(1)

L-Artikolu 10(4) tal-Protokoll Nru 36 ippermetta lir-Renju Unit, mhux aktar tard minn sitt xhur qabel l-iskadenza tal-perijodu transizzjonali ta' ħames snin, wara d-dħul fis-seħħ tat-Trattat ta' Lisbona, li jinnotifika lill-Kunsill li dan ma jaċċettax, fir-rigward tal-atti tal-Unjoni fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali li ġew adottati qabel id-dħul fis-seħħ tat-Trattat ta' Lisbona, is-setgħat tal-Kummissjoni u tal-Qorti tal-Ġustizzja kif imsemmi fl-Artikolu 10(1) tal-Protokoll Nru 36.

(2)

Permezz ta' ittra lill-President tal-Kunsill tal-24 ta' Lulju 2013, ir-Renju Unit għamel użu mill-possibbiltà msemmija hawn fuq billi ta notifika lill-Kunsill li ma jaċċettax is-setgħat imsemmija tal-Kummissjoni u tal-Qorti tal-Ġustizzja, bil-konsegwenza li l-atti rilevanti fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali ma jibqgħux japplikaw għar-Renju Unit fl-1 ta' Diċembru 2014.

(3)

L-Artikolu 10(5) tal-Protokoll Nru 36 jippermetti lir-Renju Unit jinnotifika x-xewqa tiegħu li jipparteċipa fl-atti msemmija hawn fuq, inkluż dawk l-atti li huma parti mill-acquis ta' Schengen, f'liema każ id-dispożizzjonijiet rilevanti tal-Protokoll ta' Schengen għandhom japplikaw.

(4)

Permezz ta' ittra lill-President tal-Kunsill u lill-President tal-Kummissjoni li ssir effettiva fl-1 ta' Diċembru 2014, ir-Renju Unit għamel użu mill-possibbiltà msemmija hawn fuq billi ta notifika lill-Kunsill tax-xewqa tiegħu li jipparteċipa f'xi dispożizzjonijiet tal-acquis ta' Schengen li jinsabu f'atti tal-Unjoni fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali li kien diġà qed jieħu sehem fihom f'konformità mad-Deċiżjoni tal-Kunsill 2000/365/KE (1), id-Deċiżjoni tal-Kunsill 2004/926/KE (2) u l-Artikolu 5(1) tal-Protokoll ta' Schengen.

(5)

Għaldaqstant, jeħtieġ li jiġu identifikati l-atti u d-dispożizzjonijiet fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali li huma parti mill-acquis ta' Schengen li r-Renju Unit ser ikompli jipparteċipa fihom wara n-notifika ta' hawn fuq dwar ix-xewqa tiegħu li jagħmel dan u għalhekk li jiġu emendati d-Deċiżjoni 2000/365/KE u d-Deċiżjoni 2004/926/KE.

(6)

Id-Deċiżjoni 2000/365/KE u d-Deċiżjoni 2004/926/KE, kif emendati, b'hekk jibqgħu japplikaw, b'mod partikolari fir-rigward ta' dawk id-dispożizzjonijiet tal-acquis ta' Schengen li r-Renju Unit kien awtorizzat li jieħu sehem fihom u li mhumiex atti u dispożizzjonijiet fil-qasam ta' kooperazzjoni tal-pulizija u tal-koperazzjoni ġudizzjarja f'materji kriminali kif imsemmi fl-Artikolu 10(1) tal-Protokoll Nru 36.

(7)

Bl-istess mod, ir-Renju Unit ser ikompli jipparteċipa f'dawk l-atti u d-dispożizzjonijiet tal-acquis ta' Schengen li kien awtorizzat jieħu sehem fihom, li għalkemm huma atti u dispożizzjonijiet fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali adottati qabel id-dħul fis-seħħ tat-Trattat ta' Lisbona, ġew emendati b'att, applikabbli għar-Renju Unit, adottat wara l-imsemmi dħul fis-seħħ u li għalhekk jaqgħu taħt l- Artikolu 10(2) tal-Protokoll Nru 36. Dan huwa l-każ fir-rigward tad-Deċiżjoni tal-Kumitat Eżekuttiv tas-16 ta' Settembru 1998 (3) dwar il-Mekkaniżmu ta' Evalwazzjoni ta' Schengen li ġie emendat bir-Regolament tal-Kunsill (UE) Nru 1053/2013 (4), u tal-Artikoli 48 sa 53 tal-Konvenzjoni tal-1990 li timplimenta l-Ftehim ta' Schengen tal-14 ta' Ġunju 1985 kif ukoll il-Konvenzjoni dwar Assistenza Reċiproka f'Affarijiet Kriminali bejn l-Istati Membri tal-Unjoni Ewropea (5), u l-Protokoll tagħha (6), li ġew emendati bid-Direttiva 2014/41/UE tal-Parlament Ewropew u tal-Kunsill (7). Dan huwa wkoll il-każ fir-rigward tal-Ftehim bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera mal-implimentazzjoni, applikazzjoni u żvilupp tal-acquis ta' Schengen (8), li ġie emendat bil-Protokoll dwar l-adeżjoni tal-Prinċipat ta' Liechtenstein għal dak il-Ftehim (minn hawn 'il quddiem “il-Ftehim tal-2008 dwar l-assoċjazzjoni tal-Isvizzera mal-acquis ta' Schengen”) (9)

(8)

Kif imfakkar fid-Deċiżjoni 2000/365/KE, ir-Renju Unit għandu pożizzjoni speċjali fir-rigward ta' materji koperti mit-Titolu V tat-Tielet Parti tat-Trattat dwar il-Funzjonament tal-Unjoni Ewropea (TFUE), kif rikonoxxut fil-Protokoll ta' Schengen, kif ukoll fil-Protokoll Nru 20 dwar l-applikazzjoni ta' ċerti aspetti tal-Artikolu 26 tat-TFUE għar-Renju Unit u għall-Irlanda (minn hawn 'il quddiem “Protokoll Nru 20”) u l-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta' Libertà, Sigurtà u Ġustizzja (minn hawn 'il quddiem “Protokoll Nru 21”), anness mat-Trattat dwar l-Unjoni Ewropea u mat-TFUE. Minħabba din il-pożizzjoni speċjali, il-Protokoll ta' Schengen jipprevedi l-possibbiltà li r-Renju Unit jipparteċipa f'uħud mid-dispożizzjonijiet tal-acquis ta' Schengen.

(9)

F'konformità mal-Artikolu 10(5), tal-Protokoll Nru 36, il-parteċipazzjoni tar-Renju Unit f'xi dispożizzjonijiet tal-acquis ta' Schengen li jinsabu fl-atti tal-Unjoni fil-qasam tal-kooperazzjoni tal-pulizija u tal-kooperazzjoni ġudizzjarja f'materji kriminali kif previst f'din id-Deċiżjoni terġa' tistabbilixxi l-akbar livell possibbli ta' parteċipazzjoni tar-Renju Unit fl-acquis ta' Schengen tal-Unjoni fl-ispazju ta' libertà, sigurtà u ġustizzja mingħajr ma tintlaqat b'mod serju l-operabbiltà prattika tad-diversi partijiet tiegħu, u filwaqt li tiġi rispettata l-koerenza tagħhom.

(10)

Kif imfakkar fid-Deċiżjoni 2000/365/KE, l-acquis ta' Schengen kien maħsub u jopera bħala ġabra koerenti li trid tkun aċċettata u applikata bis-sħiħ mill-Istati kollha li jappoġġaw il-prinċipju tal-abolizzjoni ta' kontrolli fuq persuni fil-fruntieri komuni tagħhom.

(11)

Is-setgħa ta' implimentazzjoni biex jiġu adottati d-deċiżjonijiet taħt l-Artikoli 5(1) u 6(1) tad-Deċiżjoni 2000/365/KE, fejn l-acquis ta' Schengen ser jiġi applikat għaċ-Channel Islands u l-Isle of Man u l-acquis relevanti dwar is-Sistema ta' Informazzjoni ta' Schengen ser jidħol fis-seħħ għar-Renju Unit għandha tiġi konferita lill-Kunsill. Dan huwa fid-dawl tar-rwol speċifiku fdat lill-Kunsill mill-Protokoll ta' Schengen fir-rigward tal-qbil, b'mod unanimu, dwar parteċipanti ġodda fl-acquis ta' Schengen, kif ukoll fid-dawl tal-livell għoli ta' fiduċja reċiproka bejn l-Istati Membri li hija meħtieġa meta jiġi eżaminat li l-prekundizzjonijiet għall-implimentazzjoni tad-dispożizzjonijiet dwar is-Sistema ta' Informazzjoni ta' Schengen ġew issodisfati u meta tittieħed id-deċiżjoni sussegwenti li biha dawk id-dispożizzjonijiet ser jidħlu fis-seħħ għar-Renju Unit. Il-Kunsill għandu jaġixxi bl-unanimità tal-membri tiegħu msemmija fl-Artikolu 1 tal-Protokoll ta' Schengen u tar-rappreżentant tal-Gvern tar-Renju Unit.

(12)

F'konformità mal-Artikolu 2 tal-Ftehim konkluż mill-Kunsill tal-Unjoni Ewropea u r-Repubblika tal-Islanda u r-Renju tan-Norveġja dwar l-istabbiliment ta' drittijiet u obbligi bejn l-Irlanda u r-Renju Unit tal-Gran Brittanja u l-Irlanda ta' Fuq, minn naħa, u r-Repubblika tal-Islanda u r-Renju tan-Norveġja, min-naħa l-oħra, fl-oqsma tal-acquis ta' Schengen li japplikaw għal dawn l-Istati (10), il-Kumitat Mist, stabbilit skont l-Artikolu 3 tal-Ftehim konkluż mill-Kunsill tal-Unjoni Ewropea u r-Repubblika tal-Islanda u r-Renju tan-Norveġja li jikkonċerna l-assoċjazzjoni ta' dawn tal-aħħar mal-implimentazzjoni, l-applikazzjoni u l-iżvilupp tal-acquis ta' Schengen, ġie kkonsultat (11) skont l-Artikolu 4 tiegħu dwar it-tħejjija ta' din id-Deċiżjoni.

(13)

F'konformità mal-Artikolu 5 ta' dak il-Ftehim tal-2008 dwar l-assoċjazzjoni mal-acquis ta' Schengen, il-Kumitat Mist stabbilit skont l-Artikolu 3 tiegħu ġie infurmat dwar it-tħejjija ta' din id-Deċiżjoni.

(1)

L-Artikolu 1 huwa emendat kif ġej:

(2)

L-Artikolu 2, 3 u 4 huma mħassra.

(3)

L-Artikolu 5 huwa emendat kif ġej:

(4)

L-Artikolu 6 huwa emendat kif ġej:

(5)

Fl-Artikolu 7, il-paragrafu 1 huwa mħassar u jsir referenza unika.

(1)

Fl-Artikolu 1, jiżdied il-paragrafu li ġej:

“Mill-1 ta' Diċembru 2014, ir-Renju Unit għandu jkompli japplika d-dispożizzjonijiet imsemmija fl-Artikoli 1(a)(i), (b) u (c) u 5(2) tad-Deċiżjoni 2000/365/KE, kif emendata bid-Deċiżjoni tal-Kunsill Nru 2014/857/UE (*3), kif ukoll id-dispożizzjonijiet tal-atti elenkati fl-Annessi I u II għal din id-Deċiżjoni, kif emendata bid-Deċiżjoni Nru 2014/857/UE.

(*3)  Id-Deċiżjoni tal-Kunsill 2014/857/UE tal-1 ta' Diċembru 2014 dwar in-notifika tar-Renju Unit tal-Gran Brittanja u l-Irlanda ta' Fuq rigward ix-xewqa tiegħu li jieħu sehem f'xi dispożizzjonijiet tal-acquis ta' Schengen li jinsabu fl-atti tal-Unjoni fil-qasam tal-kooperazzjoni tal-pulizija u l-kooperazzjoni ġudizzjarja f'materji kriminali u li temenda d-Deċiżjonijiet 2000/365/KE u 2004/926/KE (ĠU L 345, 1.12.2014, p. 1).” "

(2)

Fl-Anness I: