|
8.8.2014 |
MT |
Il-Ġurnal Uffiċjali tal-Unjoni Ewropea |
L 235/12 |
REGOLAMENT TA' IMPLIMENTAZZJONI TAL-KUMMISSJONI (UE) Nru 862/2014
tas-7 ta' Awwissu 2014
li jemenda r-Regolament tal-Kummissjoni (UE) Nru 496/2011 fir-rigward ta' isem id-detentur tal-awtorizzazzjoni tal-addittiv tal-għalf tal-benżoat tas-sodju
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 13(3) tiegħu,
Billi:
|
(1) |
Taminco BVBA ppreżentat applikazzjoni skont l-Artikolu 13(3) tar-Regolament (KE) Nru 1831/2003 fejn tipproponi bidla fl-isem tad-detentur tal-awtorizzazzjoni kif stipulat fir-Regolament ta' Implimentazzjoni tal-Kummissjoni (UE) Nru 496/2011 (2). |
|
(2) |
L-applikant jiddikjara li, b'effett mis-6 ta' Marzu 2014, akkwista n-negozju tal-addittiv tal-għalf minn Kemira Oyj, u issa jippossjedi d-drittijiet tal-kummerċjalizzazzjoni għall-addittiv tal-għalf tal-benżoat tas-sodju. L-applikant ippreżenta dokumenti li jsostnu l-allegazzjonijiet tiegħu. |
|
(3) |
Il-bidla proposta fit-termini tal-awtorizzazzjoni għandha natura purament amministrattiva u ma timplikax valutazzjoni ġdida tal-addittiv ikkonċernat. L-Awtorità Ewropea dwar is-Sigurtà fl-Ikel ġiet mgħarrfa bl-applikazzjoni. |
|
(4) |
Sabiex l-applikant ikun jista' jisfrutta d-drittijiet tiegħu tal-kummerċjalizzazzjoni taħt l-isem ta' Taminco Finland Oy, jeħtieġ li jinbidlu t-termini tal-awtorizzazzjonijiet. |
|
(5) |
Ir-Regolament ta' Implimentazzjoni (UE) Nru 496/2011 għandu għalhekk jigi emendat skont dan. |
|
(6) |
Billi l-modifika tal-kundizzjonijiet tal-awtorizzazzjoni mhijiex relatata ma' raġunijiet ta' sikurezza, huwa xieraq li jiġi previst perjodu tranżitorju li matulu jistgħu jintużaw l-istokkijiet kollha eżistenti. |
|
(7) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda għar-Regolament ta' Implimentazzjoni (UE) Nru 496/2011
Fit-tieni kolonna tal-Anness, il-kliem “Kemira Oyj” qed jinbidel b'“Taminco Finland Oy”.
Artikolu 2
Miżuri ta' tranżizzjoni
L-istokkijiet eżistenti tal-addittiv li ġew prodotti u ttikkettati qabel it-28 ta' Awwissu 2014 skont ir-regoli applikabbli qabel it-28 ta' Awwissu 2014 jistgħu jkomplu jitqiegħdu fis-suq u jintużaw sakemm jiġu eżawriti.
Artikolu 3
Dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta' Awwissu 2014.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) Ir-Regolament ta' Implimentazzjoni tal-Kummissjoni (UE) Nru 496/2011 tal-20 ta' Mejju 2011 dwar l-awtorizzazzjoni tal-benżoat tas-sodju bħala addittiv tal-għalf għall-ħnienes miftuma (detentur tal-awtorizzazzjoni Kemira Oyj) (ĠU L 134, 21.5.2011, p. 9).