22.11.2016   

MT

Il-Ġurnal Uffiċjali tal-Unjoni Ewropea

L 314/20

(1)

Fit-18 ta' Mejju 2010, il-Kunsill adotta d-Deċiżjoni 2010/279/PESK (1) dwar il-Missjoni tal-Pulizija tal-Unjoni Ewropea fl-Afganistan (EUPOL AFGHANISTAN).

(2)

Fis-17 ta' Diċembru 2014, il-Kunsill adotta d-Deċiżjoni 2014/922/PESK (2) li temenda u testendi d-Deċiżjoni 2010/279/PESK sal-31 ta' Diċembru 2016 u tipprevedi ammont ta' referenza finanzjarja għall-perijodu mill-1 ta' Jannar 2015 sal-31 ta' Diċembru 2015.

(3)

Fl-14 ta' Diċembru 2015, il-Kunsill adotta d-Deċiżjoni (PESK) 2015/2336 (3) li tipprevedi ammont ta' referenza finanzjarja għall-perijodu mill-1 ta' Jannar 2016 sal-31 ta' Diċembru 2016.

(4)

Il-Kunsill, fil-konklużjonijiet tiegħu dwar l-Afganistan tat-12 ta' Mejju 2016, ikkonferma li filwaqt li l-UE għadha impenjata li tappoġġa l-pulizija ċivili fl-Afganistan wara t-tmiem tal-missjoni, il-EUPOL AFGHANISTAN ser tispiċċa fl-2016.

(5)

Konsegwentement, il-fażi operattiva ta' EUPOL AFGHANISTAN ser tintemm fil-31 ta' Diċembru 2016. Il-fażi ta' likwidazzjoni tagħha ser tibda fl-1 ta' Jannar 2017. Il-fażi ta' likwidazzjoni ser tirrikjedi Tim ta' Likwidazzjoni fl-Afganistan.

(6)

Għaldaqstant jenħtieġ li d-Deċiżjoni 2010/279/PESK tiġi emendata skont dan u jenħtieġ li jiġi previst ammont ta' referenza finanzjarja għall-perijodu mill-1 ta' Jannar sal-31 ta' Diċembru 2017,

(1)

L-Artikolu 1 huwa sostitwit b'dan li ġej:

‘Artikolu 1

Missjoni

1.   Il-Missjoni tal-pulizija tal-Unjoni Ewropea fl-Afganistan (‘EUPOL AFGHANISTAN’ jew il-‘Missjoni’), stabbilita mill-Azzjoni Konġunta 2007/369/PESK, għandha tiġi estiża mill-31 ta' Mejju 2010 sal-15 ta' Settembru 2017.

2.   Sal-31 ta' Diċembru 2016, EUPOL AFGHANISTAN għandha topera skont l-objettivi stabbiliti fl-Artikolu 2 u twettaq il-kompiti stabbiliti fl-Artikolu 3.

3.   Mill-1 ta' Jannar 2017, EUPOL AFGHANISTAN għandha twettaq il-likwidazzjoni tal-Missjoni.’

(2)

L-Artikolu 7, paragrafu 1 huwa sostitwit b'dan li ġej:

‘1.   Sal-31 ta' Diċembru 2016, l-għadd u l-kompetenzi tal-persunal ta' EUPOL AFGHANISTAN għandhom ikunu konsistenti mal-objettivi stabbiliti fl-Artikolu 2, il-kompiti stabbiliti fl-Artikolu 3 u l-istruttura tal-Missjoni stabbilita fl-Artikolu 4. Mill-1 ta' Jannar 2017, l-għadd u l-kompetenzi tal-persunal ta' EUPOL AFGHANISTAN għandhom ikunu konsistenti mal-għan li l-likwidazzjoni tal-Missjoni titwettaq b'mod rapidu u ordnat.’

(3)

L-aħħar subparagrafu tal-Artikolu 13(1) huwa sostitwit b'dan li ġej:

‘L-ammont ta' referenza finanzjarja maħsub biex ikopri n-nefqa relatata ma' EUPOL AFGHANISTAN għall-perijodu mill-1 ta' Jannar 2017 sal-15 ta' Settembru 2017 għandu jkun EUR 11 600 000.’

(4)

L-Artikolu 17 huwa sostitwit b'dan li ġej:

‘Artikolu 17

Dħul fis-seħħ u dewmien

Din id-Deċiżjoni għandha tidħol fis-seħħ fid-data tal-adozzjoni tagħha.

Hija għandha tapplika mill-31 ta' Mejju 2010 sal-15 ta' Settembru 2017.’