|
4.2.2016 |
MT |
Il-Ġurnal Uffiċjali tal-Unjoni Ewropea |
L 28/8 |
REGOLAMENT DELEGAT TAL-KUMMISSJONI (UE) 2016/142
tat-2 ta' Diċembru 2015
li jemenda l-Anness I tar-Regolament (UE) Nru 1305/2013 tal-Parlament Ewropew u tal-Kunsill u l-Anness III tar-Regolament (UE) Nru 1307/2013 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1305/2013 tal-Parlament Ewropew u tal-Kunsill tas-17 ta' Diċembru 2013 dwar appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament tal-Kunsill (KE) Nru 1698/2005 (1), u b'mod partikulari l-Artikolu 58(7) tiegħu,
Wara li kkunsidrat ir-Regolament (UE) Nru 1307/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi regoli għal pagamenti diretti lill-bdiewa taħt skemi ta' appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (2), u b'mod partikulari l-Artikolu 7(3) tiegħu,
Billi:
|
(1) |
Skont l-Artikolu 7(2) tar-Regolament (UE) Nru 1307/2013, il-prodott stmat tat-tnaqqis tal-pagamenti msemmi fl-Artikolu 11 ta' dak ir-Regolament għandu jsir disponibbli bħala appoġġ tal-Unjoni għal miżuri fil-kuntest tal-iżvilupp rurali. L-Anness I tar-Regolament (UE) Nru 1305/2013 u l-Anness III tar-Regolament (UE) Nru 1307/2013 ġew emendati permezz tar-Regolament ta' Delega tal-Kummissjoni (UE) Nru 1378/2014 (3) wara n-notifiki li bagħtu l-Istati Membri dwar il-prodott stmat tat-tnaqqis skont l-Artikolu 11(6) tar-Regolament (UE) Nru 1307/2013. |
|
(2) |
Fir-Renju Unit, il-leġiżlazzjoni li timplimenta r-regoli tal-Unjoni dwar il-pagamenti diretti f'Wales ġiet annullata minn ordni tal-qorti nazzjonali. Minħabba f'hekk, ir-Renju Unit ħa deċiżjonijiet ġodda dwar l-implimentazzjoni tal-pagamenti diretti f'Wales u avża lill-Kummissjoni dwarhom. Filwaqt li huwa r-Renju Unit li għandu jiżgura li dawn id-deċiżjonijiet il-ġodda jkunu jħarsu l-qafas legali applikabbli u l-prinċipji ġenerali tal-liġi tal-Unjoni, huwa xieraq li jitqiesu dawn id-deċiżjonijiet il-ġodda. B'mod aktar preċiż, minħabba li dawk id-deċiżjonijiet il-ġodda jolqtu l-prodott stmat tat-tnaqqis tal-pagamenti msemmi fl-Artikolu 11(6) tar-Regolament (UE) Nru 1307/2013 għar-Renju Unit, huwa xieraq li l-Anness I tar-Regolament (UE) Nru 1305/2013 u l-Anness III tar-Regolament (UE) Nru 1307/2013 jiġu adattati kif xieraq. |
|
(3) |
Għalhekk, ir-Regolamenti (UE) Nru 1305/2013 u (UE) Nru 1307/2013 għandhom jiġu emendati kif xieraq. |
|
(4) |
Minħabba li l-emendi li qed isiru permezz ta' dan ir-Regolament jaffettwaw l-applikazzjoni tar-Regolamenti (UE) Nru 1305/2013 u (UE) Nru 1307/2013 għall-2015, dan ir-Regolament għandu japplika mill-1 ta' Jannar 2015, |
ADOTTAT DAN IR-REGOLAMENT:
Artikolu 1
Emenda tar-Regolament (UE) Nru 1305/2013
L-Anness I tar-Regolament (UE) Nru 1305/2013 qed jiġi emendat skont l-Anness I ta' dan ir-Regolament.
Artikolu 2
Emenda tar-Regolament (UE) Nru 1307/2013
L-Anness III tar-Regolament (UE) Nru 1307/2013 qed jiġi emendat skont l-Anness II ta' dan ir-Regolament.
Artikolu 3
Dħul fis-seħħ u applikazzjoni
Dan ir-Regolament jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa japplika mill-1 ta' Jannar 2015.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta' Diċembru 2015.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 487.
(2) ĠU L 347, 20.12.2013, p. 608.
(3) Ir-Regolament ta' Delega tal-Kummissjoni (UE) Nru 1378/2014 tas-17 ta' Ottubru 2014 li jemenda l-Anness I tar-Regolament (UE) Nru 1305/2013 tal-Parlament Ewropew u tal-Kunsill u l-Annessi II u III tar-Regolament (UE) Nru 1307/2013 tal-Parlament Ewropew u tal-Kunsill (ĠU L 367, 23.12.2014, p. 16).
ANNESS I
L-Anness I tar-Regolament (UE) Nru 1305/2013 qed jiġi emendat kif ġej:
|
(1) |
L-entrata għar-Renju Unit qed tinbidel b'dan li ġej:
|
|
(2) |
L-entrata għat-Total għall-UE-28 qed tinbidel b'dan li ġej:
|
|
(3) |
L-entrata għat-Total qed tinbidel b'dan li ġej:
|
ANNESS II
Fl-Anness III tar-Regolament (UE) Nru 1307/2013, l-entrata għar-Renju Unit qed tinbidel b'dan li ġej:
|
“Renju Unit |
3 170,7 |
3 177,3 |
3 183,6 |
3 192,2 |
3 201,4 |
3 591,7 ” |