26.3.2015 |
MT |
Il-Ġurnal Uffiċjali tal-Unjoni Ewropea |
L 81/4 |
DEĊIŻJONI TAL-KUMMISSJONI (UE) 2015/512
tal-25 ta' Marzu 2015
li temenda d-Deċiżjoni 1999/352/KE, KEFA, Euratom li tistabbilixxi l-Uffiċċju Ewropew Kontra l-Frodi (OLAF)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-Artikolu 249 tiegħu,
Billi:
(1) |
Fl-2104 laqgħa tal-Kulleġġ fil-5 ta' Novembru 2014, il-Kummissjoni ddeċidiet li torganizza mill-ġdid is-servizzi tagħha u li titrasferixxi mill-Uffiċċju Ewropew kontra l-Frodi għad-Direttorat Ġenerali għall-Affarijiet Ekonomiċi u Finanzjarji l-kompiti marbutin mat-tħejjija ta' inizjattivi leġiżlattivi u regolatorji tal-Kummissjoni li għandhom bħala għan dak tal-protezzjoni tal-euro kontra l-iffalsifikar, u l-appoġġ f'tali qasam permezz ta' taħriġ u assistenza teknika. |
(2) |
Id-Deċiżjoni tal-Kummissjoni 1999/352/KE, KEFA, Euratom (1) għandha għaldaqstant tiġi emendata. |
(3) |
Ġaladarba l-organizzazzjoni mill-ġdid tas-servizzi tal-Kummissjoni, imsemmija hawn fuq, saret effettiva fl-1 ta' Jannar 2015, id-dispożizzjonijiet legali rilevanti għandhom jiġu aġġornati bla dewmien. |
ADOTTAT DIN ID-DEĊIŻJONI:
Artikolu 1
L-Artikolu 2 tad-Deċiżjoni 1999/352/KE, KEFA, Euratom huwa emendat kif ġej:
1. |
fil-paragrafu 2, titħassar it-tieni sentenza; |
2. |
il-paragrafu 4 huwa sostitwit b'dan li ġej: “4. L-Uffiċċju jkun responsabbli għat-tħejjija tal-inizjattivi leġiżlattivi u regolatorji tal-Kummissjoni li għandhom bħala għan dak tal-prevenzjoni tal-frodi kif hemm imsemmi fil-paragrafu 1.” . |
Artikolu 2
Din id-Deċiżjoni tidħol fis-seħħ l-għada tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-25 ta' Marzu 2015.
Għall-Kummissjoni
Il-President
Jean-Claude JUNCKER
(1) Id-Deċiżjoni tal-Kummissjoni 1999/352/KE, KEFA, Euratom tat-28 ta' April 1999 li tistabbilixxi l-Uffiċċju Ewropew Kontra l-Frodi (OLAF) (ĠU L 136, 31.5.1999, p. 20).