li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet ta’ approvazzjoni tas-sustanza attiva estratt mis-siġra tat-te

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2)(c) u l-Artikolu 78(2) tiegħu,

Il-Parti A tal-Anness tar-Regolament ta’ Implimentazzjoni (UE) Nru 540/2011 hi emendata skont l-Anness ta’ dan ir-Regolament.

F’konformità mar-Regolament (KE) Nru 1107/2009 u meta meħtieġ, l-Istati Membri għandhom jemendaw jew jirtiraw awtorizzazzjonijiet eżistenti għall-prodotti għall-protezzjoni tal-pjanti li fihom l-estratt mis-siġra tat-te bħala sustanza attiva sat-12 ta’ Settembru 2014.

Kull perjodu ta’ grazzja li jagħtu l-Istati Membri skont l-Artikolu 46 tar-Regolament (KE) Nru 1107/2009 għandu jkun qasir kemm jista’ jkun u għandu jiskadi sa mhux aktar tard mit-12 ta’ Settembru 2015.

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

(2) Id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tqegħid fis-suq ta’ prodotti għall-protezzjoni tal-pjanti (ĠU L 230, 19.8.1991, p. 1).

(3) Id-Direttiva tal-Kummissjoni 2008/127/KE tat-18 ta’ Diċembru 2008 li temenda d-Direttiva tal-Kunsill 91/414/KEE għall-inklużjoni ta’ bosta sustanzi attivi (ĠU L 344, 20.12.2008, p. 89).

(4) Ir-Regolament tal-Kummissjoni (KE) Nru 2229/2004 tat-3 ta’ Diċembru 2004 li jistabbilixxi aktar regoli fid-dettall għall-implimentazzjoni tar-raba’ stadju tal-programm ta’ ħidma msemmi fl-Artikolu 8(2) tad-Direttiva tal-Kunsill 91/414/KEE (ĠU L 379, 24.12.2004, p. 13).

(5) Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1).

(6) Il-konklużjoni dwar ir-reviżjoni bejn il-pari tal-valutazzjoni tar-riskju tal-pestiċida tas-sustanza attiva estratt mis-siġra tat-te, EFSA Journal 2012; 10(2):2542. Jinsab onlajn: www.efsa.europa.eu/efsajournal.htm

ANNESS

Fil-Parti A tal-Anness tar-Regolament ta’ Implimentazzjoni (UE) Nru 540/2011, ir-ringiela 228 dwar is-sustanza attiva estratt mis-siġra tat-te tinbidel b’dan li ġej:

Numru

Isem Komuni, Numri ta’ Identifikazzjoni

Isem IUPAC

Purità (*)

Data tal-approvazzjoni

Skadenza tal-approvazzjoni

Dispożizzjonijiet speċifiċi

“228

Estratt mis-siġra tat-te

Nru CAS taż-Żejt tas-Siġra tat-Te 68647-73-4

Komponenti ewlenin:

terpinen-4-ol 562-74-3

γ-terpinene 99-85-4

α-terpinene 99-86-5

1,8-cineole 470-82-6

Nru CIPAC 914

Iż-Żejt tas-Siġra tat-Te hu taħlita kumplessa ta’ sustanzi kimiċi.

Komponenti ewlenin:

terpinen-4-ol ≥ 300 g/kg

γ-terpinene ≥ 100 g/kg

γ-terpinene ≥ 50 g/kg

1,8-cineole ≥ 1 g/kg

Impurità rilevanti:

Il-methyl eugenol: mhux aktar minn 1 g/kg tal-materjal tekniku

L-1 ta’ Settembru 2009

Il-31 ta’ Awwissu 2019

PARTI A

L-użi bħala fungiċida fis-serer biss jistgħu jiġu awtorizzati.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta’ analiżi dwar l-estratt mis-siġra tat-te (SANCO/2609/2008 finali), u b’mod partikolari l-Appendiċijiet I u II tiegħu, kif iffinalizzati fil-Kumitat Permanenti dwar il-Katina Alimentari u s-Saħħa tal-Annimali fit-13 ta’ Diċembru 2013.

F’din il-valutazzjoni ġenerali, l-Istati Membri għandhom jagħtu attenzjoni partikolari lil:

—	il-protezzjoni tal-operaturi u l-ħaddiema, billi jiżguraw li l-kundizzjonijiet tal-użu jkun fihom l-applikazzjoni ta’ tagħmir adegwat tal-protezzjoni personali, meta xieraq,

—	il-protezzjoni tal-ilma ta’ taħt l-art, meta s-sustanza tiġi applikata f’reġjuni b’ħamrija u/jew kundizzjonijiet tal-klima vulnerabbli,

—	il-protezzjoni tal-ilma tal-wiċċ u tal-organiżmi akkwatiċi,

—	il-protezzjoni tan-naħal tal-għasel, tal-artropodi mhux fil-mira, tal-ħniex, u tal-mikroorganiżmi u l-makroorganiżmi mhux fil-mira.

Meta xieraq, il-kundizzjonijiet tal-użu għandhom jinkludu miżuri li jtaffu r-riskju.

In-notifikatur għandu jressaq informazzjoni ta’ konferma dwar:

(a)	il-metaboliżmu tal-pjanti u l-esponiment tal-konsumatur;

(b)	it-tossiċità tal-komposti li jikkostitwixxu l-estratt u r-rilevanza ta’ impuritajiet possibbli ħlief il-methyl eugenol;

(c)	l-esponiment tal-ilma ta’ taħt l-art għall-komponenti assorbiti b’inqas qawwa li jikkostitwixxu l-estratt u għal prodotti potenzjali li jbiddlu l-ħamrija;

(d)	l-effetti fuq il-metodi bijoloġiċi għat-trattament tad-drenaġġ.

Din l-informazzjoni, in-notifikatur għandu jagħtiha lill-Kummissjoni, lill-Istati Membri u lill-Awtorità sa mhux aktar tard mit-30 ta’ April 2016.”

(*) Aktar dettalji dwar l-identità u l-ispeċifikazzjoni tas-sustanza attiva jinsabu fir-rapport ta’ analiżi.