25.2.2016 |
MT |
Il-Ġurnal Uffiċjali tal-Unjoni Ewropea |
L 49/9 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/260
tat-23 ta' Frar 2016
li temenda d-Deċiżjoni 2006/80/KE fir-rigward tal-Polonja
(notifikata bid-dokument C(2016) 965)
(It-test bil-Pollakk biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2008/71/KE tal-15 ta' Lulju 2008 dwar l-identifikazzjoni u r-reġistrazzjoni tal-ħnieżer (1), u b'mod partikolari l-Artikolu 3(2) tagħha,
Billi:
(1) |
Id-Direttiva 2008/71/KE tistabbilixxi r-rekwiżiti minimi għall-identifikazzjoni u r-reġistrazzjoni tal-annimali, mingħajr preġudizzju għal regoli aktar iddettaljati tal-unjoni li jistgħu jiġu stabbiliti għall-eradikazzjoni tal-mard jew għal għanijiet ta' kontroll. |
(2) |
Skont l-Artikolu 3(1) tad-Direttiva 2008/71/KE, l-Istati Membri għandhom jiżguraw li l-awtorità kompetenti jkollha lista aġġornata tal-azjendi kollha li jżommu l-annimali koperti minn din id-Direttiva u li jkunu jinsabu fit-territorju tagħhom. |
(3) |
L-Artikolu 3(2) tad-Direttiva 2008/71/KE jagħti l-possibilità li l-Istat Membru jiġi awtorizzat jeskludi mil-lista tal-azjendi meħtieġa skont l-Artikolu 3(1) ta' dik id-Direttiva, il-persuni fiżiċi li jrabbu ħanżir wieħed għall-użu jew għall-konsum personali tagħhom, sakemm dak l-annimal ikun suġġett għall-kontrolli stabbiliti f'dik id-Direttiva qabel kwalunkwe moviment. |
(4) |
Id-Deċiżjoni tal-Kummissjoni 2006/80/KE (2) tawtorizza lil xi Stati Membri japplikaw id-deroga prevista fl-Artikolu 3(2) tad-Direttiva 2008/71/KE fir-rigward tal-azjendi li għandhom ħanżir wieħed biss. |
(5) |
Il-Polonja hija awtorizzata tapplika d-deroga prevista fl-Artikolu 3(2) tad-Direttiva 2008/71/KE fir-rigward tal-azjendi li għandhom ħanżir wieħed biss. |
(6) |
Il-Polonja talbet li tiġi rtirata l-awtorizzazzjoni tagħha prevista fl-Artikolu 3(2) tad-Direttiva 2008/71/KE fir-rigward tal-azjendi li għandhom ħanżir wieħed biss u implimentat ir-rekwiżiti tal-identifikazzjoni u tar-reġistrazzjoni stabbiliti f'dik id-Direttiva. |
(7) |
Abbażi ta' din l-informazzjoni, huwa xieraq li l-annotazzjoni għall-Polonja titħassar mil-lista stabbilita fl-Anness tad-Deċiżjoni 2006/80/KE, fir-rigward tal-applikazzjoni tal-awtorizzazzjoni prevista fl-Artikolu 3(2) tad-Direttiva 2008/71/KE fir-rigward tal-azjendi li għandhom ħanżir wieħed biss. |
(8) |
Għaldaqstant, l-Anness tad-Deċiżjoni 2006/80/KE għandu jiġi emendat kif xieraq. |
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2006/80/KE jinbidel bit-test tal-Anness ta' din id-Deċiżjoni.
Artikolu 2
Din id-Deċiżjoni hija indirizzata lir-Repubblika tal-Polonja.
Magħmul fi Brussell, it-23 ta' Frar 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 213, 8.8.2008, p. 31.
(2) Deċiżjoni tal-Kummissjoni 2006/80/KE Deċiżjoni tal-Kummissjoni 2006/80/KE tal-1 ta' Frar 2006 li tagħti ċerti Stati Membri d-deroga prevista fl-Artikolu 3(2) tad-Direttiva tal-Kunsill 92/102/KEE dwar l-identifikazzjoni u r-reġistrazzjoni tal-annimali (ĠU L 36, 8.2.2006, p. 50).
ANNESS
“ANNESS
L-Istati Membri li huma awtorizzati japplikaw id-deroga prevista fl-Artikolu 3(2) tad-Direttiva 2008/71/KE fir-rigward tal-azjendi li għandhom ħanżir wieħed biss:
|
Ir-Repubblika Ċeka |
|
Franza |
|
L-Italja |
|
Il-Portugall |
|
Is-Slovenja |
|
Is-Slovakkja” |