembru 2014, il-Kumitat għall-Istima tar-Riskji tal-Aġenzija (RAC) adotta, b'kunsens, opinjoni li tikkonkludi li t-tali emenda tal-annotazzjoni eżistenti tiffaċilita l-infurzar u li tikkonferma li mhija meħtieġa l-ebda stima addizzjonali tar-riskji ppreżentati mill-kadmju fiż-żebgħa. |
|
(4) |
Fil-25 ta' Novembru 2014, il-Kumitat għall-Analiżi Soċjoekonomika tal-Aġenzija (SEAC) adotta, b'kunsens, opinjoni li tindika li l-emenda proposta tar-restrizzjoni eżistenti hija proporzjonata minħabba li mhix se timponi spejjeż addizzjonali tal-konformità fuq il-manifatturi, l-importaturi jew il-konsumaturi, iżda se ttejjeb l-eżegwibbiltà tar-restrizzjoni. |
|
(5) |
Huwa aktar faċli għall-awtoritajiet tal-infurzar li jimmonitorjaw u jikkontrollaw it-tqegħid fis-suq milli l-użu. Barra minn hekk, id-dħul ta' limitu tal-konċentrazzjoni jiċċara l-fatt li l-preżenza mhux intenzjonata tal-kadmju fiż-żebgħa bħala impurità taħt dan il-limitu mhux se twassal għal ksur tar-restrizzjoni. |
|
(6) |
Saret konsultazzjoni mal-Forum għall-Iskambju ta' Informazzjoni dwar l-Infurzar u tqiesu r-rakkomandazzjonijiet ta' dan il-Forum. |
|
(7) |
Għaldaqstant, ir-Regolament (KE) Nru 1907/2006 għandu jiġi emendat skont dan. |
|
(8) |
Il-miżuri stabbiliti f'dan ir-Regolament huma skont l-opinjoni tal-Kumitat stabbilit bl-Artikolu 133 tar-Regolament (KE) Nru 1907/2006, |
ADOTTAT DAN IR-REGOLAMENT:
Artikolu 1
L-Anness XVII tar-Regolament (KE) Nru 1907/2006 qed jiġi emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Frar 2016.
Għall-Kummissjoni
Il-President
Jean-Claude JUNCKER
(1) ĠU L 396, 30.12.2006, p. 1.
ANNESS
Fit-tieni kolonna tal-annotazzjoni 23 tal-Anness XVII tar-Regolament (KE) Nru 1907/2006, il-paragrafu 2 jinbidel b'dan li ġej:
|
“Kadmju Nru tal-CAS 7440-43-9 Nru tal-KE 231-152-8 u l-komposti tiegħu |
|