|
17.10.2014 |
MT |
Il-Ġurnal Uffiċjali tal-Unjoni Ewropea |
L 299/22 |
REGOLAMENT TAL-KUMMISSJONI (UE) Nru 1093/2014
tas-16 ta' Ottubru 2014
li jemenda u jikkoreġi l-Anness II tar-Regolament (KE) Nru 1333/2008 tal-Parlament Ewropew u tal-Kunsill fir-rigward tal-użu ta' ċerti kuluri fil-ġobon misjur imħawwar
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (1), u b'mod partikolari l-Artikolu 10(3) tiegħu,
Billi:
|
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta' addittivi tal-ikel approvati għall-użu fl-ikel, u l-kundizzjonijiet tal-użu tagħhom. |
|
(2) |
Il-lista tal-Unjoni tal-addittivi tal-ikel tista' tiġi aġġornata skont il-proċedura komuni li hemm referenza għaliha fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2) jew fuq inizjattiva tal-Kummissjoni jew wara li ssir applikazzjoni. |
|
(3) |
Il-lista tal-Unjoni ta' addittivi tal-ikel ġiet stabbilita abbażi tal-addittivi tal-ikel permessi għall-użu fl-ikel skont id-Direttiva tal-Parlament Ewropew u tal-Kunsill 94/35/KE (3), id-Direttiva tal-Parlament Ewropew u tal-Kunsill 94/36/KE (4) u d-Direttiva tal-Parlament Ewropew u tal-Kunsill 95/2/KE (5) u wara r-reviżjoni tal-konformità tagħhom mal-Artikoli 6, 7 u 8 tar-Regolament (KE) Nru 1333/2008. Il-lista tal-Unjoni tinkludi l-addittivi tal-ikel abbażi tal-kategoriji tal-ikel li jistgħu jiżdiedu magħhom. |
|
(4) |
Minħabba d-diffikultajiet preżenti matul it-trasferiment tal-addittivi tal-ikel għas-sistema l-ġdida ta' kategorizzazzjoni prevista fl-Anness II tar-Regolament (KE) Nru 1333/2008, l-użu ta' kuluri tal-ikel permessi f'ċertu ikel tħalla barra minn dik il-lista, billi f'dak iż-żmien ma kienet ipprovduta ebda informazzjoni dwar l-użu u l-ħtieġa li jintużaw il-kuluri tal-ikel f'ġobon misjur imħawwar, bħall-ġobon bil-pesto aħdar u aħmar, ġobon wasabi u ġobon imraħħam aħdar bil-ħxejjex aromatiċi. |
|
(5) |
Fit-2 ta' April 2013 tressqet talba għall-korrezzjoni tal-lista tal-Unjoni biex l-użu ta' kumplessi tar-ram tal-klorofilli u l-klorofillini (E 141) u estratt tal-paprika, tal-kapsantin, tal-kapsorubin (E 160c) jkompli u għall-awtorizzazzjoni tal-użu tal-koċineal, l-aċidu karminiku, il-karminji (E 120) u l-annatto, il-biksin, u n-norbiksin (E 160b) f'ċertu ġobon misjur bit-togħma miżjuda u saret disponibbli għall-Istati Membri skont l-Artikolu 4 tar-Regolament (KE) Nru 1331/2008. |
|
(6) |
Il-koċineal, l-aċidu karminiku, il-karminji (E 120) u l-annatto, il-biksin, u n-norbiksin (E 160b) bħalissa huma approvati għall-użu f'ċerti ġobnijiet misjura. L-istess ħtieġa teknoloġika ġiet identifikata wkoll għall-użu tal-koċineal, tal-aċidu karminiku, u tal-karminji (E 120) fil-ġobon bil-pesto aħmar u tal-annatt, tal-biksin, u tan-norbiksin (E 160b) f'ġobon bil-pesto aħmar u aħdar. |
|
(7) |
L-approvazzjonijiet attwali biex jintużaw il-koċineal, l-aċidu karminiku, il-karminji (E 120) u l-annatt, il-biksin, u n-norbiksin (E 160b) iqisu d-dożi aċċettabbli ta' kuljum (ADI) stabbiliti mill-Kumitat Xjentifiku tal-Ikel, fl-1983 u fl-1979 rispettivament. |
|
(8) |
Il-ġobnijiet bil-pesto aħmar u aħdar jirrappreżentaw volum żgħir tas-suq tal-ġobon globali. Mhuwiex mistenni li l-awtorizzazzjoni tal-użu tal-koċineal, tal-aċidu karminiku, u tal-karminji (E 120) fil-ġobon bil-pesto aħmar u tal-annatt, tal-biksin, u tan-norbiksin (E 160) fil-ġobon bil-pesto aħmar u aħdar se jkollha impatt sinifikanti fuq l-espożizzjoni totali għaż-żewġ kuluri. |
|
(9) |
Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel biex taġġorna l-lista tal-Unjoni ta' addittivi tal-ikel stipulata fl-Anness II tar-Regolament (KE) Nru 1333/2008, ħlief meta l-aġġornament inkwistjoni ma jkunx mistenni jħalli effett fuq is-saħħa tal-bniedem. Peress li l-awtorizzazzjoni għall-użu tal-koċineal, tal-aċidu karminiku, tal-karminji (E 120) fil-ġobon bil-pesto aħmar u tal-annat, tal-biksin, u tan-norbiksin (E 160b) fil-ġobon bil-pesto aħmar u aħdar tikkostitwixxi aġġornament ta' dik il-lista li mhux mistenni jħalli effett fuq saħħet il-bniedem, ma hemmx bżonn tintalab l-opinjoni tal-Awtorità Ewropea dwar is-Sigurtà fl-Ikel. |
|
(10) |
Għalhekk, l-Anness II tar-Regolament (KE) Nru 1333/2008 għandu jiġi emendat kif xieraq. |
|
(11) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat skont l-Anness ta' dan ir-Regolament.
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Ottubru 2014.
Għall-Kummissjoni
Il-President
José Manuel BARROSO
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta' Diċembru 2008 li jistabbilixxi proċedura ta' awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) Id-Direttiva tal-Parlament Ewropew u tal-Kunsill 94/35/KE tat-30 ta' Ġunju 1994 dwar is-sustanzi li jagħtu ħlewwa għall-użu f'oġġetti tal-ikel (ĠU L 237, 10.9.1994, p. 3).
(4) Id-Direttiva tal-Parlament Ewropew u tal-Kunsill 94/36/KE tat-30 ta' Ġunju 1994 dwar il-kuluri għall-użu fl-ikel (ĠU L 237, 10.9.1994, p. 13).
(5) Id-Direttiva tal-Parlament Ewropew u tal-Kunsill 95/2/KE tal-20 ta' Frar tal-1995 dwar l-addittivi tal-ikel għajr kuluri u sostanzi li jagħtu ħlewwa (ĠU L 61, 18.3.1995, p. 1).
ANNESS
Fil-Parti E tal-Anness II tar-Regolament (KE) Nru 1333/2008, il-kategorija tal-ikel 1.7.2 “Ġobon misjur” hija emendata kif ġej:
|
(1) |
l-entrata għal E 120 tinbidel b'dan li ġej:
|
|
(2) |
l-entrata għal E 141 tinbidel b'dan li ġej:
|
|
(3) |
l-ewwel entrata għal E 160b li tispeċifika l-livell massimu ta' 15 mg/l jew mg/kg tinbidel b'dan li ġej:
|
|
(4) |
l-entrata għal E 160c tinbidel b'dan li ġej:
|