|
16.12.2014 |
MT |
Il-Ġurnal Uffiċjali tal-Unjoni Ewropea |
L 359/153 |
DEĊIŻJONI TA' IMPLIMENTAZZJONI TAL-KUMMISSJONI
tal-11 ta' Diċembru 2014
li tawtorizza t-tqegħid fis-suq tal-Clostridium butyricum (CBM 588) bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2014) 9345)
(It-test bl-Ingliż biss huwa awtentiku)
(2014/907/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (1), u b'mod partikulari l-Artikolu 7 tiegħu,
Billi:
|
(1) |
Fit-2 ta' Frar 2012, il-kumpanija Miyarisan Pharmaceutical Co. Ltd. talbet lill-awtoritajiet kompetenti tar-Renju Unit biex tqiegħed il-Clostridium butyricum (CBM 588) fis-suq bħala ingredjent tal-ikel ġdid li jista' jintuża fis-supplimenti tal-ikel. |
|
(2) |
Fl-14 ta' Mejju 2013, l-entità kompetenti tal-valutazzjoni tal-ikel tar-Renju Unit ħarġet ir-rapport tal-valutazzjoni inizjali tagħha. F'dak ir-rapport waslet għall-konklużjoni li l-Clostridium butyricum (CBM 588) jissodisfa l-kriterji bħala ikel ġdid kif stabbiliti fl-Artikolu 3(1) tar-Regolament (KE) Nru 258/97. |
|
(3) |
Fl-4 ta' Settembru 2013, il-Kummissjoni bagħtet ir-rapport tal-valutazzjoni inizjali lill-Istati Membri l-oħra. |
|
(4) |
Tul il-perjodu ta' 60 jum stabbilit fl-ewwel subparagrafu tal-Artikolu 6(4) tar-Regolament (KE) Nru 258/97 tqajmu xi oġġezzjonijiet motivati. B'konformità mal-Artikolu 7(1) tar-Regolament (KE) Nru 258/97, trid issir Deċiżjoni ta' Implimentazzjoni tal-Kummissjoni li tqis l-oġġezzjonijiet li saru. L-ispjegazzjonijiet addizzjonali mogħtija mill-applikant ikkalmaw dan it-tħassib għas-sodisfazzjon tal-Istati Membri u l-Kummissjoni. |
|
(5) |
Id-Direttiva 2002/46/KE tal-Parlament Ewropew u tal-Kunsill (2) tistabbilixxi rekwiżiti dwar is-supplimenti tal-ikel. L-użu tal-Clostridium butyricum (CBM 588) għandu jkun awtorizzat mingħajr preġudizzju għar-rekwiżiti ta' dik il-leġiżlazzjoni. |
|
(6) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Il-Clostridium butyricum (CBM 588) kif speċifikat fl-Anness jista' jitqiegħed fis-suq fl-Unjoni bħala ingredjent tal-ikel ġdid li jista' jintuża fis-supplimenti tal-ikel b'doża massima ta' 1,35 × 108 CFU kuljum mingħajr preġudizzju għad-dispożizzjonijiet speċifiċi tad-Direttiva 2002/46/KE.
Artikolu 2
Id-denominazzjoni tal-Clostridium butyricum (CBM 588) awtorizzata b'din id-Deċiżjoni fuq it-tikkettar tal-oġġetti tal-ikel li fihom dan l-ingredjent għandha tkun “Clostridium butyricum MIYAIRI 588 (CBM 588)” jew “Clostridium butyricum (CBM 588)”.
Artikolu 3
Din id-Deċiżjoni hija indirizzata lil Miyarisan Pharmaceutical Co. Ltd, 1-10-3, Kaminakazato, Kita-Ku, Tokyo 114-0016, il-Ġappun.
Magħmul fi Brussell, il-11 ta' Diċembru 2014.
Għall-Kummissjoni
Vytenis ANDRIUKAITIS
Membru tal-Kummissjoni
(2) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS
SPEĊIFIKAZZJONI TAL-CLOSTRIDIUM BUTYRICUM (CBM 588)
Definizzjoni : Clostridium butyricum (CBM 588) huwa batterju gram-pożittiv, jifforma spori, anerobiku obbligat, mhux patoġeniku u mhux modifikat ġenetikament.
Deskrizzjoni : Pilloli ta' kulur abjad jew griż ċar b'riħa karatteristika u togħma ħelwa.
Kriterji mikrobijoloġiċi:
|
Għadd totali ta' batterji aerobiċi vijabbli |
Mhux aktar minn 103 CFU/g |
|
Escherichia coli |
Mhux individwat f'1 g |
|
Staphylococcus aureus |
Mhux individwat f'1 g |
|
Pseudomonas aeruginosa |
Mhux individwat f'1 g |
|
Ħmira u moffa |
Mhux aktar minn 102 CFU/g |