5.3.2016 |
MT |
Il-Ġurnal Uffiċjali tal-Unjoni Ewropea |
L 60/78 |
DEĊIŻJONI TAL-KUNSILL (PESK) 2016/319
tal-4 ta' Marzu 2016
li temenda d-Deċiżjoni 2013/183/PESK dwar miżuri restrittivi kontra r-Repubblika Demokratika tal-Poplu tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,
Wara li kkunsidra d-Deċiżjoni tal-Kunsill 2013/183/PESK tat-22 ta' April 2013 dwar miżuri restrittivi kontra r-Repubblika Demokratika Popolari tal-Korea u li tħassar id-Deċiżjoni 2010/800/PESK (1), u b'mod partikolari l-Artikolu 19(1) u (2) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fit-22 ta' April 2013, il-Kunsill adotta d-Deċiżjoni 2013/183/PESK. |
(2) |
Fit-2 ta' Marzu 2016, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2270 (2016) biex żied 16-il persuna u 12-il entità mal-lista ta' persuni u entitajiet soġġetti għal miżuri restrittivi, u aġġorna l-informazzjoni ta' identifikazzjoni relattivament għal persuna waħda u żewġ entitajiet soġġetti għal miżuri restrittivi. |
(3) |
L-Anness I għad-Deċiżjoni 2013/183/PESK għandu għalhekk jiġi emendat kif meħtieġ. |
(4) |
L-entratati għal persuna waħda u seba' entitajiet elenkati fl-Anness II għad-Deċiżjoni 2013/183/PESK għandhom jitħassru peress li dawn ġew elenkati fl-Anness I għal dik id-Deċiżjoni. |
(5) |
L-Anness II għad-Deċiżjoni 2013/183/PESK għandu għalhekk jiġi emendat kif meħtieġ, |
ADOTTA DIN ID-DEĊIŻJONI:
Artikolu 1
L-Annessi I u II għad-Deċiżjoni 2013/183/PESK huma emendati kif jinsabu fl-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-4 ta' Marzu 2016.
Għall-Kunsill
Il-President
A.G. KOENDERS
(1) ĠU L 111, 23.4.2013, p. 52.
ANNESS
(1) |
Il-persuni u l-entitajiet elenkati hawn taħt jiżdiedu mal-lista ta' persuni u entitajiet soġġetti għal miżuri restrittivi li tinsab fl-Anness I għad-Deċiżjoni 2013/183/PESK: A. Persuni
|
(2) |
L-entrata li tikkonċerna l-persuna elenkata hawn taħt, kif stipulat fl-Anness I għad-Deċiżjoni tal-Kunsill 2013/183/PESK, hija sostitwita mill-entrata li ġejja:
|
(3) |
L-entitajiet elenkati hawn taħt għandhom jiddaħħlu fil-lista ta' entitajiet soġġetti għal miżuri restrittivi kif jidhru fl-Anness I għad-Deċiżjoni tal-Kunsill 2013/183/PESK: B. Entitajiet
|
(4) |
L-entrati li jikkonċernaw l-entitajiet elenkati hawn taħt, kif stipulat fl-Anness I għad-Deċiżjoni tal-Kunsill 2013/183/PESK, huma sostitwiti mill-entrati li ġejjin:
|
(5) |
Il-persuna u l-entitajiet elenkati hawn taħt huma mħassra mil-lista li tinsab fl-Anness II għad-Deċiżjoni tal-Kunsill 2013/183/PESK I. Persuni u entitajiet responsabbli għal programmi tar-RDPK relatati mal-armi nukleari, mal-missili ballistiċi, jew ma' programmi oħra relatati mal-armi tal-qerda massiva, jew persuni li jaġixxu f'isimhom jew fuq id-direzzjoni tagħhom, jew entitajiet li jappartjenu lilhom jew huma kkontrollati minnhom. B. Entitajiet
II. Persuni u entitajiet li jagħtu servizzi finanzjarji li jistgħu jikkontribwixxu għal programmi tar-RDPK relatati mal-armi nukleari, mal-missili ballistiċi, jew armi oħrajn tal-qerda tal-massiva. A. Persuni
B. Entitajiet
|