Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

Kontenitur ċilindriku magħmul mill-plastik, għoli madwar 8 ċm, b'dijametru ta' 6 ċm, li fih 180 ml ta' żejt tal-lampi tal-paraffina (taħlita ta' paraffina li fiha 68 % ta' tetradekan, 25 % pentadekan u madwar 4 % ta' hexadekan) u ftila. Huwa mgħotti b'siġill tal-metall b'għatu tal-plastik li jevita l-evaporazzjoni taż-żejt u jżomm il-ftila f'postha (l-hekk imsejħa “lampa taż-żejt”).

Il-kontenitur ma jistax jerġa' jimtela wara li ż-żejt jiġi kkunsmat.

Il-prodott huwa wżat bħala dawl biex joħloq atmosfera differenti. Jista' jew jitqiegħed f'ħolder (pereżempju kontenitur tal-pjanti tal-ħġieġ) jew jista' jintuża waħdu.

 (*1) Ara l-immaġni.

9405 50 00

Il-klassifikazzjoni hija determinata mir-regoli generali 1 u 6 għall-interpretazzjoni tan-Nomenklatura Magħquda u l-kliem tal-kodiċi NM 9405 u 9405 50 00 .

Il-klassifikazzjoni bħala żejt taħt l-intestatura 2710 hija eskluża minħabba li l-prodott għandu siġill tal-metall b'għatu tal-plastik u ftila u għalhekk jikkonsisti f'aktar elementi milli żejt u kontenitur normalment użati fl-ippakkjar ta' oġġetti bħal dawn kif previst skont il-GIR 5 (b).

Il-prodott għandu l-karatteristiċi u d-disinn ta' tagħmir tad-dawl indipendenti tal-intestatura 9405 minħabba li dan għandu korp awtosuffiċjenti li fih żejt, siġill tal-metall b'għatu tal-plastik u ftila. Dik l-intestatura tkopri lampi u tagħmir tad-dawl tal-elettriku u mhux tal-elettriku li jistgħu ikunu magħmulin minn kull materjal u li jużaw kwalunkwe sors ta' dawl (ara wkoll in-Noti ta' Spjegazzjoni dwar is-Sistema Armonizzata għall-intestatura 9405 , parti (I)).

Għaldaqstant, il-prodott għandu jiġi kklassifikat taħt il-kodiċi NM 9405 50 00 bħala lampi u tagħmir tad-dawl mhumiex tal-elettriku.