5.8.2015 |
MT |
Il-Ġurnal Uffiċjali tal-Unjoni Ewropea |
L 208/33 |
DEĊIŻJONI TAL-KUMMISSJONI (UE) 2015/1352
tat-30 ta' Lulju 2015
dwar il-pagament fil-munita Euro mir-Renju Unit ta' ċertu nfiq li jirriżulta mil-leġiżlazzjoni agrikola settorjali
(notifikata bid-dokument C(2015) 5124)
(It-test bl-Ingliż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta' Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b'mod partikolari l-Artikolu 108 tiegħu,
Billi:
(1) |
L-Artikolu 108 tar-Regolament (UE) Nru 1306/2013 jirrikjiedi lill-Istati Membri li ma jkunux adottaw il-munita Euro u li jiddeċiedu li jħallsu l-infiq li jirriżulta mil-leġiżlazzjoni agrikola settorjali fil-munita euro minflok fil-munita nazzjonali tagħhom, li jieħdu miżuri biex jiżguraw li l-użu tal-munita euro ma joħloqx vantaġġ sistematiku meta mqabbel mal-użu tal-munita nazzjonali. |
(2) |
Preċedentement, id-Deċiżjoni tal-Kummissjoni 2005/443/KE (2) kienet tapprova tali miżuri kkomunikati mir-Renju Unit. |
(3) |
Fit-13 ta' April 2015, ir-Renju Unit innotifika lill-Kummissjoni dwar l-intenzjoni tiegħu li jħallas in-nefqa fir-rigward ta' skemi speċifiċi fil-munita Euro minflok f'liri sterlini u li jistabbilixxi l-miżuri li għandhom jiġu applikati skont l-Artikolu 108 tar-Regolament (UE) Nru 1306/2013 biex jiġi żgurat li l-użu tal-munita Euro minflok il-lira sterlina ma jwassalx għall-ħolqien ta' xi vantaġġ sistematiku. |
(4) |
Fil-qosor, dawn huma l-miżuri ppjanati mir-Renju Unit:
|
(5) |
Dawn il-miżuri huma f'konformità mal-għan stabbilit bir-Regolament (UE) Nru 1306/2013, jiġifieri biex jevitaw il-ħolqien ta' xi vantaġġ sistematiku li jirriżulta mill-użu tal-munita Euro minflok il-munita nazzjonali. Għaldaqstant, dawn il-miżuri għandhom jiġu approvati. |
(6) |
Għalhekk, id-Deċiżjoni Nru 2005/443/KE għandha titħassar u tiġi sostitwita b'din id-Deċiżjoni, |
ADOTTAT DIN ID-DEĊIŻJONI:
Artikolu 1
Il-miżuri kkomunikati mir-Renju Unit fit-13 ta' April 2015 fir-rigward tal-pagament fil-munita Euro ta' nfiq li jirriżulta mil-leġiżlazzjoni agrikola settorjali elenkati fl-Anness u, fejn applikabbli, kwalunkwe att delegat jew ta' implimentazzjoni adottat abbażi ta' dawk l-istrumenti, huma b'dan approvati.
Artikolu 2
Id-Deċiżjoni 2005/443/KE titħassar.
Artikolu 3
Din id-Deċiżjoni hija indirizzata lir-Renju Unit tal-Gran Brittanja u lill-Irlanda ta' Fuq.
Magħmul fi Brussell, it-30 ta' Lulju 2015.
Għall-Kummissjoni
Phil HOGAN
Membru tal-Kummissjoni
(1) ĠU L 347, 20.12.2013, p. 549.
(2) Id-Deċiżjoni 2005/443/KE tal-14 ta' Ġunju 2005 dwar il-pagament fil-munita Euro mir-Renju Unit ta' ċertu nfiq li jirriżulta mill-istrumenti legali relatati mal-politika agrikola komuni (ĠU L 153, 16.6.2005, p. 33).
(3) Ir-Regolament (UE) Nru 1307/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi regoli għal pagamenti diretti lill-bdiewa taħt skemi ta' appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (ĠU L 347, 20.12.2013, p. 608).
(4) Ir-Regolament ta' Implimentazzjoni tal-Kummissjoni (UE) Nru 809/2014 tas-17 ta' Lulju 2014 li jistabbilixxi r-regoli għall-applikazzjoni tar-Regolament (UE) Nru 1306/2013 tal-Parlament Ewropew u tal-Kunsill fir-rigward tas-sistema integrata ta' amministrazzjoni u kontroll, tal-miżuri tal-iżvilupp rurali u tal-kundizzjonalità (ĠU L 227, 31.7.2014, p. 69).
(5) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
(6) Ir-Regolament tal-Kunsill (UE) Nru 1370/2013 tas-16 ta' Diċembru 2013 li jiddetermina miżuri dwar l-iffissar ta' ċerti għajnuniet u rifużjonijiet relatati mal-organizzazzjoni komuni tas-swieq tal-prodotti agrikoli (ĠU L 346, 20.12.2013, p. 12).
ANNESS
MIŻURI ESPRESSI U PAGABBLI FIL-MUNITA EURO
Skema |
Regolament |
Skemi ta' pagament dirett |
Ir-Regolament (UE) Nru 1307/2013 |
Xiri sfurzat taċ-ċanga |
Ir-Regolament (UE) Nru 1308/2013 Ir-Regolament (KE) Nru 1370/2013 |
Xiri sfurzat taċ-ċereali |
|
Xiri sfurzat tal-butir |
|
Xiri sfurzat tat-trab tal-ħalib xkumat |
|
Għajnuna għall-ħżin privat taċ-ċanga |
|
Għajnuna għall-ħżin privat tal-butir |
|
Għajnuna għall-ħżin privat tal-ġobon |
|
Għajnuna għall-ħżin privat tal-fibra tal-kittien |
|
Għajnuna għall-ħżin privat taż-żejt taż-żebbuġa |
|
Għajnuna għall-ħżin privat tal-laħam tal-majjal |
|
Għajnuna għall-ħżin privat tal-laħam tan-nagħaġ u tal-mogħoż |
|
Għajnuna għall-ħżin privat tat-trab tal-ħalib xkumat |
|
Għajnuna għall-ħżin privat taz-zokkor abjad |
|
Għajnuna għall-provvista tal-ħalib u prodotti tal-ħalib lit-tfal |
|
Rifużjonijiet għall-esportazzjoni |
|
Rifużjonijiet għall-esportazzjoni għal prodotti agrikoli pproċessati u oġġetti li mhumiex elenkati fl-Anness I tat-TFUE |
Ir-Regolament (UE) Nru 510/2014 tal-Parlament Ewropew u tal-Kunsill (1) Ir-Regolament (UE) Nru 1370/2013 |