|
25.6.2015 |
MT |
Il-Ġurnal Uffiċjali tal-Unjoni Ewropea |
L 160/55 |
REGOLAMENT (UE) 2015/937 TAL-PARLAMENT EWROPEW U TAL-KUNSILL
tad-9 ta' Ġunju 2015
li jirrevoka r-Regolament tal-Kunsill (KEE) Nru 3030/93 dwar regoli komuni għall-importazzjoni ta' ċerti prodotti tat-tessuti minn pajjiżi terzi
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 207(2) tiegħu,
Wara li kkunsidraw il-proposta mill-Kummissjoni Ewropea,
Wara li l-abbozz tal-att leġislattiv intbagħat lill-parlamenti nazzjonali,
Waqt li jaġixxu skont il-proċedura leġislattiva ordinarja (1),
Billi:
|
(1) |
Ir-Regolament tal-Kunsill (KEE) Nru 3030/93 (2) daħal fis-seħħ fid-9 ta' Novembru 1993 u ġie applikat mill-1 ta' Jannar 1993. |
|
(2) |
Fit-22 ta' Awwissu 2012, il-Federazzjoni Russa ssieħbet fl-Organizzazzjoni Dinjija tal-Kummerċ. Bħala konsegwenza, ir-Repubblika tas-Serbja baqgħet l-aħħar pajjiż li miegħu l-Unjoni Ewropea kellha ftehim bilaterali dwar il-kummerċ fit-tessuti. |
|
(3) |
Fid-29 ta' April 2008, ġie ffirmat il-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tas-Serbja, min-naħa l-oħra (3). Huwa daħal fis-seħħ fl-1 ta' Settembru 2013. |
|
(4) |
Fl-1 ta' Frar 2010, daħal fis-seħħ il-Ftehim Interim dwar il-kummerċ u materji relatati mal-kummerċ bejn il-Komunità Ewropea, minn naħa, u r-Repubblika tas-Serbja, min-naħa l-oħra (4). Minn dak iż-żmien 'l hawn, ir-Regolament (KEE) Nru 3030/93 ma baqax japplika għall-importazzjonijiet mis-Serbja. |
|
(5) |
It-Titolu I tar-Regolament tal-Kunsill (KE) Nru 427/2003 (5) skada fil-11 ta' Diċembru 2013. Għaldaqstant, skadiet il-possibbiltà li jiġu imposti miżuri ta' salvagwardja permezz ta' dak il-mekkaniżmu. |
|
(6) |
Għal raġunijiet ta' ċertezza ġuridika, ir-Regolament tal-Kunsill (KEE) Nru 3030/93 għandu għalhekk jiġi revokat, |
ADOTTAW DAN IR-REGOLAMENT:
Artikolu 1
Ir-Regolament (KEE) Nru 3030/93 hu revokat.
Artikolu 2
Dan ir-Regolament jidħol fis-seħħ fil-jum ta' wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Strasburgu, id-9 ta' Ġunju 2015.
Għall-Parlament Ewropew
Il-President
M. SCHULZ
Għall-Kunsill
Il-President
Z. KALNIŅA-LUKAŠEVICA
(1) Pożizzjoni tal-Parlament Ewropew tad-29 ta' April 2015 (għadha mhix ippubblikata fil-Ġurnal Uffiċjali) u deċiżjoni tal-Kunsill tat-28 ta' Mejju 2015.
(2) Regolament tal-Kunsill (KEE) Nru 3030/93 tat-12 ta' Ottubru 1993 dwar regoli komuni għall-importazzjoni ta' ċerti prodotti tat-tessuti minn pajjiżi terzi (ĠU L 275, 8.11.1993, p. 1).
(3) ĠU L 278, 18.10.2013, p. 16.
(5) Regolament tal-Kunsill (KE) Nru 427/2003 tat-3 ta' Marzu 2003 dwar mekkaniżmu transitorju ta' salvagwardja għal prodotti partikolari għall-importazzjonijiet li joriġinaw mir-Repubblika Popolari taċ-Ċina u li jemenda r-Regolament (KE) Nru 519/94 dwar regoli komuni għall-importazzjonijiet minn ċerti pajjiżi terzi (ĠU L 65, 8.3.2003, p. 1).