(1)

Id-definizzjonijiet ta' “gvern”, “defiċit” u “investiment” huma stipulati fil-Protokoll dwar il-proċedura ta' defiċit eċċessiv anness mat-Trattati u fir-Regolament (KE) Nru 479/2009, b'referenza għas-sistema Ewropea ta' kontijiet nazzjonali u reġjonali fil-Komunità (minn hawn 'il quddiem issir referenza għaliha bħala “ESA 95”) stabbilita permezz tar-Regolament tal-Kunsill (KE) Nru 2223/96 tal-25 ta' Ġunju 1996 dwar is-sistema Ewropea tal-kontijiet nazzjonali u reġjonali fil-Komunità (2).

(2)

Ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta’ kontijiet nazzjonali u reġjonali fl-Unjoni Ewropea (minn hawn 'il-quddiem issir referenza għaliha bħala “ESA 2010”) (3) fih il-qafas ta’ referenza ta’ standards, definizzjonijiet, klassifikazzjonijiet u regoli tal-kontabilità komuni għat-tfassil tal-kontijiet tal-Istati Membri għar-rekwiżiti ta' statistika tal-Unjoni, sabiex jinkisbu riżultati komparabbli bejn l-Istati Membri.

(3)

L-ESA 2010 tikkostitwixxi reviżjoni tal-ESA 95, u għalhekk teħtieġ l-introduzzjoni ta’ referenzi ġodda fir-Regolament (KE) Nru 479/2009.

(4)

Ir-Regolament (KE) Nru 479/2009 għandu għalhekk jiġi emendat skont dan.

(5)

Sabiex tiġi evitata l-konfużjoni dwar l-applikazzjoni tar-referenzi l-ġodda għall-ESA 2010, il-miżuri stipulati f'dan ir-Regolament għandhom japplikaw b'effett mill-1 ta' Settembru 2014,

1.

Ir-referenzi kollha għal “ESA 95” għandhom jinbidlu b'“ESA 2010”.

2.

L-Artikolu 1(1) għandu jinbidel b'li ġej:

“Għall-iskopijiet tal-Protokoll dwar il-proċedura ta' defiċit eċċessiv u ta' dan ir-Regolament, it-termini fil-paragrafi 2 sa 6 huma definiti skont ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta' kontijiet nazzjonali u reġjonali fl-Unjoni Ewropea (minn hawn 'il quddiem imsejħa l-ESA 2010). Il-kodiċijiet ta' bejn il-parentesi jirreferu għal ESA 2010.”;

3.

L-Artikolu 1(3) huwa emendat kif ġej:

4.

It-tieni subparagrafu tal-Artikolu 1(5) għandu jinbidel b'dan li ġej:

“Id-dejn tal-gvern jikkonsisti mill-obbligazzjonijiet tal-amministrazzjoni pubblika fil-kategoriji li ġejjin: valuta u depożiti (AF.2); titoli ta' dejn (AF.3) u self (AF. 4), kif definit fl-ESA 2010”.