|
17.9.2014 |
MT |
Il-Ġurnal Uffiċjali tal-Unjoni Ewropea |
L 275/1 |
REGOLAMENT TA' IMPLIMENTAZZJONI TAL-KUMMISSJONI (UE) Nru 978/2014
tas-16 ta' Settembru 2014
li jemenda r-Regolament (UE) Nru 165/2011 li jipprovdi għal tnaqqis minn ċerti kwoti tal-kavalli allokati lil Spanja għall-2011 u fis-snin sussegwenti minħabba s-sajd żejjed fl-2010
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta' kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (1), u b'mod partikolari l-Artikoli 105(1) u (2) tiegħu,
Billi:
|
(1) |
Ir-Regolament tal-Kummissjoni (UE) Nru 165/2011 (2) jistabbilixxi li l-kwota tas-sajd għall-kavalli (Scomber scombrus) fiż-żona VIIIc, IX u X, l-ilmijiet tal-Unjoni tas-CECAF 34.1.1, (“il-kwota tas-sajd għall-kavalli”) allokata lil Spanja fl-2013 għandha titnaqqas b'8 126 tunnellata. |
|
(2) |
Ir-Regolament (UE) Nru 165/2011 jistipula wkoll li l-kwota tas-sajd għall-kavalli li tista' tiġi allokata lil Spanja fis-sena 2015 u, fejn xieraq, fis-snin sussegwenti għandha titnaqqas b'9 747 tunnellata. |
|
(3) |
Fid-19 ta' Frar 2014, l-awtoritajiet Spanjoli infurmaw lill-Kummissjoni li l-kwota tas-sajd tagħhom għall-kavalli għas-sena 2013 kienet għadet ma ntużatx totalment, u għall-fini tal-ħlas lura għas-sajd żejjed tal-kavalli fl-2010, talbu lill-Kummissjoni biex tqis it-tunnellaġġ mhux utilizzat, kif stipulat fir-Regolament (UE) Nru 165/2011. Il-kwantità mhux utilizzata tammonta għal 4 158 tunnellata. |
|
(4) |
Madankollu, Spanja kienet talbet, skont l-Artikolu 4(2) tar-Regolament tal-Kunsill (KE) Nru 847/96 (3), li, fil-limiti ta' dak ir-Regolament, parti mill-kwota tas-sajd għall-kavalli tagħhom għall-2013 jinżammu u jiġu ttrasferiti għas-sena ta' wara. |
|
(5) |
Ir-Regolament ta' Implimentazzjoni tal-Kummissjoni (UE) Nru 520/2014 (4) ittrasferixxa 2 022 tunnellata mill-kwota ta' Spanja għas-sajd tal-kavalli li baqgħet ma ġietx utilizzata, fl-2013, għas-sena 2014. Għalhekk, il-bqija tat-tunnellaġġ mhux utilizzat għas-sena 2013 jammonta għal 2 136. |
|
(6) |
L-ammont ta' 2 136 tunnellata għandu jintuża biex jiskeda mill-ġdid it-tnaqqis previst fir-Regolament (UE) Nru 165/2011 kif emendat bir-Regolament (UE) Nru 976/2012 (5). Din il-kwantità għandha tiġi miżjuda mal-ammont ta' tnaqqis għall-2013, li jikkostitwixxi total ta' 10 262, u għandha simultanjament tiġi mnaqqsa mill-ammont ta' tnaqqis ta' snin sussegwenti. |
|
(7) |
Fit-8 ta' Mejju 2014, Spanja talbet li t-tunnellaġġ mhux utilizzat jitnaqqas mill-ammonti ta' tnaqqis tal-2014. Din hija kompatibbli mar-raġunament espress fil-premessa 7 tar-Regolament (UE) Nru 165/2011. Ir-Regolament (KE) Nru 165/2011 kif emendat bir-Regolament (KE) Nru 976/2012 għandu għalhekk, jiġi emendat skont dan. |
|
(8) |
Peress li, b'riżultat ta' dan ir-Regolament, il-modifika tal-limiti tal-qbid fil-każ ta' Spanja taffettwa l-attivitajiet ekonomiċi u l-ippjanar tal-istaġun tas-sajd tal-bastimenti Spanjoli, dan ir-Reglament għandu jidħol fis-seħħ immedjatament wara l-pubblikazzjoni tiegħu, |
ADOTTAT DAN IR-REGOLAMENT:
Artikolu 1
L-Anness tar-Regolament (UE) Nru 165/2011 huwa sostitwit bit-test fl-Anness ta' dan ir-Regolament.
Artikolu 2
Dan ir-Regolament jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Settembru 2014.
Għall-Kummissjoni
Il-President
José Manuel BARROSO
(1) ĠU L 343, 22.12.2009, p. 1.
(2) Ir-Regolament tal-Kummissjoni (UE) Nru 165/2011 tat-22 ta' Frar 2011 li jipprovdi għal tnaqqis minn ċerti kwoti tal-kavalli allokati lil Spanja għall-2011 u fis-snin sussegwenti minħabba s-sajd żejjed fl-2010 (ĠU L 48, 23.2.2011, p. 11).
(3) Ir-Regolament tal-Kunsill (KE) Nru 847/96 tas-6 ta' Mejju 1996 li jintroduċi kondizzjonijiet addizzjonali għal tmexxija minn sena għal sena tal-TAC u l-kwoti (ĠU L 115, 9.5.1996, p. 3. Edizzjoni Speċjali bil-Malti: Kap 04 Vol 02 p. 317).
(4) Ir-Regolament ta' Implimentazzjoni tal-Kummissjoni (UE) Nru 520/2014 tas-16 ta' Mejju 2014 li jżid mal-kwoti tas-sajd tal-2014 ċerti kwantitajiet miżmuma fis-sena 2013 skont l-Artikolu 4(2) tar-Regolament tal-Kunsill (KE) Nru 847/96 (ĠU L 147, 17.5.2014, p. 44).
(5) Ir-Regolament tal-Kummissjoni (UE) Nru 976/2012 tat-23 ta' Ottubru 2012 li jemenda r-Regolament (UE) Nru 165/2011 li jipprovdi għal tnaqqis minn ċerti kwoti tal-kavalli allokati lil Spanja għall-2011 u fis-snin sussegwenti minħabba s-sajd żejjed fl-2010 (ĠU L 294, 24.10.2012, p. 3).
ANNESS
“ANNESS
|
Stokk |
Kwota Inizjali għall-2010 |
Kwota adattata għall-2010 |
Qabdiet stabbiliti għall-2010 |
Differenza fil-kwota tal-qabdiet (sajd żejjed) |
Fattur ta' multiplikazzjoni tal-Artikolu 105(2) tar-Regolament 1224/2009 (sajd żejjed * 2) |
Tnaqqis għall-2011 |
Tnaqqis għall-2012 |
Tnaqqis għall-2013 |
Tnaqqis għall-2014 |
Tnaqqis għall-2015 u, fejn xieraq, għas-snin sussegwenti |
|
MAC/8C3411 |
27 919 |
24 604 |
44 225 |
– 19 621 (79,7 % tal-kwota għall-2010) |
– 39 242 |
7 744 |
5 500 |
10 262 |
5 989 |
9 747 ” |