|
20.2.2015 |
MT |
Il-Ġurnal Uffiċjali tal-Unjoni Ewropea |
L 47/20 |
DEĊIŻJONI TAL-KUNSILL (PESK) 2015/277
tad-19 ta' Frar 2015
li temenda d-Deċiżjoni 2011/101/PESK dwar miżuri restrittivi kontra ż-Żimbabwe
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea u b'mod partikolari l-Artikolu 29 tiegħu,
Billi:
|
(1) |
Fil-15 ta' Frar 2011, il-Kunsill adotta d-Deċiżjoni 2011/101/PESK (1). |
|
(2) |
Il-Kunsill għamel reviżjoni tad-Deċiżjoni 2011/101/PESK, filwaqt li qies l-iżviluppi politiċi fiż-Żimbabwe. |
|
(3) |
Il- miżuri restrittivi għandhom jiġġeddu sal-20 ta' Frar 2016. |
|
(4) |
L-applikazzjoni tal-projbizzjoni fuq l-ivvjaġġar u l-iffriżar tal-assi għandha tinżamm għal żewġ persuni u entità waħda mniżżlin fl-Anness I tad-Deċiżjoni 2011/101/PESK. Is-sospensjoni tal-projbizzjoni fuq l-ivvjaġġar u l-iffriżar tal-assi għall-persuni u l-entitajiet kif elenkati fl-Anness II ta' dik id-Deċiżjoni għandha tiġġedded ukoll. L-ismijiet ta' ħames persuni mejta għandhom jitneħħew mill-Anness I u II ta' dik id-Deċiżjoni. |
|
(5) |
Id-Deċiżjoni 2011/101/PESK għandha tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 10 tad-Deċiżjoni 2011/101/PESK hija sostitwita b'li ġej:
“Artikolu 10
1. Din id-Deċiżjoni għandha tidħol fis-seħħ fid-data tal-adozzjoni tagħha.
2. Din id-Deċiżjoni għandha tapplika sal-20 ta' Frar 2016.
3. Il-miżuri msemmija fl-Artikoli 4(1), 5(1) u 5(2), safejn japplikaw għal persuni u entitajiet elenkati fl-Anness II, għandhom jiġu sospiżi sal-20 ta' Frar 2016.
Is-sospensjoni għandha tiġi riveduta kull tliet xhur.
4. Din id-Deċiżjoni għandha tinżamm taħt reviżjoni kostanti u għandha tiġi estiża, jew tiġi emendata kif adatt, jekk il-Kunsill iqis li l-għanijiet tagħha ma ntlaħqux.”
Artikolu 2
L-ismijiet tal-persuni elenkati fl-Anness għal din id-Deċiżjoni għandhom jitneħħew mill-Anness I u II tad-Deċiżjoni 2011/101/PESK.
Artikolu 3
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, id-19 ta' Frar 2015.
Għall-Kunsill
Il-President
E. RINKĒVIČS
(1) Deċiżjoni 2011/101/PESK tal-15 ta' Frar 2011 dwar miżuri restrittivi kontra ż-Żimbabwe (ĠU L 42, 16.2.2011, p. 6).
ANNESS
|
|
Isem (u kwalunkwe psewdonimu) |
|
1. |
CHINDORI-CHININGA, Edward Takaruza |
|
2. |
KARAKADZAI, Mike Tichafa |
|
3. |
SAKUPWANYA, Stanley Urayayi |
|
4. |
SEKEREMAYI, Lovemore |
|
5. |
SHAMUYARIRA, Nathan Marwirakuwa |