20.3.2015 |
MT |
Il-Ġurnal Uffiċjali tal-Unjoni Ewropea |
L 76/3 |
REGOLAMENT TAL-KUMMISSJONI (UE) 2015/458
tad-19 ta' Marzu 2015
li jemenda r-Regolament tal-Kummissjoni (KE) Nru 657/2007 li jimplimenta r-Regolament tal-Kunsill (KE) Nru 1165/98 li jikkonċerna l-istatistika għal żmien qasir fir-rigward tat-twaqqif ta' skemi ta' kampjuni Ewropej
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1165/98 tad-19 ta' Mejju 1998 li jikkonċerna l-istatistika għal żmien qasir (1), u b'mod partikolari t-tielet subparagrafu flimkien mal-punt (d) tal-ewwel subparagrafu tal-Artikolu 17 tiegħu,
Billi:
(1) |
Ir-Regolament (KE) Nru 1165/98 jistabbilixxi qafas komuni għall-produzzjoni ta' statistika Ewropea għal terminu qasir dwar iċ-ċiklu kummerċjali. |
(2) |
Ir-Regolament tal-Kummissjoni (KE) Nru 657/2007 (2) jistabbilixxi regoli u kundizzjonijiet li japplikaw għat-trażmissjoni ta' dejta mill-Istati Membri li jipparteċipaw fl-iskemi ta' kampjuni Ewropej għall-istatistika ta' terminu qasir. Dawn ir-regoli jippermettu l-adattament tal-iskemi ta' kampjuni Ewropej għall-bidliet tas-sena bażi. |
(3) |
Il-ponderazzjonijiet għall-produzzjoni tal-aggregati Ewropej tal-indikaturi kollha ta' terminu qasir ġew aġġornati fl-2013. Din il-bidla tas-sena bażi wasslet għal eżami tal-intestaturi għall-attività tan-NACE u l-prodotti tas-CPA magħżula għall-Istati Membri individwali li jipparteċipaw fl-iskemi ta' kampjuni Ewropej. L-għażla tal-intestaturi għall-attività tan-NACE u l-prodotti tas-CPA kellha tiġi adattata sabiex tirrifletti l-bidliet li saru f'dawn l-aħħar snin rigward l-intestaturi individwali għall-attività tan-NACE u l-prodotti tas-CPA. |
(4) |
Għalhekk, ir-Regolament (KE) Nru 657/2007 għandu jiġi emendat skont dan. |
(5) |
Il-miżuri stipulati f'dan ir-Regolament huma skont l-opinjoni tal-Kumitat tas-Sistema Ewropea tal-Istatistika, |
ADOTTAT DAN IR-REGOLAMENT:
Artikolu 1
L-Anness tar-Regolament (KE) Nru 657/2007 huwa sostitwit bl-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta' Marzu 2015.
Għall-Kummissjoni
Il-President
Jean-Claude JUNCKER
(2) Ir-Regolament tal-Kummissjoni (KE) Nru 657/2007 tal-14 ta' Ġunju 2007 li jimplimenta r-Regolament tal-Kunsill (KE) Nru 1165/98 li jikkonċerna l-istatistika għal żmien qasir fir-rigward tat-twaqqif ta' skemi ta' kampjuni Ewropej (ĠU L 155, 15.6.2007, p. 7).
ANNESS
L-ewwel perjodu ta' referenza għall-intestaturi l-ġodda msemmija fit-tabelli li ġejjin ma għandux ikun aktar tard minn Jannar 2015, b'effett mill-introduzzjoni tas-sena bażi 2015 u qabel tmiem l-2018.
312 PREZZIJIET TA' PRODUZZJONI FIS-SUQ MHUX DOMESTIKU
Stat Membru |
Il-kamp ta' applikazzjoni tad-dejta fl-iskemi ta' kampjuni Ewropej (NACE Rev. 2) |
Il-Belġju |
10, 11, 13, 16, 17, 19, 20, 21, 22, 23, 24, 25, 26, 27, 28, 29, 30, 32, 35 |
L-Irlanda |
10, 11, 18, 20, 21, 26, 28, 32 |
Ċipru |
10, 21 |
Malta |
26 |
Il-Finlandja |
10, 16, 17, 19, 20, 22, 24, 25, 26, 27, 28 |
Is-Slovenja |
21, 22, 25, 27, 28, 29 |
340 PREZZIJIET TA' IMPORTAZZJONI
Stat Membru |
Il-kamp ta' applikazzjoni tad-dejta fl-iskemi ta' kampjuni Ewropej (CPA) |
Il-Belġju |
05.10, 06.10, 06.20, 07.10, 07.20, 08.99, 10.20, 14.13, 14.14, 15.20, 17.12, 19.20, 20.13, 20.14, 20.15, 20.16, 20.59, 21.10, 21.20, 22.11, 24.10, 24.42, 24.44, 26.11, 26.20, 26.30, 26.40, 26.51, 28.11, 28.13, 28.23, 28.29, 28.92, 29.10, 29.32, 31.09, 32.12, 32.50 |
L-Irlanda |
06.10, 06.20, 19.20, 20.14, 21.10, 21.20, 26.20, 32.50 |
Ċipru |
19.20 |
Il-Lussemburgu |
26.20, 26.30 |
Malta |
19.20, 26.11 |
L-Awstrija |
06.10, 21.10, 21.20, 24.41, 26.20, 26.30, 29.10, 29.32 |
Il-Portugall |
06.10, 19.20, 29.10 |
Il-Finlandja |
06.10, 06.20, 07.20, 19.20, 21.20, 26.20, 26.30, 29.10 |
Is-Slovenja |
19.20, 29.10 |