16.6.2015 |
MT |
Il-Ġurnal Uffiċjali tal-Unjoni Ewropea |
L 149/15 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/919
tat-12 ta' Ġunju 2015
li temenda d-Deċiżjoni 2009/821/KE fir-rigward tal-listi ta' postijiet ta' spezzjoni fil-fruntiera u tal-unitajiet veterinarji fi TRACES
(notifikata bid-dokument C(2015) 3892)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u żootekniku, applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 20(1) u (3) tagħha,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b'mod partikolari t-tieni sentenza tat-tieni subparagrafu tal-Artikolu 6(4) u l-Artikolu 6(5) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u b'mod partikolari l-Artikolu 6(2) tagħha,
Billi:
(1) |
Id-Deċiżjoni tal-Kummissjoni 2009/821/KE (4) tistabbilixxi lista ta' postijiet ta' spezzjoni fuq il-fruntiera approvati skont id-Direttivi 91/496/KEE u 97/78/KE. Dik il-lista hija stabbilita fl-Anness I ta' dik id-Deċiżjoni. |
(2) |
Il-Belġju kkomunika li ċ-ċentru ta' spezzjoni Flight Care li jinsab fil-post ta' spezzjoni fuq il-fruntiera fl-ajruport ta' Brussel-Zaventem ingħalaq. Id-Danimarka kkomunikat li l-post ta' spezzjoni fuq il-fruntiera fil-port ta' Aalborg 1 (il-Port ta' Greenland) 1 ingħalaq. Il-Ġermanja kkomunikat li ċ-ċentru ta' spezzjoni Burchardkai li jinsab fil-post ta' spezzjoni fuq il-fruntiera fil-port ta' Hamburg Hafen ingħalaq. Għalhekk, il-listi tal-entrati għal dawn l-Istati Membri kif stabbiliti fl-Anness I tad-Deċiżjoni 2009/821/KE għandhom jiġu emendati skont dan. |
(3) |
Il-Ġermanja kkomunikat li żdied ċentru ta' spezzjoni ġdid fil-post ta' spezzjoni fuq il-fruntiera fil-port ta' Bremen u l-Olanda ikkomunikat li żdied ċentru ta' spezzjoni ġdid fil-post ta' spezzjoni fuq il-fruntiera fil-port ta' Amsterdam. Il-listi tal-entrati għal dawn l-Istati Membri kif stabbiliti fl-Anness I tad-Deċiżjoni 2009/821/KE għandhom jiġu emendati skont dan. |
(4) |
Il-Greċja, l-Italja, il-Latvja, u r-Renju Unit ikkomunikaw li l-entrati għall-postijiet ta' spezzjoni fuq il-fruntiera f'Idomeni fil-Greċja, f'Roma-Fiumicino fl-Italja, fl-(Ajruport) ta' Riga, Riga (BFT) fil-Latvja, u f'Gatwick fir-Renju Unit għandhom jiġu emendati fil-lista stabbilita fl-Anness I tad-Deċiżjoni 2009/821/KE. |
(5) |
Spanja kkomunikat li ċentru ta' spezzjoni wieħed fil-port ta' Vigo għandu jitħassar mil-lista ta' entrati għal dak l-Istat Membru u li għandhom jiġu sospiżi żewġ ċentri ta' spezzjoni fl-istess port. L-Olanda kkomunikat li ċentru ta' spezzjoni wieħed fi Vlissingen għandu jitħassar mil-lista tal-entrati għal dak l-Istat Membru. Ir-Renju Unit ikkomunika li l-post ta' spezzjoni fil-fruntiera f'Manston għandu jitħassar mil-lista tal-entrati għal dak l-Istat Membru. Għalhekk, il-listi tal-entrati għal dawk l-Istati Membri stabbiliti fl-Anness I tad-Deċiżjoni 2009/821/KE għandhom jiġu emendati skont dan. |
(6) |
L-Anness II tad-Deċiżjoni 2009/821/KE jistabbilixxi l-lista tal-unitajiet ċentrali, l-unitajiet reġjonali u l-unitajiet lokali fis-sistema veterinarja kompjuterizzata integrata (TRACES). |
(7) |
Wara l-komunikazzjoni mill-Italja u l-Olanda, għandhom isiru ċerti bidliet fil-listi tal-unitajiet ċentrali, reġjonali u lokali fi TRACES għal dawn l-Istati Membri, stabbiliti fl-Anness II tad-Deċiżjoni 2009/821/KE. |
(8) |
Għalhekk, id-Deċiżjoni 2009/821/KE għandha tiġi emendata skont dan. |
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Annessi I u II tad-Deċiżjoni 2009/821/KE huma emendati skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-12 ta' Ġunju 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 224, 18.8.1990, p. 29.
(2) ĠU L 268, 24.9.1991, p. 56.
(4) Id-Deċiżjoni tal-Kummissjoni 2009/821/KE tat-28 ta' Settembru 2009 dwar it-tfassil ta' lista approvata ta' postijiet ta' spezzjoni fuq il-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (ĠU L 296, 12.11.2009, p. 1).
ANNESS
L-Annessi I u II tad-Deċiżjoni 2009/821/KE huma emendati kif ġej:
(1) |
L-Anness I huwa emendat kif ġej:
|
(2) |
L-Anness II huwa emendat kif ġej:
|