8.8.2015   

MT

Il-Ġurnal Uffiċjali tal-Unjoni Ewropea

L 211/17

(1)

Fis-7 ta' Awwissu 2014 il-gvern Russu introduċa projbizzjoni fuq l-importazzjonijiet ta' ċertu prodotti mill-Unjoni lejn ir-Russja, fosthom il-frott u l-ħaxix. Bi tweġiba għal dan, il-Kummissjoni adottat sensiela ta' miżuri ta' appoġġ eċċezzjonali, b'mod partikolari permezz tar-Regolament ta' Delega tal-Kummissjoni (UE) Nru 913/2014 (2) għall-ħawħ u n-nuċiprisk u permezz tar-Regolament ta' Delega tal-Kummissjoni (UE) Nru 932/2014 (3) u r-Regolamant ta' Delega tal-Kummissjoni (UE) Nru 1031/2014 (4) għal frott u ħaxix ieħor.

(2)

Fl-24 ta' Ġunju 2015 dik il-projbizzjoni kienet estiża sa Awwissu tal-2016. Minħabba l-kontinwazzjoni tal-projbizzjoni, it-theddida serja ta' disturbi fis-suq tippersisti u tista' twassal biex il-prezzijiet jaqgħu b'mod qawwi peress li suq importanti tal-esportazzjoni għadu mhux disponibbli. F'qagħda tas-suq bħal din, jidher illi l-miżuri normali disponibbli skont ir-Regolament (UE) Nru 1308/2013 ma għadhomx biżżejjed. Għaldaqstant, għandu jittawwal il-mekkaniżmu bbażat fuq l-appoġġ għal ċerti kwantitajiet ta' prodotti skont ir-Regolament ta' Delega (UE) Nru 1031/2014.

(3)

Biex ikun hemm xibka ta' sikurezza, l-assistenza finanzjarja tal-Unjoni għall-prodotti kollha koperti bir-Regolament ta' Delega (UE) Nru 1031/2014 għandha tittawwal b'sena. Barra minn hekk, minħabba n-natura staġjonali tal-esportazzjoni tagħhom, il-ħawħ u n-nuċiprisk tal-kodiċi NM 0809 30, li s-sena l-oħra kienu eliġibbli għal appoġġ skont ir-Regolament ta' Delega (UE) Nru 913/2014, issa għandhom jiżdiedu mal-lista ta' prodotti eliġibbli għall-appoġġ skont ir-Regolament ta' Delega (UE) Nru 1031/2014.

(4)

Il-kalkolu tal-kwantitajiet allokati lil kull Stat Membru għandu jiġi magħmul abbażi tal-livell tal-esportazzjonijiet lejn ir-Russja tal-prodotti inkwistjoni tul it-tliet snin ta' qabel it-tħabbira tal-projbizzjoni, aġġustati skont il-livell ta' użu mill-produtturi tal-miżuri eċċezzjonali ta' appoġġ disponibbli għalihom għal dawk il-prodotti f'din l-aħħar sena f'kull Stat Membru.

(5)

Fejn l-użu ta' dawn il-miżuri eċċezzjonali ta' appoġġ fi ħdan Stat Membru kien baxx ħafna għal prodott partikolari u l-ispejjeż amministrattivi ta' appoġġ kienu b'riżultat ta' dan għoljin b'mod sproporzjonat, dak l-Istat Membru għandu jkollu l-għażla li jagħżel ikomplix jimplimenta dawn il-miżuri għall-perjodu estiż.

(6)

Aktarx li l-prodotti inkwistjoni, illi f'ċirkustani normali kienu jiġu esportati lejn ir-Russja, se jitmexxew lejn is-swieq ta' Stati Membri oħra. Produtturi tal-istess prodotti f'dawk l-Istati Membri li tradizzjonalment ma jesportawx il-prodotti tagħhom lejn ir-Russja jistgħu, minħabba dan, jaffaċċjaw distrurbi sinifikanti fis-suq u tnaqqis fil-prezzijiet.

(7)

Għaldaqstant, biex is-suq ikun stabbilizzat aktar, l-assistenza finanzjarja tal-Unjoni għandha terġa' tkun disponibbli wkoll għal produtturi fl-Istati Membri kollha fir-rigward ta' wieħed jew aktar mill-prodotti koperti bir-Regolament ta' Delega (UE) Nru 1031/2014, għal kwantità li ma taqbiżx it-3 000 tunnellata għal kull Stat Membru.

(8)

Għaldaqstant, ir-Regolament ta' Delega (UE) Nru 1031/2014 għandu jiġi emendat skont dan.

(9)

Sabiex ikun hemm impatt immedjat fuq is-suq u biex jingħata kontribut għall-istabbilizzazzjoni tal-prezzijiet, dan ir-Regolament għandu jidħol fis-seħħ fil-jum tal-pubblikazzjoni tiegħu,

(1)

L-Artikolu 1 huwa emendat kif ġej:

(2)

L-Artikolu 2 huwa emendat kif ġej:

(3)

fl-Artikolu 9, il-paragrafi 1 u 2 jinbidlu b'dan li ġej:

“1.   L-organizzazzjonijiet tal-produtturi għandhom japplikaw għall-ħlas tal-assistenza finanzjarja tal-Unjoni msemmija fl-Artikoli 4, 5 u 6 sal-31 ta' Jannar 2015 fir-rigward ta' operazzjonijiet imwettqa matul il-perjodu msemmi fl-Artikolu 1(3)(a), sal-31 ta' Lulju 2015 fir-rigward ta' operazzjonijiet imwettqa matul il-perjodu msemmi fl-Artikolu 1(3)(b) u sal-31 ta' Lulju 2016 fir-rigward ta' operazzjonjiet imwettqa matul il-perjodu msemmi fl-Artikolu 1(3)(c).

2.   L-organizzazzjonijiet tal-produtturi għandhom japplikaw għall-ħlas tat-total tal-assistenza finanzjarja tal-Unjoni msemmija fl-Artikoli 4 u 6 ta' dan ir-Regolament f'konformità mal-proċedura msemmija fl-Artikolu 72 tar-Regolament ta' Implimentazzjoni (UE) Nru 543/2011 sal-31 ta' Jannar 2015 fir-rigward ta' operazzjonijiet imwettqa tul il-perjodu msemmi fl-Artikolu 1(3)(a) ta' dan ir-Regolament, sal-31 ta' Lulju 2015 fir-rigward ta' operazzjonijiet imwettqa tul il-perjodu msemmi fl-Artikolu 1(3)(b) ta' dan ir-Regolament u sal-31 ta' Lulju 2016 fir-rigward ta' operazzjonijiet imwettqa tul il-perjodu msemmi fl-Artikolu 1(3)(c) ta' dan ir-Regolament.”;

(4)

L-Artikolu 10 huwa emendat kif ġej:

(5)

Fl-Artikolu 11, jiżdied il-punt (c) li ġej:

(6)

Jiddaħħal l-Anness Ib, li t-test tiegħu huwa stabbilit fl-Anness I ta' dan ir-Regolament;

(7)

L-Annessi III u IV jinbidlu bit-test stabbilit fl-Anness II ta' dan ir-Regolament.