|
24.12.2015 |
MT |
Il-Ġurnal Uffiċjali tal-Unjoni Ewropea |
C 435/6 |
DEĊIŻJONI TAL-BUREAU TAL-PARLAMENT EWROPEW
tal-14 ta' Diċembru 2015
li temenda l-Miżuri ta' Implimentazzjoni tal-Istatut għall-Membri tal-Parlament Ewropew
(2015/C 435/03)
IL-BUREAU TAL-PARLAMENT EWROPEW,
wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 223(2) tiegħu,
wara li kkunsidra l-Istatut għall-Membri tal-Parlament Ewropew (1),
wara li kkunsidra l-Artikoli 10 u 25 tar-Regoli ta' Proċedura tal-Parlament,
Billi:
|
(1) |
Skont l-Artikolu 69(2) tal-Miżuri ta' Implimentazzjoni tal-Istatut għall-Membri tal-Parlament Ewropew (2) (“il-Miżuri ta' Implimentazzjoni”), l-ammont massimu ta' spejjeż ta' assistenza parlamentari li jistgħu jitħallsu fir-rigward tal-istaff personali, imsemmi fl-Artikolu 33(4) ta' dawk il-miżuri, huwa, meta jkun xieraq, indiċizzat kull sena fuq il-bażi ta' data stabbilita skont l-Artikolu 65 tar-Regolamenti tal-Persunal għall-Uffiċjali tal-Unjoni Ewropea, stabbiliti bir-Regolament tal-Kunsill (KEE, Euratom, KEFA) Nru 259/68 (3). |
|
(2) |
F'dan ir-rigward, il-Kummissjoni ffissat ir-rata ta' aġġustament għall-2015 għal 2,4 %. Għalhekk, l-ammont massimu fix-xahar ta' dawn l-ispejjeż li jistgħu jitħallsu għall-assistenza parlamentari għandu jiżdied għal EUR 21 892 b'effett mill-1 ta' Lulju 2015. Fid-dawl tad-Deċiżjoni tal-Bureau tas-26 ta' Ottubru 2015 (4), dan l-ammont għandu jiżdied għal EUR 23 392 b'effett mill-1 ta' Jannar 2016, |
ADOTTA DIN ID-DEĊIŻJONI:
Artikolu 1
Fl-Artikolu 33 tal-Miżuri ta' Implimentazzjoni, il-paragrafu 4 jinbidel b'dan li ġej:
“4. L-ammont massimu kull xahar li jista' jitħallas fir-rigward tal-membri kollha tal-kollaboraturi personali msemmija fl-Artikolu 34 għandu jkun ta' EUR 21 892 għall-perjodu mill-1 ta' Lulju 2015 sal-31 ta' Diċembru 2015. B'effett mill-1 ta' Jannar 2016, dan l-ammont għandu jkun ta' EUR 23 392.”
Artikolu 2
1. Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
2. Din id-Deċiżjoni għandha tapplika mill-1 ta' Lulju 2015.
(1) Id-Deċiżjoni 2005/684/KE, Euratom tal-Parlament Ewropew tat-28 ta' Settembru 2005 li tadotta l-Istatut għall-Membri tal-Parlament Ewropew (ĠU L 262, 7.10.2005, p. 1).
(2) Deċiżjoni tal-Bureau tal-Parlament Ewropew tad-19 ta' Mejju u tad-9 ta' Lulju 2008 dwar miżuri ta' implimentazzjoni tal-Istatut tal-Membri tal-Parlament Ewropew (ĠU C 159, 13.7.2009, p. 1).
(4) Deċiżjoni tal-Bureau tal-Parlament Ewropew tas-26 ta' Ottubru 2015 li temenda l-Miżuri ta' Implimentazzjoni tal-Istatut tal-Membri tal-Parlament Ewropew (ĠU C 397, 28.11.2015, p. 2).