12.2.2016   

MT

Il-Ġurnal Uffiċjali tal-Unjoni Ewropea

L 37/1

(1)

Fl-14 ta' Mejju 2015, il-Kummissjoni Ewropea (“il-Kummissjoni”) bdiet investigazzjoni antidumping fuq l-importazzjonijiet fl-Unjoni ta' ċerti prodotti rrumblati ċatt tal-ħadid jew ta' azzar mhux-liga, jew azzar ta' liga ieħor iżda mhux stainless steel, ta' kull wisa', rrumblati fil-kiesaħ (imnaqqsin bla sħana), mhux miksijin, indurati jew mgħottijin u mhux maħdumin iktar ħlief irrumblati fil-kiesaħ (imnaqqsin bla sħana) (“prodotti tal-azzar irrumblati ċatt fil-kiesaħ”) li joriġinaw mir-Repubblika tal-Poplu taċ-Ċina (“RPĊ”) u mill-Federazzjoni Russa (“ir-Russja”) (flimkien imsejħin “il-pajjiżi konċernati”) fuq il-bażi tal-Artikolu 5 tar-Regolament (KE) Nru 1225/2009 (ir-“Regolament bażiku”). Hija ppubblikat Notifika ta' Bidu f'Il-Ġurnal Uffiċjali tal-Unjoni Ewropea  (2) (“in-Notifika ta' Bidu”).

(2)

Il-Kummissjoni bdiet l-investigazzjoni wara lment ippreżentat fl-1 ta' April 2015 mill-Assoċjazzjoni Ewropea tal-Azzar, (“l-Eurofer” jew “l-ilmentatur”) f'isem il-produtturi li jirrappreżentaw aktar minn 25 % tal-produzzjoni totali tal-Unjoni ta' ċerti prodotti tal-azzar irrumblati ċatt fil-kiesaħ. L-ilment kien jinkludi evidenza ta' dumping tal-prodott imsemmi u ta' dannu materjali li rriżulta minnu li kienu biżżejjed biex jiġġustifikaw il-bidu tal-investigazzjoni.

(3)

Wara talba mill-ilmentatur, sostnuta bl-evidenza meħtieġa, il-Kummissjoni ppubblikat ir-Regolament ta' Implimentazzjoni (UE) 2015/2325 (3) fit-12 ta' Diċembru 2015 li jissottometti l-importazzjonijiet ta' ċerti prodotti tal-azzar irrumblati ċatt fil-kiesaħ li joriġinaw mir-RPĊ u mir-Russja (“ir-Regolament dwar ir-Reġistrazzjoni”) soġġetti għal reġistrazzjoni mit-13 ta' Diċembru 2015.

(4)

Uħud mill-partijiet interessati qalu li t-talba għar-reġistrazzjoni tal-importazzjonijiet ma kellhiex bażi, peress li l-kundizzjonijiet ma kinux issodisfati skont l-Artikolu 14(5) tar-Regolament bażiku. Huma allegaw li l-kundizzjonijiet għall-ġbir retroattiv tad-dazji ma kinux issodisfati peress li t-talba kienet ibbażata fuq perjodi ta' żmien magħżulin b'mod arbitrarju, ixxekkel l-għamla ċiklika tal-importazzjonijiet u, rigward ir-reġistrazzjoni tal-importazzjonijiet, kif ukoll l-applikazzjoni retroattiva tal-miżuri, dawn imorru kontra l-interess tal-Unjoni. Madankollu, fl-istess żmien li kienet ittieħdet id-deċiżjoni, il-Kummissjoni kellha biżżejjed evidenza prima facie biex tiġġustifika l-ħtieġa li l-importazzjonijiet jiġu rreġistrati: l-importazzjonijiet u l-ishma mis-suq mill-pajjiżi kkonċernati kienu żdiedu ħafna. Għaldaqstant l-allegazzjoni f'dan ir-rigward ġiet miċħuda.

(5)

Fin-Notifika ta' Bidu, il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni speċifikament infurmat lill-ilmentatur, lil produtturi magħrufa oħrajn tal-Unjoni, lill-produtturi esportaturi magħrufa, lill-awtoritajiet Ċiniżi u Russi, lil importaturi, fornituri u utenti, negozjanti u assoċjazzjonijiet magħrufa,bħala kkonċernati dwar il-bidu tal-investigazzjoni, u stednithom jieħdu sehem.

(6)

Il-partijiet interessati ngħataw l-opportunità jagħtu l-opinjonijiet tagħhom bil-miktub u jitolbu smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali. Il-partijiet kollha interessati li talbu dan u wrew li kien hemm raġunijiet partikolari biex jinstemgħu ngħataw seduta ta' smigħ.

(7)

Il-Kummissjoni għarrfet ukoll lil produtturi fil-Brażil, il-Kanada, l-Indja, il-Ġappun, il-Korea t'Isfel, it-Tajwan, it-Turkija, l-Ukrajna u l-Istati Uniti tal-Amerika dwar il-bidu tal-investigazzjoni u stednithom jieħdu sehem. Fin-Notifika ta' Bidu, il-Kummissjoni infurmat lill-partijiet interessati li hija għażlet lill-Kanada b'mod provviżorju bħala pajjiż terz b'ekonomija tas-suq (“pajjiż analogu”) skont it-tifsira tal-Artikolu 2(7)(a) tar-Regolament bażiku.

(8)

Fin-Notifika ta' Bidu tagħha, il-Kummissjoni qalet li tista' tieħu kampjun tal-partijiet interessati skont l-Artikolu 17 tar-Regolament bażiku.

(9)

Fin-Notifika ta' Bidu, il-Kummissjoni ħabbret li hija kienet għażlet b'mod provviżorju kampjun tal-produtturi tal-Unjoni. Il-Kummissjoni għażlet il-kampjun fuq il-bażi tal-akbar volum ta' produzzjoni u bejgħ rappreżentattiv filwaqt li żgurat firxa ġeografika. Il-kampjun provviżorju kien jikkonsisti f'ħames produtturi tal-Unjoni li kienu jinsabu f'ħames Stati Membri differenti u kien jammonta għal iktar minn 35 % tal-produzzjoni tal-Unjoni ta' prodotti tal-azzar irrumblati ċatt fil-kiesaħ. Il-Kummissjoni stiednet lill-partijiet interessati biex jagħtu l-kummenti tagħhom fuq dan il-kampjun provviżorju.

(10)

Ll-Eurofer bagħtet kummenti u, għal bosta raġunijiet, issuġġeriet bidla fil-kampjun propost. Madankollu, wara li xtarret dawn il-kummenti, il-Kummissjoni kkonkludiet li bidla fil-kampjun kif kienet qiegħda tipproponi l-Eurofer ma kinitx ittejjeb ir-rappreżentanza kumplessiva tal-kampjun. Għaldaqstant, il-Kummissjoni kkonfermat il-kampjun u ma rċiviet ebda kumment ieħor f'dan ir-rigward.

(11)

Il-Kummissjoni talbet lill-importaturi mhux relatati sabiex jipprovdu l-informazzjoni speċifikata fin-Notifika ta' Bidu sabiex tiddeċiedi jekk kienx meħtieġ li jittieħed kampjun u, jekk iva, biex tagħżel il-kampjun.

(12)

Tlettax-il importatur ressqu t-tagħrif mitlub u qablu li jiġu inklużi fil-kampjun. Erbgħa minnhom ġew kampjunati, iżda wieħed minnhom biss bagħat kwestjonarju tal-importaturi mwieġeb. Sabiex tibbaża l-konklużjonijiet tagħha fuq numru ikbar ta' importaturi mhux relatati, il-Kummissjoni kkuntattjat lill-importaturi mhux relatati li kien fadal li kienu urew interess fl-eżerċizzju ta' kampjunar iżda l-ebda wieħed minnhom ma kkonferma li kien lest li jimla l-kwestjonarju tal-importaturi.

(13)

Biex tiddeċiedi jekk il-kampjunar huwiex meħtieġ, u jekk iva, tagħżel kampjun għar-RPĊ u r-Russja rispettivament, il-Kummissjoni talbet lill-produtturi esportaturi kollha fir-RPĊ u r-Russja sabiex jipprovdu l-informazzjoni speċifikata fin-Notifika ta' Bidu. Barra minn hekk, il-Kummissjoni talbet lill-Missjoni tar-Repubblika Popolari taċ-Ċina għall-Unjoni Ewropea u lill-Missjoni Permanenti tal-Federazzjoni Russa għall-Unjoni Ewropea sabiex jidentifikaw u/jew jikkuntattjaw lil produtturi esportaturi oħrajn li jistgħu jkunu interessati li jipparteċipaw fl-investigazzjoni.

(14)

Għaxar gruppi ta' produtturi esportaturi fir-RPĊ u tlieta fir-Russja pprovdew l-informazzjoni mitluba u qablu li jkunu inklużi fil-kampjuni għar-RPĊ u r-Russja, rispettivament. Fir-rigward tar-RPĊ u skont l-Artikolu 17(1) tar-Regolament bażiku, il-Kummissjoni għażlet kampjun ta' żewġ gruppi ta' kumpaniji abbażi tal-ikbar volum rappreżentattiv ta' esportazzjonijiet lejn l-Unjoni li jista' jiġi investigat b'mod raġonevoli fil-ħin disponibbli. B'konformità mal-Artikolu 17(2) tar-Regolament bażiku, il-produtturi esportaturi magħrufa u kkonċernati kollha, u l-awtoritajiet tar-RPĊ, ġew ikkonsultati dwar l-għażla tal-kampjun. Wara li xtarret il-kummenti li rċiviet mingħand produttur esportatur wieħed, il-Kummissjoni kkonfermat il-kampjun propost tagħha.

(15)

Fid-dawl tan-numru limitat ta' produtturi esportaturi fir-Russja, il-Kummissjoni ddeċidiet li ma tagħżilx kampjun għar-Russja, iżda li tinvestiga t-tliet gruppi ta' kumpaniji kkonċernati kollha kemm huma. Il-kumpaniji inkwistjoni u l-awtoritajiet tar-Russja ġew infurmati b'dan.

(16)

Sitt gruppi ta' produtturi esportaturi fir-RPĊ indikaw li jixtiequ jitolbu eżami individwali skont l-Artikolu 17(3) tar-Regolament bażiku. Madankollu, l-ebda wieħed minnhom ma wieġeb għall-kwestjonarju u, b'hekk, ma seta' jiġi kkunsidrat l-ebda eżami individwali.

(17)

Il-Kummissjoni bagħtet kwestjonarji lill-partijiet kollha li huwa magħruf li huma kkonċernati u lill-kumpaniji l-oħrajn kollha li ppreżentaw ruħhom sal-iskadenzi taż-żmien stabbiliti fin-Notifika ta' Bidu. Waslu tweġibiet għall-kwestjonarju mingħand ħames produtturi tal-Unjoni, tliet utenti, grupp ta' ċentri relatati tas-servizzi tal-azzar, ċentru tas-servizzi tal-azzar wieħed mhux marbut ma' produttur esportatur fil-pajjiżi kkonċernati, tliet produtturi esportaturi fir-Russja, żewġ gruppi ta' produtturi esportaturi fir-RPĊ, u produttur wieħed f'pajjiż analogu.

(18)

Il-Kummissjoni fittxet u vverifikat l-informazzjoni kollha li qieset neċessarja għal determinazzjoni provviżorja ta' dumping, il-ħsara li tirriżulta u l-interess tal-Unjoni. Iż-żjarat ta' verifika skont l-Artikolu 16 tar-Regolament bażiku saru fil-bini tal-kumpaniji/l-assoċjazzjoni li ġejjin:

(19)

L-investigazzjoni tad-dumping u d-dannu kopriet il-perjodu mill-1 ta' April 2014 sal-31 ta' Marzu 2015 (“il-perjodu tal-investigazzjoni” jew il-“PI”).

(20)

L-eżami tax-xejriet rilevanti għall-valutazzjoni tad-danni kopra l-perjodu mill-1 ta' Jannar 2011 sa tmiem il-perjodu tal-investigazzjoni (“il-perjodu kkunsidrat”).

(21)

Il-prodott ikkonċernat huwa prodotti rrumblati ċatt tal-ħadid jew tal-azzar mhux liga, jew ta' azzar ta' liga ieħor iżda mhux stainless steel, ta' kull wisa', rrumblati fil-kiesaħ (imnaqqsin bla sħana), mhux miksijin, indurati jew mgħottijin u mhux maħdumin iktar ħlief irrumblati fil-kiesaħ (imnaqqsin bla sħana), li bħalissa jaqgħu taħt il-kodiċijiet tan-NM ex 7209 15 00, 7209 16 90, 7209 17 90, 7209 18 91, ex 7209 18 99, ex 7209 25 00, 7209 26 90, 7209 27 90, 7209 28 90, 7211 23 30, ex 7211 23 80, ex 7211 29 00, 7225 50 80, 7226 92 00 u li joriġinaw mir-RPĊ u r-Russja.

It-tipi ta' prodotti li ġejjin huma esklużi mid-definizzjoni tal-prodott ikkonċernat:

(22)

Prodotti tal-azzar irrumblati ċatt fil-kiesaħ huma prodotti minn koljaturi irrumblati bis-sħana. Il-proċess ta' rrumblar fil-kiesaħ huwa definit billi folja jew strippa — li tkun ġiet irrumblata bis-sħana u bil-wiċċ imnaddaf — tingħadda minn bejn rombli kisħin, jiġifieri taħt it-temperatura li trattab il-metall. Prodotti tal-azzar irrumblati ċatt fil-kiesaħ huma mmanifatturati sabiex jissodisfaw ċerti speċifikazzjonijiet jew speċifikazzjonijiet proprjetarji tal-utent finali. Jistgħu jiġu pprovduti f'bosta forom: f'koljaturi (mogħtija ż-żejt jew le), maqtugħin (folji) jew bħala strippi rqaq. Prodotti tal-azzar irrumblati ċatt fil-kiesaħ huma input industrijali mixtri mill-utenti finali għal firxa ta' applikazzjonijiet, l-iktar fil-manifattura (l-industrija ġenerali, l-imballaġġ, is-settur awtomobilistiku, eċċ.) iżda anki fil-bini.

(23)

L-investigazzjoni uriet li l-prodotti li ġejjin għandhom l-istess karatteristiċi fiżiċi bażiċi kif ukoll l-istess użi bażiċi:

(24)

Għaldaqstant, il-Kummissjoni ddeċidiet b'mod provviżorju li dawn il-prodotti huma prodotti simili skont l-Artikolu 1(4) tar-Regolament bażiku.

(25)

Skont l-Artikolu 2(7)(b) tar-Regolament bażiku, il-Kummissjoni tiddetermina l-valur normali skont l-Artikolu 2(1) sa (6) ta' dak ir-Regolament għall-produtturi esportaturi fir-RPĊ li jikkonformaw mal-kriterji fl-Artikolu 2(7)(c) ta' dak ir-Regolament u li għalhekk jistgħu jingħataw TES.

(26)

Biex tiddetermina jekk il-kriterji tal-Artikolu 2(7)(c) tar-Regolament bażiku ntlaħqux, il-Kummissjoni fittxet l-informazzjoni neċessarja billi talbet lill-produtturi esportaturi sabiex jimlew il-formola tat-talba ta' TES. Ħadd minnhom ma talab TES.

(27)

Skont l-Artikolu 2(7)(a) tar-Regolament bażiku, il-valur normali kien determinat fuq il-bażi tal-prezz jew il-valur maħdum f'pajjiż terz b'ekonomija tas-suq għall-produtturi esportaturi li ma ngħatawx TES. Għal dan il-għan, ried jintgħażel pajjiż analogu.

(28)

Fin-Notifika ta' Bidu, il-Kummissjoni indikat lil kienet għażlet lill-Kanada b'mod provviżorju bħala pajjiż analogu xieraq u stiednet lill-partijiet interessati sabiex jikkummentaw. Produttur esportatur minnhom u l-Assoċjazzjoni tal-Ħadid u l-Azzar taċ-Ċina (CISA — “China Iron and Steel Association”) oġġezzjonaw għall-għażla tal-Kanada u ddikjaraw li r-Russja kienet tkun għażla iktar adattata.

(29)

Is-sitwazzjoni tar-Russja ġiet eżaminata skont l-Artikolu 2(7)(a) tar-Regolament bażiku li jistipula li “fejn xieraq, għandu jiġi użat pajjiż terz b'ekonomija tas-suq li huwa bla ħsara għall-istess investigazzjoni”. Madankollu, il-Kummissjoni tqis li r-Russja mhijiex pajjiż analogu xieraq għal żewġ raġunijiet:

(30)

Sussegwentament, il-Kummissjoni għaldaqstant eżaminat jekk xi pajjiż terz ieħor b'ekonomija tas-suq fejn huwa mmanifatturat il-prodott simili jistax jiqies bħala pajjiż analogu xieraq. Minbarra l-Indja, il-Korea t'Isfel u l-Ukrajna, li ssemmew fin-Notifika ta' Bidu, il-Kummissjoni kkuntattjat lil produtturi fil-Brażil, il-Ġappun, it-Tajwan, it-Turkija u l-Istati Uniti tal-Amerika. Fuq il-bażi tal-informazzjoni li waslitilha u r-riċerka li għamlet hija stess, il-Kummissjoni talbet lil 35 produttur magħruf u produttur potenzjali tal-prodott simili f'dawn il-pajjiżi biex jipprovdu l-informazzjoni. L-ebda wieħed minnhom ma wieġeb għall-kwestjonarju tal-produtturi tal-pajjiż analogu. Barra minn hekk, il-Kummissjoni kkuntattjat lil tliet produtturi fil-Kanada. Wieħed biss wieġeb għall-kwestjonarju tal-produtturi tal-pajjiż analogu.

(31)

Fuq il-bażi tal-informazzjoni miġbura u vverifikata, il-Kanada tidher li hija pajjiż analogu xieraq għar-raġunijiet li ġejjin:

(32)

Produttur esportatur u l-Assoċjazzjoni tal-Ħadid u l-Azzar taċ-Ċina (“CISA”) iddikjaraw li l-Kanada ma kinitx għażla adatta għaliex:

(33)

Fir-rigward ta' dawn id-dikjarazzjonijiet, il-Kummissjoni tosserva li:

(34)

B'hekk, f'dan l-istadju, il-Kummissjoni kkonkludiet li l-Kanada hija pajjiż analogu xieraq skont l-Artikolu 2(7)(a) tar-Regolament bażiku.

(35)

L-informazzjoni li waslet mingħand il-produttur li kkoopera fil-pajjiż analogu ntużat bħala bażi għad-determinazzjoni tal-valur normali għall-produtturi esportaturi li ma ngħatawx TES, skont l-Artikolu 2(7)(a) tar-Regolament bażiku.

(36)

Il-Kummissjoni l-ewwel eżaminat jekk il-volum totali tal-bejgħ domestiku tal-produttur li kkoopera fil-pajjiż analogu kienx rappreżentattiv, skont l-Artikolu 2(2) tar-Regolament bażiku. Il-bejgħ domestiku jkun rappreżentattiv jekk il-volum totali tal-bejgħ domestiku tal-prodott simili għall-klijenti indipendenti fis-suq domestiku jkun jirrappreżenta tal-inqas 5 % tal-volum totali tal-bejgħ b'esportazzjoni tal-prodott ikkonċernat lejn l-Unjoni ta' kull grupp ta' produtturi esportaturi Ċiniżi fil-kampjun matul il-perjodu tal-investigazzjoni. Fuq din il-bażi, il-bejgħ totali tal-produttur tal-prodott simili li kkoopera fis-suq domestiku tal-pajjiż analogu kien rappreżentattiv.

(37)

Imbagħad, il-Kummissjoni identifikat it-tipi ta' prodotti mibjugħin f'livell domestiku li kienu identiċi jew paragunabbli għat-tipi tal-prodott mibjugħin għall-esportazzjoni fl-Unjoni għall-gruppi ta' produtturi esportaturi fil-kampjun.

(38)

Il-Kummissjoni mbagħad eżaminat jekk il-bejgħ domestiku mill-produttur tal-pajjiż analogu fis-suq domestiku tiegħu għal kull tip ta' prodott li huwa identiku jew komparabbli ma' tip ta' prodott mibjugħ għall-esportazzjoni lejn l-Unjoni kienx rappreżentattiv, skont l-Artikolu 2(2) tar-Regolament bażiku. Il-bejgħ domestiku ta' tip ta' prodott huwa rappreżentattiv jekk il-volum totali ta' bejgħ domestiku ta' dak it-tip ta' prodott lil konsumaturi indipendenti matul il-perjodu tal-investigazzjoni jirrappreżenta mill-inqas 5 % tal-volum totali tal-bejgħ għall-esportazzjoni lejn l-Unjoni tat-tip ta' prodott identiku jew komparabbli. Il-Kummissjoni stabbilixxiet għaż-żewġ gruppi Ċiniżi ta' produtturi esportaturi li l-bejgħ domestiku kien jirrappreżenta l-maġġoranza tat-tipi ta' prodotti.

(39)

Imbagħad, il-Kummissjoni ddefinixxiet il-proporzjon tal-bejgħ bi profitt lill-konsumaturi indipendenti fis-suq domestiku għal kull tip ta' prodott matul il-perjodu tal-investigazzjoni biex tiddeċiedi jekk tużax il-bejgħ domestiku attwali għall-kalkolu tal-valur normali, skont l-Artikolu 2(4) tar-Regolament bażiku.

(40)

Il-valur normali huwa bbażat fuq il-prezz domestiku reali għal kull tip ta' prodott, irrispettivament minn jekk dan il-bejgħ irendix profitt jew le, jekk:

(41)

F'dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta' dak it-tip ta' prodott matul il-perjodu tal-investigazzjoni.

(42)

Il-valur normali huwa l-prezz domestiku attwali għal kull tip ta' prodott tal-bejgħ domestiku bi profitt tat-tipi ta' prodotti biss matul il-perjodu tal-investigazzjoni, jekk:

(43)

L-analiżi tal-Kummissjoni tal-bejgħ domestiku wriet li, għall-parti l-kbira tat-tipi tal-prodott esportat, aktar minn 80 % tal-bejgħ domestiku kollu ħalla profitt u li l-prezz tal-bejgħ medju ponderat kien ogħla mill-kost tal-produzzjoni. B'hekk, għal dawn it-tipi tal-prodott, il-valur normali ġie kkalkolat bħala medja ponderata tal-prezzijiet tal-bejgħ domestiku kollu matul il-perjodu tal-investigazzjoni.

(44)

Meta prodott ma jkunx inbiegħ fi kwantitajiet rappreżentattivi fis-suq domestiku mill-produttur tal-pajjiż analogu, il-Kummissjoni ħadmet il-valur normali skont l-Artikolu 2(3) u (6) tar-Regolament bażiku.

(45)

Għat-tip tal-prodott mhux mibjugħ fi kwantitajiet rappreżentattivi fis-suq domestiku, il-valur normali nħadem billi żdiedu l-ispejjeż medji għall-bejgħ, ġenerali u amministrattivi (SG&A — “selling, general, administrative”) u l-profitt tat-tranżazzjonijiet li sar matul il-perkors normali tan-negozju fis-suq domestiku għal dawk it-tipi mal-kost medju tal-produzzjoni tal-prodott simili tal-produttur li kkoopera tal-pajjiż analogu matul il-perjodu tal-investigazzjoni.

(46)

Grupp kampjunat ta' produtturi esportaturi kien jesporta lejn l-Unjoni kemm direttament lil klijenti indipendenti kif ukoll permezz ta' importaturi relatati.

(47)

Jekk il-gruppi ta' produtturi esportaturi jesportaw il-prodott ikkonċernat direttament lill-konsumaturi indipendenti fl-Unjoni, il-prezz tal-esportazzjoni kien il-prezz li tħallas realment jew dak pagabbli għall-prodott ikkonċernat meta nbiegħ għall-esportazzjoni lejn l-Unjoni, skont l-Artikolu 2(8) tar-Regolament bażiku.

(48)

Jekk il-grupp ta' produtturi esportaturi jesporta l-prodott ikkonċernat lejn l-Unjoni permezz ta' kumpanija relatata li taġixxi bħala importatur, il-prezz tal-esportazzjoni jiġi stabbilit fuq il-bażi tal-prezz li bih il-prodott importat ikun reġa' nbiegħ għall-ewwel darba lill-konsumaturi indipendenti fl-Unjoni, skont l-Artikolu 2(9) tar-Regolament bażiku. F'dan il-każ, l-aġġustamenti tal-prezz saru għall-kostijiet kollha mġarrba bejn l-importazzjoni u l-bejgħ mill-ġdid, inkluż għall-kostijiet SG&A, u għall-profitti dovuti.

(49)

Il-Kummissjoni qabblet il-valur normali u l-prezz tal-esportazzjoni tal-gruppi ta' produtturi esportaturi fil-kampjun fuq il-bażi tal-prezz mill-fabbrika.

(50)

Fejn iġġustifikata mill-ħtieġa li jiġi żgurat paragun ġust, il-Kummissjoni aġġustat il-valur normali u/jew il-prezz tal-esportazzjoni għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku. Saru aġġustamenti għal kostijiet marbutin mat-trasport, l-immaniġġjar, it-tagħbija u l-ispejjeż anċillari, it-taxxi indiretti, il-kummissjonijiet, il-kostijiet tal-kreditu u t-tariffi tal-bank.

(51)

Għall-produtturi esportaturi fil-kampjun li kkooperaw, il-Kummissjoni qabblet il-valur normali medju ponderat ta' kull tip ta' prodott simili mal-prezz tal-esportazzjoni medju ponderat tat-tip korrispondenti tal-prodott konċernat, skont l-Artikolu 2(11) u (12) tar-Regolament bażiku.

(52)

Fuq din il-bażi, il-marġnijiet ta' dumping medji ponderati provviżorji, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 1

Marġnijiet tad-dumping, ir-RPĊ

(53)

Għall-produtturi esportaturi li kkooperaw u li ma kinux inklużi fil-kampjun, il-Kummissjoni kkalkolat il-marġni tad-dumping medju ponderat, skont l-Artikolu 9(6) tar-Regolament bażiku. Għaldaqstant, dak il-marġini kien stabbilit fuq il-bażi tal-marġnijiet tal-produtturi esportaturi fil-kampjun.

(54)

Fuq il-bażi ta' dan, il-marġini tad-dumping provviżorju tal-produtturi esportaturi li kkooperaw u li ma kinux inklużi fil-kampjun kien ta' 56,9 %.

(55)

Għall-produtturi esportaturi l-oħrajn kollha fir-RPĊ, il-Kummissjoni stabbilixxiet il-marġini tad-dumping fuq il-bażi tal-fatti disponibbli skont l-Artikolu 18 tar-Regolament bażiku. Għal dan il-għan, il-Kummissjoni ddeterminat il-livell ta' kooperazzjoni tal-produtturi esportaturi. Il-livell ta' kooperazzjoni huwa l-volum ta' esportazzjonijiet tal-produtturi esportaturi li kkooperaw lejn l-Unjoni espress bħala proporzjon tal-volum totali ta' esportazzjoni — kif irrapportat fl-istatistika tal-importazzjonijiet tal-Eurostat — mill-pajjiż ikkonċernat lejn l-Unjoni.

(56)

Il-livell ta' kooperazzjoni f'dan il-każ huwa għoli minħabba li l-esportazzjonijiet tal-produtturi esportaturi li kkooperaw jammontaw għal madwar 87 % tal-esportazzjonijiet totali lejn l-Unjoni matul il-perjodu tal-investigazzjoni. Fuq din il-bażi, il-Kummissjoni ddeċidiet li tibbaża l-marġni tad-dumping residwu fil-livell tal-kumpanija fil-kampjun bl-ogħla marġni tad-dumping.

(57)

Il-marġnijiet provviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 2

Marġnijiet tad-dumping, ir-RPĊ

(58)

Il-Kummissjoni investigat tliet produtturi esportaturi Russi li jirrappreżentaw kważi l-esportazzjonijiet kollha mir-Russja lejn l-Unjoni matul il-perjodu tal-investigazzjoni. Kif stipulat hawn taħt, irriżultaw għadd ta' intoppi li wasslu sabiex il-Kummissjoni tikkunsidra b'mod provviżorju l-applikazzjoni tal-Artikolu 18 tar-Regolament bażiku għal tnejn minnhom.

(59)

Għal produttur esportatur wieħed, il-Kummissjoni aġġustat il-kostijiet tal-produzzjoni rrapportati fit-tweġiba għall-kwestjonarju kif stipulat fil-premessa 76.

(60)

Għall-produttur esportatur l-ieħor, il-verifika fuq il-post sabet li din il-kumpanija ma kinitx irrapportat lill-Kummissjoni l-volum tal-produzzjoni u l-kapaċità kollha tagħha tal-prodott ikkonċernat. Il-Kummissjoni sabet ukoll, fuq il-post, li l-kumpanija ma kinitx issottomettiet l-informazzjoni sħiħa fuq is-sistema ta' kodifikazzjoni tal-prodotti tagħha użata għall-produzzjoni u l-bejgħ tal-prodott ikkonċernat u, b'hekk, kien impossibbli għall-Kummissjoni li torbot l-informazzjoni dwar il-bejgħ għal kull tip tal-prodott mal-informazzjoni fuq il-produzzjoni għal kull tip tal-prodott. Il-Kummissjoni sabet ukoll li matul il-verifika fuq il-post, il-kumpanija ma kellhiex informazzjoni disponibbli minnufih għal kull tip tal-prodott dwar il-kwantitajiet mibjugħin jew użati b'mod ristrett fi produzzjoni ulterjuri. Din l-informazzjoni kienet tippermetti li l-Kummissjoni tkun tista' tivverifika fuq il-post it-tnaqqis tal-użu ristrett mill-kost totali tal-produzzjoni rrapportat, li l-kumpanija ddikjarat li għandu jinħadem sabiex ikun il-kost tal-produzzjoni tal-kwantità rrapportata tal-prodott ikkonċernat mibjugħ. Il-kumpanija pprovdiet l-informazzjoni meħtieġa għar-rikonċiljazzjoni tal-produzzjoni, il-bejgħ u l-użu ristrett, li kienet intalbet matul il-verifika, iżda biss wara ż-żjara ta' verifika tal-Kummissjoni. Il-Kummissjoni analizzat din l-informazzjoni l-ġdida billi għamlet rikonċiljazzjoni tal-ħażniet bejn il-kwantitajiet tal-prodott ikkonċernat immanifatturat, kif irrapportati wara ż-żjara ta' verifika, u l-kwantità mibjugħa jew ittrasferita għall-ipproċessar għal prodotti oħrajn. Din ir-rikonċiljazzjoni tal-ħażniet uriet li l-kumpanija rrapportat kwantità kumplessivament ogħla ta' bejgħ minn dak li kien fiżikament possibbli skont il-produzzjoni, fid-dawl tal-varjazzjonijiet fil-ħażniet, il-prodotti mhux aċċettati u l-iskart kif irrapportat il-kumpanija.

(61)

Il-Kummissjoni qieset li, għar-raġunijiet imsemmijin fil-premessa (60), l-informazzjoni pprovduta mill-produttur esportatur, kemm qabel kif ukoll wara ż-żjara ta' verifika fuq il-post, ma ppermettewlhiex tiżgura l-preċiżjoni u l-affidabilità tal-informazzjoni dwar il-volumi ta' bejgħ u l-kostijiet tal-prodott ikkonċernat ipprovduta minn dak il-produttur esportatur. Il-Kummissjoni kkonkludliet li l-produttur esportatur naqas milli jikkoopera billi ma pprovdiex l-informazzjoni li kienet talbet sabiex tivvaluta u tivverifika l-volum ta' bejgħ u l-kost tal-produzzjoni tal-prodott ikkonċernat. Dan ma ħalliex lill-Kummissjoni tistabbilixxi l-prezz tal-esportazzjoni u l-valur normali b'mod affidabbli. Barra minn hekk, peress li n-nuqqas ta' affidabbiltà affettwa s-sett ta' dejta sħiħ ipprovdut f'bosta stadji mill-produttur esportatur, il-Kummissjoni ma kinitx f'pożizzjoni li tista' tibbaża fuq sottosettijiet speċifiċi ta' dejta pprovduti rigward il-komponenti differenti tal-marġni tad-dumping. Għaldaqstant, il-Kummissjoni kellha tistabbilixxi l-marġni tad-dumping ta' dak il-produttur esportatur fuq il-bażi tal-fatti disponibbli u kellha tinjora l-informazzjoni pprovduta mill-produttur esportatur, għaliex ma setgħetx tasal għal konklużjonijiet raġonevolment preċiżi u għaliex l-informazzjoni ma kinitx verifikabbli.

(62)

Fit-30 ta' Ottubru 2015, il-Kummissjoni informat lill-produttur esportatur ikkonċernat li, għar-raġunijiet spjegati fil-premessi 60 u 61, hija tqis li l-kumpanija ma kinitx ipprovdiet l-informazzjoni meħtieġa rigward il-prezzijiet tal-esportazzjoni u l-kost tal-produzzjoni tal-prodott ikkonċernat fil-limiti ta' żmien stabbiliti fir-Regolament bażiku u li kien biħsiebha tapplika l-fatti disponibbli skont l-Artikolu 18 tar-Regolament bażiku sabiex tistabbilixxi l-possibbiltà ta' dumping għall-kumpanija inkwistjoni.

(63)

Il-kumpanija kkummentat fuq l-intenzjoni tal-Kummissjoni li tuża l-fatti disponibbli fit-13 ta' Novembru 2015 u ddikjarat li kkooperat mal-investigazzjoni kemm setgħet. Il-kumpanija qalet li kienet ipprovdiet l-informazzjoni kollha li kienet tippermetti li l-Kummissjoni tasal għal konklużjonijiet preċiżi b'mod raġonevoli iżda li ma setgħetx tintalab tirrapporta informazzjoni li kienet timponi fuqha piż investigattiv eċċessiv u mhux raġonevoli. Il-kumpanija talbet ukoll li ssir it-tieni żjara ta' verifika eċċezzjonali qabel ma jiġi impost xi dazju provviżorju.

(64)

Il-Kummissjoni xtarret il-kummenti tal-kumpanija u kkonkludiet li dawn il-kummenti ma kinux jipprovdu xi element ġdid u verifikabbli li jista' jibdel l-intenzjoni tagħha li, f'dak l-istadju tal-investigazzjoni, tuża l-fatti disponibbli sabiex tistabbilixxi d-dumping possibbli għall-kumpanija kkonċernata. Il-Kummissjoni tqis ukoll li ma kienet imponiet ebda piż mhux raġonevoli fuq il-kumpanija billi insistiet fuq rikonċiljazzjoni xierqa tad-dejta tagħha dwar il-produzzjoni u l-bejgħ li hija neċessarja sabiex tkun tista' tiġi vverifikata t-tali dejta għall-prodott ikkonċernat. Barra minn hekk, il-Kummissjoni tqis li, fid-dawl tan-nuqqasijiet li diġà nstabu fl-informazzjoni rrapportata mill-kumpanija nfisha, it-tieni żjara ta' verifika fuq il-post ma tkunx wisq siewja. B'hekk, b'konformità mal-Artikolu 18 tar-Regolament bażiku, il-Kummissjoni stabbilixxiet b'mod provviżorju l-marġni tad-dumping għal din il-kumpanija fuq il-bażi tal-fatti disponibbli.

(65)

Il-Kummissjoni l-ewwel eżaminat jekk il-volum totali ta' bejgħ domestiku ta' kull wieħed miż-żewġ produtturi esportaturi li kkooperaw kienx rappreżentattiv, skont l-Artikolu 2(2) tar-Regolament bażiku. Il-bejgħ domestiku jkun rappreżentattiv jekk it-total tal-volum tal-bejgħ domestiku tal-prodott simili lill-konsumaturi indipendenti fis-suq domestiku għal kull produttur esportatur jirrappreżenta mill-inqas 5 % tal-volum totali tal-bejgħ bl-esportazzjoni tiegħu tal-prodott ikkonċernat lill-Unjoni matul il-perjodu tal-investigazzjoni. Fuq il-bażi ta' dan, il-bejgħ totali minn kull produttur esportatur tal-prodott simili fuq is-suq domestiku kien rappreżentattiv.

(66)

Imbagħad, il-Kummissjoni identifikat it-tipi ta' prodotti mibjugħin fuq livell domestiku li kienu identiċi jew paragunabbli għat-tipi ta' prodotti mibjugħin għall-esportazzjoni lejn l-Unjoni għall-produtturi esportaturi b'bejgħ domestiku rappreżentattiv.

(67)

Imbagħad il-Kummissjoni eżaminat jekk il-bejgħ domestiku ta' kull wieħed miż-żewġ produtturi esportaturi fis-suq domestiku tiegħu għal kull tip ta' prodott li huwa identiku jew komparabbli ma' tip ta' prodott mibjugħ għall-esportazzjoni lejn l-Unjoni kienx rappreżentattiv, skont l-Artikolu 2(2) tar-Regolament bażiku. Il-bejgħ domestiku ta' tip ta' prodott huwa rappreżentattiv jekk il-volum totali ta' bejgħ domestiku ta' dak it-tip ta' prodott lil konsumaturi indipendenti matul il-perjodu tal-investigazzjoni jirrappreżenta mill-inqas 5 % tal-volum totali tal-bejgħ għall-esportazzjoni lejn l-Unjoni tat-tip ta' prodott identiku jew komparabbli.

(68)

Imbagħad, il-Kummissjoni ddefinixxiet il-proporzjon tal-bejgħ bi profitt lill-konsumaturi indipendenti fis-suq domestiku għal kull tip ta' prodott matul il-perjodu tal-investigazzjoni biex tiddeċiedi jekk tużax il-bejgħ domestiku attwali għall-kalkolu tal-valur normali, skont l-Artikolu 2(4) tar-Regolament bażiku.

(69)

Il-valur normali huwa bbażat fuq il-prezz domestiku reali għal kull tip ta' prodott, irrispettivament minn jekk dan il-bejgħ irendix profitt jew le, jekk:

(70)

F'dan il-każ, il-valur normali huwa l-medja ponderata tal-prezzijiet tal-bejgħ domestiku kollu ta' dak it-tip ta' prodott matul il-perjodu tal-investigazzjoni.

(71)

Il-valur normali huwa l-prezz domestiku attwali għal kull tip ta' prodott tal-bejgħ domestiku bi profitt tat-tipi ta' prodotti biss matul il-perjodu tal-investigazzjoni, jekk:

(72)

L-analiżi tal-bejgħ domestiku uriet li għal xi tipi ta' prodotti, xi bejgħ domestiku ħalla profitt u li l-prezz tal-bejgħ medju ponderat kien ogħla mill-kost tal-produzzjoni. Skont dan, il-valur normali kien ikkalkolat bħala medja ponderata tal-prezzijiet kollha tal-bejgħ domestiku matul il-perjodu tal-investigazzjoni meta ġew issodisfati l-kundizzjonijiet tal-premessa (69) hawn fuq, jew bħala medja ponderata tal-bejgħ bi profitt biss, meta dawn il-kundizzjonijiet ma ġewx issodisfati. Fejn ma kienx hemm biżżejjed bejgħ jew ma kienx hemm bejgħ ta' ċerti tipi ta' prodott tal-prodott simili, jew fejn ma kienx hemm bejgħ fil-perkors normali tan-negozju, il-Kummissjoni ħolqot il-valur normali skont l-Artikolu 2(3) u (6) tar-Regolament bażiku.

(73)

Il-valur normali nħoloq billi żdied dan li ġej mal-kost medju tal-produzzjoni tal-prodott simili taż-żewġ produtturi esportaturi matul il-perjodu tal-investigazzjoni:

(74)

Għat-tipi tal-prodott mhux mibjugħin fi kwantitajiet rappreżentattivi fis-suq domestiku, żdiedu l-ispejjeż SG&A medji u l-profitt tat-tranżazzjonijiet li saru matul il-perkors normali tan-negozju fis-suq domestiku għal dawk it-tipi. Għat-tipi ta' prodotti mhux mibjugħin fis-suq domestiku, żdiedu l-ispejjeż SG&A medji ponderati u l-profitt tat-tranżazzjonijiet kollha li saru matul il-perkors normali tan-negozju fis-suq domestiku.

(75)

Fid-dikjarazzjonijiet finanzjarji tagħhom, il-produtturi esportaturi kollha rrikonoxxew telf sinifikanti dovut għad-differenzi fil-kambju li rriżultaw matul il-konverżjoni tat-tranżazzjonijiet mhux denominati fir-rublu Russu. Il-Kummissjoni qieset li dawk huma parti mill-ispejjeż SG&A tal-kumpanija u inkludiethom fil-kalkolu tal-valur normali.

(76)

Fid-dawl tal-konklużjonijiet tal-verifiki fuq il-post, il-Kummissjoni aġġustat il-kost tal-produzzjoni għal wieħed mill-produtturi esportaturi Il-Kummissjoni sabet li l-produttur esportatur inkwistjoni ma kienx irrifletta kif xieraq u b'mod preċiż il-kostijiet proprji tal-materjali u l-kostijiet tax-xiri relatati fil-kost irrapportat tiegħu. Il-Kummissjoni ma setgħetx tirrikonċilja l-kwantitajiet, il-valuri u l-kostijiet relatati ta' ċerta materja prima mixtrija mal-kontijiet tal-kumpanija, peress li l-kumpanija naqset milli tirrapporta dawn il-kostijiet fl-elenkar tax-xirjiet tal-materja prima li ssottomettiet lill-Kummissjoni fit-tweġibiet tagħha għall-kwestjonarju u l-ittra ta' defiċenza. Il-Kummissjoni sabet ukoll li l-kumpanija inkwistjoni ma rrapportatx ix-xirjiet ta' materja prima, kif emendati bit-tweġiba tagħha għall-ittra ta' defiċenza, fil-format mitlub fil-kwestjonarju, u b'hekk il-Kummissjoni ma setgħetx tivverifika l-varjazzjonijiet fil-ħażniet u l-konsum ta' materjal matul il-perjodu tal-investigazzjoni. Barra minn hekk, il-Kummissjoni għandha evidenza li ġabret matul il-verifika fuq il-post li turi li l-kostijiet tal-manifattura fil-kontijiet tal-kumpanija jvarjaw mill-kostijiet tal-manifattura murijin għall-istess kontijiet fil-modulu ta' allokazzjoni awtomatizzata tal-kostijiet użat għall-allokazzjoni tal-kostijiet għall-prodotti differenti.

(77)

Fit-30 ta' Ottubru 2015, il-Kummissjoni informat lill-produttur esportatur ikkonċernat li, għar-raġunijiet spjegati fil-premessa 76, hija tqis li l-kumpanija ma kinitx ipprovdiet l-informazzjoni meħtieġa rigward il-kost tal-manifattura tal-prodott ikkonċernat fil-limiti ta' żmien stabbiliti fir-Regolament bażiku u li kien biħsiebha tuża l-fatti disponibbli skont l-Artikolu 18 tar-Regolament bażiku sabiex tistabbilixxi l-valur normali.

(78)

Fit-13 ta' Novembru 2015, il-produttur esportatur ikkummenta dwar l-intenzjoni tal-Kummissjoni li tuża l-fatti disponibbli u bagħat spjegazzjonijiet addizzjonali rigward id-differenzi bejn l-ispejjeż imdaħħlin fil-kontijiet tal-ktieb ġenerali tagħha u l-kostijiet identifikati fir-rapport tagħha ta' kalkolu tal-kostijiet. Fit-13 ta' Novembru 2015, il-kumpanija ammettiet ukoll l-eżistenza ta' diskrepanzi li l-Kummissjoni sabet matul iż-żjara ta' verifika fuq il-post u li jappartjenu għall-kostijiet ta' xiri ta' materja prima, iżda ddikjarat li minnufih setgħet tagħraf ir-raġunijiet wara dawn id-diskrepanzi li qieset li kienu żbalji klerikali.

(79)

Il-Kummissjoni xtarret il-kummenti u l-ispjegazzjonijiet tal-kumpanija u qieset li l-preċiżjoni tal-informazzjoni addizzjonali ppreżentata ma setgħetx tiġi vverifikata u rrikonċiljata iktar mal-kontijiet tal-kumpanija. Il-Kummissjoni qieset ukoll li d-diskrepanzi li sabet fuq il-post rigward il-kostijiet tax-xiri ta' materja prima ma kinux żbalji klerikali u osservat li l-kumpanija ma kkontestatx il-konklużjoni tal-Kummissjoni li l-informazzjoni dwar il-kostijiet marbutin max-xiri tal-materja prima, dwar il-ħażniet ta' materja prima u dwar il-konsum tal-materja prima kienet nieqsa mit-tweġibiet tagħha għall-kwestjonarju u l-ittra ta' defiċenza. Il-Kummissjoni kkonkludiet li l-kummenti tal-kumpanija u l-ispjegazzjonijiet addizzjonali tal-kumpanija ma kinux jipprovdu xi element ġdid u verifikabbli li jista' jibdel l-intenzjoni tagħha li, f'dak l-istadju tal-investigazzjoni, tuża l-fatti disponibbli sabiex tistabbilixxi l-valur normali.

(80)

Matul il-verifika fuq il-post, il-Kummissjoni sabet ukoll li l-proporzjonijiet tal-konsum ta' materjal li kisbet mingħand id-dipartiment ta' kontroll tal-kumpanija matul il-verifika kienu jvarjaw ħafna mill-proporzjonijiet ta' konsum ta' materjal li l-kumpanija rrapportat fl-24 ta' Settembru 2015 fit-tweġiba tagħha għall-ittra ta' defiċjenza tal-Kummissjoni. Il-Kummissjoni talbet l-informazzjoni mingħand il-kumpanija fuq il-post dwar din l-anomalija. Il-kumpanija ċċarat li, għar-rapportar tal-ispejjeż fuq il-materjal tagħha, ma kinitx użat il-proporzjonijiet tal-konsum mid-dipartiment ta' kontroll tagħha iżda kkalkolat il-proporzjonijiet tal-konsum billi qasmet l-ispejjeż tal-materjal li kienet irrapportat lill-Kummissjoni bil-kost tal-prodotti mibjugħin. Għalhekk, il-Kummissjoni qieset li l-proporzjonijiet ta' konsum ta' materjal li l-kumpanija rrapportat ma kinux jippermettu lill-Kummissjoni tagħmel valutazzjoni preċiża tal-ispejjeż tal-materjal tagħha. Konsegwentement, kif stipulat hawn fuq, il-Kummissjoni ddeċidiet li timmodifika l-kost tal-produzzjoni rrapportat mill-kumpanija sabiex iġġibu konformi mal-evidenza fattwali fuq il-kostijiet tal-materja prima li ġabret matul il-verifika fuq il-post.

(81)

Il-produtturi esportaturi esportaw lejn l-Unjoni direttament, permezz ta' kumpaniji relatati li jaġixxu bħala importaturi fl-Unjoni, jew permezz ta' negozjanti/importaturi relatati jew mhux relatati bbażati fl-Iżvizzera. Dawk il-kumpaniji Żvizzeri relatati, proprjetà tal-produtturi esportaturi Russi, xtraw il-prodott ikkonċernat mingħand il-produtturi esportaturi u mbagħad bigħuh fl-Unjoni u pajjiżi oħrajn.

(82)

Meta l-produtturi esportaturi esportaw il-prodott ikkonċernat direttament lill-konsumaturi indipendenti fl-Unjoni, il-prezz tal-esportazzjoni kien stabbilit fuq il-bażi tal-prezzijiet reali li tħallsu jew li pagabbli għall-prodott konċernat meta nbiegħ għall-esportazzjoni lejn l-Unjoni, skont l-Artikolu 2(8) tar-Regolament bażiku.

(83)

Meta l-produtturi esportaturi esportaw il-prodott konċernat lejn l-Unjoni permezz ta' kumpanija relatata li taġixxi bħala importatur, il-prezz tal-esportazzjoni nħadem fuq il-bażi tal-prezz li bih il-prodott importat reġa' nbiegħ għall-ewwel darba lill-konsumaturi indipendenti fl-Unjoni, skont l-Artikolu 2(9) tar-Regolament bażiku. Il-prezz tal-esportazzjoni nħadem ukoll, skont l-istess Artikolu, meta l-prodott konċernat ma reġax inbiegħ fil-kundizzjoni li kien importat fiha. F'każijiet bħal dawn, l-aġġustamenti tal-prezz saru għall-ispejjeż kollha li ġġarrbu bejn l-importazzjoni u l-bejgħ mill-ġdid, inkluż l-ispejjeż SG&A, u għall-profitti.

(84)

Il-verifika ta' produttur esportatur wieħed uriet li 20 % tal-bejgħ esportat lejn l-Unjoni sar lil negozjant mhux relatat ibbażat fl-Iżvizzera. Il-produttur esportatur irrapporta dak il-bejgħ bħala bejgħ lil parti indipendenti fl-Unjoni, u ddikjara li ma kellu ebda rabta ma' dan in-negozjant. Intużaw dikjarazzjonijiet ta' esportazzjoni doganali bħala prova tad-destinazzjoni tal-prodotti. Minkejja li l-munita tal-bejgħ maqbula fil-kuntratti bejn il-produttur esportatur u n-negozjant hija l-euro jew id-dollaru Amerikan, il-produttur esportatur irrapporta li l-bejgħ sar bir-rublu Russu bil-fatturi korrispondenti li juru r-rublu Russu. Il-Kummissjoni sejra tkompli tinvestiga fuq dan, speċjalment jekk il-bejgħ fil-fatt sarx lil xerrej indipendenti għall-konsum fl-Unjoni u ġiex irrapportat bil-munita xierqa. Il-Kummissjoni inkludiet dak il-bejgħ b'mod provviżorju fid-determinazzjoni tal-prezz tal-esportazzjoni.

(85)

Il-Kummissjoni qabblet il-valur normali u l-prezz tal-esportazzjoni tal-produtturi esportaturi li kkooperaw fuq bażi ta' prezz mill-fabbrika.

(86)

Fejn iġġustifikata mill-ħtieġa li jiġi żgurat paragun ġust, il-Kummissjoni aġġustat il-valur normali u/jew il-prezz tal-esportazzjoni għad-differenzi li jaffettwaw il-prezzijiet u l-komparabilità tal-prezzijiet skont l-Artikolu 2(10) tar-Regolament bażiku.

(87)

Fir-rigward tal-prezzijiet tal-esportazzjoni, saru aġġustamenti għal kostijiet marbutin mat-trasport, l-immaniġġjar, it-tagħbija u l-ispejjeż anċillari, it-tariffi tal-importazzjoni, il-kummissjonijeit tal-bejgħ, il-kostijiet tal-kreditu u t-tariffi tal-bank. Fir-rigward tal-prezzijiet domestiċi, saru aġġustamenti għall-ispejjez tat-trasport domestiku, l-ispejjeż tal-ippakkjar, l-ispejjeż tal-kreditu, l-immaniġġjar u l-kummissjonijiet.

(88)

Għat-tqabbil tal-prezzijiet li jinvolvu muniti differenti, il-Kummissjoni, b'konformità mal-Artikolu (2)(10)(j) tar-Regolament bażiku, użat ir-rata tal-kambju applikabbli fid-data tal-ordni tax-xiri jew il-kuntratt tal-bejgħ li jistabbilixxi aħjar it-termini tal-bejgħ tal-materjali mid-data tal-fattura peress li n-negozjar tal-prezz li wassal sabiex jiġi stabbilit il-prezz sar fil-perjodu qrib id-data tal-ordni tax-xiri jew tal-kuntratt tal-bejgħ. Il-fattura korrispondenti nħarġet meta ntbagħat il-prodott, li ġeneralment kien xahar jew xahrejn wara.

(89)

Il-Kummissjoni qabblet il-valur normali medju ponderat ta' kull tip ta' prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat, skont l-Artikolu 2(11) u (12) tar-Regolament bażiku.

(90)

Għad-determinazzjoni tal-marġni tad-dumping provviżorju tal-produttur esportatur imsemmi fil-premessi 60 sa 64, il-Kummissjoni użat bħala fatt disponibbli l-livell tal-marġni tad-dumping tal-iktar tip tal-prodott esportat li nstab li huwa ftit ogħla mill-marġni tad-dumping kumplessiv ta' wieħed mill-produtturi esportaturi l-oħrajn. Il-Kummissjoni bbażat l-għażla tal-produttur esportatur xieraq fuq il-komparabbiltà aħjar tal-volumi tal-bejgħ fis-suq domestiku u l-esportazzjonijiet lejn l-Unjoni, il-qrubija ġeografika, l-istruttura tal-inputs essenzjali tal-materja prima u l-użu tal-kapaċità rrapportat. Fuq din il-bażi, il-marġnijiet tad-dumping medju ponderat provviżorju, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 3

Marġnijiet tad-dumping, ir-Russja

(91)

Għall-produtturi esportaturi l-oħrajn kollha fir-Russja, il-Kummissjoni stabbilixxiet il-marġni tad-dumping fuq il-bażi tal-fatti disponibbli skont l-Artikolu 18 tar-Regolament bażiku.

(92)

Kif stipulat fil-premessa 58, il-kumpaniji investigati kienu jirrappreżentaw kważi l-esportazzjonijiet kollha mir-Russja lejn l-Unjoni. Fuq din il-bażi, il-Kummissjoni ddeċidiet li tibbaża l-marġni tad-dumping għall-kumpaniji kollha l-oħrajn fil-livell tal-kumpanija fil-kampjun bl-ogħla marġni tad-dumping.

(93)

Il-marġnijiet provviżorji tad-dumping, espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġej:

Tabella 4

Marġnijiet tad-dumping, ir-Russja

(94)

Fl-Unjoni, 13-il kumpanija pprovdew dejta dwar il-produzzjoni u l-bejgħ fl-eżerċizzju permanenti u indikaw li kienu jipproduċu l-prodott simili matul il-perjodu tal-investigazzjoni. Fuq il-bażi tal-informazzjoni disponibbli mill-ilment, hemm 15-il produttur ieħor fl-Unjoni li jipproduċu l-prodott simili fl-Unjoni.

(95)

Il-produzzjoni totali tal-Unjoni matul il-perjodu tal-investigazzjoni kienet stabbilita għal madwar 37 miljun tunnellata metrika. Il-Kummissjoni stabbilixxiet iċ-ċifra fuq il-bażi tal-informazzjoni kollha disponibbli li tirrigwarda l-industrija tal-Unjoni, bħal informazzjoni mill-ilmentatur u mill-prodotturi kollha magħrufin fl-Unjoni.

(96)

Il-produtturi tal-Unjoni li jirrappreżentaw il-produzzjoni totali tal-Unjoni jikkostitwixxu l-industrija skont it-tifsira tal-Artikolu 4(1) tar-Regolament bażiku u, minn hawn 'il quddiem, jissejħu “l-industrija tal-Unjoni” skont it-tifsira tal-Artikolu 4(1) tar-Regolament bażiku.

(97)

Il-produtturi tal-Unjoni li kkooperaw jirrappreżentaw 89 % tal-produzzjoni totali tal-Unjoni tal-prodott simili.

(98)

Il-mudell kummerċjali tal-produtturi tal-Unjoni u l-grad ta' integrazzjoni vertikali tagħhom ivarjaw. “Riromblaturi”, li jridu jissorsjaw il-ħtiġijiet ta' prematerjal tagħhom mingħand produtturi oħrajn, jirrappreżentaw sehem żgħir.

(99)

Kif intqal fil-premessa 21, prodotti tal-azzar irrumblati ċatt fil-kiesaħ jaqgħu taħt għadd ta' kodiċijiet tan-NM, inklużi ċerti ex kodiċijiet. Sabiex ma jiġix sottovalutat il-konsum tal-Unjoni, u fid-dawl tal-impatt marġinali apparenti tat-tali kodiċijiet fuq il-konsum totali, il-volumi tal-importazzjoni tal-ex kodiċijiet tan-NM ingħaddew kollha sabiex jiġi kkalkolat il-konsum tal-Unjoni.

(100)

Peress li, fil-parti l-kbira, l-industrija tal-Unjoni hija integrata vertikalment u l-prodotti tal-azzar irrumblati ċatt fil-kiesaħ jitqiesu bħala materja prima għall-produzzjoni ta' bosta prodotti downstream tal-valur miżjud, il-konsumi tas-suq magħluq u dak ħieles ġew analizzati b'mod separat.

(101)

Id-distinzjoni bejn suq magħluq u ħieles hija rilevanti għall-analiżi tad-dannu għaliex il-prodotti mfasslin għal użu ristrett mhumiex esposti għall-kompetizzjoni diretta mill-importazzjonijiet, u l-prezzijiet tat-trasferiment huma stabbiliti fil-gruppi skont il-bosta politiki tal-prezzijiet u, għalhekk, mhumiex affidabbli. Għall-kuntrarju, il-produzzjoni mfassla għas-suq ħieles hija f'kompetizzjoni diretta mal-importazzjonijiet tal-prodott ikkonċernat, u l-prezzijiet huma prezzijiet tas-suq ħieles.

(102)

Sabiex tipprovdi stampa tal-industrija tal-Unjoni li tkun kompluta kemm jista' jkun, il-Kummissjoni kisbet dejta għall-attività sħiħa tal-prodotti tal-azzar irrumblati ċatt fil-kiesaħ u stabbilixxiet jekk il-produzzjoni kinitx imfassla għall-użu ristrett jew għas-suq ħieles. Il-Kummissjoni sabet li madwar 82 % tal-produzzjoni totali tal-produtturi tal-Unjoni kienet intenzjonata għal użu ristrett.

(103)

Il-Kummissjoni stabbilixxiet il-konsum ristrett tal-Unjoni fuq il-bażi tal-użu ristrett u l-bejgħ ristrett fis-suq tal-Unjoni tal-produtturi kollha magħrufin fl-Unjoni. Fuq din il-bażi, il-konsum ristrett tal-Unjoni żviluppa kif ġej:

Tabella 5

Il-konsum ristrett (tunnellati)

(104)

Matul il-perjodu kkunsidrat, il-konsum ristrett tal-Unjoni żdied b'madwar 4 %. Din iż-żieda hija dovuta l-iktar għal tkabbir tas-swieq magħluqin, bħall-industrija awtomobilistika.

(105)

Il-Kummissjoni stabbilixxiet il-konsum tas-suq ħieles tal-Unjoni fuq il-bażi ta' (a) il-bejgħ fis-suq tal-Unjoni tal-produtturi kollha magħrufin fl-Unjoni u (b) l-importazzjonijiet fl-Unjoni mill-pajjiżi terzi kollha kif rapportat mill-Eurostat, u b'hekk qieset ukoll id-dejta mressqa mill-produtturi esportaturi li kkooperaw fil-pajjiżi konċernati. Fuq din il-bażi, il-konsum tas-suq ħieles tal-Unjoni żviluppa kif ġej:

Tabella 6

Konsum tas-suq liberu (tunnellati)

(106)

Waqt il-perjodu kkunsidrat, il-konsum tas-suq ħieles tal-Unjoni naqas b'madwar 9 %. It-tnaqqis huwa dovut l-iktar għall-irkupru ekonomiku batut jew ineżistenti tal-industrija downstream.

(107)

Il-Kummissjoni stħarrġet jekk l-importazzjonijiet tal-prodott ikkonċernat li oriġina mill-pajjiżi kkonċernati għandhomx ikunu vvalutati b'mod kumulattiv, skont l-Artikolu 3(4) tar-Regolament bażiku.

(108)

Il-marġnijiet tad-dumping stabbiliti b'rabta mal-importazzjonijiet mir-RPĊ u r-Russja huma spjegati fil-premessa 57 u l-premessa 93 iktar 'il fuq. Dawn il-marġnijiet kollha huma ferm ogħla mil-limiti de minimis stabbiliti fl-Artikolu 9(3) tar-Regolament bażiku.

(109)

Il-volum tal-importazzjonijiet minn kull pajjiż ikkonċernat ma kienx negliġibbli skont it-tifsira tal-Artikolu 5(7) tar-Regolament bażiku. Fil-perjodu tal-investigazzjoni, ir-RPĊ u r-Russja kellhom sehem mis-suq tal-UE ta' 10,3 % u 9,8 % rispettivament.

(110)

Il-kundizzjonijiet ta' kompetizzjoni ta' bejn l-importazzjonijiet oġġett ta' dumping mill-pajjiżi konċernati u l-prodott simili kienu simili wkoll. Tabilħaqq, il-prodotti importati kkompetew ma' xulxin u mal-prodott ikkonċernat immanifatturat fl-Unjoni għaliex dawn inbiegħu lil kategoriji simili ta' konsumaturi finali.

(111)

Għalhekk, u għall-kuntrarju tad-dikjarazzjoni li għamlet parti interessata minnhom, il-kriterji kollha stabbiliti fl-Artikolu 3(4) tar-Regolament bażiku ġew issodisfati u l-importazzjonijiet mill-pajjiżi kkonċernati kienu eżaminati b'mod kumulattiv sabiex jiġi determinat id-dannu.

(112)

Il-Kummissjoni stabbilixxiet il-volum tal-importazzjonijiet abbażi tal-bażi tad-dejta tal-Eurostat. Is-sehem mis-suq tal-importazzjonijiet ġie stabbilit billi tqabblu l-volumi tal-importazzjonijiet mal-konsum tas-suq liberu tal-Unjoni kif irrapportat fit-tabella 6 iktar 'il fuq.

(113)

L-importazzjonijiet lejn l-Unjoni mill-pajjiżi kkonċernati żviluppaw kif ġej:

Tabella 7

Il-volum tal-importazzjonijiet (tunnellati metriċi) u s-sehem tas-suq

(114)

It-tabella ta' hawn fuq turi li f'ċifri assoluti l-importazzjonijiet mill-pajjiżi kkonċernati żdiedu b'mod sinifikanti matul il-perjodu kkunsidrat. Fl-istess ħin, is-sehem mis-suq totali tal-importazzjonijiet oġġett ta' dumping fl-Unjoni żdied b'madwar 5,8 punti perċentwali matul il-perjodu kkunsidrat.

(115)

Il-Kummissjoni stabbilixxiet il-prezzijiet tal-importazzjonijiet abbażi tad-dejta tal-Eurostat. Il-prezz medju ponderat tal-importazzjonijiet lejn l-Unjoni mill-pajjiżi kkonċernati żviluppa hekk:

Tabella 8

Il-prezzijiet tal-importazzjoni (EUR/tunnellata)

(116)

Il-prezzijiet medji tal-importazzjonijiet oġġett ta' dumping naqsu minn EUR 624/tunnellata metrika fl-2011 għal EUR 497/tunnellata metrika matul il-perjodu tal-investigazzjoni. Matul il-perjodu kunsidrat, it-tnaqqis fil-prezz ta' unità medju tal-importazzjonijiet oġġett ta' dumping kien ta' madwar 20 %.

(117)

Il-Kummissjoni vvalutat it-twaqqigħ tal-prezz matul il-perjodu tal-investigazzjoni billi qabblet:

(118)

It-tqabbil tal-prezzijiet sar fuq bażi ta' tip b'tip għal tranżazzjonijiet fl-istess livell ta' kummerċ, aġġustati kif dovut meta meħtieġ, u wara t-tnaqqis tar-rifużjonijiet u l-iskontijiet. Ir-riżultat tat-tqabbil ingħata bħala perċentwal tal-fatturat tal-produtturi tal-Unjoni fil-kampjun matul il-perjodu tal-investigazzjoni.

(119)

Fuq il-bażi ta' dan li ntqal hawn fuq, instab li l-importazzjonijiet oġġett ta' dumping mill-pajjiżi kkonċernati waqqgħu l-prezzijiet tal-industrija tal-Unjoni bi 8,1 % u 14,4 % għar-RPĊ u r-Russja.

(120)

Skont l-Artikolu 3(5) tar-Regolament bażiku, l-eżaminazzjoni tal-impatt tal-importazzjonijiet oġġett ta' dumping fl-industrija tal-Unjoni kien jinkludi evalwazzjoni tal-indikaturi ekonomiċi kollha li influwenzaw l-istat tal-industrija tal-Unjoni matul il-perjodu kkunsidrat.

(121)

L-indikaturi makroekonomiċi (il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, l-impjiegi, il-produttività u d-daqs tal-marġnijiet tad-dumping) ġew analizzati fil-livell tal-produzzjoni kollha tal-Unjoni. Il-valutazzjoni kienet ibbażata fuq l-informazzjoni li pprovda l-ilmentatur, u ġiet kontroverifikata bid-dejta pprovduta mill-produtturi tal-Unjoni u l-istatistiċi uffiċjali disponibbli (Eurostat).

(122)

L-analiżi tal-indikaturi mikroekonomiċi (il-prezzijiet tal-bejgħ, il-profittabbiltà, il-fluss tal-flus, l-investimenti, ir-redditu fuq l-investimenti, il-possibbiltà li jiżdied il-kapital, il-pagi u l-ispiża tal-produzzjoni) twettqet fil-livell tal-produtturi tal-Unjoni inklużi fil-kampjun. Il-valutazzjoni kienet ibbażata fuq l-informazzjoni tagħhom, ivverifikata kif xieraq.

(123)

Għal uħud mill-indikaturi tad-dannu marbutin mal-industrija tal-Unjoni, il-Kummissjoni analizzat b'mod separat id-dejta marbuta mas-suq ħieles u dak ristrett u għamlet analiżi komparattiva. Dawn il-fatturi huma: il-bejgħ u s-sehem fis-suq, il-prezzijiet ta' unità, il-kost ta' unità u l-profittabilità. Madankollu, indikaturi ekonomiċi oħrajn jistgħu jiġu eżaminati b'mod siewi biss b'riferiment għall-attività sħiħa, inkluż l-użu ristrett tal-industrija tal-Unjoni għaliex jiddependu fuq l-attività sħiħa, kemm jekk il-produzzjoni hija ristretta kif ukoll jekk tinbiegħ fis-suq ħieles. Dawn il-fatturi huma: il-produzzjoni, il-kapaċità, l-użu tal-kapaċità, il-fluss tal-flus, l-investimenti, ir-redditu fuq l-investimenti, l-impjiegi, il-produttività, il-ħażniet u l-kostijiet lavorattivi. Għal dawn il-fatturi, ikun iġġustifikat li ssir analiżi tal-industrija sħiħa tal-Unjoni sabiex tiġi stabbilita stampa sħiħa tad-dannu tal-industrija tal-Unjoni, peress li d-dejta inkwistjoni ma tistax tiġi separata għal bejgħ ristrett u bejgħ liberu.

(124)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppaw matul il-perjodu kkunsidrat kif ġej:

Tabella 9

Il-produzzjoni, il-kapaċità tal-produzzjoni u l-użu tal-kapaċità

(125)

Matul il-perjodu kkunsidrat, il-volum tal-produzzjoni tal-industrija tal-Unjoni żdied b'1 %. Iċ-ċifri tal-kapaċità rapportati jirreferu għall-kapaċità teknika, li timplika li tqiesu l-aġġustamenti, meqjusin bħala standards mill-industrija, għall-ħin tal-istabbiliment, il-manutenzjoni, l-ostakoli u perjodi oħrajn normali ta' waqfien. Fuq din il-bażi, il-kapaċità naqset bi 3 % matul il-perjodu kkunsidrat bi sforz tal-industrija tal-Unjoni sabiex tikkontribwixxi għat-tnaqqis tal-kapaċità żejda globali.

(126)

Iż-żieda fir-rata ta' użu tal-kapaċità rriżultat minn żieda ħafifa fil-volum tal-produzzjoni kkawżata l-iktar miż-żieda fil-konsum ristrett u tnaqqis tal-kapaċità.

(127)

Il-volum ta' bejgħ u s-sehem mis-suq tal-industrija tal-Unjoni fis-suq liberu żviluppaw matul il-perjodu kkunsidrat kif ġej:

Tabella 10

Il-volum tal-bejgħ u s-sehem mis-suq (suq liberu)

(128)

Il-volum ta' bejgħ tal-industrija tal-Unjoni fis-suq tal-Unjoni naqas b'14 % matul il-perjodu kkunsidrat, minn madwar 5,9 miljun tunnellata metrika fl-2011 għal 5 miljun tunnellata metrika matul il-perjodu tal-investigazzjoni.

(129)

Is-sehem mis-suq tal-industrija tal-Unjoni naqas minn 74,8 % għal 70,8 % matul il-perjodu kkunsidrat. It-tnaqqis fil-volum ta' bejgħ tal-industrija tal-Unjoni jisboq b'mod sinifikanti t-tnaqqis fil-konsum tas-suq liberu tal-Unjoni. Barra minn hekk, sabiex tevita tiċkin saħansitra ikbar tas-sehem tagħha mis-suq, l-industrija tal-Unjoni kienet imġiegħla tbaxxi l-prezzijiet tal-bejgħ tagħha minħabba l-pressjoni bla heda fuq il-prezzijiet li ġabu magħhom l-importazzjonijiet ikkonċernati.

(130)

F'dak li għandu x'jaqsam mas-suq ristrett, il-volum ristrett u s-sehem mis-suq żviluppaw kif ġej matul il-perjodu kkunsidrat:

Tabella 11

Il-volum ristrett u s-sehem mis-suq

(131)

Il-volum ristrett tal-industrija tal-Unjoni (imsawwar minn użu ristrett u bejgħ ristrett) fis-suq tal-Unjoni żdied b'4 % matul il-perjodu kkunsidrat, minn madwar 29,1 miljun tunnellata metrika fl-2011 għal 30,2 miljun tunnellata metrika matul il-perjodu tal-investigazzjoni.

(132)

B'konsegwenza ta' dan, is-sehem mis-suq magħluq tal-industrija tal-Unjoni mogħti bħala perċentwal tal-konsum totali (kemm suq ristrett kif ukoll liberu) żdied minn 79 % għal 81 % matul il-perjodu kkunsidrat.

(133)

L-impjiegi u l-produttività żviluppaw kif ġej matul il-perjodu kkunsidrat:

Tabella 12

L-impjiegi u l-produttività

(134)

Il-livell tal-impjiegi fl-industrija tal-Unjoni naqas b'mod sinifikanti matul il-perjodu kkunsidrat sabiex jitnaqqsu l-kostijiet tal-produzzjoni u tiġi ggwadanjata effiċjenza fid-dawl tal-kompetizzjoni ikbar mill-importazzjonijiet oġġett ta' dumping fis-suq. Dan irriżulta fi tnaqqis ta' 10 % mill-forza tax-xogħol matul il-perjodu kkunsidrat. Konsegwentement, u fid-dawl tal-volum tal-produzzjoni li kien qiegħed jiżdied bil-mod (+ 1 %) matul il-perjodu kkunsidrat, il-produttività tal-forza tax-xogħol tal-industrija tal-Unjoni, imkejla bħala l-produzzjoni għal kull persuna impjegata fis-sena, żdiedet ferm iktar mit-tnaqqis fil-produzzjoni proprja. Dan juri li l-industrija tal-Unjoni kienet lesta li tadatta ruħha għall-kundizzjonijiet tas-suq li kienu qegħdin jinbidlu sabiex tibqa' kompetittiva.

(135)

Il-livelli tal-ħażniet tal-produtturi tal-Unjoni żviluppaw kif ġej matul il-perjodu kkunsidrat:

Tabella 13

L-inventarji

(136)

Matul il-perjodu kkunsidrat il-livell tal-ħażniet tal-għeluq naqas bi 15 %. Il-maġġoranza tat-tipi ta' prodotti simili huma mmanifatturati mill-industrija tal-Unjoni skont ordnijiet speċifiċi tal-utenti. Għalhekk, il-ħażniet ma jitqisux bħala indikatur importanti tad-dannu għal din l-industrija. Dan huwa kkonfermat ukoll mill-analiżi tal-evoluzzjoni tal-ħażniet tal-għeluq bħala perċentwal tal-produzzjoni. Kif jidher hawn fuq, dan l-indikatur baqa' relattivament stabbli għal madwar 3 % tal-volum tal-produzzjoni.

(137)

Il-marġnijiet kollha tad-dumping kienu ogħla b'mod sinifikanti mil-livell de minimis. L-impatt tad-daqs tal-marġnijiet għoljin attwali ta' dumping fuq l-industrija tal-Unjoni ma kienx negliġibbli, meta tqis il-volum u l-prezzijiet tal-importazzjonijiet mill-pajjiżi kkonċernati.

(138)

Il-konsum tal-Unjoni naqas b'madwar 9 % matul il-perjodu kkunsidrat, filwaqt li l-volum tal-bejgħ tal-Industrija tal-Unjoni fis-suq tal-Unjoni naqas b'14 %. L-industrija tal-Unjoni għalhekk tilfet sehem mis-suq, għall-kuntrarju tas-sehem mis-suq tal-importazzjonijiet mill-pajjiżi kkonċernati li żdied matul il-perjodu kkunsidrat.

(139)

Il-prezzijiet medji ponderati tal-bejgħ ta' unità tal-produtturi tal-Unjoni lill-klijenti mhux relatati fl-Unjoni żviluppaw kif ġej matul il-perjodu kkunsidrat:

Tabella 14

Il-prezzijiet tal-bejgħ fl-Unjoni

(140)

It-tabella ta' hawn fuq turi l-evoluzzjoni tal-prezz tal-bejgħ ta' unità fis-suq ħieles tal-Unjoni meta mqabbel mal-kost tal-produzzjoni korrispondenti. Matul il-perjodu kkunsidrat, il-prezzijiet tal-bejgħ bħala medja naqsu aktar (– 19 %) mill-kost korrispondenti tagħhom (– 16 %). Barra minn hekk, il-prezzijiet tal-bejgħ bħala medja kienu aktar baxxi mill-kost tal-produzzjoni ta' unità matul il-perjodu kkunsidrat, bl-eċċezzjoni tal-2011.

(141)

Sabiex jiġi limitat it-telf fis-sehem mis-suq, il-produtturi tal-Unjoni kienu mġegħlin jimitaw it-tnaqqis fil-prezz u jnaqqsu l-prezz tal-bejgħ tagħhom b'mod sinifikanti. Min-naħa l-oħra, it-tnaqqis fil-kost tal-produzzjoni jista' jiġi spjegat mit-tnaqqis fil-prezzijiet tal-materja prima u l-gwadanji fil-produttività miksubin, l-iktar permezz tat-tnaqqis fil-forza tax-xogħol kif spjegat fit-tabella 12 iktar 'il fuq.

(142)

Fost il-produtturi fil-kampjun, il-prodotti tal-azzar irrumblati ċatt fil-kiesaħ għall-konsum ristrett ġew ittrasferiti jew ipprovduti bi prezzijiet tat-trasferiment għall-ipproċessar ulterjuri downstream billi ntużaw politiki ta' pprezzar differenti (kost, kost b'addenda, prezz tas-suq). Għaldaqstant, ma tista' tinħareġ ebda konklużjoni siewja mill-evoluzzjoni tal-prezz tal-użu ristrett. Bl-istess mod, lanqas il-kost tal-produzzjoni tal-volum ristrett ma ġie analizzat.

(143)

Il-kostijiet lavorattivi medji tal-produtturi tal-Unjoni żviluppaw matul il-perjodu kkunsidrat kif ġej:

Tabella 15

Il-kostijiet lavorattivi medji għal kull FTE

(144)

Matul il-perjodu kkunsidrat, il-paga medja għal kull impjegat żdiedet bi 11 %, li hija ftit ogħla miż-żieda ġenerali fil-prezzijiet fl-UE dovuta għall-inflazzjoni. Madankollu, dan għandu jiġi kkunsidrat fil-kuntest tat-tnaqqis kbir fl-impjegati, kif spjegat fil-premessa (134).

(145)

Il-profittabilità, il-fluss tal-flus, l-investimenti u r-redditu fuq l-investimenti tal-produtturi tal-Unjoni żviluppaw kif ġej matul il-perjodu kkunsidrat:

Tabella 16

Il-profittabilità, il-fluss tal-flus, l-investimenti u r-redittu fuq l-investimenti

(146)

Il-Kummissjoni stabbilixxiet il-profittabbiltà tal-produtturi tal-Unjoni billi esprimiet it-telf nett qabel it-taxxa tal-bejgħ tal-prodott simili lil konsumaturi mhux relatati fl-Unjoni bħala perċentwal tal-fatturat ta' dan il-bejgħ.

(147)

Il-profittabilità żviluppat b'mod negattiv tul il-perjodu kkunsidrat minn sitwazzjoni ta' profitt baxx fl-2011 għal telf kontinwu mill-2012 (– 5,7 %) sal-perjodu tal-investigazzjoni (– 2,7 %). Filwaqt li, f'parti minnu, it-telf qawwi fis-sena 2012 huwa marbut mal-kriżi Ewropea tad-dejn u l-kriżi ekonomika sussegwenti, il-pressjoni konsiderevoli fuq il-prezzijiet u l-volumi eżerċitata fuq l-industrija tal-Unjoni mill-importazzjonijiet dejjem ikbar mill-pajjiżi kkonċernati tul il-perjodu 2013 — perjodu tal-investigazzjoni ma ppermettietx li l-industrija tal-Unjoni tibbenefika mill-irkupru batut tal-ekonomija Ewropea.

(148)

Kif intqal iktar 'il fuq, fid-dawl tal-varjetà kbira fil-politiki dwar l-ipprezzar (eż. kost, kost b'addenda, prezz tas-suq) fost il-produtturi tal-UE fil-kampjun għall-volumi ristretti, ma tista' tinħareġ ebda konklużjoni siewja mill-evoluzzjoni tal-prezzijiet tal-użu ristrett, u lanqas mill-evoluzzjoni tal-profittabilità tal-użu ristrett.

(149)

Skont parti interessata, hemm riskju li l-impjanti integrati bħal ħafna produtturi tal-UE jistgħu jimmanipolaw id-dejta dwar il-profittabilità ta' unità tal-produzzjoni individwali għall-fini tal-investigazzjoni. Madankollu, il-Kummissjoni vverifikat id-dejta mressqa mill-produtturi u kienet sodisfatta biċ-ċifri li nkisbu eventwalment.

(150)

Il-fluss tal-flus nett jirrappreżenta l-kapaċità tal-produtturi tal-Unjoni li jiffinanzjaw huma stess l-attivitajiet tagħhom. It-tendenza fil-fluss tal-flus nett segwiet tendenza ta' żieda (+ 37 %), dovuta l-iktar għal tnaqqis fl-inventarji.

(151)

Peress li r-redditu fuq l-investiment baqa' negattiv b'mod kumplessiv (madwar – 3 %), l-industrija tal-Unjoni naqqset il-livell tal-investimenti tagħha b'14 % bejn l-2011 u l-perjodu tal-investigazzjoni. Il-kapaċità li jiġi ġġenerat il-kapital kienet affettwata mit-telf imġarrab matul il-perjodu kkunsidrat, kif jista' jidher mit-tnaqqis fl-investimenti.

(152)

L-industrija tal-Unjoni in ġenerali tista' żżid bi ftit il-volumi tal-produzzjoni tagħha u ttejjeb ir-rata ta' użu tal-kapaċità tagħha dovuta għaż-żieda b'saħħitha fil-konsum ristrett. Hija ħadet ukoll azzjonijiet konkreti sabiex ittejjeb l-effiċjenza billi tnaqqas il-forza tax-xogħol u l-kapaċità tal-produzzjoni u billi żżomm kontroll tajjeb fuq il-kostijiet tal-manifattura.

(153)

Minkejja dawn l-azzjonijiet konkreti mill-industrija tal-Unjoni matul il-perjodu kkunsidrat sabiex ittejjeb il-prestazzjoni ġenerali tagħha, is-sitwazzjoni tal-industrija tal-Unjoni fis-suq ħieles marret għall-agħar b'mod sinifikanti matul il-perjodu kkunsidrat mindu t-telf beda jakkumula mill-2012 'il quddiem. Tabilħaqq, il-volumi ta' bejgħ fis-suq ħieles tal-Unjoni naqsu b'14 %, il-prezzijiet tal-bejgħ ta' unità naqsu b' 19 % filwaqt li l-kost tal-produzzjoni naqas b'16 % biss. Barra minn hekk, l-industrija tal-Unjoni tilfet sehem mis-suq għall-importazzjonijiet mill-pajjiżi kkonċernati u kellha tnaqqas l-investimenti fid-dawl tar-redditu kontinwament negattiv fuq l-investiment.

(154)

Skont l-awtoritajiet Russi, il-fatt li ċerti lmentaturi għandhom l-għan li jinvestu f'pajjiżi mhux fl-UE idgħajjef l-allegazzjoni ta' dannu. Madankollu, ma hemm xejn fil-fajl li juri li t-tali investimenti huma għal prodotti tal-azzar irrumblati ċatt fil-kiesaħ. Barra minn hekk, l-investimenti jidhru li jikkonċernaw kumpaniji li, għad li jista' jkun li jaqgħu taħt l-istess grupp bħall-produtturi tal-Unjoni, huma attivi fi bnadi oħrajn tad-dinja.

(155)

Fuq il-bażi ta' dan li ntqal hawn fuq, jista' jiġi konkluż li l-industrija tal-Unjoni, analizzata fiż-żewġ segmenti tagħha u b'mod kumplessiv, ġarrbet dannu materjali fl-indikaturi tad-dannu ewlenin tagħha, bħal profittabilità negattiva u telf tal-volum ta' bejgħ u tas-sehem mis-suq.

(156)

F'konformità mal-Artikolu 3(6) tar-Regolament bażiku, il-Kummissjoni eżaminat jekk l-importazzjonijiet oġġett ta' dumping mill-pajjiżi kkonċernati kkawżawx dannu materjali lill-industrija tal-Unjoni. Skont l-Artikolu 3(7) tar-Regolament bażiku, il-Kummissjoni eżaminat ukoll jekk fatturi magħrufin oħrajn setgħux fl-istess ħin għamlu ħsara lill-industrija tal-Unjoni. Il-Kummissjoni żgurat li kull dannu possibbli kkawżat minn fatturi oħrajn barra l-importazzjonijiet oġġett ta' dumping mill-pajjiżi konċernati ma kienx attribwit għall-importazzjonijiet oġġett ta' dumping. Dawn il-fatturi huma: il-kriżijiet ekonomiċi, il-fatt li l-produtturi tal-Unjoni mhumiex kompetittivi/effiċjenti biżżejjed, l-importazzjonijiet minn produtturi tal-Unjoni, l-importazzjonijiet minn pajjiżi terzi, il-prestazzjoni tal-bejgħ tal-esportazzjonijiet tal-produtturi tal-Unjoni, ċerti kwoti, il-prestazzjoni ta' dawk li ma lmentawx u xi kwistjonijiet tal-kapaċità.

(157)

Bħala medja, il-prezzijiet tal-bejgħ tal-produtturi esportaturi naqsu minn EUR 624/tunnellata metrika fl-2011 għal EUR 497/tunnellata metrika matul il-perjodu tal-investigazzjoni (– 20 %). Billi baxxew kontinwament il-prezz tal-bejgħ għal kull unità tagħhom matul il-perjodu kkunsidrat, il-produtturi mill-pajjiżi kkonċernati setgħu jżidu b'mod sinifikanti s-sehem mis-suq tagħhom mill-2011 (14,3 %) sal-perjodu tal-investigazzjoni (20,1 %).

(158)

Filwaqt li t-tnaqqis fid-domanda kkaġunat mill-kriżi finanzjarja kellu impatt negattiv fuq il-prestazzjoni tal-industrija tal-Unjoni fl-2012, iż-żieda sussegwenti, kważi kontinwa, fl-importazzjonijiet mill-pajjiżi kkonċernati li jwaqqgħu l-prezzijiet kellha effett negattiv ċar fuq il-prestazzjoni tal-industrija tal-Unjoni. Tabilħaqq, filwaqt li l-industrija tal-Unjoni kienet qiegħda tnaqqas il-kostijiet tagħha billi tnaqqas l-impjiegi u tibbenefika mit-tnaqqis fil-prezzijiet tal-materja prima, l-importazzjonijiet oġġett ta' dumping baqgħu jiżdiedu u ġiegħlu lill-industrija tal-Unjoni tnaqqas saħansitra iktar il-prezzijiet tal-bejgħ tagħha fl-Unjoni sabiex tillimita t-telf mis-sehem tagħha tas-suq. Barra minn hekk, il-profittabilità tal-industrija tal-Unjoni uriet titjib ħafif billi fl-2014 it-telf naqas, il-volum tal-importazzjonijiet żdied iktar u l-prezzijiet komplew jonqsu fil-perjodu tal-investigazzjoni li komplew ibaxxu l-prezzijiet u l-profittabilità tal-industrija tal-Unjoni.

(159)

Minħabba l-koinċidenza stabbilita b'mod ċar fiż-żmien bejn, minn naħa waħda, il-livell li baqa' jiżdied tal-importazzjonijiet oġġett ta' dumping bi prezzijiet dejjem jonqsu u, min-naħa l-oħra, it-telf tal-volum tal-bejgħ u d-dipressjoni fil-prezzijiet tal-industrija tal-Unjoni li rriżultaw f'sitwazzjoni ta' telf, huwa konkluż li l-importazzjonijiet oġġett ta' dumping kienu responsabbli għas-sitwazzjoni dannuża tal-industrija tal-Unjoni.

(160)

Barra minn hekk, it-tnaqqis progressiv fir-ritmu ekonomiku taċ-Ċina u, skont il-fajl, il-kapaċità żejda ferm sinifikanti tal-industrija tal-azzar taċ-Ċina ġiegħlu lill-produtturi tal-azzar Ċiniżi sabiex jimmiraw il-produzzjoni eċċessiva tagħhom lejn swieq tal-esportazzjoni u s-suq tal-Unjoni huwa destinazzjoni attraenti għall-esportazzjonijiet. Tabilħaqq, numru kbir ta' swieq tal-esportazzjoni tradizzjonalment importanti oħrajn imponew jew qegħdin jikkunsidraw li jimponu miżuri kontra prodotti tal-azzar Ċiniżi kif ukoll Russi, inklużi prodotti tal-azzar irrumblati ċatt fil-kiesaħ, għaliex il-prezzijiet jitwaqqgħu b'mod artifiċjali minħabba importazzjonijiet inġusti li jwasslu għal kompetizzjoni dannuża. Bl-impożizzjoni dejjem ikbar ta' miżuri ta' difiża kummerċjali madwar id-dinja, is-suq tal-Unjoni sar wieħed mill-iktar destinazzjonijiet attraenti għall-importazzjonijiet Ċiniżi u Russi oġġett ta' dumping, għad-detriment tal-industrija tal-Unjoni. Din il-konklużjoni hija kkonfermata mill-iktar statistiċi riċenti tal-Eurostat dwar l-importazzjonijiet li juru li l-importazzjonijiet Ċiniżi u Russi komplew jiżdiedu mindu ntemm il-perjodu tal-investigazzjoni. Il-volumi tal-importazzjonijiet f'Settembru 2015 kienu 48 % ogħla milli f'April 2015, filwaqt li l-prezzijiet medji ta' dawn l-importazzjonijiet baqgħu jonqsu.

(161)

Il-kriżi finanzjarja dinjija kkaġunat tiċkin fid-domanda fl-Unjoni u tnaqqis fil-prezzijiet tal-bejgħ.

(162)

Parti qajmet għadd ta' argumenti li jixħtu dawl fuq l-ispeċifiċitajiet tas-sena 2012 (kriżi taż-żona tal-euro) għas-suq tal-Unjoni tal-prodotti tal-azzar irrumblati ċatt fil-kiesaħ u kkontestat il-fatt li l-industrija tal-Unjoni kienet affettwata mill-importazzjonijiet Ċiniżi matul dak il-perjodu. B'mod simili, produtturi Russi ssuġġerew li t-tnaqqis fir-ritmu ekonomiku tas-suq fl-2012 kien il-kawża tad-dannu li ġarrbet l-industrija tal-Unjoni.

(163)

L-investigazzjoni ma kkonfermatx it-tali allegazzjonijiet. Minn naħa, anki li kieku s-suq tal-Unjoni tal-prodotti tal-azzar irrumblati ċatt fil-kiesaħ kien affettwat mill-kriżijiet, jiġifieri matul is-snin 2008-2009 u fl-2012, is-suq kien qiegħed jirkupra bil-mod mill-effetti tagħhom b'domanda tas-suq relattivament stabbli, iżda staġnata. L-awtoritajiet Russi rrikonoxxew l-irkupru kajman tal-ikbar konsumatur tal-prodotti tal-azzar fl-Unjoni, l-industrija tal-bini. Min-naħa l-oħra, filwaqt li bejn l-2012 u l-2013 l-industrija tal-Unjoni setgħet tibbenefika mill-irkupru tas-suq, ma setgħetx tagħmel dan minħabba żieda ikbar fl-importazzjonijiet mir-RPĊ u r-Russja. L-importazzjonijiet irħas gradwalment żdiedu u ħatfu ishma mis-suq għad-detriment tal-industrija tal-Unjoni. Barra minn hekk, is-sitwazzjoni partikolari fl-2012 ma għadx ikollha impatt kruċjali fuq it-tendenza matul il-perjodu itwal tal-analiżi u xorta waħda jidher ċar li l-pressjoni kontinwa tal-importazzjonijiet bdiet tinħass bis-saħħa kollha fl-2012.

(164)

L-esklużjoni tal-2012 mill-analiżi tal-effett fuq il-volum mitluba mill-parti ma tqisitx li hija ġġustifikata. It-tendenzi jkunu qegħdin jinjoraw element importanti, u b'hekk ma jkunux preċiżi.

(165)

Jista' jiġi konkluż b'mod provviżorju li l-kriżijiet ekonomiċi mhumiex il-kawża sottostanti tad-dannu lill-industrija tal-Unjoni u li dawn ma jkissrux il-kawżalità bejn l-importazzjonijiet oġġett ta' dumping u d-dannu lill-industrija tal-Unjoni.

(166)

Ċerti partijiet interessati allegaw li l-produtturi tal-Unjoni ma kinux kompetittivi biżżejjed minħabba l-kostijiet komparattiviment ogħla u li d-dannu allegat jirriżulta mill-ineffiċjenza tal-ilmentaturi.

(167)

L-awtoritajiet Russi rreferew għall-kostijiet għoljin tal-produzzjoni tal-kumpaniji Ewropej tal-azzar, b'mod partikolari mill-modernizzazzjoni ambjentali tal-produzzjoni tal-metallurġija fl-Unjoni. Akkużaw b'mod partikolari l-istabbiliment tal-limiti settorjali fuq l-emissjonijiet tal-gass serra u t-tariffi dejjem ikbar għall-emissjonijiet tad-diossidu tal-karbonju u l-kostijiet tal-konformità mar-rekwiżiti regolatorji fil-qasam tal-politika ambjentali u tal-klima għall-kumpaniji Ewropej.

(168)

Madankollu, fit-tweġiba tagħha għal din l-allegazzjoni, l-Eurofer saħqet li, fuq il-bażi tal-ilment, il-kostijiet tal-prodotti mibjugħin tal-ilmentaturi naqsu fis-sena li għaliha allegatament iġġarrbu l-kostijiet tal-konformità mar-rekwiżiti regolatorji. Barra minn hekk, ta' min jgħid li l-bosta regolamenti ambjentali implimentati fl-Unjoni ġeneralment mhumiex riċenti u l-investigazzjoni uriet li s-sehem tal-kostijiet tal-konformità ambjentali huwa moderat u, b'hekk, ma kellu ebda impatt qawwi fuq l-operazzjonijiet tal-impjanti tal-azzar tal-Unjoni matul il-perjodu kkunsidrat.

(169)

Il-produtturi Russi kkontestaw is-solidità tal-investimenti li għamlu l-ilmentaturi fl-2011-2012 u ż-żieda tal-kapaċità fl-2011. Attribwew il-profittabilità mnaqqsa għad-deċiżjonijiet kummerċjali tal-industrija tal-Unjoni stess u d-dannu għan-nuqqas ta' ħila tal-ilmentaturi li jirripożizzjonaw irwieħhom fid-dawl ta' kompetizzjoni globali. Madankollu, l-investigazzjoni uriet li d-deċiżjonijiet kummerċjali li ttieħdu matul il-perjodu kkunsidrat ġew ivvalutati bir-reqqa. L-investimenti, upstream u downstream, saru sabiex tiżdied l-effiċjenza, titjieb il-kwalità tal-prodott, jiġu żviluppati prodotti ferm teknoloġiċi u jiġu ssodisfati l-ħtiġijiet dejjem iktar varjati tal-klijenti. Tabilħaqq, il-kapaċità tal-industrija tal-Unjoni naqset bi 3 % matul il-perjodu kkunsidrat (ara t-tabella 5). Barra minn hekk, il-kapaċità ta' produzzjoni tal-prodotti tal-azzar irrumblati ċatt fil-kiesaħ mhijiex kompletament iddedikata għas-suq tal-prodotti tal-azzar irrumblati ċatt fil-kiesaħ per se, peress li l-produzzjoni tal-azzar irrumblat ċatt fil-kiesaħ tintuża wkoll għal attivitajiet downstream, kif indikat fit-taqsima 4.2. L-impatt tal-prestazzjoni tal-esportazzjoni tal-industrija tal-Unjoni huwa spjegat hawn taħt.

(170)

Fil-fehma ta' bosta partijiet, il-prezzijiet tal-prodotti tal-azzar irrumblati ċatt fil-kiesaħ tal-produtturi tal-Unjoni u tal-pajjiżi kkonċernati jsegwu tendenza tal-prezzijiet ta' madwar id-dinja u, bażikament, jirriflettu l-prezzijiet li dejjem qegħdin jonqsu tal-materja prima. Parti minnhom allegat ukoll li l-ilmentaturi naqsu milli jieħdu vantaġġ mill-fatt li l-kostijiet tal-materja prima qegħdin jonqsu u b'hekk inaqqsu l-kostijiet medji tal-prodotti li jbigħu.

(171)

Madankollu, jekk tendenza ġenerali ta' tnaqqis fil-prezzijiet tal-prodotti tal-azzar irrumblati ċatt fil-kiesaħ seta' kellha ċertu rwol, il-prezzijiet dejjem jonqsu fis-suq tal-Unjoni ma jistgħux jiġu attribwiti biss għal sitwazzjoni ġenerali dinjija bħal din.

(172)

L-ewwel nett, l-iżvilupp tal-prezzijiet tal-prodotti tal-azzar irrumblati ċatt fil-kiesaħ fil-kuntest internazzjonali juri differenzi reġjonali. Il-pajjiżi b'kapaċitajiet limitati installati, bħall-Brażil jew l-Arġentina, għandhom impatt relattivament baxx fuq il-proċess ta' stabbiliment tal-prezzijiet globali u l-iżvilupp tal-prezzijiet huwa inqas volatili. Għall-kuntrarju, fi swieq tal-azzar stabbiliti, il-produtturi domestiċi jikkompetu ma' ħafna sorsi tal-importazzjoni, u dan iwassal għal pressjoni dejjem ikbar fuq il-prezzijiet u, konsegwentement, tnaqqis tal-prezzijiet. Din is-sitwazzjoni tkompli titgħarraq mill-prezzijiet tad-dumping.

(173)

It-tieni, anki jekk ir-RPĊ u r-Russja huma fost l-iktar pajjiżi li jikkonsmaw azzar fid-dinja, iż-żewġ pajjiżi għandhom kapaċità żejda sinifikanti. B'hekk, il-produtturi mir-RPĊ u r-Russja huma inċentivati li jesportaw l-eċċess tal-produzzjoni tagħhom bi prezzijiet baxxi, u b'hekk iħallu impatt u joħolqu distorsjoni fuq il-prezzijiet globali.

(174)

It-tielet, kif innotat l-Eurofer, il-prezzijiet tal-importazzjonijiet mill-pajjiżi kkonċernati naqsu iktar mit-tnaqqis fil-prezzijiet tal-materja prima/materjal upstream matul l-istess perjodu. Din l-osservazzjoni hija kkonfermata mill-paragun bejn il-kost tal-produzzjoni tal-industrija tal-Unjoni, li b'kollox naqas b'16 % matul il-perjodu kkunsidrat, filwaqt li l-prezzijiet medji tal-importazzjonijiet naqsu b'20 % matul l-istess perjodu. Inkella, għad li t-tnaqqis fil-kost tal-produzzjoni ma kienx dovut biss għal kost inqas għall-materja prima użata iżda anki għall-gwadanji fl-effiċjenza miksubin mill-produtturi tal-Unjoni (ara l-premessa (134)), xorta waħda kien għadu inqas mit-tnaqqis fil-prezzijiet tal-importazzjoni mir-RPĊ u r-Russja.

(175)

F'kundizzjonijiet ġusti tas-suq, l-industrija tal-Unjoni kienet tkun tista' żżomm il-livelli tal-prezzijiet tal-bejgħ tagħha sabiex tieħu l-benefiċċji minn tnaqqis fil-kostijiet u terġa' ssir profittabbli. Madankollu, il-produtturi tal-Unjoni kellhom jibqgħu jnaqqsu l-prezz tal-bejgħ tagħhom u, wara l-perjodu tal-investigazzjoni, il-prezzijiet baqgħu jonqsu sal-inqas livelli storiċi.

(176)

Il-volum tal-importazzjonijiet minn pajjiżi terzi żviluppa kif ġej matul il-perjodu kkunsidrat:

Tabella 17

Il-volum tal-importazzjonijiet (tunnellati metriċi) u s-sehem mis-suq

(177)

L-importazzjonijiet mill-pajjiżi kkonċernati jikkostitwixxu l-maġġoranza kbira tal-importazzjonijiet kollha fl-Unjoni. L-importazzjonijiet l-oħrajn naqsu b'-24 % matul il-perjodu kkunsidrat; jiġifieri iktar mit-tnaqqis fil-konsum tas-suq ħieles tal-Unjoni. B'hekk, is-sehem fis-suq tat-tali importazzjonijiet naqas minn 10,9 % fl-2011 għal 9,1 % fil-perjodu tal-investigazzjoni.

(178)

Bosta partijiet interessati argumentaw li, allegatament, l-effetti tal-importazzjonijiet minn pajjiżi terzi ġew sottovalutati, jiġifieri f'termini tal-prestazzjoni u r-rati ta' tkabbir tagħhom. B'mod partikolari, l-awtoritajiet Russi u l-produtturi Russi qiesu li l-ilmentatur issottovaluta l-fattur tal-importazzjonijiet dejjem ikbar minn pajjiżi oħrajn, speċjalment mill-Indja u l-Ukrajna. Parti interessata minnhom saħqet li l-importazzjonijiet ta' prodotti tal-azzar irrumblati ċatt fil-kiesaħ mill-Iran u l-Ukrajna saru bi prezzijiet saħansitra inqas minn dawk tal-importazzjonijiet mir-RPĊ u r-Russja u li, flimkien, dawn jirrappreżentaw 12,3 % tal-importazzjonijiet totali fl-Unjoni.

(179)

L-ewwel nett, bħalissa ma hemm ebda evidenza li l-importazzjonijiet mill-Indja, l-Iran jew l-Ukrajna huma oġġett ta' dumping fis-suq tal-Unjoni.

(180)

Barra minn hekk, fuq il-bażi taċ-ċifri disponibbli permezz tal-Eurostat, u l-konsum ikkalkolat fis-suq tal-Unjoni, is-sehem mis-suq tal-importazzjonijiet imsemmijin iktar 'il fuq huwa baxx. Għad li s-sehem mis-suq tal-importazzjonijiet mill-Indja, l-Iran u l-Ukrajna f'daqqa żdied minn 4,1 % fl-2011 għal 5,4 % fil-perjodu tal-investigazzjoni, l-ishma mis-suq individwali tagħhom varjaw bejn 1 % u 2,4 % biss. B'hekk, huwa improbabbli li sorsi ta' importazzjoni bħal dawn kellhom l-impatt li allegaw il-partijiet interessati u ma jkissrux ir-rabta kawżali.

(181)

Minkejja dan, il-Kummissjoni sejra tissorvelja mill-qrib l-evoluzzjoni tas-sitwazzjoni tas-suq u, jekk ikun hemm bżonn, tista' tieħu l-miżuri xierqa biex tindirizza d-dumping mill-pajjiżi msemmijin hawn fuq.

(182)

Il-volum tal-esportazzjonijiet tal-produtturi tal-Unjoni żviluppa kif ġej matul il-perjodu kkunsidrat:

Tabella 18

Il-prestazzjoni tal-esportazzjonijiet

(183)

Il-volum tal-esportazzjonijiet lil konsumaturi mhux relatati baqa' stabbli bejn l-2011 u l-2014 qabel ma żdied b'4 % fil-perjodu tal-investigazzjoni. F'dak li għandu x'jaqsam mal-prezzijiet, dawn naqsu b'mod sinifikanti bi – 13 % matul il-perjodu kkunsidrat; jiġifieri inqas mill-prezz fis-suq tal-Unjoni (– 19 %).

(184)

Parti ddikjarat li ż-żieda fil-bejgħ esportat turi l-kompetittività tal-prodotti tal-azzar irrumblati ċatt fil-kiesaħ li ġejjin mill-UE fis-suq globali u turi wkoll li l-ilmentaturi sejrin tajjeb.

(185)

Madankollu, kwalunkwe żieda fil-bejgħ esportat għandha titqies bħala miżura ta' awtodifiża mill-produtturi tal-Unjoni għal niċeċ profittabbli fis-swieq tal-esportazzjoni sabiex iżommu użu għoli biżżejjed tal-kapaċità u jħarsu l-impjiegi fl-Unjoni. Iż-żieda hija marbuta wkoll mal-fatt li ċerti produtturi tal-Unjoni huma atturi globali li jridu jsegwu lill-klijenti tagħhom meta jinvestu fi swieq ġodda qabel ma s-sussidjarji lokali jieħdu f'idejhom il-provvista lit-tali konsumaturi.

(186)

F'dan ir-rigward, huwa osservat li l-esportazzjonijiet lil konsumaturi mhux relatati baqgħu stabbli bejn l-2011 u l-2014, u bdew jiżdiedu biss fil-perjodu tal-investigazzjoni (+ 4 %). It-tali żieda fl-esportazzjonijiet kienet tikkonċerna swieq speċifiċi, bħall-Istati Uniti, ir-RPĊ u l-Alġerija, u kienet tikkonsisti l-iktar fi prodotti b'valur miżjud għoli u speċjalizzat, li għalihom l-industrija tal-Unjoni għandha vantaġġ kompetittiv f'termini tal-kwalità u l-affidabbiltà tal-provvista. Għall-kuntrarju, skont l-Eurofer, l-esporazzjonijiet lejn pajjiżi li huma iktar orjentati lejn il-komoditajiet naqset.

(187)

Fuq il-bażi tad-dejta fl-ilment, parti interessata minnhom allegat ukoll li l-kwantitajiet ikbar ta' esportazzjonijiet inbiegħu bit-telf u, għalhekk, kellhom impatt negattiv fuq il-profittabilità tal-industrija tal-Unjoni in ġenerali. Din l-allegazzjoni hija bla bażi. Kif intqal iktar 'il fuq, iż-żieda fil-bejgħ esportat lil konsumaturi mhux relatati sar l-iktar fil-perjodu tal-investigazzjoni. Huwa osservat ukoll li l-bejgħ esportat ma kienx jirrappreżenta iktar minn 12 % sa 14 % tal-bejgħ totali lil konsumaturi mhux relatati u li l-prezzijiet tal-esportazzjonijiet naqsu inqas mill-prezzijiet fl-Unjoni u kienu ferm ogħla minn dawk fi tmiem il-perjodu kkunsidrat.

(188)

Ċerti partijiet interessati ddikjaraw li l-problemi strutturali tal-industrija tal-azzar tal-Unjoni bħall-kapaċità żejda kienu l-kaġuni tad-dannu lill-industrija tal-Unjoni. Fuq l-istess nota, l-awtoritajiet Russi osservaw li, b'konformità mal-pubblikazzjoni tal-OECD “Excess Capacity in the Global Steel Industry and the Implications of New Investment Projects” (2014), il-kapaċità żejda qiegħda tagħmel il-ħsara lill-industrija globali tal-azzar u, fost l-oħrajn, qiegħda twassal għal prezzijiet baxxi.

(189)

Madankollu, l-industrija tal-Unjoni ħadet passi sabiex tindirizza kwalunkwe eċċess potenzjali fil-kapaċità u l-produzzjoni tal-azzar kumplessivi tagħha sabiex tadatta għall-iżviluppi riċenti tas-suq. Fuq il-bażi tad-dejta tal-OECD (4), il-kapaċità tal-azzar hija mistennija tiżdied madwar id-dinja, ħlief għall-Unjoni. It-Tabella 9 ta' hawn fuq turi li l-kapaċità tal-industrija tal-Unjoni naqset bi 3 % matul il-perjodu kkunsidrat. Għall-kuntrarju ta' dan, il-kapaċità tal-produzzjoni ta' ħafna mill-produtturi esportaturi li kkooperaw fil-pajjiżi kkonċernati żdiedet matul l-istess perjodu.

(190)

Il-produtturi Russi argumentaw li l-importazzjonijiet tal-ilmentaturi mir-RPĊ u r-Russja jissuġġerixxu awtoleżjoni ċara u li l-ilmentaturi ma jistgħux jitħallew jisfruttaw sitwazzjoni li ġabu b'idejhom stess.

(191)

F'dan ir-rigward, l-ilmentaturi jiddikjaraw li huma gruppi tal-azzar integrati b'fergħat tan-negozjar li joperaw b'mod separat mill-impjanti tal-produzzjoni. Il-fergħat tan-negozjar, li huma ħielsa li jixtru l-prodotti tal-azzar irrumblati ċatt fil-kiesaħ li jeħtieġu minn bosta sorsi, ġieli sabu pressjoni feroċi mill-klijenti sabiex jiksbu l-orħos materjal possibbli u, allegatament, għażlu li jġibu sehem limitat ħafna minn dak li jeħtieġu mill-importazzjonijiet, inkluż mir-RPĊ u r-Russja, sabiex jiżguraw u jżommu r-relazzjonijiet kummerċjali tagħhom. Din il-kwistjoni diġà ġiet rikonoxxuta fl-ilment fir-rigward ta' wħud mill-produtturi tal-Unjoni.

(192)

Madankollu, ma jistax jiġi ddikjarat b'mod raġonevoli li d-dannu li ġarrbet l-industrija tal-Unjoni ġabitu b'idejha minħabba dawn l-importazzjonijiet. Dawn l-importazzjonijiet saru biss minn uħud mill-produtturi tal-Unjoni, jirrappreżentaw volumi baxxi (bejn 0-5 % tal-bejgħ tal-ilmentaturi, magħmulin minn fergħat tan-negozjar tal-produtturi tal-Unjoni) u saru bħala miżura ta' awtodifiża temporanja bħala reazzjoni kontra l-importazzjonijiet oġġett ta' dumping bi prezzijiet baxxi mir-RPĊ u r-Russja.

(193)

L-awtoritajiet Russi semmew il-ftehimiet kummerċjali li kienu japplikaw fl-imgħoddi bejn l-Unjoni u r-Russja fis-settur tal-azzar sabiex jiddikjaraw li “l-volum tal-importazzjonijiet Russi stabbilit fit-tali Ftehim tqies li mhuwiex dannuż u l-volum (attwali) għadu konformi mal-volum stipulat fil-Ftehim”. B'mod simili, il-produtturi Russi jiddikjaraw li l-kwoti inklużi f'dawn il-ftehimiet sussegwenti tqiesu li ma kinux dannużi u li l-mekkaniżmu ta' salvagwardja stipulat fil-ftehimiet qatt ma tfittex, u wisq inqas kien hemm bżonn li jiġi implimentat.

(194)

Madankollu, dawn id-dikjarazzjonijiet huma bla bażi. Minn naħa, l-informazzjoni fil-fajl turi li l-kwoti kienu għoljin wisq wara l-kriżi ekonomika minħabba l-fatt li ma kinux ġew riveduti. Il-ftehimiet inkwistjoni, datati lura għal Ottubru tal-1997, spiss kienu jiġu nnegozjati (eż. fil-kuntest tat-tkabbir tal-Unjoni) iżda l-kwoti qatt ma ġew aġġustati b'mod sostanzjali 'l isfel sabiex jitqiesu l-iżviluppi l-ġodda fis-suq. Barra minn hekk, il-kwoti relevanti koprew firxa ta' prodotti ferm usa' mill-prodotti tal-azzar irrumblati ċatt fil-kiesaħ, inklużi prodotti downstream. Il-kwoti sħaħ qatt ma kienu previsti biss għal prodotti tal-azzar irrumblati ċatt fil-kiesaħ.

(195)

Ir-raġunijiet li għalihom l-importazzjonijiet Russi issa saru problema ikbar għas-suq tal-Unjoni milli fl-imgħoddi huma bbażati sempliċiment fuq il-fatt li ż-żieda sostanzjali fl-importazzjonijiet mir-Russja, flimkien mal-prezzijiet baxxi dovuti għal dumping, issa qegħdin ifixklu s-suq tal-Unjoni iktar tant li ma jistgħux jitqabblu mal-perjodi preċedenti.

(196)

Ċerti partijiet interessati ddikjaraw li dawk li mhumiex jilmentaw ma kinux qegħdin iġarrbu xi dannu u li, fil-fatt, kienu qegħdin jikkaġunaw dannu lill-industrija tal-Unjoni. Huma ddikjaraw li l-industrija tal-Unjoni hija maqsuma fi produtturi li rnexxew li jħarsu 'l quddiem (jiġifieri dawk li mhumiex jilmentaw) u oħrajn (l-ilmentaturi). Huma jargumentaw li l-qagħda attwali tal-ilmentaturi ma tistax tiġi attribwita lill-importazzjonijiet Russi peress li dawk li mhumiex jilmentaw, li jirrappreżentaw 24 % tal-produzzjoni tal-Unjoni tal-prodotti tal-azzar irrumblati ċatt fil-kiesaħ, jisbqu bil-bosta l-ilmentaturi fir-rigward ta' għadd ta' indikaturi tad-dannu.

(197)

Dawn l-allegazzjonijiet huma bla bażi. L-ewwel nett, huwa prinċipju importanti ta' kwalunkwe proċediment ta' difiża kummerċjali li l-parteċipazzjoni fit-tali proċediment issir fuq bażi volontarja. It-tieni, uħud mill-konklużjonijiet ta' dannu huma bbażati fuq il-produtturi tal-Unjoni fil-kampjun, li jirrappreżentaw l-industrija kollha tal-Unjoni fid-dawl tat-taqsima 1.5.1.

(198)

It-tielet, filwaqt li huwa minnu li l-produtturi li mhumiex jilmentaw jidhru li żiedu l-livelli tal-produzzjoni tagħhom, dan għandu jiġi kkunsidrat fid-dawl tal-fatt li wħud minn dawn l-impjanti tal-produzzjoni huma produtturi attivi fis-settur downstream ukoll, bħall-azzar irrumblat ċatt fil-kiesaħ galvanizzat fiż-żingu mdewweb. Volumi ta' produzzjoni ikbar mhux bilfors li jfissru profittabilità ikbar u pożizzjoni aħjar fis-suq tal-Unjoni. Għall-kuntrarju, dan jista' jindika li dawn l-impjanti tal-produzzjoni ppreferew li jiffokaw l-attivitajiet tagħhom fuq prodotti iktar niċċa, b'valur miżjud għoli, minflok ma jikkompetu mal-esporazzjonijiet oġġetti ta' dumping miċ-Ċina u r-Russja fis-suq tal-prodotti tal-azzar irrumblati ċatt fil-kiesaħ.

(199)

Ir-raba', il-produtturi li qegħdin jilmentaw jirrappreżentaw 89 % mill-produzzjoni totali tal-impjanti tal-Unjoni, għajr ir-riromblaturi, matul il-perjodu tal-investigazzjoni. B'hekk, l-impjanti lmentaturi huma ferm iktar rappreżentattivi tal-industrija tal-Unjoni in ġenerali u l-fatt, kemm jekk stabbilit jew le, li ċerti produtturi fl-Unjoni qed jirnexxilhom imorru aħjar fis-suq tal-Unjoni jista' jkun ir-riżultat ta' bosta fatturi li ma jixħtux dubju fuq il-fatt li, b'mod ġenerali, l-industrija tal-Unjoni qed tbati mill-importazzjonijiet oġġett ta' dumping. Il-ħames, f'termini ta' bejgħ, għad li l-produtturi li mhumiex jilmentaw jaf marru ftit aħjar, għad li qed jistagħġnaw, mill-produtturi li qed jilmentaw, it-tendenza nqalbet mill-2014.

(200)

Barra minn hekk, l-informazzjoni fil-fajl tissuġġerixxi li r-riromblaturi jinsabu wkoll taħt l-istess pressjoni qawwija biex ibaxxu l-prezzijiet fis-suq tal-Unjoni u s-sitwazzjoni tagħhom tista' titqabbel ma' dik tal-impjanti integrati tal-Unjoni.

(201)

Bħala konklużjoni, jidher li l-produtturi li mhumiex jilmentaw ma marrux aħjar mill-produtturi lmentaturi u li s-sitwazzjoni tagħhom, speċjalment fid-dawl tas-sehem tagħhom mill-produzzjoni tal-Unjoni, mhijiex tali li tkisser ir-rabta kawżali bejn l-importazzjonijiet oġġett ta' dumping u d-dannu mġarrab mill-industrija tal-Unjoni ġenerali.

(202)

Kawżalità kienet stabbilita b'mod provviżorju bejn id-dannu mġarrab mill-produtturi tal-Unjoni u l-importazzjonijiet oġġett ta' dumping mill-pajjiżi kkonċernati.

(203)

Il-Kummissjoni ddistingwiet u sseparat l-effetti tal-fatturi magħrufa kollha dwar is-sitwazzjoni tal-industrija tal-Unjoni mill-effetti dannużi tal-importazzjonijiet oġġett ta' dumping. Il-fatturi l-oħrajn identifikati bħall-kriżi ekonomika, l-allegazzjoni li l-industrija tal-Unjoni mhijiex kompetittiva u/jew effiċjenti biżżejjed, l-importazzjonijiet minn pajjiżi terzi, ir-rwol ta' dawk li mhumiex jilmentaw, il-prestazzjoni tal-bejgħ għall-esportazzjoni tal-produtturi tal-Unjoni jew il-kapaċità żejda tal-industrija tal-Unjoni, instabu b'mod provviżorju li ma kinux qed jiksru l-kawżalità, anki meta jitqies l-effett ikkombinat possibbli tagħhom. Il-kriżi u t-tnaqqis fil-konsum kif ukoll ir-razzjonalizzazzjoni tal-industrija tal-Unjoni jista' jkun li kkontribwixxew b'xi mod għad-dannu, iżda fin-nuqqas tal-prezzijiet li dejjem qed jonqsu tal-importazzjonijiet oġġett ta' dumping, is-sitwazzjoni tal-industrija tal-Unjoni żgur li ma kinitx tkun affettwata b'mod tant sinifikanti. B'mod partikolari, il-prezzijiet tal-bejgħ ma kinux jonqsu f'livelli tant baxxi u kienet tinkiseb profittabilità aħjar.

(204)

Fuq il-bażi ta' dan ta' hawn fuq, il-Kummissjoni kkonkludiet f'dan l-istadju li d-dannu materjali għall-industrija tal-Unjoni kien ikkawżat mill-importazzjonijiet oġġett ta' dumping mill-pajjiżi kkonċernati u li l-fatturi l-oħra, meqjusin b'mod individwali jew kollettivament, ma kissrux il-kawżalità.

(205)

F'konformità mal-Artikolu 21 tar-Regolament bażiku, il-Kummissjoni eżaminat jekk setgħetx b'mod ċar tikkonkludi li ma kienx fl-interess tal-Unjoni li tadotta miżuri f'dan il-każ, minkejja d-determinazzjoni ta' dumping dannuż. Id-determinazzjoni tal-interess tal-Unjoni kienet ibbażata fuq valutazzjoni tal-bosta interessi involuti, inklużi dawk tal-industrija tal-Unjoni, tal-importaturi u tal-utenti.

(206)

L-industrija tal-Unjoni tinsab fi 17-il Stat Membru (ir-Renju Unit, Franza, il-Ġermanja, ir-Repubblika Slovakka, l-Italja, is-Slovenja, il-Lussemburgu, il-Greċja, il-Belġju, il-Polonja, in-Netherlands, l-Awstrija, il-Finlandja, l-Iżvezja, il-Portugall, l-Ungerija u Spanja) u tħaddem madwar 20 000 impjegat b'rabta mal-prodotti tal-azzar irrumblati ċatt fil-kiesaħ.

(207)

Tlettax-il produttur ikkooperaw matul l-investigazzjoni. Ħadd mill-produtturi magħrufin ma oppona li tinbeda investigazzjoni. Kif intwera aktar 'il fuq fl-analiżi tal-indikaturi tad-dannu, l-industrija kollha tal-Unjoni esperjenzat deterjorament tas-sitwazzjoni tagħha u ntlaqtet b'mod negattiv mill-importazzjonijiet oġġett ta' dumping.

(208)

Huwa mistenni li l-impożizzjoni tad-dazji provviżorji antidumping se tirrestawra kundizzjonijiet tal-kummerċ ġust fis-suq tal-Unjoni, u twaqqaf id-dipressjoni tal-prezzijiet u tippermetti lill-industrija tal-Unjoni tirkupra. Dan jista' jirriżulta f'titjib tal-profittabbiltà tal-industrija tal-Unjoni lejn livelli meqjusin neċessarji għal din l-industrija b'użu intensiv ta' kapital. L-industrija tal-Unjoni ġarrbet dannu materjali kkawżat mill-importazzjonijiet oġġett ta' dumping mill-pajjiżi kkonċernati. Wieħed ifakkar li ħafna mill-indikaturi ta' dannu urew tendenza negattiva matul il-perjodu kkunsidrat. B'mod partikolari, l-indikaturi tad-dannu relatati mal-prestazzjoni finanzjarja tal-produtturi tal-Unjoni fil-kampjun, bħall-profittabilità u r-redditu fuq l-investiment, ġew affettwati serjament. Għalhekk huwa importanti li l-prezzijiet jitreġġgħu lura għal-livell mhux oġġett ta' dumping jew tal-anqas mhux dannuż sabiex il-produtturi varji kollha jkunu jistgħu joperaw fis-suq tal-Unjoni taħt ċirkostanzi ta' kummerċ ġust. Fin-nuqqas ta' miżuri, huwa probabbli ħafna li jkun hemm deterjorament ulterjuri fis-sitwazzjoni ekonomika tal-industrija tal-Unjoni. Prestazzjoni ħażina fis-segment tal-prodotti tal-azzar irrumblati ċatt fil-kiesaħ iħalli impatt fuq is-segmenti downstream u upstream ta' ħafna produtturi tal-Unjoni peress li l-użu tal-kapaċità f'dawn is-segmenti huwa marbut mill-qrib mal-produzzjoni tal-prodott investigat.

(209)

Għaldaqstant, ġie konkluż b'mod provviżorju li l-impożizzjoni ta' dazji antidumping tkun fl-interess tal-industrija tal-Unjoni. Kull impożizzjoni ta' miżuri antidumping sejra tippermetti lill-industrija tal-Unjoni tirkupra mill-effetti tad-dumping dannuż li nstab.

(210)

Kif indikat fil-premessa (12), kumpanija waħda biss mill-erbgħa fil-kampjun ipprovdiet tweġiba għall-kwestjonarju. Barra minn hekk, l-investigazzjoni sabet li mit-tlettax-il kumpanija li daħlu f'kuntatt fl-istadju tal-kampjunar, l-ebda waħda minnhom ma kkwalifikat bħala importatur pur mhux relatat. Tabilħaqq, ħafna mill-partijiet li ġew ikkuntattjati għall-ewwel kienu fil-fatt (gruppi ta') ċentri tas-servizzi tal-azzar, ġeneralment b'relazzjonijiet mal-industrija tal-Unjoni jew partijiet fil-pajjiżi kkonċernati. Il-Kummissjoni fittxet kooperazzjoni ulterjuri mingħand iktar importaturi mhux relatati fi stadju iktar tard iżda ebda importatur mhux relatat li kien daħal f'kuntatt fl-istadju tal-kampjunar ma kien eventwalment lest li jipprovdu lill-Kummissjoni bi tweġiba għall-kwestjonarju.

(211)

L-investigazzjoni uriet li żieda fil-prezzijiet ikkaġunata mill-miżuri, jekk kien hemm waħda, ma jkollhiex impatt dirett fuq l-importaturi mhux relatati. Fil-prinċipju, ma hemm ebda evidenza li l-importaturi jew iċ-ċentri tas-servizzi tal-azzar jaf ma jkunux jistgħu jgħaddu ż-żidiet fil-prezzijiet lill-konsumaturi tagħhom. Barra minn hekk, jistgħu jimportaw ukoll minn pajjiżi oħrajn li mhumiex soġġetti għal din l-investigazzjoni.

(212)

Assoċjazzjoni Taljana li tirrappreżenta 32 ċentru ta' servizzi Taljani ddikjarat li l-importazzjonijiet huma meħtieġa għall-kumpaniji attivi fis-settur tad-distribuzzjoni għaliex id-diversifikazzjoni tas-sorsi tal-provvista tiggarantixxi provvisti siguri u affidabbli lill-klijenti tagħhom. Dan huwa allegatament tħassib peress li l-produtturi Taljani tal-azzar irumblat ċatt fil-kiesaħ għamlu investimenti f'linji tal-galvanizzazzjoni (jiġifieri naqqsu l-bejgħ tal-prodotti tal-azzar irrumblati ċatt fil-kiesaħ fis-suq ħieles tal-Unjoni) u kellhom xi problemi fil-produzzjoni u l-vjeġġi bi prodotti tal-azzar irrumblati ċatt fil-kiesaħ, li ġabu magħhom inċertezza fis-suq nazzjonali Taljan.

(213)

F'dan ir-rigward, huwa osservat li d-dazji għandhom jikkontribwixxu għal sigurtà kontinwa tal-provvista għall-klijenti tad-distributuri. Mingħajr dazji, uħud mill-produtturi tal-azzar irrumblat ċatt fil-kiesaħ fl-Unjoni jaf ikollhom jagħlqu/inaqqsu l-attivitajiet tal-produzzjoni tal-azzar irrumblat ċatt fil-kiesaħ u jħallu lil ħafna utenti tal-Unjoni b'sorsi limitati tal-provvista. Barra minn hekk, il-livell tal-miżuri se jwassal għal kundizzjonijiet ekwi iżda xorta waħda jippermetti li jsiru importazzjonijiet mill-pajjiżi kkonċernati (bi prezzijiet ġusti) u sorsi oħrajn.

(214)

L-aħħar ħaġa, grupp ta' ċentri tas-servizzi tal-azzar li kkoopera indika li huwa favur miżuri fit-terminu qasir-medju bħala mezz biex jiġu megħjuna l-impjanti tal-Unjoni.

(215)

Fid-dawl ta' dan, huwa konkluż b'mod provviżorju li l-impożizzjoni ta' miżuri mhux se jkollha effetti sostanzjalment negattivi fuq l-interess tal-importaturi tal-Unjoni.

(216)

L-industriji ewlenin tal-utenti finali għall-prodotti tal-azzar irrumblati ċatt fil-kiesaħ huma s-settur awtomobilistiku, l-apparati domestiċi (“white goods”), is-settur tal-bini u firxa kbira ta' prodotti industrijali. Utenti kbar (bħal dawk li jappartjenu għas-settur awtomobilistiku jew dak tal-apparati domestiċi) ma kkooperawx fil-proċedura.

(217)

Tliet utenti biss fil-Latvja b'importazzjonijiet mir-Russja kkooperaw fl-investigazzjoni. Id-dazji li jaffettwaw il-prodotti Russi tal-azzar irrumblati ċatt fil-kiesaħ jista' jkollhom impatt fuq tal-inqas wieħed minnhom. Iżda minħabba d-daqs u l-attivitajiet speċifiċi tagħhom, dawn l-utenti ma jistgħux jitqiesu li jirrappreżentaw l-impatt tad-dazji tal-utenti ġenerali tal-prodotti tal-azzar irrumblati ċatt fil-kiesaħ tal-Unjoni.

(218)

Skont ma qalet assoċjazzjoni Taljana li tirrappreżenta 32 ċentru tas-servizzi Taljani, il-miżuri jwasslu sabiex iktar utenti kbar fil-gruppi industrijali jitilqu mill-Italja, u semmiet lil Electrolux u lil Whirlpool. Allegatament, il-proċess ta' tluq beda xi żmien ilu, jagħmel il-ħsara lill-ekonomija sħiħa tal-Italja u għandu implikazzjonijiet soċjali negattivi dovuti għat-telfien tal-impjiegi.

(219)

Anki jekk ma jistax jiġi kkontestat li d-dazji jistgħu jaffettwaw lill-utenti b'mod negattiv fl-astratt f'termini ta' prezzijiet tax-xiri ogħla, ma hemm xejn fil-fajl li jikkonferma li għall-utenti Taljani l-kostijiet tal-prodotti tal-azzar irrumblati ċatt fil-kiesaħ tant huma sinifikanti (meta mqabblin mal-kostijiet totali) li jaffettwaw il-profittabilità u jwasslu għat-tluq ta' gruppi industrijali kbar. Il-livell ta' dazji propost lanqas ma jidher li huwa projbittiv. Barra minn hekk, xejn ma jikkonferma jekk l-utenti fi swieq mhux Taljani jistgħux ikunu qed jesperjenzaw jew humiex sejrin jesperjenzaw l-istess bħal dak li huwa allegat għall-utenti Taljani — skont l-assoċjazzjoni Taljana msemmija iktar 'il fuq, l-ispeċifiċitajiet tas-suq Taljan huma bosta.

(220)

Xi partijiet qalu li l-miżuri sejrin jipprevjenu lill-industriji downstream tal-Unjoni milli jkollhom aċċess għal prodotti bi prezzijiet raġonevoli. Żewġ utenti Latvjani, importatur Portugiż żgħir u importatur Pollakk żgħir żiedu li ċertu produtturi Russi biss li magħhom għandhom relazzjonijiet storiċi jbigħu ċerti tipi ta' prodotti u li, b'mod ġenerali, l-interessi tan-negozji ż-żgħar fl-Unjoni ġew injorati (meta mqabblin ma' dawk tal-produtturi tal-azzar tal-Unjoni).

(221)

Dawn l-allegazzjonijiet huma miċħudin. Rigward it-tieni punt, l-interessi tan-negozji ż-żgħar fl-Unjoni ġew ikkunsidrati fid-dawl tal-informazzjoni għad-dispożizzjoni. Anki jekk ma jistax jiġi kkontestat li d-dazji jistgħu jaffettwaw lill-utenti b'mod negattiv fl-astratt f'termini ta' prezzijiet tax-xiri ogħla, ma hemm xejn fil-fajl li jikkonferma li l-kostijiet tal-prodotti tal-azzar irrumblati ċatt fil-kiesaħ huma tant sinifikanti (meta mqabblin mal-kostijiet totali) għalihom. Barra minn hekk, il-kostijiet ikbar jistgħu jingħaddew 'il quddiem (f'parti minnhom). Il-livell ta' dazji propost lanqas ma jidher li huwa għoli wisq.

(222)

Barra minn hekk, prodotti tal-azzar irrumblati ċatt fil-kiesaħ huma komodità mmanifatturata mhux biss f'bosta pajjiżi tal-Unjoni, iżda anki f'bosta pajjiżi li diġà qegħdin jesportaw lejn l-Unjoni bi prezzijiet raġonevoli. Għalhekk, il-biża' ta' aċċess limitat għal prodotti bi prezzijiet raġonevoli u n-nuqqas ta' disponibilità ta' gradi speċifiċi ħafna jidher li huwa bla bażi.

(223)

Fid-dawl ta' dan, huwa konkluż b'mod provviżorju li l-impożizzjoni ta' miżuri mhux ser ikollha xi impatt negattiv sproporzjonat fuq l-utenti.

(224)

Parti interessata minnhom iddikjarat li l-miżuri se jrażżnu l-irkupru ta' ħafna industriji ewlenin, jaffettwaw b'mod negattiv l-innovazzjoni, it-tkabbir ekonomiku u l-impjiegi, u jwasslu għal tnaqqis fid-domanda u fil-benessri tal-konsumatur.

(225)

Din l-allegazzjoni, li ma kinitx sostanzjata iktar, ġiet miċħuda. L-industrija tal-azzar għandha post strateġiku fl-Unjoni f'termini tat-tkabbir ekonomiku, l-innovazzjoni u l-impjiegi. Konsegwentement, il-miżuri li jgħinu lill-industrija tal-Unjoni huma mistennijin isaħħu l-innovazzjoni, it-tkabbir u l-impjiegi fl-Unjoni sħiħa.

(226)

Fid-dawl tal-piż tal-ilmentaturi meta mqabblin mal-produzzjoni sħiħa tal-Unjoni tal-azzar irrumblat ċatt fil-kiesaħ u s-sehem mis-suq sinifikanti tal-industrija tal-Unjoni, uħud mill-partijiet interessati indikaw li jibżgħu li ser ikun hemm inqas kompetizzjoni fis-suq tal-Unjoni, li se jinħolqu kumpaniji dominanti u li se jinħoloq riskju ta' oligopolija mill-produtturi tal-Unjoni.

(227)

Ebda parti ma pprovdiet xi evidenza għal dawn l-allegazzjonijiet. Għaldaqstant id-dikjarazzjoni ġiet miċħuda. Il-kompetizzjoni żgur li se tkompli fis-suq tal-Unjoni, permezz tal-preżenza ta' bosta atturi fis-suq mill-UE u mhux mill-UE u l-prezzijiet bħala fattur importanti tal-kompetittività. Il-miżuri fil-livell propost ma għandhomx iwaqqfu l-importazzjonijiet mill-pajjiżi kkonċernati. L-importazzjonijiet, inklużi dawk mill-pajjiżi li bħalissa huma assoċjati ma' prattiki ta' dumping, se jkunu fil-pożizzjoni li jikkompetu liberament fis-suq tal-Unjoni bi prezzijiet ġusti.

(228)

Fil-fehma ta' parti interessata minnhom, il-miżuri aktarx li jkollhom impatt negattiv għall-partijiet li jirrappreżentaw interessi ferm ikbar u usa' minn dawk tal-ilmentaturi. Allegatament, l-industriji downstream jipprovdu ħafna iktar impjiegi milli allegat fiċ-“ċ-ċifri vagi identifikati b'mod donnu arbitrarju mill-ilmentaturi”. Madankollu, peress li ma ġiet ipprovdut ebda kwantifikazzjoni ta' impatt bħal dan u lanqas figuri tal-impjiegi, l-allegazzjonijiet ma setgħux jiġu kontroverifikati. L-istess ġara bid-dikjarazzjoni rigward impatt fuq il-konsumaturi, li saret b'mod miftuħ ħafna mill-produtturi Russi li kkooperaw. B'hekk, il-Kummissjoni wettqet l-analiżi tal-interess tal-Unjoni fuq il-bażi tal-elementi fil-fajl li jistgħu jiġu investigati u kkwantifikati b'mod raġonevoli.

(229)

Fid-dawl ta' dan li ntqal hawn fuq, qiegħed jiġi konkluż b'mod provviżorju li l-impożizzjoni tal-miżuri tikkontribwixxi għall-irkupru tal-industrija tal-Unjoni u tippermetti għal investimenti speċifiċi u R&Ż sabiex il-produtturi tal-Unjoni tal-prodotti tal-azzar irrumblati ċatt fil-kiesaħ ikunu ppreparati aħjar għall-ġejjieni u jsaħħu l-kompetittività tagħhom.

(230)

L-industrija tal-Unjoni diġà għamlet ristrutturar qawwi fl-imgħoddi (riċenti). Mingħajr dazji, uħud mill-produtturi tal-Unjoni tal-azzar irrumblat ċatt fil-kiesaħ jaf ikollhom jagħlqu/inaqqsu l-attivitajiet tal-produzzjoni tal-azzar irrumblat ċatt fil-kiesaħ, ikeċċu lil mijiet ta' impjegati u jħallu lil ħafna utenti tal-Unjoni b'sorsi limitati tal-provvista.

(231)

L-impatt tal-miżuri fuq il-ftit partijiet l-oħrajn tal-Unjoni li daħlu f'kuntatt ma jistax jitqies li huwa sostantiv. Ma hemm xejn fil-fajl li juri li l-impatt potenzjali fuq atturi oħrajn (li ma daħlux f'kuntatt) jista' jisboq l-effett pożittiv tal-miżuri fuq l-industrija tal-Unjoni. Huwa meqjus li l-miżuri huma ta' benefiċċju għall-industriji upstream bħall-fornituri ta' materja prima u produtturi tal-makkinarju, li ma jfornux (jew ifornu sa ċertu punt limitat) lil produtturi fil-pajjiżi kkonċernati. L-impożizzjoni tal-miżuri fil-livell propost għandha impatt limitat biss fuq il-prezzijiet tal-katina tal-provvista u l-prestazzjoni tal-utenti. Il-livell tal-miżuri se jwassal għal kundizzjonijiet ekwi iżda xorta waħda jippermetti li jsiru importazzjonijiet mill-pajjiżi kkonċernati bi prezzijiet ġusti. L-utenti finali u l-konsumaturi huma mistennijin jibbenefikaw minn suq kompetittiv ġust, inkluż sors lokali tal-provvista li kapaċi jaqdi l-ħtiġijiet u t-talbiet tagħhom permezz ta' prodotti ta' kwalità aħjar bis-saħħa tar-R&Ż u titjib fit-teknoloġija. Il-prezz se jibqa' jkun determinant importanti, iżda fuq bażi ġusta.

(232)

Wara li qieset kollox, f'dan l-istadju tal-investigazzjoni l-Kummissjoni tikkonkludi li ma hemmx raġunijiet persważivi li mhuwiex fl-interess tal-Unjoni li timponi miżuri provviżorji fuq importazzjonijiet tal-prodotti tal-azzar irrumblati ċatt fil-kiesaħ li joriġinaw mill-pajjiżi kkonċernati.

(233)

Fuq il-bażi tal-konklużjonijiet li waslet għalihom il-Kummissjoni fir-rigward tad-dumping, il-ħsara, il-kawżalità u l-interess tal-Unjoni, għandhom jiġu imposti miżuri antidumping provviżorji sabiex ma jippermettux li ssir aktar ħsara lill-industrija tal-Unjoni mill-importazzjonijiet oġġett ta' dumping.

(234)

Il-konklużjonijiet ma jistgħux jiġu kompromessi mill-allegazzjonijiet tal-partijiet Ċiniżi li bħalissa r-RPĊ kienet fil-mira tal-ilmentaturi għaliex, jekk ir-RPĊ tiġi ttrattata bħala pajjiż b'ekonomija tas-suq minn tmiem l-2016, fil-prinċipju l-marġnijiet tad-dumping ikunu inqas minn hemm 'il quddiem. Din l-allegazzjoni hija miċħuda. Tabilħaqq, indipendentement minn dawn il-kunsiderazzjonijiet, l-investigazzjoni kkonfermat li l-importazzjonijiet oġġett ta' dumping tal-prodott ikkonċernat miċ-Ċina bħalissa qegħdin jikkaġunaw dannu materjali għall-industrija tal-Unjoni.

(235)

Sabiex jiġi ddeterminat il-livell ta' dawn il-miżuri, il-Kummissjoni l-ewwel stabbilixxiet l-ammont ta' dazju neċessarju sabiex jiġi eliminat id-dannu mġarrab mill-industrija tal-Unjoni.

(236)

Id-dannu jiġi eliminat jekk l-industrija tal-Unjoni tkun kapaċi tkopri l-ispejjeż tal-produzzjoni tagħha u tagħmel profitt qabel it-taxxa mill-bejgħ tal-prodott simili fis-suq tal-Unjoni li jista' jinkiseb b'mod raġonevoli f'kundizzjonijiet normali ta' kompetizzjoni minn industrija ta' dan it-tip fis-settur, jiġifieri fin-nuqqas ta' importazzjonijiet oġġett ta' dumping. Bl-eċċezzjoni tas-sena 2011, il-profittabbiltà tal-industrija tal-Unjoni kienet negattiva matul il-perjodu kollu kkunsidrat. Barra minn hekk, matul il-perjodu kollu kkunsidrat kien hemm preżenza sinifikanti, fis-suq tal-Unjoni, ta' importazzjonijiet bi prezzijiet baxxi mill-pajjiżi kkonċernati.

(237)

Fl-ilment, l-ilmentatur talab lill-Kummissjoni sabiex tuża 10-15 % (medda mogħtija għal raġunijiet ta' kunfidenzjalità) mill-fatturat bħala marġni tal-profitt mhux dannuż raġonevoli, li ddikjara li kien il-profitt medju qabel it-taxxa fuq il-bejgħ li għażlu ż-żewġ produtturi lmentaturi rappreżentanti tal-Unjoni fl-2010. Madankollu, din id-dikjarazzjoni ma kinitx sostanzjata biżżejjed.

(238)

F'investigazzjonijiet preċedenti rigward prodotti simili — ċerti pajpijiet u tubi mingħajr saldaturi tal-azzar inossidabbli (5), ta' ċerti tubi u pajpijiet iwweldjati tal-ħadid jew tal-azzar mhux illigat (6) jew GEOS (7), kien ikkunsidrat li marġini ta' profitt ta' 5 % seta' jitqies bħala livell xieraq li l-industrija tal-Unjoni setgħet tistenna li tikseb fin-nuqqas ta' dumping dannuż. Prodotti tal-azzar irrumblati ċatt fil-kiesaħ huma simili f'bosta aspetti għall-prodotti msemmijin iktar 'il fuq — minerali tal-ħadid, faħam tal-kokk, ċerti ligi huma partijiet importanti mill-kost tal-produzzjoni tagħhom u jsirulhom proċessi simili (fran, operazzjoni ta' rromblar). Marġni tal-profitt ta' 5 % jidher li huwa raġonevoli f'għajnejn il-produtturi Russi wkoll. Għaldaqstant, tqies b'mod provviżorju li marġni ta' profitt ta' 5 % huwa raġonevoli wkoll għas-settur tal-manifattura tal-azzar irrumblat ċatt fil-kiesaħ.

(239)

Fuq din il-bażi, il-Kummissjoni kkalkolat prezz mhux dannuż tal-prodott simili gћall-industrija tal-Unjoni billi żiedet il-marġni ta' profitt imsemmi hawn fuq ta' 5 % mal-ispejjeż tal-produzzjoni tal-produtturi tal-Unjoni fil-kampjun matul il-perjodu tal-investigazzjoni.

(240)

Imbagħad, il-Kummissjoni ddeterminat il-livell tal-eliminazzjoni tad-dannu fuq il-bażi ta' tqabbil tal-prezz ta' importazzjoni medju ponderat tal-produtturi esportaturi li kkooperaw tal-pajjiżi kkonċernati, aġġustat kif xieraq għall-ispejjeż tal-importazzjoni u d-dazji doganali, kif stabbilit għall-kalkoli tat-twaqqigħ tal-prezzijiet, mal-prezz mingħajr dannu medju ponderat tal-prodott simili mibjugħ mill-produtturi fil-kampjun tal-Unjoni fis-suq tal-Unjoni matul il-perjodu tal-investigazzjoni. Kwalunkwe differenza li tirriżulta minn dan it-tqabbil ingħatat bħala perċentwal tal-valur CIF medju ponderat tal-importazzjoni.

(241)

Għandhom jiġu imposti miżuri provviżorji antidumping fuq l-importazzjonijiet tal-prodott ikkonċernat li joriġinaw mill-pajjiżi kkonċernati, skont ir-regola tad-dazju inferjuri fl-Artikolu 7(2) tar-Regolament bażiku. Il-Kummissjoni qabblet il-marġnijiet tad-dannu u l-marġnijiet tad-dumping. L-ammont tad-dazji għandu jkun stabbilit fil-livell il-baxx tal-marġnijiet tad-dumping u dak tad-dannu.

(242)

Fuq il-bażi ta' dan li ntqal hawn fuq, ir-rati ta' dazju antidumping provviżorji, mogħtija skont il-prezz CIF fil-fruntiera tal-Unjoni, bid-dazji doganali mhux imħallsa, għandhom ikunu kif ġej:

(243)

Ir-rati tad-dazju antidumping ta' kumpaniji individwali speċifikati f'dan ir-Regolament ġew stabbiliti abbażi tal-konklużjonijiet ta' din l-investigazzjoni. Gћaldaqstant, dawn jirriflettu l-qagħda li nstabet matul din l-investigazzjoni fir-rigward ta' dawn il-kumpaniji. Dawn ir-rati ta' dazju huma applikabbli esklussivament għall-importazzjonijiet tal-prodott ikkonċernat li joriġina mill-pajjiżi kkonċernati u li huwa mmanifatturat mill-entitajiet legali msemmijin. L-importazzjonijiet tal-prodott ikkonċernat immanifatturat minn kwalunkwe kumpanija oħra mhux imsemmija b'mod speċifiku fil-parti operattiva ta' dan ir-Regolament, inklużi entitajiet relatati ma' dawk imsemmijin b'mod speċifiku, għandhom ikunu soġġetti għar-rata ta' dazju applikabbli għall-“kumpaniji kollha l-oħrajn”. Ma għandhomx ikunu soġġetti għal xi rata individwali ta' dazju antidumping.

(244)

Kumpanija tista' titlob l-applikazzjoni ta' dawn ir-rati tad-dazju antidumping individwali jekk tibdel l-isem tal-entità tagħha jew tistabbilixxi entità ta' produzzjoni jew ta' bejgħ ġdida. It-talba trid tkun indirizzata lill-Kummissjoni (8). It-talba għandha tkun tinkludi l-informazzjoni rilevanti kollha, inkluż: modifika fl-attivitajiet tal-kumpanija marbuta mal-produzzjoni; il-bejgħ domestiku u għall-esportazzjoni assoċjat ma', pereżempju, il-bidla fl-isem jew il-bidla fl-entitajiet ta' produzzjoni u bejgħ. Il-Kummissjoni se taġġorna l-lista ta' kumpaniji b'dazji individwali tal-antidumping, jekk dan ikun iġġustifikat.

(245)

Sabiex ir-riskji ta' ċirkomvenzjoni minħabba differenza fir-rati ta' dazju jinżammu kemm jista' jkun baxxi, huma meħtieġa miżuri speċjali biex tkun żgurata l-applikazzjoni tad-dazji antidumping individwali. Kumpaniji b'dazji individwali tal-antidumping għandhom jippreżentaw fattura kummerċjali valida lill-awtoritajiet doganali tal-Istati Membri. Il-fattura għandha tkun konformi mar-rekwiżiti stipulati fl-Artikolu 1(3) ta' dan ir-Regolament. L-importazzjonijiet li ma jkunux akkumpanjati minn dik il-fattura sejrin ikunu soġġetti għad-dazju antidumping applikabbli għall-“kumpaniji l-oħrajn kollha”.

(246)

Biex ikun żgurat infurzar xieraq tad-dazji antidumping, id-dazju antidumping għall-kumpaniji kollha l-oħrajn għandu jkun applikat mhux biss għall-produtturi esportaturi li ma kkooperawx f'din l-investigazzjoni, imma anke għall-produtturi li ma kellhomx esportazzjonijiet lejn l-Unjoni matul il-perjodu tal-investigazzjoni.

(247)

Kif intqal iktar 'il fuq fil-premessa 3, il-Kummissjoni għamlet l-importazzjonijiet tal-prodott ikkonċernat li joriġinaw u jintbagħtu mir-RPĊ u r-Russja soġġetti għar-reġistrazzjoni permezz tar-Regolament ta' Implimentazzjoni (UE) 2015/2325. Dan sar fid-dawl tal-possibbiltà tal-applikazzjoni retroattiva tal-miżuri antidumping, skont l-Artikolu 10(4) tar-Regolament bażiku. Ir-reġistrazzjoni tal-importazzjonijiet għandha tieqaf. F'dan l-istadju tal-proċediment ma tista' tittieħed l-ebda deċiżjoni dwar l-applikazzjoni retroattiva possibbli tal-miżuri antidumping.

(248)

Fl-interessi ta' amministrazzjoni tajba, il-Kummissjoni se tistieden lill-partijiet interessati biex iressqu kummenti bil-miktub u/jew jitolbu seduta mal-Kummissjoni u/jew l-Uffiċjal tas-Seduta għad-DĠ Kummerċ fi żmien skadenza fissa.

(249)

Il-konklużjonijiet li jikkonċernaw l-impożizzjoni ta' dazji provviżorji huma provviżorji u jistgħu jiġu emendati fl-istadju definittiv tal-investigazzjoni,

—

prodotti rrumblati ċatt tal-ħadid jew azzar mhux-liga, ta' kull wisa', irrumblati fil-kiesaħ (imnaqqsin bla sħana), mhux miksijin, indurati jew mgħottijin, mhux maħduma aktar ħlief irrumblati fil-kiesaħ, f'koljaturi jew le, ta' kull ħxuna, elettriċi,

—

prodotti ta' ħadid jew ta' azzar mhux-liga rrumblati ċatt, ta' kull wisa', irrumblati fil-kiesaħ (imnaqqsin bla sħana), mhux miksijin, indurati jew mgħottijin, f'koljaturi, ta' ħxuna ta' inqas minn 0,35 mm, ittemprati (magħrufa bħala “pjanċi suwed”),

—

prodotti rrumblati ċatt ta' azzar liga ieħor, ta' kull wisa', tal-azzar silikon-elettriku, u

—

prodotti rrumblati ċatt ta' azzar liga, mhux maħdumin aktar ħlief irrumblati fil-kiesaħ (imnaqqsin bla sħana), ta' azzar għal veloċità għolja.

(a)

jitolbu l-iżvelar tal-fatti u l-kunsiderazzjonijiet essenzjali li fuq il-bażi tagħhom ġie adottat dan ir-Regolament;

(b)

jippreżentaw il-kummenti tagħhom bil-miktub lill-Kummissjoni; kif ukoll

(c)

jitolbu smigħ mal-Kummissjoni u/jew mal-Uffiċjal tas-Seduta fil-proċeduri kummerċjali.