30.9.2014   

MT

Il-Ġurnal Uffiċjali tal-Unjoni Ewropea

L 284/7

(1)

Ir-Regolament ta' Implimentazzjoni tal-Kummissjoni (UE) Nru 1207/2011 (2) jistabbilixxi rekwiżiti dwar is-sistemi li jikkontribwixxu għall-għoti ta' dejta ta' sorveljanza sabiex ikunu żgurati l-armonizzazzjoni tal-prestazzjoni, l-interoperabilità u l-effiċjenza ta' dawk is-sistemi fi ħdan in-netwerk Ewropew għall-ġestjoni tat-traffiku tal-ajru u sabiex ikun hemm koordinazzjoni ċivili-militari.

(2)

Sabiex ikunu jistgħu jgħammru inġenji tal-ajru ġodda b'kapaċitajiet ġodda, l-operaturi għandu jkollhom l-ispeċifikazzjonijiet meħtieġa għat-tagħmir mill-inqas 24 xahar qabel id-data ta' applikazzjoni prevista. Madankollu, l-Ispeċifikazzjonijiet taċ-Ċertifikazzjoni rilevanti ma ġewx adottati mill-Aġenzija Ewropea tas-Sikurezza tal-Avjazzjoni (EASA) qabel Diċembru 2013. Bħala konsegwenza ta' dan, l-operaturi mhux se jkunu jistgħu jgħammru inġenji tal-ajru ġodda bil-funzjonalitajiet il-ġodda ADS-B “Out” u Mode S Enhanced sat-8 ta' Jannar 2015. Għalhekk, ir-Regolament (UE) Nru 1207/2011 għandu jiġi emendat, sabiex l-operaturi kkonċernati jingħataw biżżejjed żmien addizzjonali għal dan l-għan.

(3)

Dewmien fiċ-ċertifikazzjoni u d-disponibbiltà tat-tagħmir meħtieġ, kif ukoll ir-restrizzjonijiet tal-kapaċità industrijali rigward it-tgħammir tal-inġenji tal-ajru, jaffettwaw l-installazzjoni bla xkiel ta' sistemi ġodda f'inġenji tal-ajru tal-flotta eżistenti. Għadd ta' inġenji tal-ajru, b'mod partikolari dawk li jintużaw għal operazzjonijiet transatlantiċi, għandhom ukoll ikunu mgħammra b'funzjonalità ADS-B “Out” sa mhux aktar tard mill-1 ta' Jannar 2020, skont l-ordnijiet tal-Amministrazzjoni Federali tal-Avjazzjoni tal-Istati Uniti (FAA). Id-data għall-installazzjoni ta' sistemi ġodda f'inġenji tal-ajru eżistenti għall-ADS-B “Out” u Mode S Enhanced għandha għalhekk tiġi posposta u tinġieb aktar konformi mal-iskadenza għar-rekwiżiti tal-FAA ADS-B.

(4)

Operaturi ta' inġenji tal-ajru tal-Istat għandhom jibbenefikaw minn posponimenti simili fid-dati tal-implimentazzjoni li jibbenefikaw minnhom operaturi oħra tal-inġenji tal-ajru. Għalhekk, anki l-iskadenza għar-retroinstallazzjoni tal-funzjonalitajiet ġodda ADS-B “Out” u Mode S Enhanced fl-inġenji tal-ajru tal-Istat għandha tiġi posposta.

(5)

Ir-Regolament ta' Implimentazzjoni (UE) Nru 1207/2011 għandu jiġi emendat skont dan.

(6)

Il-miżuri previsti f'dan ir-Regolament huma skont l-opinjoni tal-Kumitat dwar l-Ajru Uniku li ġie stabbilit permezz tal-Artikolu 5 tar-Regolament (KE) Nru 549/2004,

(1)

L-Artikolu 5 huwa emendat kif ġej:

(2)

Fl-Artikolu 8, il-paragrafu 2 jinbidel b'li ġej:

“2.   L-Istati Membri għandhom jiżguraw li, sa mhux aktar tard mis-7 ta' Ġunju 2020, l-inġenji tal-ajru tal-Istat tat-tip tat-trasport b'massa ta' tluq massima ċċertifikata li taqbeż il-5 700 kg jew b'kapaċità massima ta' tajran b'veloċità moderata reali fl-arja ta' aktar minn 250 knots, li joperaw skont l-Artikolu 2(2), ikunu mgħammra bi transponders tar-radars ta' sorveljanza sekondarji li, minbarra li jkollhom il-kapaċità mniżżla fil-Parti A tal-Anness II, ikollhom ukoll il-kapaċità mniżżla fil-Parti B u l-Parti C ta' dak l-Anness.”

(3)

Fl-Artikolu 14, il-paragrafu 1 jinbidel b'li ġej:

“1.   Inġenji tal-ajru ta' tipi speċifiċi li l-ewwel ċertifikat tal-ajrunavigabilità tagħhom ikun inħareġ qabel it-8 ta' Ġunju 2016 u li għandhom massa ta' tluq massima li taqbeż il-5 700 kg jew veloċità massima ta' tajran b'veloċità moderata reali fl-arja ta' aktar minn 250 knots, li m'għandhomx is-sett sħiħ tal-parametri deskritti fil-Parti C tal-Anness II disponibbli fuq bus diġitali abbord l-inġenju tal-ajru jistgħu jkunu eżentati mill-konformità mar-rekwiżiti tal-punt (c) tal-Artikolu 5(5).”