DEĊIŻJONI TA' IMPLIMENTAZZJONI TAL-KUMMISSJONI (UE) 2016/168

tal-5 ta' Frar 2016

li temenda l-Annessi għad-Deċiżjoni 2003/467/KE li tistabbilixxi l-kwalifika ta' uffiċjalment ħielsa mit-tuberkolożi, bruċellożi u lewkożi bovina enzootika ta' xi Stati Membri u reġjuni fl-Istati Membri rigward annimali bovini

(notifikata bid-dokument C(2016) 602)

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 64/432/KEE tas-26 ta' Ġunju 1964 dwar il-problemi tas-saħħa tal-annimali li jaffettwaw il-kummerċ ta' annimali bovini u suwini ġewwa l-Komunità (1), u b'mod partikolari il-paragrafu 4 tal-Anness A.I, il-paragrafu 7 tal-Anness A.II u l-paragrafu E flimkien mal-paragrafu G tal-Anness D.I tagħha,

Billi:

(1)

Id-Direttiva 64/432/KEE tapplika għall-kummerċ ta' annimali bovini fl-Unjoni. Hija tistabbilixxi l-kundizzjonijiet li permezz tagħhom reġjun fi Stat Membru jista' jiġi ddikjarat ħieles mit-tuberkulożi, ħieles mill-bruċellożi jew ħieles mil-lewkożi bovina enzootika rigward annimali bovini u tistabbilixxi l-kundizzjonijiet li permezz tagħhom il-kwalifika ta' Stat Membru uffiċjalment ħieles mill-mard tiġi sospiża.

(2)	Id-Deċiżjoni tal-Kummissjoni 2003/467/KE (2) tipprovdi li r-reġjuni tal-Istati Membri mniżżla fil-Kapitolu 2 tal-Anness I tagħha jiġu ddikjarati uffiċjalment ħielsa mit-tuberkulożi rigward annimali bovini.

(3)

L-Italja ressqet dokumentazzjoni lill-Kummissjoni li tixhed il-konformità għal diversi reġjuni mal-kundizzjonijiet stabbiliti fid-Direttiva 64/432/KEE għall-kwalifika ta' status uffiċjalment ħielsa mit-tuberkolożi rigward annimali bovini. Dawk ir-reġjuni huma l-Provinċji ta' Genova, Imperia, La Spezia u Savona tar-Reġjun tal-Liguria, il-Provinċji ta' Alessandria, Cuneo u Turin tar-Reġjun tal-Piemonte and l-Provinċji ta' Pesaro-Urbino u Ancona tar-Reġjun tal-Marche.

(4)

Il-Provinċji ta' Asti, Biella, Novara, Verbania u Vercelli tar-Reġjun tal-Piemonte huma diġà elenkati fil-Kapitolu 2 tal-Anness I tad-Deċiżjoni 2003/467/KE bħala uffiċjalment ħielsa mit-tuberkolożi. Għaldaqstant, ir-Reġjun kollu tal-Liguria, il-Provinċji ta' Pesaro-Urbino u Ancona tar-Reġjun tal-Marche u r-Reġjun kollu tal-Piemonte għandhom jiġu elenkati f'dak il-Kapitolu bħala reġjuni uffiċjalment ħielsa mit-tuberkolożi rigward annimali bovini.

(5)	Ir-Regolament tal-Kunsill (KEE) Nru 706/73 (3) jistipula li għall-għan tal-applikazzjoni tar-regoli dwar il-leġiżlazzjoni tas-saħħa tal-annimali, ir-Renju Unit u l-Isle of Man għandhom jiġu ttrattati bħala Stat Membru uniku.

(6)

Ir-Renju Unit ressaq dokumentazzjoni lill-Kummissjoni li tixhed il-konformità tal-Isle of Man mal-kundizzjonijiet stabbiliti fid-Direttiva 64/432/KEE għall-kwalifika ta' uffiċjalment ħielsa mit-tuberkulożi fir-rigward tal-annimali bovini. Għadaqstant, l-Isle of Man għandu jiġi elenkat fil-Kapitolu 2 tal-Anness I tad-Deċiżjoni 2003/467/KE bħala reġjun uffiċjalment ħieles mit-tuberkulożi fir-rigward tal-annimali bovini.

(7)	Il-Kapitolu 2 tal-Anness II tad-Deċiżjoni 2003/467/KE jelenka r-reġjuni tal-Istati Membri li huma ddikjarati bħala reġjuni uffiċjalment ħielsa mill-bruċellożi fir-rigward tal-annimali bovini.

(8)

Ir-Renju Unit ressaq dokumentazzjoni lill-Kummissjoni li tixhed il-konformità tal-Komunità Awtonoma ta' Navarra mal-kundizzjonijiet stabbiliti fid-Direttiva 64/432/KEE għall-kwalifika ta' uffiċjalment ħieles mill-bruċellożi fir-rigward tal-annimali bovini. Għadaqstant, dak ir-reġjun għandu jiġi elenkat fil-Kapitolu 2 tal-Anness II tad-Deċiżjoni 2003/467/KE bħala reġjun uffiċjalment ħieles mill-bruċellożi fir-rigward tal-annimali bovini.

(9)

Il-Kapitoli 1 u 2 tal-Anness III tad-Deċiżjoni 2003/467/KE jelenka l-Istati Membri u r-reġjuni tagħhom li huma ddikjarati uffiċjalment ħielsa mil-lewkożi bovina enzootika fir-rigward tal-annimali bovini. Franza hija elenkata fil-Kapitolu 1 ta' dak l-Anness bħala Stat Membru ħieles mil-lewkożi bovina enzootika.

(10)

Franza ressqet dokumentazzjoni lill-Kummissjoni li tinnotifika n-nuqqas ta' konformità ta' La Réunion mar-rekwiżiti għaż-żamma tal-kwalifika ta' status ħielsa mil-lewkożi bovina enzootika kif previst fid-Direttiva 64/432/KEE. Il-kwalifika ħielsa mil-lewkożi bovina enzootika tal-La Réunion għandu għalhekk jiġi sospiż. Għaldaqstant, Franza ma għandhiex tibqa' enlenkata fil-Kapitolu 1 tal-Anness III tad-Deċiżjoni 2003/467/KE bħala Stat Membru uffiċjalment ħieles mil-lewkożi bovina enzootika, iżda minflok ir-reġjuni ta' dak l-Istat Membru li huma ħielsa minn dik il-marda għandhom jiġu elenkati fil-Kapitolu 2 ta' dak l-Anness.

(11)	Għalhekk l-Annessi tad-Deċiżjoni 2003/467/KE jiġu emendati skont dan.

(12)	Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

Artikolu 1

L-Annessi tad-Deċiżjoni 2003/467/KE huma emendati b'konformità mal-Anness ta' din id-Deċiżjoni.

Artikolu 2

Din id-Deċiżjoni hija indirizzata lill-Istati Membri.

Magħmul fi Brussell, il-5 ta' Frar 2016.

Għall-Kummissjoni

Vytenis ANDRIUKAITIS

Membru tal-Kummissjoni

(1) ĠU 121, 29.7.1964, p. 1977/64.

(2) Id-Deċiżjoni tal-Kummissjoni 2003/467/KE tat-23 ta' Ġunju 2003 li tistabbilixxi l-kwalifika ta' uffiċjalment ħielsa mit-tuberkolożi, bruċellożi u lewkożi bovina enzootika ta' xi Stati Membri u reġjuni fl-Istati Membri rigward annimali bovini (ĠU L 156, 25.6.2003, p. 74).

(3) Ir-Regolament (KEE) Nru 706/73 tal-Kunsill tat-12 ta' Marzu 1973 li jikkonċerna l-arranġamenti tal-Komunità applikabbli għall-Channel Islands u l-Isle of Man għal kummerċ fi prodotti agrikoli (ĠU L 68, 15.3.1973, p. 1).

ANNESS

L-Annessi tad-Deċiżjoni 2003/467/KE huma emendati kif ġej:

(1)

Fl-Anness I, il-Kapitolu 2 huwa emendat kif ġej:

(a)

l-entrata għall-Italja tinbidel b'dan li ġej:

“Fl-Italja:

—	Ir-Reġjun tal-Abruzzo: Il-Provinċja ta' Pescara,

—	Il-Provinċja ta' Bolzano,

—	Ir-Reġjun tal-Emilia-Romagna,

—	Ir-Reġjun tal-Friuli-Venezia Giulia

—	Ir-Reġjun tal-Lazio: Il-Provinċji ta' Rieti, Viterbo,

—	Ir-Reġjun tal-Liguria,

—	Ir-Reġjun tal-Lombardia,

—	Ir-Reġjun tal-Marche: Il-Provinċji ta' Ancona, Ascoli Piceno, Fermo, Pesaro-Urbino,

—	Ir-Reġjun tal-Piemonte,

—	Ir-Reġjun ta' Sardenja: Il-Provinċja ta' Cagliari, Medio-Campidano, Ogliastra, Olbia-Tempio, Oristano,

—	Ir-Reġjun tat-Toskana,

—	Il-Provinċja ta' Trento,

—	Ir-Reġjun tal-Veneto.”

(b)

l-entrata tar-Renju Unit tinbidel b'dan li ġej:

“Fir-Renju Unit:

—	Il-Gran Brittanja: L-Iskozja,

—	L-Isle of Man.”

(2)

Fl-Anness II, il-Kapitolu 2, l-entrata għal Spanja tinbidel b'dan li ġej:

“Fi Spanja:

—	Il-Komunità Awtonoma tal-Gżejjer Kanarji: Il-Provinċji ta' Santa Cruz de Tenerife, Las Palmas,

—	Il-Komunità Awtonoma tal-Gżejjer Baleariċi,

—	Il-Komunità Awtonoma tal-Pajjiż Bask,

—	Il-Komunità Awtonoma ta' Murcia,

—	Il-Komunità Awtonoma ta' La Rioja,

—	Il-Komunità Awtonoma ta' Navarra”

(3)

Fl-Anness III, il-Kapitolu 1 jinbidel b'dan li ġej:

“KAPITOLU 1

Stati Membri uffiċjalment ħielsa mil-lewkożi enzootika bovina

Kodiċi tal-ISO	Stat Membru
BE	Il-Belġju
CZ	Ir-Repubblika Ċeka
DK	Id-Danimarka
DE	Il-Ġermanja
EE	L-Estonja
IE	L-Irlanda
ES	Spanja
CY	Ċipru
LV	Il-Latvja
LT	Il-Litwanja
LU	Il-Lussemburgu
NL	In-Netherlands
AT	L-Awstrija
SI	Is-Slovenja
SK	Is-Slovakkja
FI	Il-Finlandja
SE	L-Iżvezja
UK	Ir-Renju Unit”

(4)

Fl-Anness III, il-Kapitolu 2, l-entrata li ġejja għal Franza tiddaħħal qabel l-entrata għall-Italja:

“Fi Franza:

—	Ir-Reġjun ta' Alsace, Champagne-Ardenne u Lorraine,

—	Ir-Reġjun ta' Aquitaine, Limousin u Poitou-Charentes,

—	Ir-Reġjun ta' Auvergne u Rhône-Alpes,

—	Ir-Reġjun ta' Bourgogne u Franche-Comté,

—	Ir-Reġjun tal-Bretanja,

—	Ir-Reġjun taċ-Ċentru,

—	Ir-Reġjun tal-Korsika,

—	Ir-Reġjun ta' Ile-de-France,

—	Ir-Reġjun ta' Languedoc-Roussillon u Midi-Pyrénées,

—	Ir-Reġjun tan-Nord- Pas-de-Calais u Picardie,

—	Ir-Reġjun tan-Normandija t'Isfel u n-Normandija ta' Fuq,

—	Ir-Reġjun tal-Pays de la Loire,

—	Ir-Reġjun ta' Provence-Alpes-Côte d'Azur,

—	Ir-Reġjun ta' Guadeloupe,

—	Ir-Reġjun ta' Martinique,

—	Ir-Reġjun ta' Guyane,

—	Ir-Reġjun ta' Mayotte.”