15.11.2016   

MT

Il-Ġurnal Uffiċjali tal-Unjoni Ewropea

L 306/30

DEĊIŻJONI TA' IMPLIMENTAZZJONI TAL-KUMMISSJONI (UE) 2016/1992

tal-11 ta' Novembru 2016

li temenda d-Deċiżjoni ta' Implimentazzjoni tal-Kummissjoni (UE) 2015/2416 li tirrikonoxxi ċerti żoni tal-Istati Uniti tal-Amerka bħala ħielsa mill-Agrilus planipennis Fairmaire

(notifikata bid-dokument C(2016) 7151)

IL-KUMMISSJONI EWROPEA

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-pjanti jew għall-prodotti tal-pjanti u kontra t-tixrid tagħhom ġewwa l-Komunità (1), u b'mod partikolari l-punti 2.3, 2.4 u 2.5 tat-Taqsima I tal-Parti A tal-Anness IV tagħha,

Billi:

(1)

Id-Deċiżjoni ta' Implimentazzjoni tal-Kummissjoni (UE) 2015/2416 (2) tirrikonoxxi ċerti żoni tal-Istati Uniti tal-Amerka bħala ħielsa mill-Agrilus planipennis Fairmaire.

(2)

Informazzjoni reċenti ppreżentata mill-Istati Uniti tal-Amerika turi li ċerti żoni tat-territorju tagħhom li attwalment huma rikonoxxuti bħala ħielsa mill-Agrilus planipennis Fairmaire issa ma għadhomx ħielsa minn dan l-organiżmu ta' ħsara.

(3)

Barra minn hekk, l-Istati Uniti tat informazzjoni li tindika li l-kontea ta' Chester f'Tennessee hija ħielsa minn dan l-organiżmu ta' ħsara.

(4)

Fid-dawl ta' dik l-informazzjoni, il-lista rispettiva taż-żoni rikonoxxuti bħala ħielsa minn dak l-organiżmu ta' ħsara għandha tiġi emendata.

(5)

Għaldaqstant, id-Deċiżjoni ta' Implimentazzjoni (UE) 2015/2416 għandha tiġi emendata skont dan.

(6)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Anness tad-Deċiżjoni ta' Implimentazzjoni (UE) 2015/2416 huwa emendat b'konformità mal-Anness ta' din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, il-11 ta' Novembru 2016.

Għall-Kummissjoni

Vytenis ANDRIUKAITIS

Membru tal-Kummissjoni

(1)   ĠU L 169, 10.7.2000, p. 1.

(2)  Id-Deċiżjoni ta' Implimentazzjoni tal-Kummissjoni (UE) 2015/2416 tas-17 ta' Diċembru 2015 li tirrikonoxxi ċerti żoni tal-Istati Uniti tal-Amerka bħala ħielsa mill-Agrilus planipennis Fairmaire (ĠU L 333, 19.12.2015, p. 128).

ANNESS

LISTA TA' ŻONI MSEMMIJA FL-ARTIKOLU 1

L-Anness tad-Deċiżjoni ta' Implimentazzjoni (UE) 2015/2416 huwa emendat kif ġej:

(1)

Fil-punt 2(f), il-Kontej (Parroċċi) f'Louisiana, jitħassru l-entrati li ġejjin: Caldwell, Franklin, Winn.

(2)

Fil-punt 2(h), il-Kontej f'Minnesota, titħassar l-entrata li ġejja: Wabasha.

(3)

Fil-punt 2(i), il-Kontej f'Nebraska, jitħassru l-entrati li ġejjin: Antelope, Boone, Burt, Butler, Cedar, Colfax, Cuming, Dakota, Dixon, Dodge, Fillmore, Gage, Hamilton, Jefferson, Lancaster, Madison, Merrick, Nance, Platte, Polk, Saline, Saunders, Seward, Stanton, Thurston, York.

(4)

Fil-punt 2(l), il-Kontej f'Tennessee, l-entrata li ġejja tiddaħħal qabel Crockett: Chester

(5)

Fil-punt 2(m), il-Kontej f'Texas, jitħassru l-entrati li ġejjin: Anderson, Camp, Cherokee, Delta, Franklin, Gregg, Henderson, Hopkins, Lamar, Morris, Nacogdoches, Rains, Red River, Rusk, Sabine, San Augustine, Shelby, Smith, Titus, Upshur, Van Zandt, Wood.