1.11.2014 |
MT |
Il-Ġurnal Uffiċjali tal-Unjoni Ewropea |
L 315/3 |
REGOLAMENT TAL-KUMMISSJONI (UE) Nru 1171/2014
tal-31 ta' Ottubru 2014
li jemenda u jikkoreġi l-Annessi I, III, VI, IX, XI u XVII tad-Direttiva 2007/46/KE tal-Parlament Ewropew u tal-Kunsill li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (Direttiva Kwadru) (1), u b'mod partikolari l-Artikolu 39(2) tagħha,
Billi:
(1) |
Id-Direttiva 2007/46/KE tistabbilixxi qafas armonizzat li fih id-dispożizzjonijiet amministrattivi u r-rekwiżiti tekniċi ġenerali għall-vetturi l-ġodda. Bid-Direttiva 2007/46/KE l-approvazzjoni tat-tip tal-KE għal vettura sħiħa hija obbligatorja għal kull kategorija ta' vetturi, inklużi dawk mibnija f'diversi stadji, f'konformità mal-iskeda taż-żmien stabbilita fl-Anness XIX tagħha. |
(2) |
Jinħtieġ li jiġu ssupplimentati r-rekwiżiti tal-Anness XVII tad-Direttiva 2007/46/KE dwar il-proċedura li trid tiġi segwita matul l-approvazzjoni tal-KE f'diversi stadji sabiex din il-proċedura tkun operattiva għalkollox. Jinħtieġ li jiġu emendati wkoll l-Annessi I, III u IX tad-Direttiva 2007/46/KE biex tkun żgurata r-rabta bejn l-istadji differenti tal-kostruzzjoni ta' vettura mibnija f'diversi stadji. |
(3) |
Ir-Regolament (KE) Nru 661/2009 tal-Parlament Ewropew u tal-Kunsill (2), ipprovda għat-tħassir ta' bosta direttivi u s-sostituzzjoni tagħhom permezz tar-Regolamenti korrispondenti tal-Kummissjoni Ekonomika għall-Ewropa tan-Nazzjonijiet Uniti (NU/KEE). Bit-tħassir ta' ħafna minn dawk id-direttivi permezz tar-Regolament (KE) Nru 661/2009 mill-1 ta' Novembru 2014, jixraq li jiġu aġġornati l-entrati rilevanti fl-Anness VI tad-Direttiva 2007/46/KE. |
(4) |
Jixraq ukoll li l-Anness IX tad-Direttiva 2007/46/KE jiġi kkoreġut biex tkun żgurata l-konsistenza fin-numri użati fil-mudelli differenti taċ-ċertifikat tal-konformità għall-entrati li jikkonċernaw il-massa fi stat operattiv u l-massa attwali. Barra minn hekk, jinħtieġ li fl-Anness XI jiġi ċċarat li s-sistemi ta' riffieda tar-ras huma obbligatorji fil-vetturi tal-kategorija M1 biss. |
(5) |
Għaldaqstant id-Direttiva 2007/46/KE għandha tiġi emendata kif meħtieġ. |
(6) |
Jinħtieġ li jingħata biżżejjed żmien lill-manifatturi sabiex jadattaw il-vetturi tagħhom skont ir-rekwiżiti l-ġodda li jikkonċernaw il-proċedura tal-approvazzjoni tat-tip f'diversi stadji u biex jimmodifikaw iċ-ċertifikat tal-konfirmità, kif meħtieġ b'dan ir-Regolament. |
(7) |
Il-miżuri previsti f'dan ir-Regolament huma skont l-opinjoni tal-Kumitat Tekniku — Vetturi bil-Mutur, |
ADOTTAT DAN IR-REGOLAMENT:
Artikolu 1
(1) L-Annessi I, III, VI, IX u XI tad-Direttiva 2007/46/KE huma emendati skont l-Anness I ta' dan ir-Regolament.
(2) L-Anness XVII tad-Direttiva 2007/46/KE jinbidel bit-test stabbilit fl-Anness II ta' dan ir-Regolament.
Artikolu 2
L-approvazzjonijiet tat-tip ta' tipi ġodda ta' vetturi għandhom jingħataw f'konformità mad-Direttiva 2007/46/KE kif emendata b'dan ir-Regolament.
Il-manifatturi għandhom jipprovdu ċertifikati tal-konformità għall-vetturi l-ġodda kollha skont id-Direttiva 2007/46/KE kif emendata b'dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Japplika mill-1 ta' Jannar 2016. Fuq talba li ssir mill-manifatturi lill-awtorità tal-approvazzjoni, dan ir-Regolament jista' japplika qabel din id-data.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-31 ta' Ottubru 2014.
Għall-Kummissjoni
Il-President
José Manuel BARROSO
(1) ĠU L 263, 9.10.2007, p. 1.
(2) Ir-Regolament (KE) Nru 661/2009 tal-Parlament Ewropew u tal-Kunsill tat-13 ta' Lulju 2009 dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (ĠU L 200, 31.7.2009, p. 1)
ANNESS I
Id-Direttiva 2007/46/KE hija emendata kif ġej:
(1) |
L-Anness I huwa emendat kif ġej:
|
(2) |
L-Anness III huwa emendat kif ġej:
|
(3) |
L-Anness VI huwa emendat kif ġej:
|
(4) |
L-Anness IX huwa emendat kif ġej:
|
(5) |
L-Anness XI hu emendat kif ġej:
|
(1) Skont l-Anness IV ta' din id-Direttiva”
ANNESS II
ANNEX XVII
PROĊEDURI LI JRIDU JIĠU SEGWITI MATUL APPROVAZZJONI TAT-TIP TAL-KE
1. L-OBBLIGI TAL-MANIFATTURI
1.1. |
L-operazzjoni sodisfaċenti tal-proċess ta' approvazzjoni tat-tip tal-KE f'diversi stadji teħtieġ azzjoni konġunta mill-manifatturi kollha kkonċernati. Għal dan l-għan l-awtoritajiet ta' approvazzjoni għandhom jiżguraw, qabel jagħtu l-approvazzjoni tal-ewwel stadju u dak sussegwenti, li jeżistu arranġamenti xierqa bejn il-manifatturi rilevanti għall-forniment u l-interskambju ta' dokumenti u informazzjoni tali li t-tip ta' vettura kkompletata tissodisfa l-ħtiġijiet tekniċi tal-atti regolatorji separati rilevanti kollha preskritti fl-Anness IV jew l-Anness XI. Tali inforamazzjoni għandha tinkludi dettalji tas-sistema rilevanti, il-komponent u l-approvazzjonijiet tal-unità teknika separata u ta' parts ta' vetturi li jagħmlu parti mill-vettura mhux kompluta iżda li għadhom ma gewx approvati. Il-manifattur tal-istadju preċedenti għandu jipprovdi informazzjoni dwar kull bidla li tista' taffettwa l-approvazzjonijiet tat-tip tas-sistema jew l-approvazzjoni tat-tip tal-vettura kollha lill-manifattur tal-istadju suċċessiv. Din l-informazzjoni għandha tintbagħat hekk kif tinħareġ l-estensjoni l-ġdida għat-tip tal-vettura sħiħa u sa mhux aktar tard mid-data tal-bidu tal-produzzjoni tal-vettura mhux kompluta. |
1.2. |
Fil-proċess ta' approvazzjoni tat-tip tal-KE f'diversi stadji, kull manifattur hu responsabbli għall-approvazzjoni u l-konformità tal-produzzjoni tas-sistemi, il-komponenti jew l-unitajiet tekniċi separati kollha manifatturati minnu jew miżjuda minnu mal-istadju li nbena qabel. Il-manifattur tal-istadju suċċessiv mhux responsabbli għal soġġetti li ġew approvati fi stadju preċedenti minbarra f'dawk il-każijiet fejn hu jimmodifika parts rilevanti b'tali mod li l-approvazzjoni mogħtija qabel issir invalida. |
1.3. |
Il-proċedura f'diversi stadji tista' tintuża minn manifattur wieħed. Madankollu, il-proċedura f'diversi stadji ma għandhiex tintuża biex tevita r-rekwiżiti applikabbli għall-vetturi mibnija fi stadju uniku. B'mod partikolari, il-vetturi approvati b'dan il-mod mhumiex ikkunsidrati bħala vetturi mibnija f'diversi stadji fil-kuntest tal-paragrafu 3.4 ta' dan l-Anness u l-Artikolu 22, 23, u 27 ta' din id-Direttiva (limiti tas-Serje żgħar u ta' Tmiem is-serje). |
2. L-OBBLIGI TAL-AWTORITAJIET TAL-APPROVAZZJONI TAT-TIP
2.1. |
L-awtorità tal-approvazzjoni tat-tip għandha:
|
2.2. |
L-għadd ta' vetturi li jridu jiġu spezzjonati għall-finijiet tal-paragrafu 2.1(d) għandu jkun biżżejjed biex jippermetti l-kontroll tad-diversi kumbinazzjonijiet li għandhom jieħdu approvazzjoni tat-tip tal-KE skont il-vettura fl-istat kompletat tagħha u l-kriterji li ġejjin:
|
3. IR-REKWIŻITI APPLIKABBLI
3.1. |
L-approvazzjonijiet tat-tip tal-KE skont dan l-Anness jingħataw abbażi tal-istat attwali tal-ikkompletar tat-tip ta' vettura u għandhom jinkorporaw l-approvazzjonijiet kollha mogħtija fl-istadji ta' qabel. |
3.2. |
Il-leġiżlazzjoni (b'mod partikolari r-rekwiżiti tal-Anness II u l-atti partikolari elenkati fl-Anness IV u l-Anness XI ta' din id-Direttiva) għandha tapplika bl-istess mod daqslikieku l-approvazzjoni se tingħata (jew tiġi estiża) lill-manifattur tal-vettura tal-bażi għall-approvazzjoni tat-tip tal-vettura sħiħa. |
3.2.1. |
Jekk sistema/komponent ta' tip ta' vettura ma jkunx ġie modifikat, l-approvazzjoni mogħtija għas-sistema/komponent fl-istadju ta' qabel tibqa' valida sakemm tasal id-data tal-ewwel reġistrazzjoni f'dak l-att regolatorju partikolari. |
3.2.2. |
Jekk tip ta' sistema ta' vettura ġie modifikat fl-istadju suċċessiv b'tali mod li jrid jerġa' jiġi ttesjat mill-ġdid għall-finijiet ta' approvazzjoni tat-tip, il-valutazzjoni għandha tkun limitata għal dawk il-parts tas-sistema li ġew modifikati jew affettwati mill-bidliet biss. |
3.2.3. |
Jekk sistema ta' vettura jew tip ta' vettura sħiħ ġew modifikati minn manifattur ieħor fi stadju sussegwenti b'tali mod li jistgħu jibqgħu jitqiesu bħala l-istess tip, ħlief għall-isem tal-manifattur, ir-rekwiżit li japplika għat-tipi eżistenti jista' jibqa' applikabbli sakemm tasal id-data tal-ewwel reġistrazzjoni fl-att regolatorju rilevanti. |
3.2.4. |
Jekk tinbidel il-kategorija ta' vettura, għandhom jiġu ssodisfati r-rekwiżiti rilevanti tal-kategorija l-ġdida. Iċ-ċertifikati tal-approvazzjoni tat-tip mill-kategorija preċedenti jistgħu jiġi aċċettati sakemm ir-rekwiżiti li magħhom tikkonforma l-vettura huma l-istess jew aktar stretti minn dawk applikabbli għall-kategorija l-ġdida. |
3.3. |
Soġġett għall-qbil tal-awtorità tal-approvazzjoni, l-approvazzjoni tat-tip ta' vettura sħiħa mogħtija lill-manifattur tal-istadju sussegwenti ma teħtieġx li tiġi estiża jew riveduta jekk l-estenzjoni mogħtija fl-istadju preċedenti tal-vettura ma taffettwax l-istadju suċċessiv jew id-dejta teknika tal-vettura. Madankollu, in-numru tal-approvazzjoni tat-tip inkluża l-estensjoni tal-istadju/i preċedenti tal-vettura għandhom jiġu kkuppjati fil-punt 0.2.2 taċ-ċertifikat tal-konformità tal-istadju sussegwenti tal-vettura. |
3.4. |
Jekk iż-żona tat-tagħbija ta' vettura kompluta jew ikkompletata tal-kategorija N jew O tiġi modifikata minn manifattur ieħor b'żieda ta' fittings li jistgħu jitneħħew biex tinħażen jew tkun assigurata l-merkanzija (pereżempju, il-kisi intern taż-żona tat-tagħbija, xkafef għall-ħżin u xkafef fuq is-saqaf), dawn l-oġġetti jistgħu jitqiesu bħala parti mill-massa utli u għalihom ma tinħtieġx approvazzjoni, jekk jiġu ssodisfati ż-żewġ kundizzjonijiet li ġejjin:
|
4. L-IDENTIFIKAZZJONI TAL-VETTURA
4.1. |
In-numru ta' identifikazzjoni tal-vettura bażi (VIN) preskritt bir-Regolament tal-Kummissjoni (UE) Nru 19/2011 (1) għandu jinżamm matul l-istadji sussegwenti kollha tal-proċess ta' approvazzjoni tat-tip biex tiġi żgurata t-‘traċċabbiltà’ tal-proċess. |
4.2. |
Fit-tieni stadju u fl-istadji ta' wara, minbarra l-pjanċa statutorja preskritta bir-Regolament (UE) Nru 19/2011 kull manifattur għandu jwaħħal mal-vettura pjanċa addizzjonali li l-mudell tagħha jidher fl-appendiċi ta' dan l-Anness. Din il-pjanċa għandha titwaħħal sew, f'pożizzjoni li tidher tajjeb u aċċessibbli faċilment f'parti li mhix soġġetta għal sostituzzjoni waqt l-użu. Din għandha turi b'mod ċar u li ma jitħassarx l-informazzjoni li ġejja fl-ordni elenkata:
Il-pjanċa għandha tikkonforma mar-rekwiżiti tal-Anness I u l-Anness II tar-Regolament (UE) Nru 19/2011, sakemm mhux stipulat mod ieħor hawn fuq. |
Appendiċi
IL-MUDELL TAL-PJANĊA ADDIZZJONALI TAL-MANIFATTUR
L-eżempju hawn taħt huwa mogħti biss bħala gwida.
L-ISEM TAL-MANIFATTUR (stadju 3) e2*2007/46*2609 Stadju 3 WD9VD58D98D234560 1 500 kg 2 500 kg 1 – 700 kg 2 – 810 kg |
(1) Ir-Regolament tal-Kummissjoni (UE) Nru 19/2011 tal-11 ta' Jannar 2011 li jikkonċerna r-rekwiżiti għall-approvazzjoni skont it-tip għall-pjanċa statutorja tal-manifattur u għan-numru ta' identifikazzjoni tal-vettura għall-vetturi bil-mutur u t-trejlers tagħhom u li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar rekwiżiti għall-approvazzjoni tat-tip għas-sikurezza ġenerali tal-vetturi bil-mutur, it-trejlers tagħhom, u s-sistemi, il-komponenti u l-unitajiet tekniċi separati destinati għalihom (ĠU L 8, 12.1.2011, p. 1).