DEĊIŻJONI TA' IMPLIMENTAZZJONI TAL-KUMMISSJONI (UE) 2015/205

tas-6 ta' Frar 2015

li temenda d-Deċiżjoni 2006/415/KE dwar ċerti miżuri ta' protezzjoni fir-rigward ta' tifqigħa tal-influwenza tat-tjur b'patoġeniċità għolja tas-sottotip H5N1 fil-pollam fil-Bularija

(notifikata bid-dokument C(2015) 699)

(Test b'rilevanza għaż-ŻEE)

IL-KUMMISSJONI EWROPEA

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,

Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u zootekniku applikabbli għall-kummerċ intra-Kommunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,

Wara li kkunsidrat id-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (3), u b'mod partikolari l-Artikolu 63(3) tagħha,

Wara li kkunsidrat ir-Regolament (UE) Nru 576/2013 tal-Parlament Ewropew u tal-Kunsill tat-12 ta' Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (4), u b'mod partikolari l-Artikolu 36(1) tiegħu,

Billi:

(1)

Id-Deċiżjoni tal-Kummissjoni 2006/415/KE (5) tistipula ċerti miżuri ta' protezzjoni li jridu jitwettqu biex jipprevjenu t-tixrid tal-influwenza tat-tjur b'patoġeniċità għolja, inkluż l-istabbiliment taż-żoni A u B wara tifqigħa ssuspettata jew ikkonfermata ta' din il-marda. Dawn iż-żoni huma elenkati fit-tabella stabbilita fl-Anness ta' dik id-Deċiżjoni.

(2)	Wara tifqigħa kkonfermata tal-influwenza tat-tjur b'patoġeniċità għolja tas-sottotip H5N1 fil-Bulgarija, dak l-Istat Membru ħa l-miżuri ta' protezzjoni skont id-Deċiżjoni 2006/415/KE, fosthom it-twaqqif ta' żoni A u B, kif previst fl-Artikolu 4 ta' dik id-Deċiżjoni.

(3)

Il-Kummissjoni eżaminat dawk il-miżuri b'kollaborazzjoni mal-Bulgarija, u hija tal-fehma li l-fruntieri taż-Żoni A u B stabbiliti mill-awtorità kompetenti f'dak l-Istat Membru jinsabu 'l bogħod biżżejjed mill-post fejn feġġet it-tifqigħa. Għalhekk, iż-żoni A u B fil-Bulgarija jistgħu jiġu kkonfermati u t-tul ta' żmien ta' din ir-reġjonalizzazzjoni huwa ffissat.

(4)	Iż-żoni A u B fil-Bulgarija għandhom jiġu elenkati fl-Anness tad-Deċiżjoni 2006/415/KE.

(5)	Għaldaqstant, l-Anness tad-Deċiżjoni 2006/415/KE għandu jiġi emendat skont dan.

(6)	Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DIN ID-DEĊIŻJONI:

---

(1)  ĠU L 395, 30.12.1989, p. 13.

(2)  ĠU L 224, 18.8.1990, p. 29.

(3)  ĠU L 10, 14.1.2006, p. 16.

(4)  ĠU L 178, 28.6.2013, p. 1.

(5)  Id-Deċiżjoni tal-Kummissjoni 2006/415/KE tal-14 ta' Ġunju 2006 dwar ċerti miżuri ta' protezzjoni fir-rigward tal-influwenza tat-tjur tas-sottotip H5N1 ta' patoġeniċità għolja ħafna fit-tjur tal-Komunità u li tirrevoka d-Deċiżjoni 2006/135/KE (ĠU L 164, 16.6.2006, p. 51).