REGOLAMENT TAL-KUNSILL (UE) 2015/981

tat-23 ta' Ġunju 2015

li jemenda r-Regolament (UE) Nru 1388/2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 31 tiegħu,

Wara li kkunsidra l-proposta tal-Kummissjoni Ewropea,

Billi:

(1)

Sabiex ikun żgurat biżżejjed forniment bla waqfien ta' ċerti prodotti li m'hemmx biżżejjed produzzjoni tagħhom fl-Unjoni u sabiex jiġi evitat kull tfixkil fis-suq ta' ċertu prodotti agrikoli u industrijali, infetħu kwoti tariffarji awtonomi permezz tar-Regolament tal-Kunsill (UE) Nru 1388/2013 (1). Il-prodotti li ma jaqbżux il-limiti tal-kwoti tariffarji jistgħu jiġu importati fl-Unjoni b'rati ta' dazju żero jew imnaqqsa. Minħabba r-raġunijiet indikati, għal seba' prodotti addizzjonali, hemm bżonn li b'effett mill-1 ta' Lulju 2015 jinfetħu kwoti tariffarji b'rati ta' dazju żero għal volum xieraq.

(2)

F'ċerti każijiet għandhom jiġu adattati l-kwoti tariffarji awtonomi eżistenti tal-Unjoni. Għal żewġ prodotti, hemm bżonn li tiġi emendata d-deskrizzjoni tal-prodott għall-finijiet ta' kjarifika u biex jitqiesu l-iżviluppi riċenti tal-prodotti. Għal sitt prodotti oħra, jeħtieġ li jiżdiedu l-volumi tal-kwota billi tali żieda tkun fl-interess tal-operaturi ekonomiċi tal-Unjoni.

(3)	Fir-rigward ta' żewġ prodotti, għandhom jingħalqu l-kwoti tariffarji awtonomi tal-Unjoni b'effett mill-1 ta' Lulju 2015 u kkonvertiti f'sospensjonijiet tariffarji awtonomi, għaliex m'hemmx iżjed il-ħtieġa li jkun limitat il-volum tal-importazzjonijiet.

(4)	Għandu jiġi ċċarat li kwalunkwe taħlita, preparazzjoni jew prodott magħmulin minn komponenti differenti li fihom prodotti soġġetti għall-kwoti tariffarji awtonomi mhumiex koperti bl-Anness tar-Regolament (UE) Nru 1388/2013.

(5)	Għaldaqstant, ir-Regolament (UE) Nru 1388/2013 għandu jiġi emendat kif meħtieġ.

(6)	Ladarba l-emendi skont dan ir-Regolament għandhom isiru effettivi mill-1 ta' Lulju 2015, dan ir-Regolament għandu japplika minn dik id-data,

ADOTTA DAN IR-REGOLAMENT:

Artikolu 1

Ir-Regolament (UE) Nru 1388/2013 huwa emendat kif ġej:

(1)

L-Artikolu 1 jinbidel b'dan li ġej:

“Artikolu 1

1. Għall-prodotti elenkati fl-Anness, huma b'dan miftuħa kwoti tariffarji awtonomi tal-Unjoni li fi ħdanhom se jkunu sospiżi dazji tat-Tariffa Doganali Komuni għall-perjodi, bir-rati tad-dazju, u sal-volumi indikati fih.

2. Il-paragrafu 1 ma japplikax għal taħlitiet, preparazzjonijiet u prodotti magħmulin minn komponenti differenti li fihom prodotti elenkati fl-Anness.”.

(2)	L-Anness huwa emendat kif stabbilit fl-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu japplika mill-1 ta' Lulju 2015.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, it-23 ta' Ġunju 2015.

Għall-Kunsill

Il-President

E. RINKĒVIČS

(1) Regolament tal-Kunsill (UE) Nru 1388/2013 tas-17 ta' Diċembru 2013 li jiftaħ u jipprovdi għall-ġestjoni ta' kwoti tariffarji awtonomi tal-Unjoni għal ċerti prodotti agrikoli u industrijali u li jħassar ir-Regolament (UE) Nru 7/2010 (ĠU L 354, 28.12.2013, p. 319).

ANNESS

L-Anness tar-Regolament (UE) Nru 1388/2013 huwa emendat kif ġej:

(1)

dawn ir-ringieli għall-kwoti tat-tariffi għall-ordnijiet bin-numri 09.2683, 09.2684, 09.2688, 09.2854, 09.2685, 09.2686, u 09.2687 jiddaħħlu skont l-ordni tal-kodiċi tan-NM indikati fit-tieni kolonna tat-tabella:

Nru tal-Ordni	Il-kodiċi tan-NM	TARIC	Deskrizzjoni	Il-perjodu tal-kwota	L-ammont tal-kwota	Il-kwota tad-dazji (%)
“09.2683	ex 2914 19 90	50	Aċetilaċetonat tal-kalċju (CAS RN 19372-44-2) għall-użu fil-manifattura tas-sistemi ta' stabilizzaturi fil-forma ta' pilloli (1)	01.07.-31.12.	50 tunnellata	0 %
09.2684	ex 2916 39 90	28	Klorur ta' 2,5-Dimetilfenilaċetil (CAS RN 55312-97-5)	01.07.-31.12.	125 tunnellata	0 %
09.2688	ex 2920 90 85	70	Tris(2,4-di-terz-butilfenil)fosfit (CAS RN 31570-04-4)	01.07.-31.12.	3 000 tunnellata	0 %
09.2854	ex 2924 19 00	85	Iodoprop-3-2-inilN-butilkarbamat(CAS RN 55406-53-6)	01.07.-31.12.	250 tunnellata	0 %
09.2685	ex 2929 90 00	30	Nitrogwanidina (CAS RN 556-88-7)	01.07.-31.12.	3 250 tunnellata	0 %
09.2686	ex 3204 11 00	75	Koloranti C.I. Disperse Yellow 54 (CAS RN 7576-65-0) u preparazzjonijiet ibbażati fuqhom ma' kolorant C.I. Disperse Yellow 54 kontenut ta' 99 % or jew iktar f'piż	01.07.-31.12.	1 250 kg	0 %
09.2687	ex 3907 40 00	25	Taħlita ta' polimeri ta' polikarbonat u poli(metilmetakrilat) b'kontenut ta' polikarbonat ta' 98,5 % skont il-piż, f'forma ta' gerbub jew bċejjeċ żgħar, bi trażmittanza luminuża ta' mhux anqas minn 88,5 %, imkejla bl-użu ta' kampjun għall-ittestjar ta' ħxuna ta' 4 mm b'tul tal-mewġa ta' λ = 400 nm (skont ISO 13468-2)	01.07.-31.12.	200 tunnellata	0 %

(2)

ir-ringieli għall-kwoti tat-tariffi għall-ordnijiet bin-numri 09.2664, 09.2972, 09.2665, 09.2645, 09.2834, 09.2835, 09.2629, u 09.2763 huma sostitwiti b'dawn li ġejjin:

Nru tal-Ordni	Il-kodiċi tan-NM	TARIC	Deskrizzjoni	Il-perjodu tal-kwota	L-ammont tal-kwota	Il-kwota tad-dazji (%)
“09.2664	ex 2008 60 39	30	Ċirasa ħelwa li fiha spirtu miżjud, b'kontenut ta' zokkor ta' mhux aktar minn 9 % tal-piż, ta' dijametru ta' mhux aktar minn 19,9 mm bl-għadma, għall-użu fi prodotti taċ-ċikkulata (2)	01.01.-31.12.	1 000 tunnellata	10 % (3)
09.2972	2915 24 00		Anidride aċetiku (CAS RN 108-24-7)	01.01.-31.12.	50 000 tunnellata	0 %
09.2665	ex 2916 19 95	30	(E,E)-Eża-2,4-dienoat tal-potassju (CAS RN 24634-61-5)	01.01.-31.12.	8 250 tunnellata	0 %
09.2645	ex 3921 14 00	20	Blokka ċellulari ta' ċelluloża riġenerata, mimlija bl-ilma li jkun fih klorur tal-manjeżju u kompost tal-ammonju kwaternarju tad-daqs ta' 100 cm (± 10 cm) × 100 cm (± 10 cm) × 40 cm (± 5 cm)	01.01.-31.12.	1 700 tunnellata	0 %
09.2834	ex 7604 29 10	20	Folji jew vireg tal-alojs ta' aluminju-litjuta' diametru ta' 200 mm jew iktar, iżda mhux iktar minn 300 mm	01.01.-31.12.	2 000 tunnellata	0 %
09.2835	ex 7604 29 10	30	Folji jew vireg tal-alojs ta' aluminju-litjuta' diametru ta' 300,1 mm jew iktar, iżda mhux iktar minn 533,4 mm	01.01.-31.12.	1 000 tunnellata	0 %
09.2629	ex 8302 49 00	91	Manku teleskopiku tal-aluminju għall-użu fil-manifattura tal-bagalji (2)	01.01.-31.12.	1 000 000 biċċa	0 %
09.2763	ex 8501 40 20 ex 8501 40 80	40 30	Mutur kommutatur elettriku AC, monofażi, b'rendiment ta' 250 W jew aktar, input enerġetiku ta' 700 W jew aktar imma mhux aktar minn 2 700 W, dijametru estern ta' aktar minn 120 mm (± 0,2 mm) imma mhux aktar minn 135 mm (± 0,2 mm), b'rata ta' veloċità ta' aktar minn 30 000 rpm imma mhux aktar minn 50 000 rpm, mgħammar b'ventilatur għall-arja, għall-użu fil-produzzjoni tal-vacuum cleaners (2)	01.01.-31.12.	2 000 000 biċċa	0 %

(3)	jitħassru r-ringieli għall-kwoti tat-tariffi għall-ordnijiet bin-numri 09.2677 u 09.2678.

(1) Is-sospensjoni tad-dazji hija soġġetta għall-Artikoli 291 sa 300 tar-Regolament tal-Kummissjoni (KEE) Nru 2454/93 tat-2 ta' Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (ĠU L 253, 11.10.1993, p. 1).”

(2) Is-sospensjoni tad-dazji hija soġġetta għall-Artikoli 291 sa 300 tar-Regolament tal-Kummissjoni (KEE) Nru 2454/93 tat-2 ta' Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (ĠU L 253, 11.10.1993, p. 1).

(3) Ir-rata ta' dazju speċifiku hija applikabbli.”