|
24.3.2016 |
MT |
Il-Ġurnal Uffiċjali tal-Unjoni Ewropea |
L 78/78 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/448
tat-23 ta' Marzu 2016
li temenda l-Annessi I u II tad-Deċiżjoni 2003/467/KE b'rabta mal-kwalifika ta' uffiċjalment ħielsa mit-tuberkulożi u mill-bruċellożi ta' Malta fir-rigward tal-merħliet bovini
(notifikata bid-dokument C(2016) 1697)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 64/432/KEE tas-26 ta' Ġunju 1964 dwar il-problemi tas-saħħa tal-annimali li jaffetwaw il-kummerċ ta' annimali bovini u suwini ġewwa l-Komunità (1), u b'mod partikolari l-paragrafu 4 tal-Annex A.I. u l-paragrafu 7 tal-Anness A.II. tagħha,
Billi:
|
(1) |
Id-Direttiva 64/432/KEE tapplika għall-kummerċ ta' annimali bovini fl-Unjoni. Din tistipula l-kundizzjonijiet li bihom Stat Membru jista' jiġi ddikjarat uffiċjalment ħieles mit-tuberkulożi jew uffiċjalment ħieles mill-bruċellożi fir-rigward tal-merħliet bovini. |
|
(2) |
Id-Deċiżjoni tal-Kummissjoni 2003/467/KE (2) tistipula li l-Istati Membri mniżżla fil-Kapitolu 1 tal-Anness I u fil-Kapitolu 1 tal-Anness II tagħha huma ddikjarati bħala uffiċjalment ħielsa mit-tuberkulożi u uffiċjalment ħielsa mill-bruċellożi, rispettivament, fir-rigward tal-merħliet bovini. |
|
(3) |
Malta ressqet dokumentazzjoni lill-Kummissjoni li tixhed il-konformità tat-territorju ta' dak l-Istat Membru mal-kundizzjonijiet stabbiliti fid-Direttiva 64/432/KEE għall-kwalifika ta' uffiċjalment ħieles mit-tuberkulożi u mill-bruċellożi fir-rigward tal-merħliet bovini. Għadaqstant, Malta għandha tiġi elenkata fl-Annessi I u II tad-Deċiżjoni 2003/467/KE bħala Stat Membru uffiċjalment ħieles mit-tuberkulożi u uffiċjalment ħieles mill-bruċellożi fir-rigward tal-merħliet bovini. |
|
(4) |
L-Annessi I u II tad-Deċiżjoni 2003/467/KE għandhom għalhekk jiġu emendati skont dan. |
|
(5) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Annessi I u II tad-Deċiżjoni (KE) Nru 2003/467/KE huma emendati skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-23 ta' Marzu 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU 121, 29.7.1964, p. 1977/64.
(2) Id-Deċiżjoni tal-Kummissjoni 2003/467/KE tat-23 ta' Ġunju 2003 li tistabbilixxi l-kwalifika ta' uffiċjalment ħielsa mit-tuberkolożi, bruċellożi u lewkożi bovina enzootika ta' xi Stati Membri u reġjuni fl-Istati Membri rigward annimali bovini (ĠU L 156, 25.6.2003, p. 74).
ANNESS
L-Annessi I u II tad-Deċiżjoni 2003/467/KE huma emendati kif ġej:
|
(1) |
Fl-Anness I, il-Kapitolu 1 jinbidel b'dan li ġej: “KAPITOLU 1 Stati Membri uffiċjalment ħielsa mit-tuberkulożi
|
|
(2) |
Fl-Anness II, il-Kapitolu 1 jinbidel b'dan li ġej: “KAPITOLU 1 Stati Membri uffiċjalment ħielsa mill-bruċellożi
|