20.3.2014
|
MT
|
Il-Ġurnal Uffiċjali tal-Unjoni Ewropea
|
L 82/3
|
REGOLAMENT TA’ IMPLIMENTAZZJONI TAL-KUMMISSJONI (UE) Nru 278/2014
tad-19 ta’ Marzu 2014
li jemenda r-Regolament (UE) Nru 185/2010 fir-rigward taċ-ċarezza, l-armonizzazzjoni u s-simplifikazzjoni tal-użu tal-individwazzjoni tat-traċċi splussivi
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 300/2008 tal-Parlament Ewropew u tal-Kunsill tal-11 ta’ Marzu 2008 dwar regoli komuni fil-qasam tas-sigurtà tal-avjazzjoni ċivili u li jħassar ir-Regolament (KE) Nru 2320/2002 (1), u b’mod partikolari l-Artikolu 4(3) tiegħu,
Billi:
(1)
|
L-esperjenza mill-implimentazzjoni tar-Regolament tal-Kummissjoni (UE) Nru 185/2010 (2) uriet il-ħtieġa li jiġu riveduti l-modalitajiet ta’ implimentazzjoni tal-istandards bażiċi komuni għall-użu ta’ tekniki tal-Individwazzjoni tat-Traċċi Splussivi (ETD).
|
(2)
|
Il-miżuri speċifiċi tas-sigurtà tal-avjazzjoni għall-użu tal-ETD għandhom jiġu ċċarati, armonizzati u simplifikati ħalli titjieb iċ-ċarezza legali, issir standardizzazzjoni tal-interpretazzjoni komuni tal-leġiżlazzjoni u tibqa’ tkun żgurata l-aqwa implimentazzjoni tal-istandards bażiċi komuni għas-sigurtà tal-avjazzjoni.
|
(3)
|
L-emendi għandhom x’jaqsmu ma’ miżuri li jiddeskrivu l-użu permess tal-ETD fejn jidħol l-iskrinjar ta’ passiġġieri, persuni li mhumiex passiġġieri, bagalji tal-kabina, bagalji tal-istiva, merkanzija, posta, provvisti għal waqt it-titjira u provvisti tal-ajruport u rekwiżiti tekniċi għat-tagħmir ta’ sigurtà tal-ETD.
|
(4)
|
Għaldaqstant ir-Regolament (UE) Nru 185/2010 għandu jiġi emendat skont dan.
|
(5)
|
Il-miżuri stipulati f’dan ir-Regolament huma skont l-opinjoni tal-Kumitat dwar is-Sigurtà tal-Avjazzjoni Ċivili,
|
ADOTTAT DAN IR-REGOLAMENT:
Artikolu 1
L-Anness tar-Regolament (UE) Nru 185/2010 hu emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Marzu 2014.
Għall-Kummissjoni
Il-President
José Manuel BARROSO
(1) ĠU L 97, 9.4.2008, p. 72.
(2) Ir-Regolament tal-Kummissjoni (UE) Nru 185/2010 tal-4 ta’ Marzu 2010 li jistipula miżuri dettaljati għall-implimentazzjoni tal-istandards bażiċi komuni dwar is-sigurtà tal-avjazzjoni (ĠU L 55, 5.3.2010, p. 1).
ANNESS
1.
|
Il-Kapitolu 4 hu emendat kif ġej:
(a)
|
Il-punt 4.1.1.2 jinbidel b’dan li ġej:
“4.1.1.2.
|
Għallinqas il-passiġġieri għandhom jiġu skrinjati b’wieħed mill-metodi li ġejjin:
(b)
|
tagħmir bokka għall-individwazzjoni tal-metall (WTMD);
|
(c)
|
klieb għall-individwazzjoni tal-isplussivi;
|
(d)
|
tagħmir tal-individwazzjoni tat-traċċi splussivi (ETD);
|
(e)
|
skeners tas-sigurtà li ma jużawx radjazzjoni jonizzanti;
|
(f)
|
tagħmir tal-ETD flimkien mat-tagħmir tal-id għall-individwazzjoni tal-metall (HHMD).
|
Meta l-iskrinjatur ma jkunx jista’ jindividwalizza jekk il-passiġġier hux iġorr oġġetti pprojbiti jew le, il-passiġġier ma għandux jingħata aċċess għal żoni ta’ sigurtà ristretta jew għandu jerġa’ jiġi skrinjat sa ma l-iskrinjatur ikun sodisfatt.”
|
|
(b)
|
Il-punt 4.1.1.9 jinbidel b’dan li ġej:
“4.1.1.9
|
Il-klieb għall-individwazzjoni ta’ splussivi u t-tagħmir tal-ETD jistgħu jintużaw biss bħala mezzi supplimentari għall-iskrinjar.”
|
|
(c)
|
Il-punt 4.1.2.3 jinbidel b’dan li ġej:
“4.1.2.3
|
Għallinqas il-bagalji tal-kabina għandhom jiġu skrinjati b’wieħed mill-metodi li ġejjin:
(c)
|
tagħmir ta’ sistemi tal-individwazzjoni tal-isplussivi (EDS);
|
(d)
|
klieb għall-individwazzjoni tal-isplussivi flimkien mal-punt (a);
|
Meta l-iskrinjatur ma jkunx jista’ jindividwalizza jekk il-bagalja tal-kabina fihiex oġġetti pprojbiti jew le, din għandha tiġi rifjutata jew għandha terġa’ tiġi skrinjata sa ma l-iskrinjatur ikun sodisfatt.”
|
|
|
2.
|
Il-Kapitolu 6 hu emendat kif ġej:
(a)
|
Jiddaħħlu dawn il-punti 6.2.1.5 u 6.2.1.6 li ġejjin:
“6.2.1.5
|
Għallinqas il-merkanzija u l-posta għandhom jiġu skrinjati b’wieħed mill-metodi li ġejjin skont id-Dokument Mehmuż 6-J:
(d)
|
klieb għall-individwazzjoni tal-isplussivi (EDD);
|
(g)
|
tagħmir għall-individwazzjoni tal-metall (MDE).
|
Meta l-iskrinjatur ma jkunx jista’ jindividwalizza jekk il-merkanzija jew il-posta fihiex oġġetti pprojbiti jew le, din għandha tiġi rifjutata jew għandha terġa’ tiġi skrinjata sa ma l-iskrinjatur ikun sodisfatt.
|
6.2.1.6
|
Dan il-mezz jew il-metodu li ġej jista’ jiġi applikat biss meta ma jkunx possibbli li jiġi applikat xi mezz jew metodu ieħor speċifikat fil-punt 6.2.1.5 minħabba n-natura tal-kunsinna:
kontrolli oħra xierqa ta’ sigurtà, jekk ikun hemm qbil min-naħa tal-awtorità responsabbli u jkun ġie notifikat lill-Kummissjoni.”
|
|
|
3.
|
Il-Kapitolu 8 hu emendat kif ġej:
(a)
|
Jiddaħħal dan il-punt 8.1.2.3 li ġej:
“8.1.2.3
|
Għandhom jiġu applikati l-mezzi jew il-metodi ta’ skrinjar li ġejjin, b’mod individwali jew inkella flimkien:
(e)
|
it-tagħmir tal-ETD flimkien mal-punt (a);
|
(f)
|
klieb għall-individwazzjoni tal-isplussivi flimkien mal-punt (a).
|
Meta l-iskrinjatur ma jkunx jista’ jindividwalizza jekk l-oġġett fihiex oġġetti pprojbiti jew le, dan għandu jiġi rifjutat jew għandu jerġa’ jiġi skrinjat sa ma l-iskrinjatur ikun sodisfatt.”
|
|
|
4.
|
Il-Kapitolu 9 hu emendat kif ġej:
(a)
|
Jiddaħħal dan il-punt 9.1.2.3 li ġej:
“9.1.2.3
|
Għandhom jiġu applikati l-mezzi jew il-metodi ta’ skrinjar li ġejjin, b’mod individwali jew inkella flimkien:
(e)
|
it-tagħmir tal-ETD flimkien mal-punt (a);
|
(f)
|
klieb għall-individwazzjoni tal-isplussivi flimkien mal-punt (a).
|
Meta l-iskrinjatur ma jkunx jista’ jindividwalizza jekk l-oġġett fihiex oġġetti pprojbiti jew le, dan għandu jiġi rifjutat jew għandu jerġa’ jiġi skrinjat sa ma l-iskrinjatur ikun sodisfatt.”
|
|
|
5.
|
Il-Kapitolu 12 hu emendat kif ġej:
(a)
|
Jiddaħħal il-punt 12.0.3 li ġej:
12.0.3 Il-manifatturi tat-tagħmir għandhom jipprovdu kunċett tal-operazzjonijiet u t-tagħmir għandu jintuża skontu.”
|
(b)
|
Il-punt 12.6. jinbidel b’dan li ġej:
“12.6 IT-TAGĦMIR TAL-INDIVIDWAZZJONI TAT-TRAĊĊI SPLUSSIVI (ETD)
12.6.1 It-tagħmir tal-ETD għandu jkun kapaċi jiġbor u janalizza livelli ta’ traċċi ta’ partikoli jew fwar minn fuq uċuħ kontaminati, jew il-kontenut ta’ bagalji jew kunsinni, u permezz ta’ alarm juri li hemm splussivi. Għall-finijiet tal-iskrinjar, għandhom jintlaħqu dawn ir-rekwiżiti li ġejjin:
(a)
|
L-oġġetti tal-konsum ma għandhomx jintużaw aktar milli rakkomandat mill-manifattur tal-oġġetti tal-konsum jew meta l-prestazzjoni tagħhom tkun tidher li ddeterjorat bl-użu;
|
(b)
|
It-tagħmir tal-ETD għandu jintuża biss f’ambjent li fih it-tagħmir ġie approvat għall-użu.
|
Għandu jkun hemm standards għall-ETD stabbiliti għat-teħid ta’ kampjuni mill-partikoli u mill-fwar. Ir-rekwiżiti dettaljati dwar dawn l-istandards huma stabbiliti f’Deċiżjoni tal-Kummissjoni klassifikata separata.”
|
(c)
|
Jiddaħħlu l-punti 12.6.2 u 12.6.3 li ġejjin:
12.6.2 L-istandard għat-tagħmir tal-ETD li juża t-teħid tal-kampjuni mill-partikoli għandu japplika għat-tagħmir tal-ETD użat mill-1 ta’ Settembru 2014.
12.6.3 L-awtorità responsabbli tista’ tippermetti li tagħmir tal-ETD mhux iċċertifikat jikkonforma mal-hemża 12-L li ntużat qabel l-1 ta’ Lulju 2014 u jibqa’ juża t-teħid tal-kampjuni mill-partikoli sa mhux aktar tard mill-1 ta’ Lulju 2020.”
|
|