DEĊIŻJONI TAL-KUNSILL (UE) 2015/989

tal-15 ta' Ġunju 2015

dwar il-pożizzjoni li għandha tittieħed f'isem l-Unjoni Ewropea fis-Sottokumitat dwar il-Kummerċ u l-Iżvilupp Sostenibbli stabbilit permezz tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa, u r-Repubblika tal-Moldova, min-naħa l-oħra, fir-rigward tal-adozzjoni tar-regoli ta' proċedura tas-Sottokumitat dwar il-Kummerċ u l-Iżvilupp Sostenibbli u l-lista ta' individwi biex iservu bħala esperti fi proċeduri tal-grupp dwar il-kummerċ u l-iżvilupp sostenibbli

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel paragrafu tal-Artikolu 207(4), flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

(1)	L-Artikolu 464(3) u (4) tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa, u r-Repubblika tal-Moldova, min-naħa l-oħra (1), (“il-Ftehim”) jipprevedu l-applikazzjoni proviżorja ta' parti mill-Ftehim.

(2)

L-Artikolu 3 tad-Deċiżjoni tal-Kunsill 2014/492/UE (2) jispeċifika d-dispożizzjonijiet tal-Ftehim li jridu jiġu applikati b'mod proviżorju, inklużi d-dispożizzjonijiet dwar l-istabbiliment u l-funzjonament tas-Sottokumitat dwar il-Kummerċ u l-Iżvilupp Sostenibbli u dwar il-kummerċ u l-iżvilupp sostenibbli.

(3)	Taħt l-Artikolu 376(3) tal-Ftehim, is-Sottokumitat dwar il-Kummerċ u l-Iżvilupp Sostenibbli għandu jistabbilixxi r-regoli ta' proċedura tiegħu stess.

(4)	Taħt l-Artikolu 379(3) tal-Ftehim, is-Sottokumitat dwar il-Kummerċ u l-Iżvilupp Sostenibbli għandu jilħaq qbil fl-ewwel laqgħa tiegħu fuq il-lista ta' individwi li huma lesti u kapaċi jservu bħala esperti fi proċeduri tal-grupp dwar il-kummerċ u l-iżvilupp sostenibbli.

(5)

Huwa xieraq li tiġi stabbilita l-pożizzjoni li għandha tiġi adottata f'isem l-Unjoni fir-rigward tar-regoli ta' proċedura tas-Sottokumitat dwar il-Kummerċ u l-Iżvilupp Sostenibbli u l-lista ta' individwi li huma lesti u kapaċi jservu bħala esperti fi proċeduri tal-grupp dwar il-kummerċ u l-iżvilupp sostenibbli.

(6)	Il-pożizzjoni tal-Unjoni fi ħdan fis-Sottokumitat dwar il-Kummerċ u l-Iżvilupp Sostenibbli għandha għalhekk tkun ibbażata fuq l-abbozz tad-Deċiżjonijiet mehmuża,

ADOTTA DIN ID-DEĊIŻJONI:

Artikolu 1

1. Il-pożizzjoni li għandha tiġi adottata f'isem l-Unjoni fis-Sottokumitat dwar il-Kummerċ u l-Iżvilupp Sostenibbli stabbilit permezz tal-Artikolu 376 tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa, u r-Repubblika tal-Moldova, min-naħa l-oħra, fir-rigward tal-adozzjoni tar-regoli ta' proċedura tas-Sottokumitat dwar il-Kummerċ u l-Iżvilupp Sostenibbli u tal-lista ta' individwi li huma lesti u li huma kapaċi jservu bħala esperti fi proċeduri tal-grupp dwar il-kummerċ u l-iżvilupp sostenibbli għandha tkun ibbażata fuq l-abbozz tad-Deċiżjonijiet ta' dak is-Sottokumitat mehmuża ma' din id-Deċiżjoni.

2. Jista' jkun hemm qbil dwar korrezzjonijiet tekniċi żgħar fl-abbozz tad-Deċiżjonijiet mir-rappreżentanti tal-Unjoni fis-Sottokumitat dwar il-Kummerċ u l-Iżvilupp Sostenibbli mingħajr deċiżjoni ulterjuri tal-Kunsill.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fil-Lussemburgu, il-15 ta' Ġunju 2015.

Għall-Kunsill

Il-President

Dz. RASNAČS

(1) ĠU L 260, 30.8.2014, p. 4.

(2) Id-Deċiżjoni tal-Kunsill 2014/492/UE tas-16 ta' Ġunju 2014 dwar l-iffirmar, f'isem l-Unjoni Ewropea, u l-applikazzjoni proviżorja tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra (ĠU L 260, 30.8.2014, p. 1).

ABBOZZ

DEĊIŻJONI Nru 1/2015 TAS-SOTTOKUMITAT GĦALL-KUMMERĊ U L-IŻVILUPP SOSTENIBBLI BEJN L-UE U R-REPUBBLIKA TAL-MOLDOVA

ta' … 2015

li taddotta r-regoli ta' proċedura tas-Sottokumitat għall-Kummerċ u l-Iżvilupp Sostenibbli

IS-SOTTOKUMITAT GĦALL-KUMMERĊ U L-IŻVILUPP SOSTENIBBLI BEJN L-UE U R-REPUBBLIKA TAL-MOLDOVA,

Wara li kkunsidra l-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, fuq naħa, u r-Repubblika tal-Moldova, fuq in-naħa l-oħra (1), (“il-Ftehim”), u b'mod partikolari l-Artikolu 376 tiegħu,

Billi:

(1)	Skont l-Artikolu 464 tal-Ftehim, partijiet mill-Ftehim huma applikati provviżorjament mill-1 ta' Settembru 2014.

(2)	Taħt l-Artikolu 376(3) tal-Ftehim, is-Sottokumitat għall-Kummerċ u l-Iżvilupp Sostenibbli għandu jiltaqa' sabiex isir monitoraġġ tal-implimentazzjoni tal-Kapitolu 13 (Kummerċ u Żvilupp Sostenibbli) tat-Titolu V (Kummerċ u Materji Relatati mal-Kummerċ) tal-Ftehim.

(3)	Taħt l-Artikolu 376(3) tal-Ftehim jipprovdi wkoll li s-Sottokumitat għall-Kummerċ u l-Iżvilupp Sostenibbli għandu jistabbilixxi r-regoli ta' proċedura tiegħu stess.

ADOTTTA DIN ID-DEĊIŻJONI:

Artikolu 1

Ir-Regoli ta' Proċedura tas-Sottokumitat għall-Kummerċ u l-Iżvilupp Sostenibbli, kif stabbiliti fl-Anness, huma b'hekk adottati.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi …, …

Għas-Sottokumitat għall-Kummerċ u l-Iżvilupp Sostenibbli

Il-President

(1) ĠU L 260, 30.8.2014, p. 4.

ANNESS

REGOLI TA' PROĊEDURA TAS-SOTTOKUMITAT GĦALL-KUMMERĊ U L-IŻVILUPP SOSTENIBBLI BEJN L-UE U R-REPUBBLIKA TAL-MOLDOVA

Artikolu 1

Dispożizzjonijiet ġenerali

1. Is-Sottokumitat għall-Kummerċ u l-Iżvilupp Sostenibbli, stabbilit skont l-Artikolu 376 tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, fuq naħa, u r-Repubblika tal-Moldova, fuq in-naħa l-oħra (“il-Ftehim”) għandu jassisti lill-Kumitat ta' Assoċjazzjoni fil-konfigurazzjoni tal-Kummerċ, kif stipulat fl-Artikolu 438(4) tal-Ftehim, fit-twettiq ta' dmirijietu.

2. Is-Sottokumitat għall-Kummerċ u l-Iżvilupp Sostenibbli għandu jwettaq il-funzjonijiet stipulati fil-Kapitolu 13 (Kummerċ u Żvilupp Sostenibbli) tat-Titolu V (Kummerċ u kwistjonijiet relatati mal-kummerċ) tal-Ftehim.

3. Is-Sottokumitat għall-Kummerċ u l-Iżvilupp Sostenibbli għandu jkun kompost minn rappreżentanti tal-Kummissjoni Ewropea u tar-Repubblika tal-Moldova, responsabbli għall-affarijiet dwar il-kummerċ u l-iżvilupp sostenibbli.

4. Rappreżentant tal-Kummissjoni Ewropea jew tar-Repubblika tal-Moldova li jkun responsabbli għal affarijiet dwar il-kummerċ u l-iżvilupp sostenibbli għandu jaġixxi bħala President tas-Sottokumitat għall-Kummerċ u l-Iżvilupp Sostenibbli skont l-Artikolu 2.

5. It-terminu “Il-Partijiet” f'dawn ir-Regoli ta' Proċedura għandu jiġu definiti kif previst fl-Artikolu 461 tal-Ftehim.

Artikolu 2

Dispożizzjonijiet speċifiċi

1. L-Artikoli 2 sa 14 tar-Regoli ta' Proċedura tal-Kumitat ta' Assoċjazzjoni bejn l-UE u r-Repubblika tal-Moldova għandhom japplikaw, sakemm ma jkunx previst mod ieħor f'dawn ir-Regoli ta' Proċedura.

2. Ir-referenzi għall-Kunsill ta' Assoċjazzjoni jinqraw bħala referenzi għall-Kumitat ta' Assoċjazzjoni fil-konfigurazzjoni tal-Kummerċ. Ir-referenzi għall-Kumitat ta' Assoċjazzjoni jew il-Kumitat ta' Assoċjazzjoni fil-konfigurazzjoni tal-Kummerċ għandhom jinqraw bħala referenzi għas-Sottokumitat għall-Kummerċ u l-Iżvilupp Sostenibbli.

Artikolu 3

Laqgħat

Is-Sottokumitat għall-Kummerċ u l-Iżvilupp Sostenibbli għandu jiltaqa' kif meħtieġ. Il-Partijiet għandhom jimmiraw li jiltaqgħu darba fis-sena.

Artikolu 4

Emenda tar-Regoli ta' Proċedura

Dawn ir-Regoli ta' Proċedura jistgħu jiġu emendati b'deċiżjoni tas-Sottokumitat għall-Kummerċ u l-Iżvilupp Sostenibbli bejn l-UE u r-Repubblika tal-Moldova skont l-Artikolu 376 tal-Ftehim.

ABBOZZ

DEĊIŻJONI Nru 2/2015 TAS-SOTTOKUMITAT GĦALL-KUMMERĊ U L-IŻVILUPP SOSTENIBBLI BEJN L-UE U R-REPUBBLIKA TAL-MOLDOVA

ta' … 2015

li tadotta l-lista ta' esperti dwar il-kummerċ u l-iżvilupp sostenibbli skont l-Artikolu 379(3) tal-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u r-Repubblika tal-Moldova, min-naħa l-oħra

IS-SOTTOKUMITAT GĦALL-KUMMERĊ U L-IŻVILUPP SOSTENIBBLI BEJN L-UE U R-REPUBBLIKA TAL-MOLDOVA,

Wara li kkunsidra l-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, fuq naħa, u r-Repubblika tal-Moldova, fuq in-naħa l-oħra (1) (“il-Ftehim”), u b'mod partikolari l-Artikolu 379 tiegħu,

Billi:

(1)	Skont l-Artikolu 464 tal-Ftehim, partijiet mill-Ftehim huma applikati provviżorjament mill-1 ta' Settembru 2014.

(2)	Taħt l-Artikolu 379(3) tal-Ftehim, is-Sottokumitat għall-Kummerċ u l-Iżvilupp Sostenibbli għandu jistabilixxi lista ta' mill-inqas 15-il individwu li huma lesti u kapaċi jservu bħala esperti fi proċeduri tal-panil,

ADOTTA DIN ID-DEĊIŻJONI:

Artikolu 1

Il-lista ta' individwi li huma lesti u kapaċi li jservu bħala esperti fi proċeduri tal-panil għall-finijiet tal-Artikolu 379 tal-Ftehim hija stabbilita fl-Anness għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Magħmul fi …, …

Għas-Sottokumitat għall-Kummerċ u l-Iżvilupp Sostenibbli

Il-President

(1) ĠU L 260, 30.8.2014, p. 4.

ANNESS

LISTA TA' ESPERTI DWAR IL-KUMMERĊ U L-IŻVILUPP SOSTENIBBLI

Esperti proposti mir-Repubblika tal-Moldova

1.	Iurie BEJAN

2.	Maria Ion NEDEALCOV

3.	Alexandru STRATAN

4.	Dorin JOSANU

5.	Nicolae SADOVEI

Esperti proposti mill-UE

1.	Eddy LAURIJSSEN

2.	Jorge CARDONA

3.	Karin LUKAS

4.	Hélène RUIZ FABRI

5.	Laurence BOISSON DE CHAZOURNES

6.	Geert VAN CALSTER

7.	Joost PAUWELYN

Il-Presidenti

1.	Jill MURRAY (Australia)

2.	Janice BELLACE (United States)

3.	Ross WILSON (New Zealand)

4.	Arthur APPLETON (United States)

5.	Nathalie BERNASCONI (Switzerland)