|
27.10.2015 |
MT |
Il-Ġurnal Uffiċjali tal-Unjoni Ewropea |
C 355/4 |
DEĊIŻJONI TAL-KUMMISSJONI
tas-26 ta’ Ottubru 2015
li tirrikonoxxi d-Dipartiment tal-Ambjent, il-Gvern ta’ Nunavut skont l-Artikolu 3 tar-Regolament ta’ Implimentazzjoni tal-Kummissjoni (UE) 2015/1850 li jistabbilixxi regoli dettaljati għall-implimentazzjoni tar-Regolament (KE) Nru 1007/2009 tal-Parlament Ewropew u tal-Kunsill dwar il-kummerċ tal-prodotti mill-foki
(2015/C 355/04)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament ta’ Implimentazzjoni tal-Kummissjoni (UE) 2015/1850 tat-13 ta’ Ottubru 2015 li jistabbilixxi regoli dettaljati għall-implimentazzjoni tar-Regolament (KE) Nru 1007/2009 tal-Parlament Ewropew u tal-Kunsill dwar il-kummerċ tal-prodotti mill-foki (1), u b’mod partikolari l-Artikolu 3(1) tiegħu,
Billi:
|
(1) |
Ir-Regolament tal-Kummissjoni (UE) Nru 737/2010 (2) jistabbilixxi l-kundizzjonijiet li skonthom il-prodotti mill-foki li jirriżultaw mill-kaċċa mill-Inuit jew minn komunitajiet indiġeni oħra, u l-prodotti mill-foki mill-ġestjoni tar-riżorsi marini, jistgħu jitqiegħdu fis-suq tal-Unjoni. |
|
(2) |
It-tqegħid fis-suq ta’ tali prodotti jrid ikun akkumpanjat minn dokument maħruġ minn korp rikonoxxut li jiċċertifika li l-kundizzjonijiet stabbiliti fir-Regolament tal-Kummissjoni (UE) Nru 737/2010 ġew issodisfati. |
|
(3) |
Fit-30 ta’ Lulju 2015 il-Kummissjoni addottat Deċiżjoni (3) li tirrikonoxxi d-Dipartiment tal-Ambjent, il-Gvern ta’ Nunavut f’konformità mal-Artikolu 6 tar-Regolament (UE) Nru 737/2010. |
|
(4) |
Ir-Regolament (UE) 2015/1775 tal-Parlament Ewropew u tal-Kunsill (4) emenda l-Artikolu 3 tar-Regolament (KE) Nru 1007/2009 tal-Parlament Ewropew u tal-Kunsill (5), li jistabbilixxi l-kundizzjonijiet li skonthom il-prodotti mill-foki li jirriżultaw mill-kaċċa mill-Inuit jew minn komunitajiet indiġeni oħra jistgħu jitqiegħdu fis-suq tal-Unjoni. |
|
(5) |
Ir-Regolament (UE) 2015/1775 ħassar ir-Regolament (UE) Nru 737/2010 b’effett mid-data ta’ applikazzjoni tar-Regolament ta’ Implimentazzjoni (UE) 2015/1850. |
|
(6) |
Fit-12 ta’ Ottubru 2015 il-Kummissjoni rċeviet talba mid-Dipartiment tal-Ambjent, il-Gvern ta’ Nunavut, bid-data tad-9 ta’ Ottubru li kienet akkumpanjata minn evidenza dokumentarja, biex jiġi awtorizzat mill-ġdid bħala korp rikonoxxut fid-dawl tal-emendi fl-Artikolu 3 tar-Regolament (KE) Nru 1007/2009. |
|
(7) |
Il-Kummissjoni, wara li wettqet valutazzjoni tal-evidenza dokumentarja ppreżentata biex tiddetermina jekk ġewx issodisfati r-rekwiżiti għar-rikonoxximent tal-korpi skont ir-Regolament ta’ Implimentazzjoni (UE) 2015/1850, fid-dawl tal-emendi fl-Artikolu 3 tar-Regolament (KE) Nru 1007/2009, tqis li d-Dipartiment tal-Ambjent, il-Gvern ta’ Nunavut jissodisfa r-rekwiżiti skont l-Artikolu 3(1)(b) u (e) tar-Regolament ta’ Implimentazzjoni (UE) 2015/1850. |
|
(8) |
Id-Dipartiment tal-Ambjent, il-Gvern ta’ Nunavut għandu għalhekk jingħata r-rikonoxximent mitlub, |
IDDEĊIEDIET KIF ĠEJ:
Artikolu 1
Id-Dipartiment tal-Ambjent, il-Gvern ta’ Nunavut huwa rikonoxxut skont l-Artikolu 3 tar-Regolament ta’ Implimentazzjoni (UE) 2015/1850.
Artikolu 2
Id-Direttur Ġenerali tad-Direttorat Ġenerali għall-Ambjent huwa inkarigat biex jissorvelja li l-applikant huwa nnotifikat b’din id-Deċiżjoni, u li l-kontenut ta’ din id-Deċiżjoni jiġi ppubblikat fuq is-sit web tal-Kummissjoni mingħajr dewmien.
Magħmul fi Brussell, is-26 ta’ Ottubru 2015.
Għall-Kummissjoni
Karmenu VELLA
Membru tal-Kummissjoni
(1) ĠU L 271, 16.10.2015, p. 1.
(2) Ir-Regolament tal-Kummissjoni (UE) Nru 737/2010 tal-10 ta’ Awwissu 2010 li jistabbilixxi regoli dettaljati għall-implimentazzjoni tar-Regolament (KE) Nru 1007/2009 tal-Parlament Ewropew u tal-Kunsill dwar il-kummerċ tal-prodotti mill-foki (ĠU L 216, 17.8.2010, p. 1).
(3) http://ec.europa.eu/environment/biodiversity/animal_welfare/seals/pdf/c_2015_5253_en.pdf
(4) Ir-Regolament (UE) 2015/1775 tal-Parlament Ewropew u tal-Kunsill tas-6 ta’ Ottubru 2015 li jemenda r-Regolament (KE) Nru 1007/2009 dwar il-kummerċ tal-prodotti mill-foki u li jirrevoka r-Regolament tal-Kummissjoni (UE) Nru 737/2010 (ĠU L 262, 7.10.2015, p. 1).
(5) Regolament (KE) Nru 1007/2009 tal-Parlament Ewropew u tal-Kunsill tas-16 ta’ Settembru 2009 dwar il-kummerċ tal-prodotti mill-foki (ĠU L 286, 31.10.2009, p. 36).